ТАРТИБИ пешниҳод кардан ба мукофотҳои давлатии Ҷумҳурии Тоҷикистон ва супоридани онҳо

Ин Тартиби пешниҳод кардан ба мукофотҳои давлатии Ҷумҳурии Тоҷикистон ва супоридани онҳо (минбаъд Тартиб) мувофиқи Қонуни Ҷумҳурии Тоҷикистон "Дар бораи мукофотҳои давлатии Ҷумҳурии Тоҷикистон" (минбаъд Қонун) таҳия гардидааст.

I. Пешниҳод кардан барои сарфароз гардонидан бо мукофотҳои давлатии Ҷумҳурии Тоҷикистон

1. Мутобиқи қисми 1 моддаи 4 Қонун сарфарозгардонӣ бо мукофотҳои давлатиро Президенти Ҷумҳурии Тоҷикистон ба амал мебарорад.

2. Барои баррасии ҳуҷҷатҳои мукофотӣ ва таъмини равиши вокеъбинона ба Пешниҳод намудани шаҳрвандон ба мукофоти давлатӣ дар назди Президенти Ҷумҳурии Тоҷикистон Комиссияи мукофотҳои давлатӣ амал мекунад (минбаъд Комиссия).

Омода сохтани ҳуҷҷатҳо барои баррасии Комиссия аз тарафи воҳиди сохтории дахлдори Дастгоҳи иҷроияи Президенти Ҷумҳурии Тоҷикистон ба роҳ монда мешавад.

3. Ҳуқуқи оғоз кардани тавсиянома дар бораи сарфароз гардонидан бо мукофотҳои давлатии Ҷумҳурии Тоҷикистон ба коллективҳои меҳнатии корхона, ташкилот, муассиса, чузъутоми ҳарбӣ таалуқ дорад.

4. Хизматҳои мушаххас, ки барои онҳо шаҳрвандони Ҷумҳурии Тоҷикистон, шаҳрвандони хориҷӣ ва шахсони бешаҳрванд метавонанд ба мукофот пешниҳод гарданд, дар Қонун баён ёфтаанд.

Санаҳои ҷашнӣ (зодрӯзи шаҳрвандон, рӯзи таъсиси корхона, ташкилот, муассиса ва ғайра) наметавонанд ба сарфарозгардонии шаҳрвандон бо мукофотҳои давлатии Ҷумҳурии Тоҷикистон асос шаванд.

5. Барои хар шахсе, ки барои сарфароз гардонидан бо мукофотҳои давлатӣ Пешниҳод карда мешавад, дар коллективи меҳнатии корхона, ташкилот, муассиса, ҷузъутоми ҳарбӣ, варақаи мукофотии намунаи махсус (замимаи № 1) бо мӯҳри онҳо тасдиқгардида ва тавсиянома дар бораи сарфароз гардонидан (гузориш бо асоснок кардани Пешниҳод дар бораи сарфароз гардонидан ), пур карда мешавад.

Дар варақаи мукофотӣ маълумоти зайл нишон дода мешавад:

ному насаби мукофотгиранда аз рӯи ҳуҷҷате, ки шахсияти ӯро тасдиқ менамояд;

ихтисос ва вазифа, рутбаи ҳарбӣ, номи пурраи ташкилот, корхона, муассиса, чузъутомҳои ҳарбӣ, ки дар он ҷо мукофотгиранда кор ё хизмат мекунад;

кори иҷронамудаи мукофотгиранда аз оғози фаъолияти меҳнатӣ (аз рӯи дафтарчаи меҳнатӣ);

номгӯи мухтасари хизматҳои муайяну бартариҳо, муваффақиятҳои меҳнатӣ, дастовардҳо дар кори созандаи хоҷагӣ ё фарҳангӣ, дар инкишофи илму техника, дар хизмати давлатӣ ва ҳарбӣ, дигар соҳаҳои фаъолият;

нишондиҳандаҳое, ки барои онҳо ба мукофоти давлатӣ Пешниҳод мегардад;

намуди мукофоте. ки ба он мукофотгиранда пешниҳод мешавад;

таърих (сана) ва рақами протоколи маҷлиси коллективи меҳнатӣ, ки тавсияномаро тасдиқ кардааст.

Варақаи мукофотиро роҳбар, раисони кумитаи иттифоқҳои касаба ва маҷлиси умумӣ (ҳайати мушовара)-и корхона, ташкилот, муассиса, имзо мекунанд. Дар мавриди набудани кумитаи иттифоқҳои касаба варақаи мукофотиро роҳбар ва раиси маҷлиси умумӣ (ҳайати мушовара)-и корхона, ташкилот, муассиса имзо мекунанд.

Варақаи мукофотии хизматчии ҳарбиро фармондеҳи қисми ҳарбӣ ё шахси мансабдоре, ки ба он ваколатдор аст имзо мекунад.

Варақаи мукофотиро барои роҳбари вазорат, идора, корхона, муассиса, ташкилот яке аз муовинони ӯ, раиси кумитаи иттифоқи касаба ва раиси маҷлиси умумӣ, ки дар он тавсиянома оғоз карда шудааст, имзо мекунанд.

Варақаи мукофотӣ бо истифода аз мошини чопкунӣ ё бо ҳуруфи шабеҳ дар компютер пур карда мешавад.

Ҳуҷҷатҳои мукофотӣ ба забони давлатӣ таҳия мегарданд.

ҳуҷҷатҳои мукофотии нодуруст ба расмият даровардашуда, ки каламхӯрдагӣ ва ислоҳ доранд, барои баррасӣ қабул карда намешаванд ва ба таҳиякунандагон баргардонида мешаванд.

6. Тавсиянома дар бораи бо мукофотҳои давлатии Ҷумҳурии Тоҷикистон сарфароз гардонидани Президенти Ҷумҳурии Тоҷикистон дар маҷлиси якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон оғоз меёбад.

Ҳуҷҷати мукофотӣ (Пешниҳод, варақаи мукофотӣ) ва Қарори якҷояи Шӯрои Маҷлиси миллӣ ва Шӯрои Маҷлиси намояндагони Маҷлиси Олии Ҷумҳурии Тоҷикистон дар бораи сарфароз гардонидани Президенти Ҷумҳурии Тоҷикистон бо имзои Раиси Маҷлиси миллии Маҷлиси Олии Ҷумҳурии Тоҷикистон тасдиқ карда мешавад.

7. Тавсиянома дар бораи бо мукофотҳои давлатии Ҷумҳурии Тоҷикистон сарфароз гардонидани:

Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, муовинони аввал ва муовинони онҳо, раисони кумитаҳои Маҷлиси намояндагони Маҷлиси Олии Ҷумҳурии Тоҷикистон, аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон, кормандони дастгоҳҳои Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон дар ҷаласаҳои Шӯроҳои Маҷлиси миллии Маҷлиси Олии Ҷумҳурии Тоҷикистон ва Маҷлиси намояндагони Маҷлиси Олии Ҷумҳурии Тоҷикистон оғоз меёбад;

Сарвазири Ҷумҳурии Тоҷикистон, муовини аввал ва муовинони ӯ, Роҳбари Дастгоҳи иҷроияи Президенти Ҷумҳурии Тоҷикистон, муовини аввал ва муовинони ӯ дар Раёсати Ҳукумати Ҷумҳурии Тоҷикистон оғоз меёбад;

кормандони Дастгоҳи иҷроияи Президенти Ҷумҳурии Тоҷикистон дар Маҷлиси коллективи меҳнатии Дастгоҳи иҷроияи Президенти Ҷумҳурии Тоҷикистон оғоз меёбад;

раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ дар сессияҳои Маҷлисҳои вакилони халқии дахлдор, муовинони аввал ва муовинони онҳо, кормандони дастгоҳҳои раисон ба воҳидҳои сохтории мақомоти ҳокимияти иҷроия дар маҳалҳо (ҳукуматҳо) бошанд, дар коллективҳои меҳнатии ин мақомот оғоз меёбад;

раисони шаҳрҳо ва ноҳияҳои Вилояти Мухтори Кӯҳистони Бадахшон, раисони шаҳрҳо ва ноҳияҳои тобеи вилоятҳо ва шаҳрҳо дар сессияҳои Маҷлисҳои вакилони халқии дахлдор, муовинони аввал ва муовинони онҳо, кормандони дастгоҳҳои раисон ва воҳидҳои сохтории мақомоти ҳокимияти иҷроия дар маҳалҳо (ҳукуматҳо) бошанд, дар коллективҳои меҳнатии ин мақомот оғоз гардида ва ҳамроҳи варақаи мукофотӣ ба мақомоти дахлдори болоии ҳокимияти иҷроия дар маҳалҳо барои мувофиқа кардан фиристода мешавад;

вазирон, раисони кумитаҳои давлатӣ, мақомоти давлатии назди Президенти Ҷумҳурии Тоҷикистон, кумитаҳо ва дигар идораҳои назди Ҳукумати Ҷумҳурии Тоҷикистон, сардорони саридораҳо, идораҳо, департаментҳои вазоратҳо ва идораҳо, роҳбарони дигар мақомоти идоравӣ, муовинони аввал ва муовинони онҳо. Раиси Бонки миллии Тоҷикистон, Прокурори генералӣ, муовинони аввал ва муовинони онҳо, дигар шахсони мансабдор. ки аз тарафи Президенти Ҷумҳурии Тоҷикистон ё Ҳукумати Ҷумҳурии Тоҷикистон ба кор таъин ва аз кор озод карда мешаванд, дар коллективи меҳнатии дахлдор (ҳайати мушовара, Маҷлиси идора) оғоз меёбад;

раисони Суди Конститутсионии Ҷумҳурии Тоҷикистон, Суди Олии Ҷумҳурии Тоҷикистон, Суди Олии иқтисодии Ҷумҳурии Тоҷикистон дар ҷаласаи ҳайати мушовара ё Раёсати ин мақомот оғоз меёбад;

хизматчиёни ҳарбия Вазорати мудофиаи Ҷумҳурии Тоҷикистон, ҳайати шахсии қатори ва фармондеҳии мақомоти корҳои дохилӣ, амният, Вазорати ҳолатҳои фавқулодда ва мудофиаи гражданӣ, Гвардияи президентӣ, кормандони Вазорати даромадҳо ва пардохтҳои давлатӣ, Вазорати адлия, прокуратура, Шӯрои адлия, судҳо, Агентии назорати маводи нашъаовари назди Президенти Ҷумҳурии Тоҷикистон ва персонали граждании онҳо дар коллективҳои меҳнатӣ (дар маҷлисҳо, ҳайатҳои мушовара)-и ин мақомот, дар қисмҳо ва ҷузъутомҳои ҳарбии дахлдор оғоз меёбад;

дар бораи сарфароз гардонидани шаҳрвандони хориҷӣ ва шахсони бешаҳрванд аз тарафи вазоратҳо, идораҳои Ҷумҳурии Тоҷикистон, дигар ташкилотҳои давлатӣ ва иттиҳодияҳои ҷамъиятӣ бо тартиби умумӣ оғоз меёбад.

8. Тавсияномаи коллективи меҳнатӣ дар бораи бо мукофотҳои давлатии Ҷумҳурии Тоҷикистон сарфароз гардонидан ҳамроҳи варақаи мукофотӣ барои мувофиқа кардан ба Раиси Вилояти Мухтори Кӯҳистони Бадахшон. раисони вилоятҳо, шаҳрҳо, ноҳияҳои тобеи ҷумҳурӣ, вилоятӣ ва шаҳрӣ, вобаста ба ҷойгирии коллективи меҳнатӣ, фиристонида мешавад.

Раисони шаҳрҳо, ноҳияҳои тобеи вилоят, шаҳрҳо тавсияномаро баррасӣ намуда, дар бораи ризоият (ё норозигӣ)-н худ дар варақаҳои мукофотӣ қайд гузошта. онро бо имзои худ ва мӯҳр тасдиқ менамоянд, сипас ҳуҷҷатҳои мукофотиро барои баррасӣ вобаста ба тобеият ба раиси Вилояти Мухтори Кӯҳистони Бадахшон, вилоят, шаҳр мефиристонанд.

Раиси Вилояти Мухтори Кӯҳистони Бадахшон, раисони вилоятҳо, шаҳри Душанбе, шаҳрҳо ва ноҳияҳои тобеи ҷумҳурӣ, дар мавриди мусбӣ баррасӣ намудани ҳуҷҷати мукофотӣ, бо пешниҳод дар бораи сарфароз гардонидан ба Президенти Ҷумҳурии Тоҷикистон, муроҷиат мекунанд.

Дар мавриди қарори манфӣ баровардан, ҳуҷҷати мукофотӣ ба он ҷое, ки тавсиянома оғоз ёфтааст, баргардонида мешавад.

9. Тавсиянома дар бораи бо мукофотҳои давлатии Ҷумҳурии Тоҷикистон сарфароз гардонидани кормандони:

корхона, ташкилоту муассисаҳои мақомоти марказӣ ва маҳалии идораи давлатӣ, ки тобеияти дугона доранд, дастгоҳҳои вазоратҳо, кумитаҳои давлатӣ, мақомоти давлатии назди Президенти Ҷумҳурии Тоҷикистон, кумитаҳои назди Ҳукумати Ҷумҳурии Тоҷикистон. Бонки миллӣ, дигар идораҳо, муассисаҳои академӣ, мактабҳои олӣ, иттифоқҳои эҷодӣ, иттиҳодияҳои ҷамъиятӣ. Л1иар ташкилотҳои ғайриҳукуматӣ, сохторҳои тиҷоратӣ вобаста ба ҷойгиршавиашон аз тарафи мақомоти роҳбарикунанда (болои)-и онҳо барои мувофиқа намудан бо раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ фиристода мешавад.

Panel i Вилояти Мухтори Кӯҳистони Бадахшон, раисони вилоятҳо, шаҳри Душанбе, шаҳрҳо ва ноҳияҳои тобеи ҷумҳурӣ, тавсияномаро баррасӣ намуда, дар варақаҳои мукофотӣ дар бораи ризоият ( ё норозигӣ)-и худ қайд гузошта, онро бо имзои худ ва мӯҳр тасдиқ намуда, сипас ҳуҷҷатҳои мукофотиро ба мақомоти номбурда барои қабули қарори минбаъда бармегардонанд.

Мувофиқа бояд дар қатори 14 варақаи мукофотӣ то манзур намудани пешниҳоди сарфароз гардонидан бо мукофотҳои давлатӣ, ба расмият дароварда шавад.

Дар мавриди ҳалли мусбии масъалаи сарфароз гардонидан роҳбарони вазоратҳо, кумитаҳои давлатӣ, мақомоти давлатии назди Президенти Ҷумҳурии Тоҷикистон, кумитаҳои назди Ҳукумати Ҷумҳурии Тоҷикистон, Бонки миллӣ, дигар идораҳо, муассисаҳои академӣ, мактабҳои олӣ, иттифоқҳои эҷодӣ, иттиҳодияҳои ҷамъиятӣ, дигар ташкилотҳои ғайриҳукуматӣ, сохторҳои тиҷоратӣ бо пешниҳоди сарфароз гардонидани кормандони дахлдор ба Президенти Ҷумҳурии Тоҷикистон муроҷиат мекунанд.

10. Пешниҳод дар бораи сарфароз гардонидан бо тартиби муқаррарнамудаи Қонун ба расмият дароварда мешавад.

11.Пешниҳод дар бораи сарфароз гардонидан бо мукофотҳои давлатӣ ба номи Президенти Ҷумҳурии Тоҷикистон ирсол мешавад.

12. Пешниҳод дар бораи сарфароз гардонидан бо мукофотҳои давлатӣ аз тарафи роҳбарони мақомоти ҳокимияти давлатӣ, вазоратҳо, кумитаҳои давлатӣ, мақомоти давлатии назди Президенти Ҷумҳурии Тоҷикистон, кумитаҳо ва дигар идораҳои назди Ҳукумати Ҷумҳурии Тоҷикистон, ташкилот, муассисаҳо, қисмҳои ҳарбӣ, иттиҳодияҳои ҷамъиятӣ, дигар ташкилотҳои ғайриҳукуматӣ, сохторҳои тиҷоратӣ имзо карда мешавад.

Дар мавриде, ки агар худи роҳбар мукофотгиранда ба ҳисоб равад, пешниҳод дар бораи сарфароз гардонидани ӯ аз тарафи муовини аввал (муовинон)-и роҳбар имзо карда мешавад.

Пешниҳодро дар бораи сарфароз гардонидани шаҳрвандони хориҷӣ ва шахсони бешаҳрванд Вазорати корҳои хориҷӣ дар асоси ҳуҷҷатҳои мукофотӣ, ки аз тарафи вазоратҳо, идораҳои Ҷумҳурии Тоҷикистон , дигар ташкилотҳои давлатӣ ва иттиҳодияҳои ҷамъиятӣ, ки бо тартиби муқарраргардида ба расмият дароварда шудаанд ва ба сарфароз гардонидан тавсия намудаанд, Пешниҳод мекунад.

13. Ҳуҷҷати мукофотӣ иборат аст аз:

пешниҳод;

нусхаи шиноснома, барои шахсони бешаҳрванд бошад, нусхаи ҳуҷҷате, ки шахсияти онҳоро тасдиқ мекунад, барои хизматчиёни ҳарбӣ нусхаи билети ҳарбӣ, ки дар идораи нотариалии давлатӣ тасдиқ карда шудааст;

нусхаи гувоҳнома, шаҳодатнома, дафтарчаи орден дар бораи орден, медал, нишони сарисинагӣ, "Ифтихорнома"-и пештар гирифташуда, ки дар идораи нотарлалии давлатӣ тасдиқ карда шудааст;

варақаи мукофотӣ;

се сурати андозаи 3x4 бо навиштани ному насаб дар пушти онҳо:

номаи ҳамроҳикунанда.

Дар мавриди доғи судӣ доштани мукофотгиранда, маълумотномаи мақомоти дахлдор дар хусуси бардошта шудани доғи судӣ ё сафед гардидан, Пешниҳод карда мешавад.

Ба ҳуҷҷати мукофотии шахсе, ки дар сохтори тиҷоратӣ ё ташкилоти ҷамъиятӣ кор мекунад, маълумотномаи мақомоти дахлдор дар хусуси ҳолати пардохта шудани андозҳо ва дигар пардохтҳои ҳатмӣ ба буҷет,инчунин тавсифномаи муфассал бо баёни фаъолияти мушаххас ва хизматҳо дар пешбурди соҳаи дахлдори хоҷагии халқ, соҳаи иҷтимоиёт, фарҳанг, фаъолияти хайрия, замима мегардад.

Ҳуҷҷатҳои мукофоти барои шахсоне, ки ба нафақа баромадаанд, дар асоси қоидаҳои умумӣ аз тарафи мақомоти минтақавии ҳифзи иҷтимоии аҳолӣ, ба расмият дароварда мешаванд.

14. Ҳуҷҷатҳои мукофотиро дар бораи додани унвони ифтихории "Донори ифтихории Тоҷикистон" Вазорати тандурустии Ҷумҳурии Тоҷикистон Пешниҳод менамояд.

Ба ҳуҷҷатҳои мукофотӣ замима мегардад:

Пешниҳод:

нусхаи шиноснома, барои шахсони бешаҳрванд бошад, нусхаи ҳуҷҷате, ки шахсияти онҳоро тасдиқ мекунад, барои хизматчиёни ҳарбӣ нусхаи билети ҳарбӣ, ки дар идораи нотариалии давлатӣ тасдиқ карда шудааст;

варақаи мукофотии намунаи махсус (замимаи № 2);

се сурати андозаи 3x4 бо навиштани ному насаб дар пушти онҳо;

номаи ҳамроҳикунанда.

15. Шахсони мансабдоре, ки барои Пешниҳоди беасос ба мукофоти давлатӣ роҳ додаанд, мувофиқи қонунгузории Ҷумҳурии Тоҷикистон ҷавобгар мешаванд.

16. Президенти Ҷумҳурии Тоҷикистон Фармонро дар бораи сарфароз гардонидан бекор мекунад, агар нодурустӣ ё беасосии Пешниҳод ба мукофоти давлатӣ маълум гардад. Мукофоти давлатӣ ва ҳуҷҷатҳои супурдашудаи он ба шахсе, ки нисбат ба ӯ Фармон дар хусуси бекор кардани мукофот бароварда шудааст, бояд ба Дастгоҳи иҷроияи Президенти Ҷумҳурии Тоҷикистон баргардонида шаванд.

17. Ба расмият даровардани ҳуҷҷатҳо дар бораи сарфароз гардонидан (шаҳодатномаҳо, дафтарчаҳои орденҳо, шаҳодатномаи медалҳо ва унвонҳои фахрӣ, "Ифтихорнома")-ро Дастгоҳи иҷроияи Президенти Ҷумҳурии Тоҷикистон анҷом медиҳад.

Ҳуҷҷатҳо дар бораи сарфароз гардонидан бемӯҳлатанд. Ҳеч кадом ислоҳ дар онҳо ҷоиз нест. Дар ҳолати тағйироти ному насаби мукофотгиранда ҳуҷҷат дар бораи сарфарозгардонӣ иваз карда намешавад.

II. Супоридани мукофотҳои давлатӣ

18. Мукофотҳои давлатии Ҷумҳурии Тоҷикистон аз тарафи Президенти Ҷумҳурии Тоҷикистон ё аз ном ва бо супориши ӯ аз тарафи Раиси Маҷлиси миллии Маҷлиси Олии Ҷумҳурии Тоҷикистон. Раиси Маҷлиси намояндагони Маҷлиси Олии Ҷумҳурии Тоҷикистон, муовинони аввал ва муовинони онҳо, Сарвазири Ҷумҳурии Тоҷикистон, муовини аввал ва муовинони ӯ, Роҳбари Дастгоҳи иҷроияи Президенти Ҷумҳурии Тоҷикистон, мушовирони давлатӣ, мушовирони калони Президенти Ҷумҳурии Тоҷикистон, раисони Вилояти Мухтори Кӯҳистони Бадахшон, вилоятҳо, шаҳри Душанбе, ноҳияҳо ва шаҳрҳои тобеи ҷумҳурӣ, инчунин дигар шахсони мансабдоре, ки ба онҳо Президенти Ҷумҳурии Тоҷикистон чунин ваколат додааст, супорида мешаванд.

19. Ба Президенти Ҷумҳурии Тоҷикистон мукофотҳои давлатии Ҷумҳурии Тоҷикистон аз тарафи Раиси Маҷлиси миллии Маҷлиси Олии Ҷумҳурии Тоҷикистон супорида мешаванд.

20. Маросими супоридани мукофотҳои давлатии Ҷумҳурии Тоҷикистон дар шароити ошкоро ва махсусан тантанавӣ гузаронида мешавад.

21. Мукофоти давлатии Ҷумҳурии Тоҷикистон ба шахси мукофотонидашуда на дертар аз муддати як мох аз рӯзи нашри Фармони Президенти Ҷумҳурии Тоҷикистон дар бораи сарфароз гардонидан, супорида мешавад.

22. Масъулияти ташкил ва саривақт супоридани мукофотҳои давлатии Ҷумҳурии Тоҷикистон ба шахсони мансабдор ва ташкилотҳое, ки барои супоридани мукофотҳо супориш гирифтаанд, гузошта мешавад.

23. Мукофоти давлатии Ҷумҳурии Тоҷикистон шахсан ба мукофотонидашуда супорида мешавад. Қабл аз супоридан Фармони Президенти Ҷумҳурии Тоҷикистон дар бораи сарфароз гардонидан хонда мешавад. Агар шахси мукофотонидашуда ба сабаби беморӣ ё маъюбӣ ба маросими супоридан ҳозир шуда натавонад, мукофот ба ӯ дар хона, муассисаи табобатӣ, супорида мешавад.

24. Ҳамроҳи мукофотҳои давлатии Ҷумҳурии Тоҷикистон ба шахси мукофотонидашуда ҳуҷҷатҳои зерин супорида мешаванд:

шахсоне, ки ба унвони "Қаҳрамони Тоҷикистон" сазовор дониста шудаандшаҳодатнома дар бораи дода шудани дараҷаи олии корнамоӣ;

шахси бо орден мукофотонидашуда - дафтарчаи орден;

шахси бо медал мукофотонидашуда - шаҳодатномаи медал;

шахси бо унвони фахрӣ сазовор донисташуда - шаҳодатномаи дода шудани унвони фахрӣ ва нишони сарисинагӣ.

25. Дар бораи супорида шудани мукофотҳои давлатӣ протоколи супоридан тартиб дода мешавад (замимаи №3). Протокол бо Фармони Президенти Ҷумҳурии Тоҷикистон дар бораи сарфароз гардонидан муқоиса шуда аз тарафи шахси мукофотро супорида имзо мегардад ва бо мӯҳри вилоят, шаҳр, ноҳия, вазорат, кумитаи давлатӣ, дигар идора, қисми ҳарбӣ, иттиҳодияи ҷамъиятӣ, ки дар он ҷо мукофотҳо супорида шудаанд, тасдиқ карда мешавад.

Протоколи супоридани мукофотҳои давлатӣ дар ду нусха таҳия мегардад. Нусхаи аввали протокол на дертар аз панҷ рӯз баъди супоридани мукофотҳо ба Дастгоҳи иҷроияи Президенти Ҷумҳурии Тоҷикистон фиристода шуда, нусхаи дуюм - дар вилоят, шаҳр, ноҳия, вазорат, кумитаи давлатӣ, идора, қисми ҳарбӣ, иттиҳодияи ҷамъиятӣ, ки дар он чо мукофотҳо супорида шудаанд, мемонад.

Ба хар як намуди мукофоти давлатӣ ("Қаҳрамони Тоҷикистон", орденҳо, медалҳо, унвонҳои фахрӣ, "Ифтихорнома") протоколи алоҳидаи супоридан тартиб дода мешавад.

26. Дар ҳолати ошкор гардидани фарқ дар навиштани ному насаби шахси мукофотонидашуда ё вазифаи ӯ, санади тасҳеҳот (замимаи № 4) дар асоси ҳуҷҷатҳои Пешниҳоднамудаи коллективи меҳнатии ҷои кор, хизмат, ки зарурати даровардани тағйиротро тасдиқ намудаанд, тартиб дода мешавад. Санади тасҳеҳот аз тарафи раиси вилоят, шаҳр, ноҳия, роҳбари вазорат, кумитаи давлатӣ, идораҳо ва дигар мақомоте, ки супориши супоридани мукофотҳоро доштанд, имзо карда мешавад. Санади номбурда ба Дастгоҳи иҷроияи Президенти Ҷумҳурии Тоҷикистон барои ворид карда шудани тасҳеҳот ба фармонҳои дахлдори Президенти Ҷумҳурии Тоҷикистон дар бораи сарфароз гардонидан фиристода мешавад.

27. Роҳбарони вилоятҳо, шаҳрҳо, ноҳияҳо, вазоратҳо, кумитаҳои давлатӣ ва идораҳои Ҷумҳурии Тоҷикистон, ки супориши супоридани мукофотҳоро доштанд ва Дастгоҳи иҷроияи Президенти Ҷумҳурии Тоҷикистон шахсонеро, ки ба онҳо мукофотҳо супорида нашудаанд, як-як ба ҳисоб гирифта сабабҳои ҳозир нашудани мукофотонидашудагонро маълум сохта, барои супоридани мукофотҳо чораҳо меандешанд.

Агар ҷои истиқомат ё кори шахси мукофотонидашуда тағйир ёфта бошад, он гоҳ бояд, ки барои чоп истиқомати ӯро муайян намудан ва супоридани мукофот тадбирҳо андешида шаванд. Агар шахси мукофотонидашуда аз ҳудуди вилоят, ноҳия, шаҳр ё ҷумҳурӣ берун рафта бошад, мукофот бояд ба Дастгоҳи иҷроияи Президенти Ҷумҳурии Тоҷикистон барои нигоҳ доштан, то мукаррар намудани чоп истиқомати нави мукофотгиранда, баргардонида шавад.

28. Пас аз сарфароз гардонидан бо мукофотҳои давлатии Ҷумҳурии Тоҷикистон дар воҳиди сохтории дахлдори Дастгоҳи иҷроияи Президенти Ҷумҳурии Тоҷикистон барои хар кадом шахси мукофотонидашуда варақаи ҳисоботии махсус (замимаи № 5) пур карда мешавад, ки дар он ному насаб, миллат, сол ва чоп таваллуд, маълумот, рутбаи ҳарбӣ, ҷои кор ва вазифаи ишғолкарда дар давраи сарфароз гардонидан, нишонии хонаи мукофотонидашуда, номи мукофоти давлатии супурдашуда, рақами он, рақами дафтарчаи орден, шаҳодатномаи медал ё унвони фахрӣ, асос барои супоридани мукофот навишта шуда, сурат замима мегардад.

Варақаҳои ҳисоботӣ муҳимтарин ҳуҷҷати баҳисобгирии шахсии мукофотонидашудагон ба шумор рафта, ба сурати доимӣ дар картотекаи воҳиди сохтории дахлдори Дастгоҳи иҷроияи Президенти Ҷумҳурии Тоҷикистон нигоҳ дошта мешаванд.

29. Дар мавриди гум кардани ҳуҷҷатҳои мукофотҳои давлатӣ дар шароите, ки дар моддаи 29 Қонун нишон дода шудааст, дубликати ҳуҷҷатҳои онҳо бар ивази ҳуҷҷатҳои гумшуда ба тартибе, ки Қонун мукаррар намудааст, дода мешавад.

Дар ҳамаи дигар ҳолатҳои гум кардани ҳуҷҷатҳои мукофотҳои давлатӣ, ба мукофотгирифта маълумотнома дар хусуси бо мукофотҳои давлатӣ сарфарозгардонида шудан дода мешавад.

Шахсони бо мукофотҳои давлатӣ мукофотонидашуда, ки аз Ҷумҳурии Тоҷикистон ба хориҷа мераванд, дар ҳоли мавҷуд будани ҳуҷҷатҳои тасдиқкунандаи сарфароз гардонидани онҳо, ҳуқуқ доранд, ки ин мукофотҳои давлатиро бо худ баранд.

Орденҳо, медалҳо, нишонҳои сарисинагии унвонҳоли фахрӣ, инчунин ҳуҷҷатҳои марбут ба онҳо баъди вафоти шахси мукофотонидашуда, ё баъди вафот, мукофотонидашуда ба хешони ӯ супорида мешаванд ва дар ин бора протоколи ба оилаи шахси мукофотонидашудаи вафоткарда супоридани мукофот ва ҳуҷҷатҳои он (замимаи № 6) тартиб дода шуда ва ба меросхӯрон ҳамчун хотира бе ҳуқуқи гирифта гаштан монда мешаванд. Дар мавриди набудани меросхӯрон, мукофоти давлатӣ ва ҳуҷҷатҳои он бояд ба Дастгоҳи иҷроияи Президенти Ҷумҳурии Тоҷикистон баргардонида шаванд.

Баъди вафоти мукофотгирифта, меросхӯроне, ки аз Ҷумҳурии Тоҷикистон ба хориҷа барои истиқомати доимӣ мераванд, ҳуқуқ доранд, ки ҳуҷҷатҳои мукофотӣ ва мукофотҳои давлатии ӯро бо худ баранд. Тартиби ба хориҷ баровардани мукофотҳои давлатии аз металлҳои қиматбаҳо сохташударо қонунгузории Ҷумҳурии Тоҷикистон танзим менамояд.

Замима 1-6