ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ФАЪОЛИЯТИ САВДОИ ХОРИҶӢ"

Моддаи 1. Ба Қонуни Ҷумҳурии Тоҷикистон "Дар бораи фаъолияти савдои хориҷӣ" аз 3 июли соли 2012 (Ахбори Маҷлиси Олии Ҷумҳурии Тоҷикистон, с. 2012, №7, мод. 696; с. 2015, №7-9, мод. 703) тағйиру иловаҳои зерин ворид карда шаванд:

1. Дар муқаддима калимаи "танзим" ба калимаи "муайян" иваз карда шавад.

2. Дар сархатҳои якум, панҷум, шашум ва даҳуми моддаи 2, сархати чоруми моддаи 5, қисми 3 моддаи 6, қисмҳои 1 ва 2 моддаи 7, қисми 2 моддаи 15, қисми 1 моддаи 20, қисми 1 моддаи 31, қисми 1 моддаи 33, қисми 2 моддаи 50, қисмҳои 1 ва 2 моддаи 52 ва қисми 3 моддаи 53 калимаҳои "қаламрав", "қаламрави" ва "қаламраве" мувофиқан ба калимаҳои "ҳудуд", "ҳудуди" ва "ҳудуде" иваз карда шаванд.

3. Дар сархати ҳафтуми моддаи 2 калимаҳои "аз ҳудуди қаламрави" ба калимаҳои "аз доираи ҳудуди" иваз карда шаванд.

4. Аз матни моддаи 3 калимаи "(Сарқонуни)" хориҷ карда шавад.

5. Дар моддаи 5:

- дар номи модда калимаи "Принсипҳои" ба калимаҳои "Принсипҳо ва усулҳои" иваз карда шавад;

- матни модда қисми 1 ҳисобида, рақамгузорӣ карда шавад;

- қисми 2 бо мазмуни зерин илова карда шавад:

"2. Танзими давлатии фаъолияти савдои хориҷӣ бо усулҳои зерин амалӣ карда мешавад:

- танзими гумрукию тарифӣ ва ғайритарифӣ;

- муқаррарсозии мамнӯият ва маҳдудиятҳо нисбат ба навъҳои алоҳидаи мол ва хизматрасонӣ;

- татбиқи чораҳои дорои хусусияти иқтисодӣ-маъмурии ба рушди фаъолияти савдои хориҷӣ мусоидаткунанда ва бо Қонуни мазкур пешбинигардида.".

6. Ба моддаи 8 сархати шашум бо мазмуни зерин илова карда шавад:

"- муқаррар кардани квотаҳо барои содирот ва (ё) воридоти навъҳои алоҳидаи мол;".

7. Дар моддаи 24:

- қисми 4 бо мазмуни зерин илова карда шавад:

"4. Аз болои қарор дар бораи рад кардани додани иҷозат барои воридот, содирот ё транзити мол ба мақоми болоӣ ё суд шикоят овардан мумкин аст.";

- қисми 4 қисми 5 ҳисобида шавад.

8. Дар қисмҳои 1 ва 2 моддаи 53 калимаҳои "хизматҳои дар ҳудуди қаламрави" ва "дар ҳудуди қаламрави" мувофиқан ба калимаҳои "хизматрасониҳои дар доираи ҳудуди" ва "дар доираи ҳудуди" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.