Тартиби муайян намудани минтақаҳои муҳофизатӣ барои объектҳои гидроэнергетикӣ, шартҳои махсуси истифодаи об ва истифодаи қитъаҳои паҳнои соҳилҳо (аз ҷумла дар қитъаҳои ҳамсарҳади иншооти гидроэнергетикӣ) дар сарҳади онҳо

Санаи амалкуни:

Ҳолати ҳуҷҷат: Амалкунанда

Бо қарори Ҳукумати

Ҷумҳурии Тоҷикистон

аз 25 ноябри соли 2021, №501

тасдиқ шудааст

Тартиби муайян намудани минтақаҳои муҳофизатӣ барои объектҳои гидроэнергетикӣ, шартҳои махсуси истифодаи об ва истифодаи қитъаҳои паҳнои соҳилҳо (аз ҷумла дар қитъаҳои ҳамсарҳади иншооти гидроэнергетикӣ) дар сарҳади онҳо

1. Тартиби муайян намудани минтақаҳои муҳофизатӣ барои объектҳои гидроэнергетикӣ, шартҳои махсуси истифодаи об ва истифодаи қитъаҳои паҳнои соҳилҳо (аз ҷумла дар қитъаҳои ҳамсарҳади иншооти гидроэнергетикӣ) дар сарҳади онҳо (минбаъд - Тартиби мазкур) дар асоси моддаи 82 Кодекси оби Ҷумҳурии Тоҷикистон таҳия гардида, қоидаҳои муайян намудани минтақаҳои муҳофизатӣ барои объектҳои гидроэнергетикӣ, шартҳои махсуси истифодаи об ва истифодаи қитъаҳои паҳнои соҳилҳо (аз ҷумла дар қитъаҳои ҳамсарҳади иншооти гидроэнергетикӣ) дар сарҳади онҳоро муқаррар менамояд.

2. Минтақаҳои муҳофизатӣ дар марзобгоҳҳои (акваторияҳои) объектҳои об, аз ҷумла дар шафати барғи болоӣ ва поёнии гидроузелҳои объектҳои гидроэнергетикӣ, воқеъ дар қитъаҳои объектҳои об, дар қитъаҳои паҳноҳои соҳилӣ (аз ҷумла дар қитъаҳои ҳамсарҳади иншооти гидроэнергетикӣ), қитъаҳои дарёбод барои таъмини фаъолияти бехатару бесадама ва истифодаи бехатари объектҳои гидроэнергетикӣ, аз ҷумла сарбандҳо, биноҳои неругоҳҳои барқи обӣ, иншооти обпарто, обсардиҳӣ ва обхоликунӣ муқаррар карда мешаванд.

3. Минтақахои муҳофизатӣ қад-қади сарбанди объекти гидроэнергетикӣ дар фазои обӣ аз сатҳи об то қаър байни хатҳои соҳилӣ ҳангоми танбашавии муътадили сатҳи об дар барғи болоӣ ва сатҳи миёнаи бисёрсолаи об дар барғи поёнӣ, ки бо ҳамвориҳои амудии мусовии нисбат ба меҳвари иншооти обтанбашавӣ дар масофаҳои зерин аз ҳар ду тараф дуристода муқаррар мегарданд:

- барои объектҳои дорои хатарнокии дараҷаи баланд - 500 метр дар барғи болоӣ ва поёнии гидроузел;

- барои объектҳои дорои хатарнокии дараҷаи миёна - 350 метр дар барғи болоӣ ва поёнии гидроузел;

- барои объектҳои дорои хатарнокии дараҷаи паст - 200 метр дар барғи болоӣ ва поёнии гидроузел.

4. Минтақаҳои муҳофизатӣ қад-қади хатти соҳилии объектҳои об дар барғи болоӣ ва поёнии гидроузел ба намуди хатти заминӣ дар соҳили маҷрои обгузар бо паҳноии 20 метр муқаррар карда мешаванд, ки тӯлкашии он ба масофа аз меҳвари иншооти обтанбашавӣ, ки дар банди 3 Тартиби мазкур муқаррар шудааст, баробар мебошад.

5. Нисбат ба объектҳои гидроэнергетикии истифодашаванда ва сохташаванда минтақаҳои муҳофизатӣ муқаррар карда мешаванд.

6. Минтақаҳои муҳофизатӣ нисбат ба объектҳои гидроэнергетикии сохташаванда то ба истифодабарии муваққатӣ ва ё доимӣ супоридани онҳо муқаррар карда мешаванд.

7. Минтақаҳои муҳофизатӣ нисбат ба объектҳои гидроэнергетикии тарҳрезишаванда дар ҳуҷҷатҳои лоиҳавии объектҳои гидроэнергетикӣ нишон дода мешаванд.

8. Минтақаҳои муҳофизатӣ аз санаи ворид намудани маълумот оид ба сарҳади онҳо ба кадастри давлатии замин муқарраршуда ҳисобида мешаванд.

9. Сарҳади минтақаҳои муҳофизатӣ бояд бо мақоми ваколатдори давлатӣ дар соҳаи ҳифзи муҳити зист мувофиқа карда шавад.

10. Барои мувофиқа кардани сарҳади минтақаҳои муҳофизатӣ ташкилоте, ки дорои ҳуқуқи моликият ба таҷҳизоти гидроэнергетикӣ (гидротурбинаи) объекти гидроэнергетикии истифодашаванда (сохташаванда) мебошад ва ё ҳуҷҷати лоиҳавӣ барои объекти гидроэнергетикии тарҳрезишаванда дорад (минбаъд - оператори объекти гидроэнергетикӣ), ба мақоми ваколатдори давлатӣ дар соҳаи ҳифзи муҳити зист ариза оид ба мувофиқасозии сарҳади минтақаҳои муҳофизатӣ бо замимаи ҳатмии маълумот доир ба сарҳади минтақаҳои муҳофизатӣ, ки бояд дорои тавсифоти матнӣ ва ҷадвалии макони ҷойгиршавии сарҳади чунин минтақаҳо, ҳамчунин номгӯйи координати нуқтаҳои хоси ин сархадҳо дар низоми координатҳое, ки барои пешбурди кадастри давлатии замин муқаррар шудааст (минбаъд - маълумот оид ба сарҳади минтақаҳои муҳофизатӣ), пешниҳод менамояд. Ҳуҷҷатҳои зикргардида бояд дар давоми 15 рӯзи корӣ аз санаи воридшавии онҳо баррасӣ карда шаванд.

11. Агар параметрҳои сарҳади минтақаҳои муҳофизатӣ ба талабот нисбат ба муқаррар намудани сарҳади минтақаҳои муҳофизатии бо Тартиби мазкур пешбининамуда, мувофиқат накунад, дар ин маврид мувофиқа гардонидани сарҳади минтақаҳои муҳофизатӣ рад карда мешавад.

12. Дар ҳолати қабули қарор оид ба мувофиқа гардонидани сарҳади минтақаҳои муҳофизатӣ дар тавсифоти матнӣ ва ҷадвалии макони ҷойгиршавии сарҳади минтақаҳои муҳофизатӣ бо шароитҳои махсуси истифодабарии замин қайд дар бораи мувофиқа гузошта мешавад, ки он бо муҳр ва имзои шахси мансабдори мақоми ваколатдори давлатӣ дар соҳаи ҳифзи муҳити зист тасдиқ карда мешавад. Оператори объекти гидроэнергетикӣ ба мақоми ваколатдори давлатӣ дар соҳаи батанзимдарории муносибатҳои вобаста ба замин ҳуҷҷати бо мақоми ваколатдори давлатӣ дар соҳаи ҳифзи муҳити зист мувофиқагардидаро, ки маълумот оид ба сарҳади минтақаҳои муҳофизатиро инъикос мекунад, аз ҷумла номгӯйи онҳо ва мундариҷаи маҳдудиятҳои истифодабарии объектҳои ғайриманқул дар сарҳади онҳоро, бо замимаи тавсифоти матнӣ ва ҷадвалии макони ҷойгиршавии сарҳадҳои чунин минтақаҳо, ҳамчунин номгӯйи координатҳои нуқтаҳои хоси ин сарҳадҳоро дар низоми координатҳое, ки барои пешбурди кадастри давлатии замин муқаррар шудааст, пешниҳод менамояд.

13. Аломатгузорӣ дар маҳалли сарҳади минтақаҳои муҳофизатӣ аз ҷониби оператори объекти гидроэнергетикӣ дар марзобгоҳи объектҳои об дар барғи болоӣ ва поёнии гидроузел, ҳамчунин дар паҳнои соҳилии объекти обӣ дар мавзеи будубоши оммавии шаҳрвандон тавассути гузоштани аломатҳои огоҳкунанда, ки нишондоди андозаи минтақаҳои муҳофизатӣ, иттилоот оид ба оператори объекти гидроэнергетикӣ ва зарурати риояи шарти махсуси обистифодабариро дар бар мегирад, амалӣ мегардад.

14. Тартиби насби аломатҳои огоҳкунанда барои нишон додани сарҳадҳои минтақаҳои муҳофизатии объектҳои гидроэнергетикӣ аз ҷониби мақоми ваколатдори давлатӣ дар соҳаи ҳифзи муҳити зист муқаррар мешавад.

15. Мувофиқа намудани истифодаи объектҳои об (истифодаи об) дар минтақаҳои муҳофизатӣ бо оператори объекти гидроэнергетикӣ ҳатмӣ мебошад.

16. Намудҳои зерини фаъолият (истифодаи об) дар минтақаҳои муҳофизатӣ мувофиқа мегарданд:

- истифодабарии марзобгоҳи объектҳои об барои мақсадҳои фароғатӣ;

- бунёди платформаҳои доимӣ ва (ё) шинокунанда, ҷазираҳои сунъӣ, ҳамчунин қитъаҳои сунъии замин;

- иктишоф ва истихроҷи канданиҳои фоиданок;

- истироҳати муташаккилонаи шаҳрвандон;

- сохтмони бандарҳо, иншооти болобардори киштиҳо ва таъмири киштиҳо;

- сохтмони иншооти гидротехникӣ, пулҳо, ҳамчунин гузаргоҳҳои зериобӣ ва зеризаминӣ, лӯлақубурҳо ва хатҳои зериобии алоқа;

- гузаронидани корҳои қаъркобӣ, таркишӣ, пармакунӣ ва корҳое, ки ба тағйирёбии қаър ва соҳили объектҳои об алоқаманданд;

- шинокунии киштиҳои хурд, мотосиклҳои обӣ ва воситаҳои техникие, ки барои истироҳат дар объектҳои об пешбинӣ шудаанд;

- амалигардонии парвози яккарата ва фуруди яккаратаи киштиҳои ҳавоӣ;

- шикор, тамоми намуди моҳигирӣ, ба истиснои моҳигирӣ бо мақсадҳои моҳипарварӣ (аквакултура);

- оббозӣ ва қонеъ гардонидани талаботи дигари шахсӣ ва маишии шаҳрвандон;

- ба роҳ мондани омӯзиши геологӣ, ҳамчунин корҳои геофизикӣ, геодезӣ, картографӣ, топографӣ, гидрографӣ ва ғаввосӣ;

- назорати санитарӣ ва карантинӣ;

- мақсадҳои илмӣ ва таълимӣ;

- фаъолияти хоҷагидорӣ ва фаъолияти вобаста ба қитъаҳои паҳноҳои соҳилии объектҳои об (аз ҷумла, дар қитъаҳои ҳамшафати объектҳои гидроэнергетикӣ) дар минтақаи муҳофизатӣ.

17. Қарор оид ба мувофиқагардонии амалӣ намудани фаъолият (истифодаи об) дар минтақаи муҳофизатӣ мувофиқан ба муҳлати амалӣ намудани фаъолият (истифодаи об) дар минтақаи муҳофизатӣ, ки дар банди 16 Тартиби мазкур пешбинӣ гаштааст ва ё ба муҳлати амалигардонии фаъолияти хоҷагидорӣ ва фаъолияти вобаста ба қитъаҳои паҳноҳои соҳилии объектҳои об (аз ҷумла дар қитъаҳои пайвастшавӣ ба объектҳои гидроэнергетикӣ) дар минтақаи муҳофизатӣ дода мешавад.

18. Барои ба даст овардани қарор оид ба мувофиқагардонии амалӣ намудани фаъолият (истифодаи об) дар минтақаҳои муҳофизатӣ шахсони воқеӣ ё шахсони ҳуқуқӣ (минбаъд - дархосткунанда) бо аризаи хаттӣ ба оператори объекти гидроэнергетикӣ дар муҳлати на дертар аз 15 шабонарӯз то оғози амалӣ намудани фаъолият (обистифодабарӣ) дар минтақаҳои муҳофизатӣ муроҷиат менамоянд.

19. Оператори объекти гидроэнергетикӣ дар давоми 5 рӯзи корӣ аз рӯзи ворид шудани ариза онро баррасӣ карда, қарор оид ба мувофиқагардонии (рад намудани мувофиқагардонии) амалӣ намудани фаъолият (истифодаи об) дар минтақаҳои муҳофизатиро қабул менамояд.

20. Қарор оид ба мувофиқа гардонидани (рад намудани мувофиқагардонӣ) истифодаи об ё амалӣ намудани фаъолият дар минтақаҳои муҳофизатӣ ба дархосткунанда супорида мешавад.

21. Дар мавриди ба вуқӯъ омадани ҳолатҳои садамавӣ (фавқулода) дар иншооти гидроэнергетикӣ қарор оид ба мувофиқа гардонидани амалӣ намудани фаъолият (истифодаи об) дар минтақаҳои муҳофизатӣ фавран аз ҷониби оператори объекти гидроэнергетикӣ бекор карда мешавад. Оператори объекти гидроэнергетикӣ фавран ба ҳама гуна восита оид ба бекор намудани қарори зикргардида дархосткунандаро огоҳ менамояд.

22. Раддияи асоснок вобаста ба мувофиқагардонии амалӣ намудани фаъолият (истифодаи об) дар минтақаҳои муҳофизатӣ дар мавриде иҷозат дода мешавад, ки агар амалӣ намудани фаъолияти (истифодаи об) дахлдор боиси халалрасонӣ ба фаъолияти объекти гидроэнергетикӣ гардад.

23. Ба ариза оид ба пешниҳоди объекти об барои истифода, қарор оид ба мувофиқа намудани амалигардонии фаъолият (истифодаи об) дар минтақаҳои муҳофизатӣ замима мегардад, ки ба мақомоти иҷроияи ҳокимияти давлати вобаста ба пешниҳоди объекти об барои истифода ваколатдор, дар ҳолати амалӣ намудани фаъолиятҳои дар сархати якум ва ҳафтуми банди 16 Тартиби мазкур пешбинишуда, ирсол карда мешавад.

24. Аз болои раддияи оператори объекти гидроэнергстикӣ вобаста ба додани қарор оид ба мувофиқаи амалӣ намудани фаъолият (истифодаи об) дар минтақаҳои муҳофизатӣ бо тартиби судӣ шикоят оварда мешавад.

Утвержден

постановлением Правительства

Республики Таджикистан

от 25 ноября 2021 года, №501

Порядок определения охранных зон для гидроэнергетических объектов, особых условий водопользования и использования участков береговой полосы (в том числе участков примыкания к гидроэнергетическим объектам) в их границах

1. Порядок определения охранных зон для гидроэнергетических объектов, особых условий водопользования и использования участков береговой полосы (в том числе участков примыкания к гидроэнергетическим объектам) в их границах (далее - настоящий Порядок) разработан на основании статьи 82 Водного кодекса Республики Таджикистан и устанавливает правила определения охранных зон для гидроэнергетических объектов, особых условий водопользования и использования участков береговой полосы (в том числе участков примыкания к гидроэнергетическим объектам) в их границах.

2. Охранные зоны устанавливаются в акваториях водных объектов, в том числе в верхних и нижних бьефах гидроузлов, гидроэнергетических объектов, расположенных на участках водных объектов, участках береговой полосы (в том числе на участках примыкания к гидроэнергетическим объектам), участках поймы для обеспечения безопасного и безаварийного функционирования и безопасной эксплуатации гидроэнергетических объектов, в том числе плотин, зданий гидроэлектростанций, водосбросных, водоспускных и водовыпускных сооружений.

3. Охранные зоны устанавливаются вдоль плотины гидроэнергетического объекта на водном пространстве от водной поверхности до дна между береговыми линиями при нормальном подпорном уровне воды в верхнем бьефе и среднемноголетнем уровне вод в нижнем бьефе, ограниченном параллельными вертикальными плоскостями, отстоящими по обе стороны от оси водоподпорного сооружения на следующих расстояниях:

- для объектов высокой категории опасности - 500 м в верхнем и нижнем бьефе гидроузла;

- для объектов средней категории опасности - 350 м в верхнем и нижнем бьефе гидроузла;

- для объектов низкой категории опасности - 200 м в верхнем и нижнем бьефе гидроузла.

4. Охранные зоны устанавливаются вдоль береговой линии водных объектов в верхнем и нижнем бьефе гидроузла в виде земельной полосы на пойме шириной 20 метр, протяженность которой равна расстоянию от оси водоподпорного сооружения, установленному пунктом 3 настоящего Порядка.

5. Охранные зоны устанавливаются в отношении эксплуатируемых и строящихся гидроэнергетических объектов.

6. В отношении строящихся гидроэнергетических объектов охранные зоны устанавливаются до их ввода во временную или постоянную эксплуатацию.

7. В отношении проектируемых гидроэнергетических объектов границы охранные зоны указываются в проектной документации гидроэнергетических объектов.

8. Охранные зоны считаются установленными с даты внесения в государственный земельный кадастр сведений о ее границах.

9. Границы охранных зон должны согласовываться с уполномоченным государственным органом в сфере охраны окружающей среды.

10. Для согласования границ охранной зоны организация, имеющая право собственности гидроэнергетическим оборудованием (гидротурбиной) эксплуатируемого (строящегося) гидроэнергетического объекта или которая имеет проектную документацию на проектируемый гидроэнергетический объект (далее - оператор гидроэнергетического объекта), представляет в уполномоченный государственный орган в сфере охраны окружающей среды заявление о согласовании границ охранной зоны с обязательным приложением сведений о границах охранной зоны, которые должны содержать текстовое и графическое описание местоположения границ таких зон, а также перечень координат характерных точек этих границ в системе координат, установленный для ведения государственного земельного кадастра (далее - сведения о границах охранной зоны). Указанные документы должны быть рассмотрены в течение 15 рабочих дней со дня их поступления.

11. Если представленные параметры границ охранной зоны не соответствуют требованиям к установлению границ охранных зон, предусмотренным настоящим Порядком, в согласовании границ охранной зоны может быть отказано.

12. В случае принятия решения о согласовании границ охранной зоны на графическом описании местоположения границ охранной зоны с особыми условиями использования земель проставляется отметка о согласовании, которая заверяется печатью и подписью уполномоченного должностного лица с уполномоченного государственного органа в области охраны окружающей среды. Оператор гидроэнергетического объекта направляет в уполномоченный государственный орган в сфере регулирования земельных отношений согласованный с уполномоченным государственным органом в области охраны окружающей среды документ воспроизводящий сведения о границах охранной зоны, включая их наименование и содержание ограничений использования объектов недвижимости в их границах, с приложением текстового и графического описаний местоположения границ такой зоны, а также перечня координат характерных точек этих границ в системе координат, установленной для ведения государственного земельного кадастра.

13. Обозначение на местности границ охранных зон осуществляется оператором гидроэнергетического объекта в акватории водного объекта в верхнем и нижнем бьефе гидроузла, а также на береговой полосе водного объекта в местах массового пребывания граждан посредством установки предупреждающих знаков, содержащих указание на размер охранной зоны, информацию об операторе гидроэнергетического объекта и необходимость соблюдения особых условий водопользования.

14. Порядок установки предупреждающих знаков для обозначения границ охранных зон гидроэнергетических объектов устанавливается уполномоченным государственным органом в области охраны окружающей среды.

15. Использование водных объектов (водопользование) в охранных зонах подлежит обязательному согласованию с оператором гидроэнергетического объекта.

16. Согласованию подлежат следующие виды деятельности (водопользования) в охранных зонах:

- использование акватории водных объектов для рекреационных целей; создание стационарных и (или) плавучих платформ, искусственных островов, а также искусственных земельных участков;

- разведка и добыча полезных ископаемых;

- организованный отдых граждан;

- строительство причалов, судоподъемных и судоремонтных сооружений;

- строительство гидротехнических сооружений, мостов, а также подводных и подземных переходов, трубопроводов и подводных линий связи;

- проведение дноуглубительных, взрывных, буровых работ, и работ связанных с изменением дна и берегов водных объектов;

- плавание маломерных судов, водных мотоциклов и технических средств, предназначенных для отдыха на водных объектах;

- осуществление разового взлета и разовой посадки воздушных судов;

- охота, все виды рыболовства, за исключением рыболовства в целях аквакультуры (рыбоводства);

- купание и удовлетворение иных личных и бытовых нужд граждан;

- проведение геологического изучения, а также геофизических, геодезических, картографических, топографических, гидрографических и водолазных работ;

- санитарный и карантинный контроль;

- научные и учебные цели;

- хозяйственная деятельность и деятельность связанные с участками береговой полосы водных объектов (в том числе на участках примыкания к гидроэнергетическим объектам) в охранной зоне.

17. Решение о согласовании осуществления деятельности (водопользования) в охранной зоне выдается соответственно на срок осуществления видов деятельности (водопользования) в охранной зоне, предусмотренных пунктом 16 настоящего Порядка, или на срок осуществления хозяйственной деятельности и деятельность, связанные с участками береговой полосы водных объектов (в том числе на участках примыкания к гидроэнергетическим объектам) в охранной зоне.

18. Для получения решения о согласовании осуществления деятельности (водопользования) в охранной зоне физическое лицо или юридическое лицо (далее - заявитель) обращаются с письменным заявлением к оператору гидроэнергетического объекта не позднее чем за 15 рабочих дней до начала осуществления соответствующей деятельности (водопользования) в охранной зоне.

19. Оператор гидроэнергетического объекта в течение 5 рабочих дней со дня поступления заявления рассматривает его и принимает решение о согласовании (отказе в согласовании) осуществления деятельности (водопользования) в охранной зоне.

20. Решение о согласовании (отказе в согласовании) водопользования или осуществления деятельности в охранной зоне вручается заявителю.

21. В случае угрозы возникновения аварийной (чрезвычайной) ситуации на гидроэнергетическом объекте, решение о согласовании осуществления деятельности (водопользования) в охранной зоне незамедлительно отзывается оператором гидроэнергетического объекта Оператор гидроэнергетического объекта незамедлительно информирует любым доступным способом заявителя об отзыве указанного решения.

22. Мотивированный отказ в согласовании осуществления деятельности (водопользования) в охранной зоне допускается, если осуществление соответствующих видов деятельности (водопользования) может повлечь нарушение функционирования гидроэнергетического объекта.

23. К заявлению о предоставлении водного объекта в пользование, прилагается решение о согласовании оператором гидроэнергетического объекта осуществления деятельности (водопользования) в охранной зоне которые отправляются в исполнительный орган государственной власти, уполномоченный на предоставление водных объектов в пользование, в случаях осуществления видов деятельности, предусмотренных на первом и седьмом абзацах пункта 16 настоящего Порядка.

24. Отказ оператора гидроэнергетического объекта в выдаче решения о согласовании осуществления деятельности (водопользования) в охранной зоне может быть обжалован в судебном порядке.