Замима
ба қарори Ҳукумати
Ҷумҳурии Тоҷикистон
аз 27 августи соли 2021,№335
Тартиби пешбурди Кадастри давлатии захираҳои сайёҳии Ҷумҳурии Тоҷикистон
БОБИ 1. МУҚАРРАРОТИ УМУМӢ
1. Тартиби пешбурди Кадастри давлатии захираҳои сайёҳии Ҷумҳурии Тоҷикистон (минбаъд- Тартиб) раванди пешбурд, бақайдгирӣ, ҷамъоварии маълумот ва додани шиносномаи мақоми объектҳои сайёҳии Ҷумҳурии Тоҷикистонро муайян намуда, бо мақсади танзими истифодаи самаранок, ҳифз ва муаррифии захираҳои нодири таърихию фарҳангӣ, табиӣ ва захираҳои сайёҳии Ҷумҳурии Тоҷикистон таҳия гардидааст.
2. Кадастри давлатии захираҳои сайёҳии Ҷумҳурии Тоҷикистон (минбаъд- Кадастр) имкониятҳои сайёҳии мамлакатро дар бар гирифта, ба он объектҳои табиӣ, арзишҳои илмӣ ва таърихию фарҳангӣ дохил мешаванд, ки сарвату дороии миллии Ҷумҳурии Тоҷикистон буда, асоси маҳсулоти миллии сайёҳии Ҷумҳурии Тоҷикистонро ташкил менамоянд.
3. Кадастр ҷиҳати дастрас намудани маълумоти зарурӣ барои ташрифи сайёҳони хориҷию дохилӣ, гузаронидани тадқиқоти илмӣ, чорабиниҳои экологӣ, ташкили баҳисобгирии оморӣ барои таҳияи минбаъдаи хатсайрҳои нави сайёҳӣ дар Ҷумҳурии Тоҷикистон истифода мешавад.
4. Кадастр аз ҷониби мақоми ваколатдори давлатӣ дар соҳаи сайёҳӣ дар асоси маълумоти илман асоснок ва маводи аз ҷониби мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе, шаҳру ноҳияҳои тобеи ҷумҳурӣ, вазорату идораҳои дахлдор, муассисаҳои илмӣ, Федератсияи иттифоқҳои касабаи мустақили Тоҷикистон ва субъектҳои хизматрасонии сайёҳӣ пешниҳоднамуда таҳия ва пеш бурда мешавад.
5. Номгӯи объектҳои ба Кадастр дохилшаванда тибқи қонунгузорӣ аз ҷониби мақоми ваколатдори давлатӣ дар соҳаи сайёҳӣ дар мувофиқа бо вазорату идораҳои дахлдор, Федератсияи иттифоқҳои касабаи мустақили Тоҷикистон ва субъектҳои хизматрасонии сайёҳии Ҷумҳурии Тоҷикистон муайян мегардад.
6. Кадастр аз маълумоти зерин иборат мебошад:
- номгӯи объектҳо;
- арзиши арзёбӣ, аҳамияти таърихӣ, фарҳангӣ ва илмии объектҳо бо нишон додани тобеияти он, ки аз ҷониби вазорату идораҳои дахлдор муайян карда мешавад;
- маълумот оид ба ҳолати санитарию экологӣ;
- тавсифи мавқеи ҷойгиршавӣ.
7. Мақоми ваколатдори давлатӣ дар соҳаи сайёҳӣ ва шахсони мансабдоре, ки Кадастрро пеш мебаранд, уҳдадоранд, ки дурустии маълумоти ба ҳуҷҷатҳои кадастрӣ дохилшаванда ва ба шахсони манфиатдор дастрас намудани ин маълумотро таъмин намоянд.
БОБИ 2. МАҚСАД ВА ТАРТИБИ ПЕШБУРДИ КАДАСТРИ ДАВЛАТИИ ЗАХИРАҲОИ САЙЁҲӢ
8. Кадастри давлатии захираҳои сайёҳӣ дар Ҷумҳурии Тоҷикистон бо мақсадҳои зерин пеш бурда мешавад:
- арзёбии ҳолати захираҳои сайёҳӣ дар Ҷумҳурии Тоҷикистон ва тағйиротҳои дар онҳо баамалоянда;
- баланд бардоштани самарабахшии идоракунии захираҳои сайёҳӣ дар Ҷумҳурии Тоҷикистон тавассути амалисозии чорабиниҳое, ки ба нигоҳдорӣ ва барқарорсозии онҳо равона карда шудааст;
- гузаронидани таҳлили мунтазами захираҳои сайёҳӣ ва риояи тартиби муқарраргардида дар онҳо.
9. Тартиби пешбурди Кадастри давлатии захираҳои сайёҳӣ аз таъсис додани китоби кадастрии ҷумҳуриявӣ ва парвандаҳои кадастрии объектҳои сайёҳӣ иборат мебошад.
10. Дар китоби кадастрии ҷумҳуриявӣ маълумот оид ба объектҳои сайёҳии тибқи қонунгузории Ҷумҳурии Тоҷикистон ташкилшуда бо нишон додани маълумот оид ба арзиши арзёбӣ, аҳамияти таърихӣ, фарҳангӣ ва илмии объектҳо, тобеияти он, мақом, намуд, тавсифи мавқеи ҷойгиршавӣ ва таъиноти истифодабарӣ ҷамъ оварда мешавад.
11. Ба ҳар як объекти сайёҳӣ, ки ба китоби кадастрии ҷумҳуриявӣ ворид карда мешавад, рақами кадастрӣ дода мешавад.
12. Парвандаи кадастрӣ барои ҳар як объекти сайёҳӣ алоҳида тартиб дода мешавад ва рақами кадастрие, ки ба китоби кадастрии ҷумҳуриявӣ ворид карда шудааст, ба он гузошта мешавад.
13. Объекти сайёҳие, ки ба Кадастр дохил шудааст, танҳо мувофиқи таъинот ва мақсад истифода мешавад. Намудҳои дигари фаъолиятро, ки ба вазъи захираҳои сайёҳӣ таъсири манфӣ мерасонад, ба Кадастр дохил намудан манъ аст.
14. Мақоми ваколатдори давлатӣ дар соҳаи сайёҳӣ якҷо бо вазорату идораҳои дахлдор, инчунин бо Федератсияи иттифоқҳои касабаи мустақили Тоҷикистон шумораи квотаҳои ташрифи иншооти ба Кадастр дохилгардидаро муайян мекунанд ва истифодаи онҳоро дар асоси шартнома амалӣ мегардонанд.
15. Ҳангоми ташкили сайёҳати ташрифӣ ба Ҷумҳурии Тоҷикистон истифодабарии ройгони захираҳои сайёҳие, ки ба Кадастр дохил шудаанд, ба истиснои ташрифоти расмӣ иҷозат дода намешавад. Шаҳрвандони Ҷумҳурии Тоҷикистон ва сайёҳони дохиливу хориҷӣ ҳангоми ташриф овардан ба объектҳои сайёҳии ба Кадастр дохилшуда бо мақсади сайёҳат, истироҳат, табобат, фароғат, инчунин зиёрат уҳдадоранд меъёрҳо ва қоидаҳои рафтори марбут ба нигоҳдорӣ ва муҳофизати захираҳои сайёҳиро риоя намоянд.
16. Объектҳои сайёҳии ба Кадастр дохилшуда ҳамчун дастовардҳои миллӣ ба шумор рафта, дар воситаҳои ахбори оммаи Ҷумҳурии Тоҷикистон ва сомонаи расмии мақоми ваколатдори давлатӣ дар соҳаи сайёҳӣ оид ба ҳолатҳои арзиши таърихӣ, фарҳангии онҳо, ки барои ташрифовардагон ва шароитҳои истифодабарӣ квотаҳо муқаррар гардидаанд, мунтазам маълумот интишор карда мешаванд.
17. Вазорату идораҳо, субъектҳои хизматрасонии сайёҳӣ, Федератсияи иттифоқҳои касабаи мустақили Тоҷикистон, ки соҳибмулкони объектҳои ба Кадастр дохилшуда мебошанд, бо дархости мақоми ваколатдори давлатӣ дар соҳаи сайёҳӣ дар хусуси таъиноти онҳо, арзиши таърихӣ, фароғатӣ, фарҳангӣ, илмӣ, табиӣ, тартиби истифодабарӣ, хусусият, ҳолат, шароити қабул ва хизматрасонии сайёҳон маълумоти дахлдор пешниҳод менамоянд.
18. Мақоми ваколатдори давлатӣ дар соҳаи сайёҳӣ ба объектҳое, ки ба Кадастр дохил шудаанд, шиноснома медиҳад. Ин шиноснома мақоми объекти мазкурро ҳамчун дастоварди миллӣ тасдиқ менамояд.
19. Маълумоте, ки дар Кадастр ҷамъоварӣ шудааст, дар мақоми ваколатдори давлатӣ дар соҳаи сайёҳӣ нигоҳ дошта мешавад ва дар ҳолати зарурӣ бо тартиби муқарраргардида ба субъектҳои манфиатдор пешниҳод карда мешавад.
20. Маълумоти Кадастр ҳам дар шакли чопӣ ва ҳам дар ҳомили электронӣ бо истифода аз системаи электронии ҷамъоварӣ, коркард ва нигоҳдории иттилоот пеш бурда мешавад.
21. Коркард ва тартиби ворид намудани маълумот ба Кадастри давлатии захираҳои сайёҳӣ, аз ҷумла барасмиятдарории парвандаҳои кадастриро тибқи тартиби муқарраргардида мақоми ваколатдори давлатӣ дар соҳаи сайёҳӣ ба роҳ мемонад.
БОБИ 3. ПАРДОХТИ ХАРОҶОТИ КАДАСТРИ ДАВЛАТИИ ЗАХИРАҲОИ САЙЁҲӢ
22. Пардохти хароҷоти объектҳои сайёҳии ба Кадастр воридшуда аз ҳисоби маблағҳои буҷетӣ ва сарчашмаҳои дигаре, ки қонунгузорӣ манъ накардааст, амали карда мешаванд.
23. Мақоми ваколатдори давлатӣ дар соҳаи сайёҳӣ нархнома барои истифодаи объектҳои сайёҳии ба Кадастр воридшударо дар мувофиқа бо вазорату идораҳои дахлдор, инчунин Федератсияи иттифоқҳои касабаи мустақили Тоҷикистон таҳия ва тасдиқ менамояд.
БОБИ 4. ҲИФЗИ ОБЪЕКТҲОИ САЙЁҲӢ, КИ БА КАДАСТРИ ДАВЛАТИИ ЗАХИРАҲОИ САЙЁҲӢ ВОРИД ГАШТААНД
24. Бо мақсади ҳифз ва нигоҳдорӣ, инчунин истифодаи самараноки объектҳои сайёҳии ба Кадастр воридгашта мақоми ваколатдори давлатӣ дар соҳаи сайёҳӣ якҷо бо вазорату идораҳои дахлдор, ки дорои ваколат мебошанд, барои муайян намудани мутобиқат ба стандартҳои мавҷуда ва истифодаи судманди онҳо, ба истиснои иншооте, ки дар ихтиёри Федератсияи иттифоқҳои касабаи мустақили Тоҷикистон мебошанд, санҷишҳо мегузаронанд.
25. Мақоми ваколатдори давлатӣ дар соҳаи сайёҳӣ, вазорату идораҳо, Федератсияи иттифоқҳои касабаи мустақили Тоҷикистон ва субъектҳои сайёҳӣ, ки дар истифодабарӣ ё ихтиёрдориашон захираҳои сайёҳӣ қарор доранд ва ба Кадастр ворид шудаанд, тибқи қонунгузории Ҷумҳурии Тоҷикистон барои ҳолати иншоот ва истифодаи мақсадноки онҳо масъулият доранд.
Замима
ба қарори Ҳукумати
Ҷумҳурии Тоҷикистон
аз 27 августи соли 2021,№335
Тартиби пешбурди Кадастри давлатии захираҳои сайёҳии Ҷумҳурии Тоҷикистон
БОБИ 1. МУҚАРРАРОТИ УМУМӢ
1. Тартиби пешбурди Кадастри давлатии захираҳои сайёҳии Ҷумҳурии Тоҷикистон (минбаъд- Тартиб) раванди пешбурд, бақайдгирӣ, ҷамъоварии маълумот ва додани шиносномаи мақоми объектҳои сайёҳии Ҷумҳурии Тоҷикистонро муайян намуда, бо мақсади танзими истифодаи самаранок, ҳифз ва муаррифии захираҳои нодири таърихию фарҳангӣ, табиӣ ва захираҳои сайёҳии Ҷумҳурии Тоҷикистон таҳия гардидааст.
2. Кадастри давлатии захираҳои сайёҳии Ҷумҳурии Тоҷикистон (минбаъд- Кадастр) имкониятҳои сайёҳии мамлакатро дар бар гирифта, ба он объектҳои табиӣ, арзишҳои илмӣ ва таърихию фарҳангӣ дохил мешаванд, ки сарвату дороии миллии Ҷумҳурии Тоҷикистон буда, асоси маҳсулоти миллии сайёҳии Ҷумҳурии Тоҷикистонро ташкил менамоянд.
3. Кадастр ҷиҳати дастрас намудани маълумоти зарурӣ барои ташрифи сайёҳони хориҷию дохилӣ, гузаронидани тадқиқоти илмӣ, чорабиниҳои экологӣ, ташкили баҳисобгирии оморӣ барои таҳияи минбаъдаи хатсайрҳои нави сайёҳӣ дар Ҷумҳурии Тоҷикистон истифода мешавад.
4. Кадастр аз ҷониби мақоми ваколатдори давлатӣ дар соҳаи сайёҳӣ дар асоси маълумоти илман асоснок ва маводи аз ҷониби мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе, шаҳру ноҳияҳои тобеи ҷумҳурӣ, вазорату идораҳои дахлдор, муассисаҳои илмӣ, Федератсияи иттифоқҳои касабаи мустақили Тоҷикистон ва субъектҳои хизматрасонии сайёҳӣ пешниҳоднамуда таҳия ва пеш бурда мешавад.
5. Номгӯи объектҳои ба Кадастр дохилшаванда тибқи қонунгузорӣ аз ҷониби мақоми ваколатдори давлатӣ дар соҳаи сайёҳӣ дар мувофиқа бо вазорату идораҳои дахлдор, Федератсияи иттифоқҳои касабаи мустақили Тоҷикистон ва субъектҳои хизматрасонии сайёҳии Ҷумҳурии Тоҷикистон муайян мегардад.
6. Кадастр аз маълумоти зерин иборат мебошад:
- номгӯи объектҳо;
- арзиши арзёбӣ, аҳамияти таърихӣ, фарҳангӣ ва илмии объектҳо бо нишон додани тобеияти он, ки аз ҷониби вазорату идораҳои дахлдор муайян карда мешавад;
- маълумот оид ба ҳолати санитарию экологӣ;
- тавсифи мавқеи ҷойгиршавӣ.
7. Мақоми ваколатдори давлатӣ дар соҳаи сайёҳӣ ва шахсони мансабдоре, ки Кадастрро пеш мебаранд, уҳдадоранд, ки дурустии маълумоти ба ҳуҷҷатҳои кадастрӣ дохилшаванда ва ба шахсони манфиатдор дастрас намудани ин маълумотро таъмин намоянд.
БОБИ 2. МАҚСАД ВА ТАРТИБИ ПЕШБУРДИ КАДАСТРИ ДАВЛАТИИ ЗАХИРАҲОИ САЙЁҲӢ
8. Кадастри давлатии захираҳои сайёҳӣ дар Ҷумҳурии Тоҷикистон бо мақсадҳои зерин пеш бурда мешавад:
- арзёбии ҳолати захираҳои сайёҳӣ дар Ҷумҳурии Тоҷикистон ва тағйиротҳои дар онҳо баамалоянда;
- баланд бардоштани самарабахшии идоракунии захираҳои сайёҳӣ дар Ҷумҳурии Тоҷикистон тавассути амалисозии чорабиниҳое, ки ба нигоҳдорӣ ва барқарорсозии онҳо равона карда шудааст;
- гузаронидани таҳлили мунтазами захираҳои сайёҳӣ ва риояи тартиби муқарраргардида дар онҳо.
9. Тартиби пешбурди Кадастри давлатии захираҳои сайёҳӣ аз таъсис додани китоби кадастрии ҷумҳуриявӣ ва парвандаҳои кадастрии объектҳои сайёҳӣ иборат мебошад.
10. Дар китоби кадастрии ҷумҳуриявӣ маълумот оид ба объектҳои сайёҳии тибқи қонунгузории Ҷумҳурии Тоҷикистон ташкилшуда бо нишон додани маълумот оид ба арзиши арзёбӣ, аҳамияти таърихӣ, фарҳангӣ ва илмии объектҳо, тобеияти он, мақом, намуд, тавсифи мавқеи ҷойгиршавӣ ва таъиноти истифодабарӣ ҷамъ оварда мешавад.
11. Ба ҳар як объекти сайёҳӣ, ки ба китоби кадастрии ҷумҳуриявӣ ворид карда мешавад, рақами кадастрӣ дода мешавад.
12. Парвандаи кадастрӣ барои ҳар як объекти сайёҳӣ алоҳида тартиб дода мешавад ва рақами кадастрие, ки ба китоби кадастрии ҷумҳуриявӣ ворид карда шудааст, ба он гузошта мешавад.
13. Объекти сайёҳие, ки ба Кадастр дохил шудааст, танҳо мувофиқи таъинот ва мақсад истифода мешавад. Намудҳои дигари фаъолиятро, ки ба вазъи захираҳои сайёҳӣ таъсири манфӣ мерасонад, ба Кадастр дохил намудан манъ аст.
14. Мақоми ваколатдори давлатӣ дар соҳаи сайёҳӣ якҷо бо вазорату идораҳои дахлдор, инчунин бо Федератсияи иттифоқҳои касабаи мустақили Тоҷикистон шумораи квотаҳои ташрифи иншооти ба Кадастр дохилгардидаро муайян мекунанд ва истифодаи онҳоро дар асоси шартнома амалӣ мегардонанд.
15. Ҳангоми ташкили сайёҳати ташрифӣ ба Ҷумҳурии Тоҷикистон истифодабарии ройгони захираҳои сайёҳие, ки ба Кадастр дохил шудаанд, ба истиснои ташрифоти расмӣ иҷозат дода намешавад. Шаҳрвандони Ҷумҳурии Тоҷикистон ва сайёҳони дохиливу хориҷӣ ҳангоми ташриф овардан ба объектҳои сайёҳии ба Кадастр дохилшуда бо мақсади сайёҳат, истироҳат, табобат, фароғат, инчунин зиёрат уҳдадоранд меъёрҳо ва қоидаҳои рафтори марбут ба нигоҳдорӣ ва муҳофизати захираҳои сайёҳиро риоя намоянд.
16. Объектҳои сайёҳии ба Кадастр дохилшуда ҳамчун дастовардҳои миллӣ ба шумор рафта, дар воситаҳои ахбори оммаи Ҷумҳурии Тоҷикистон ва сомонаи расмии мақоми ваколатдори давлатӣ дар соҳаи сайёҳӣ оид ба ҳолатҳои арзиши таърихӣ, фарҳангии онҳо, ки барои ташрифовардагон ва шароитҳои истифодабарӣ квотаҳо муқаррар гардидаанд, мунтазам маълумот интишор карда мешаванд.
17. Вазорату идораҳо, субъектҳои хизматрасонии сайёҳӣ, Федератсияи иттифоқҳои касабаи мустақили Тоҷикистон, ки соҳибмулкони объектҳои ба Кадастр дохилшуда мебошанд, бо дархости мақоми ваколатдори давлатӣ дар соҳаи сайёҳӣ дар хусуси таъиноти онҳо, арзиши таърихӣ, фароғатӣ, фарҳангӣ, илмӣ, табиӣ, тартиби истифодабарӣ, хусусият, ҳолат, шароити қабул ва хизматрасонии сайёҳон маълумоти дахлдор пешниҳод менамоянд.
18. Мақоми ваколатдори давлатӣ дар соҳаи сайёҳӣ ба объектҳое, ки ба Кадастр дохил шудаанд, шиноснома медиҳад. Ин шиноснома мақоми объекти мазкурро ҳамчун дастоварди миллӣ тасдиқ менамояд.
19. Маълумоте, ки дар Кадастр ҷамъоварӣ шудааст, дар мақоми ваколатдори давлатӣ дар соҳаи сайёҳӣ нигоҳ дошта мешавад ва дар ҳолати зарурӣ бо тартиби муқарраргардида ба субъектҳои манфиатдор пешниҳод карда мешавад.
20. Маълумоти Кадастр ҳам дар шакли чопӣ ва ҳам дар ҳомили электронӣ бо истифода аз системаи электронии ҷамъоварӣ, коркард ва нигоҳдории иттилоот пеш бурда мешавад.
21. Коркард ва тартиби ворид намудани маълумот ба Кадастри давлатии захираҳои сайёҳӣ, аз ҷумла барасмиятдарории парвандаҳои кадастриро тибқи тартиби муқарраргардида мақоми ваколатдори давлатӣ дар соҳаи сайёҳӣ ба роҳ мемонад.
БОБИ 3. ПАРДОХТИ ХАРОҶОТИ КАДАСТРИ ДАВЛАТИИ ЗАХИРАҲОИ САЙЁҲӢ
22. Пардохти хароҷоти объектҳои сайёҳии ба Кадастр воридшуда аз ҳисоби маблағҳои буҷетӣ ва сарчашмаҳои дигаре, ки қонунгузорӣ манъ накардааст, амали карда мешаванд.
23. Мақоми ваколатдори давлатӣ дар соҳаи сайёҳӣ нархнома барои истифодаи объектҳои сайёҳии ба Кадастр воридшударо дар мувофиқа бо вазорату идораҳои дахлдор, инчунин Федератсияи иттифоқҳои касабаи мустақили Тоҷикистон таҳия ва тасдиқ менамояд.
БОБИ 4. ҲИФЗИ ОБЪЕКТҲОИ САЙЁҲӢ, КИ БА КАДАСТРИ ДАВЛАТИИ ЗАХИРАҲОИ САЙЁҲӢ ВОРИД ГАШТААНД
24. Бо мақсади ҳифз ва нигоҳдорӣ, инчунин истифодаи самараноки объектҳои сайёҳии ба Кадастр воридгашта мақоми ваколатдори давлатӣ дар соҳаи сайёҳӣ якҷо бо вазорату идораҳои дахлдор, ки дорои ваколат мебошанд, барои муайян намудани мутобиқат ба стандартҳои мавҷуда ва истифодаи судманди онҳо, ба истиснои иншооте, ки дар ихтиёри Федератсияи иттифоқҳои касабаи мустақили Тоҷикистон мебошанд, санҷишҳо мегузаронанд.
25. Мақоми ваколатдори давлатӣ дар соҳаи сайёҳӣ, вазорату идораҳо, Федератсияи иттифоқҳои касабаи мустақили Тоҷикистон ва субъектҳои сайёҳӣ, ки дар истифодабарӣ ё ихтиёрдориашон захираҳои сайёҳӣ қарор доранд ва ба Кадастр ворид шудаанд, тибқи қонунгузории Ҷумҳурии Тоҷикистон барои ҳолати иншоот ва истифодаи мақсадноки онҳо масъулият доранд.
