Бо қарори Ҳукумати
Ҷумҳурии Тоҷикистон
аз 31 декабри соли 2020, № 680
тасдиқ шудааст
Тартиби таҳия, тасдиқ ва амалӣ намудани нақшаҳои ҳавзавӣ оид ба идоракунии захираҳои об
1. Тартиби таҳия, тасдиқ ва амалӣ намудани нақшаҳои ҳавзавӣ оид ба идоракунии захираҳои об (минбаъд - Тартиби мазкур) қоидаҳои таҳия, тасдиқ ва амалӣ намудани нақшаҳои ҳавзавӣ оид ба идоракунии захираҳои об (минбаъд - нақшаҳо), инчунин ворид намудани тағйиротро ба ин нақшаҳо муайян менамояд. Нақшаҳо барои ҳар як ҳавзаи дарё таҳия мегарданд ва маҷмӯи маводро дар шакли матн, ҷадвал ва нақши ҳомилҳои электронӣ, коғазӣ дар бораи вазъи объектҳои об ва истифодабарии онҳо, ки дар натиҷаи мушоҳидаву, тадқиқотҳои вазъи объектҳои об ва омӯзишҳо, корҳои пешазлоиҳавӣ ва лоиҳавӣ оид ба банақшагирӣ ва амалӣ намудани чорабиниҳои хоҷагии об ва ҳифзи об, инчунин амалӣ намудани чорабиниҳо вобаста ба кам кардани таъсири манфии оқибатҳои обхезӣ ва дигар намуди таъсири манфии обҳо ба даст оварда шудаанд, инъикос менамоянд. Дар ҳолати номутобиқатии мавод дар ҳомилҳои коғазӣ ва электронӣ, афзалият ба маводи ҳомили коғазӣ дода мешавад.
2. Нақшаҳо ба муҳлати на кам аз 5 сол аз ҷониби Вазорати энергетика ва захираҳои оби Ҷумҳурии Тоҷикистон мувофиқи Тартиби мазкур, дастурҳои методӣ оид ба таҳияи нақшаҳо ва бо дар назар доштани тавсияҳои шӯроҳои ҳавзавии дарёҳо таҳия мегарданд ва нишондодҳои миқдорӣ ва сифатии ҳолати захираҳои об ва андозаҳои обистифодабариро дар ҳавзаи дарё, зерҳавзаҳо, қитъаҳои хоҷагии об ва ҳудуди вилоятҳо, шаҳрҳо ва ноҳияҳои Ҷумҳурии Тоҷикистон инъикос менамоянд. Дастурҳои методӣ оид ба таҳияи нақшаҳо аз ҷониби Вазорати энергетика ва захираҳои оби Ҷумҳурии Тоҷикистон таҳия ва тасдиқ карда мешаванд.
3. Вазорати энергетика ва захираҳои оби Ҷумҳурии Тоҷикистон давраҳои таҳия намудани нақшаҳоро бо дар назар доштани вазъияти хоҷагии об дар ҳудуди ҳавзаҳои дарёҳо муайян менамояд.
4. Вазорати рушди иқтисод ва савдои Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати кишоварзии Ҷумҳурии Тоҷикистон, Кумитаи ҳифзи муҳити зисти назди Ҳукумати Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Агентии беҳдошти замин ва обёрии назди. Ҳукумати Ҷумҳурии Тоҷикистон, дигар мақомоти иҷроияи марказии ҳокимияти давлатии манфиатдор, инчунин мақомоти иҷроияи маҳаллии ҳокимияти давлатӣ дар таҳияи нақшаҳо иштирок менамоянд.
5. Мақомоти иҷроияи марказии ҳокимияти давлатӣ ва мақомоти иҷроияи маҳаллии ҳокимияти давлатӣ тариқи ройгон ба Вазорати энергетика ва захираҳои оби Ҷумҳурии Тоҷикистон натиҷаҳои тадқиқот ва дигар маводи заруриро барои ворид кардан ба нақшаҳо тибқи дархости Вазорати энергетика ва захираҳои оби Ҷумҳурии Тоҷикистон пешниҳод менамоянд. Таркиб ва шакли пешниҳоди маводи зикргардида аз тарафи Вазорати энергетика ва захираҳои оби Ҷумҳурии Тоҷикистон дар мувофиқа бо мақомоти иҷроияи марказии ҳокимияти давлатӣ ва мақомоти иҷроияи маҳаллии ҳокимияти давлатии дахлдор муайян карда мешавад.
6. Нақшаҳо мутобиқи муқаррароти Стратегияи миллии об бо дар назар доштани барномаҳои рушди иҷтимоӣ ва иқтисодии маҳал таҳия мегарданд. Ҳангоми таҳияи нақшаҳо вобаста ба объектҳои обии байнидавлатӣ муқаррароти шартномаҳои байналмилалии Ҷумҳурии Тоҷикистон дар соҳаи истифодаи муштарак ва ҳифзи объектҳои обии байнидавлатӣ ба инобат гирифта мешаванд.
7. Нақшаҳо аз ҷониби Вазорати энергетика ва захираҳои оби Ҷумҳурии Тоҷикистон танҳо дар сурати мавҷуд будани хулосаи мусбии Кумитаи ҳифзи муҳити зисти назди Ҳукумати Ҷумҳурии Тоҷикистон ва Агентии беҳдошти замин ва объёрии назди Ҳукумати Ҷумҳурии Тоҷикистон тасдиқ карда мешаванд.
8. Бо нақшаҳо инҳо муқаррар карда мешаванд:
- нишондодҳои ҳадафноки сифати об дар объектҳои об, ки таркиби кимиявӣ ва нишондиҳандаҳои дигари сифати об дар объектҳои обро тавсиф карда, ноилгардӣ ба онҳо баъд аз иҷрои чорабиниҳои нақшаҳои пешбинигардида вобаста ба ҳифзи об ва хоҷагии об ба нақша гирифта мешавад;
- номгӯи чорабиниҳои хоҷагии об ва чорабиниҳо оид ба ҳифзи объектҳои об, ки ба нигоҳдорӣ, барқарорсозии объектҳои об, таъмини фаъолияти устувори системаҳои хоҷагии об дар ҳудуди ҳавзаи дарё ва ноил гаштан ба нишондодҳои ҳадафноки сифати об дар объектҳои об, ки аз ҷониби Вазорати энергетика ва захираҳои оби Ҷумҳурии Тоҷикистон бо иштироки мақомоти иҷроияи марказии ҳокимияти давлатӣ таҳия карда мешаванд, равона гардидаанд;
- тавозунҳои хоҷагии оби ҳавзаҳои дарёҳо, зерҳавзаҳо ва қитъаҳои хоҷагии об дар шароити обнокии гуногун. Давраҳои омода намудани тавозунҳои хоҷагии оби мазкур аз ҷониби Вазорати энергетика ва захираҳои оби Ҷумҳурии Тоҷикистон дар ҳамкорӣ бо Агентии беҳдошти замин ва обёрии назди Ҳукумати Ҷумҳурии Тоҷикистон бо дар назар доштани вазъияти хоҷагии об дар ҳудуди ҳавзаҳои дарёҳо ва қисмҳои онҳо муқаррар мегардад;
- нишондодҳои ҳадафноки асосии кам кардани оқибатҳои манфии обхезӣ ва дигар намуди таъсири манфии обҳо, ки коҳиш ёфтани зарар ба саломатии аҳолӣ ва муҳити зист, талафоти моддӣ, аз ҷумла дар натиҷаи вайрон намудани шароити зиндагии аҳолӣ дар натиҷаи таъсири манфии обҳо, инчунин номгӯи чорабиниҳои барои ноил гаштан ба ин нишондодҳоро бо дар назар доштани чорабиниҳои ба пешгирии обхезиҳо ва кам кардани хатари пайдоиши ҳолатҳои фавқулоддаи табиӣ дар ҳавзаҳои дарёҳои мушаххас, таъмини фаъолияти бехатари системаҳои хоҷагии об дар ҳудуди ҳавзаҳои дарёҳо, ҳифз аз таъсири манфии обҳо дар ҳудудҳои муайян ва объектҳо нигаронидашударо нишон медиҳад. Нишондодҳо ва чорабиниҳои зикргардида аз ҷониби Вазорати энергетика ва захираҳои оби Ҷумҳурии Тоҷикистон бо иштироки мақомоти иҷроияи марказии ҳокимияти давлатӣ ва мақомоти иҷроияи ҳокимияти давлатии манфиатдор таҳия карда мешаванд;
- ҳаҷми захираҳои молиявии тахминӣ барои татбиқи нақшаҳои захираҳои молиявӣ, ки дар асоси ҳаҷми захираҳои молиявии барои таҳияи тавозунҳои хоҷагии обу амалисозии чорабиниҳои хоҷагии об ва чорабиниҳои ҳифзи объектҳои об, инчунин чорабиниҳои ба кам кардани таъсири манфии обҳо нигаронидашуда ҳисоб карда мешаванд.
9. Вазорати энергетика ва захираҳои оби Ҷумҳурии Тоҷикистон лоиҳаҳои нақшаҳоро ба Шӯрои миллии об ва шӯроҳои ҳавзавии дарёҳо барои мувофиқа равон мекунад, ки онҳо дар муҳлати як моҳ аз лаҳзаи қабули лоиҳаҳои нақшаҳо тавсияҳои дахлдорро ба вазорат пешниҳод менамоянд.
10. Вазорати энергетика ва захираҳои оби Ҷумҳурии Тоҷикистон тавсияҳои Шӯрои миллии об ва шӯроҳои ҳавзавии дарёҳоро баррасӣ ва дар асоси он нақшаҳоро такмил дода, барои мувофиқа ба Кумитаи ҳифзи муҳити зисти назди Ҳукумати Ҷумҳурии Тоҷикистон ва Агентии беҳдошти замин ва обёрии назди Ҳукумати Ҷумҳурии Тоҷикистон пешниҳод менамояд ва дар муддати 15 рӯзи корӣ баъд аз гирифтани хулосаи мусбат аз идораҳои мазкур нақшаҳоро тасдиқ менамояд.
11. Вазорати энергетика ва захираҳои оби Ҷумҳурии Тоҷикистон дар муҳлати ду ҳафта баъд аз тасдиқи нақшаҳо онҳоро ба мақомоти иҷроияи марказӣ ва маҳаллии ҳокимияти давлатии манфиатдор равон мекунад ва инчунин дар сомонаи худ ҷойгир мекунад.
12. Тағйирот ба нақшаҳо мансуб ба нишондодҳои сархатҳои якум, дуюм, чорум ва панҷуми банди 8 Тартиби мазкур тибқи қоидаҳои барои таҳияи нақшаҳо муқарраргардида ворид карда мешаванд. Тағйирот мансуб ба нишондодҳои сархати сеюми банди 8 Тартиби мазкур аз ҷониби Вазорати энергетика ва захираҳои оби Ҷумҳурии Тоҷикистон ворид карда мешаванд.
13. Нақшаҳо аз ҷониби мақомоти марказии ҳокимияти давлатӣ ва мақомоти иҷроияи маҳаллии ҳокимияти давлатӣ дар асоси банақшагирии онҳо ва амалисозии чорабиниҳои хоҷагии об ва чорабиниҳои ҳифзи объектҳои об, ки барои қонеъ гардонидани талаботи воқеӣ ва оянда ба захираҳои об, коҳиши мунтазами таъсири антропогенӣ ба объектҳои об, таъмини истифодаи оқилона ва ҳифзи объектҳои об, инчунин пешгирии таъсири манфии обҳо равона гардидаанд, амалӣ карда мешаванд.
Бо қарори Ҳукумати
Ҷумҳурии Тоҷикистон
аз 31 декабри соли 2020, № 680
тасдиқ шудааст
Тартиби таҳия, тасдиқ ва амалӣ намудани нақшаҳои ҳавзавӣ оид ба идоракунии захираҳои об
1. Тартиби таҳия, тасдиқ ва амалӣ намудани нақшаҳои ҳавзавӣ оид ба идоракунии захираҳои об (минбаъд - Тартиби мазкур) қоидаҳои таҳия, тасдиқ ва амалӣ намудани нақшаҳои ҳавзавӣ оид ба идоракунии захираҳои об (минбаъд - нақшаҳо), инчунин ворид намудани тағйиротро ба ин нақшаҳо муайян менамояд. Нақшаҳо барои ҳар як ҳавзаи дарё таҳия мегарданд ва маҷмӯи маводро дар шакли матн, ҷадвал ва нақши ҳомилҳои электронӣ, коғазӣ дар бораи вазъи объектҳои об ва истифодабарии онҳо, ки дар натиҷаи мушоҳидаву, тадқиқотҳои вазъи объектҳои об ва омӯзишҳо, корҳои пешазлоиҳавӣ ва лоиҳавӣ оид ба банақшагирӣ ва амалӣ намудани чорабиниҳои хоҷагии об ва ҳифзи об, инчунин амалӣ намудани чорабиниҳо вобаста ба кам кардани таъсири манфии оқибатҳои обхезӣ ва дигар намуди таъсири манфии обҳо ба даст оварда шудаанд, инъикос менамоянд. Дар ҳолати номутобиқатии мавод дар ҳомилҳои коғазӣ ва электронӣ, афзалият ба маводи ҳомили коғазӣ дода мешавад.
2. Нақшаҳо ба муҳлати на кам аз 5 сол аз ҷониби Вазорати энергетика ва захираҳои оби Ҷумҳурии Тоҷикистон мувофиқи Тартиби мазкур, дастурҳои методӣ оид ба таҳияи нақшаҳо ва бо дар назар доштани тавсияҳои шӯроҳои ҳавзавии дарёҳо таҳия мегарданд ва нишондодҳои миқдорӣ ва сифатии ҳолати захираҳои об ва андозаҳои обистифодабариро дар ҳавзаи дарё, зерҳавзаҳо, қитъаҳои хоҷагии об ва ҳудуди вилоятҳо, шаҳрҳо ва ноҳияҳои Ҷумҳурии Тоҷикистон инъикос менамоянд. Дастурҳои методӣ оид ба таҳияи нақшаҳо аз ҷониби Вазорати энергетика ва захираҳои оби Ҷумҳурии Тоҷикистон таҳия ва тасдиқ карда мешаванд.
3. Вазорати энергетика ва захираҳои оби Ҷумҳурии Тоҷикистон давраҳои таҳия намудани нақшаҳоро бо дар назар доштани вазъияти хоҷагии об дар ҳудуди ҳавзаҳои дарёҳо муайян менамояд.
4. Вазорати рушди иқтисод ва савдои Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати кишоварзии Ҷумҳурии Тоҷикистон, Кумитаи ҳифзи муҳити зисти назди Ҳукумати Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Агентии беҳдошти замин ва обёрии назди. Ҳукумати Ҷумҳурии Тоҷикистон, дигар мақомоти иҷроияи марказии ҳокимияти давлатии манфиатдор, инчунин мақомоти иҷроияи маҳаллии ҳокимияти давлатӣ дар таҳияи нақшаҳо иштирок менамоянд.
5. Мақомоти иҷроияи марказии ҳокимияти давлатӣ ва мақомоти иҷроияи маҳаллии ҳокимияти давлатӣ тариқи ройгон ба Вазорати энергетика ва захираҳои оби Ҷумҳурии Тоҷикистон натиҷаҳои тадқиқот ва дигар маводи заруриро барои ворид кардан ба нақшаҳо тибқи дархости Вазорати энергетика ва захираҳои оби Ҷумҳурии Тоҷикистон пешниҳод менамоянд. Таркиб ва шакли пешниҳоди маводи зикргардида аз тарафи Вазорати энергетика ва захираҳои оби Ҷумҳурии Тоҷикистон дар мувофиқа бо мақомоти иҷроияи марказии ҳокимияти давлатӣ ва мақомоти иҷроияи маҳаллии ҳокимияти давлатии дахлдор муайян карда мешавад.
6. Нақшаҳо мутобиқи муқаррароти Стратегияи миллии об бо дар назар доштани барномаҳои рушди иҷтимоӣ ва иқтисодии маҳал таҳия мегарданд. Ҳангоми таҳияи нақшаҳо вобаста ба объектҳои обии байнидавлатӣ муқаррароти шартномаҳои байналмилалии Ҷумҳурии Тоҷикистон дар соҳаи истифодаи муштарак ва ҳифзи объектҳои обии байнидавлатӣ ба инобат гирифта мешаванд.
7. Нақшаҳо аз ҷониби Вазорати энергетика ва захираҳои оби Ҷумҳурии Тоҷикистон танҳо дар сурати мавҷуд будани хулосаи мусбии Кумитаи ҳифзи муҳити зисти назди Ҳукумати Ҷумҳурии Тоҷикистон ва Агентии беҳдошти замин ва объёрии назди Ҳукумати Ҷумҳурии Тоҷикистон тасдиқ карда мешаванд.
8. Бо нақшаҳо инҳо муқаррар карда мешаванд:
- нишондодҳои ҳадафноки сифати об дар объектҳои об, ки таркиби кимиявӣ ва нишондиҳандаҳои дигари сифати об дар объектҳои обро тавсиф карда, ноилгардӣ ба онҳо баъд аз иҷрои чорабиниҳои нақшаҳои пешбинигардида вобаста ба ҳифзи об ва хоҷагии об ба нақша гирифта мешавад;
- номгӯи чорабиниҳои хоҷагии об ва чорабиниҳо оид ба ҳифзи объектҳои об, ки ба нигоҳдорӣ, барқарорсозии объектҳои об, таъмини фаъолияти устувори системаҳои хоҷагии об дар ҳудуди ҳавзаи дарё ва ноил гаштан ба нишондодҳои ҳадафноки сифати об дар объектҳои об, ки аз ҷониби Вазорати энергетика ва захираҳои оби Ҷумҳурии Тоҷикистон бо иштироки мақомоти иҷроияи марказии ҳокимияти давлатӣ таҳия карда мешаванд, равона гардидаанд;
- тавозунҳои хоҷагии оби ҳавзаҳои дарёҳо, зерҳавзаҳо ва қитъаҳои хоҷагии об дар шароити обнокии гуногун. Давраҳои омода намудани тавозунҳои хоҷагии оби мазкур аз ҷониби Вазорати энергетика ва захираҳои оби Ҷумҳурии Тоҷикистон дар ҳамкорӣ бо Агентии беҳдошти замин ва обёрии назди Ҳукумати Ҷумҳурии Тоҷикистон бо дар назар доштани вазъияти хоҷагии об дар ҳудуди ҳавзаҳои дарёҳо ва қисмҳои онҳо муқаррар мегардад;
- нишондодҳои ҳадафноки асосии кам кардани оқибатҳои манфии обхезӣ ва дигар намуди таъсири манфии обҳо, ки коҳиш ёфтани зарар ба саломатии аҳолӣ ва муҳити зист, талафоти моддӣ, аз ҷумла дар натиҷаи вайрон намудани шароити зиндагии аҳолӣ дар натиҷаи таъсири манфии обҳо, инчунин номгӯи чорабиниҳои барои ноил гаштан ба ин нишондодҳоро бо дар назар доштани чорабиниҳои ба пешгирии обхезиҳо ва кам кардани хатари пайдоиши ҳолатҳои фавқулоддаи табиӣ дар ҳавзаҳои дарёҳои мушаххас, таъмини фаъолияти бехатари системаҳои хоҷагии об дар ҳудуди ҳавзаҳои дарёҳо, ҳифз аз таъсири манфии обҳо дар ҳудудҳои муайян ва объектҳо нигаронидашударо нишон медиҳад. Нишондодҳо ва чорабиниҳои зикргардида аз ҷониби Вазорати энергетика ва захираҳои оби Ҷумҳурии Тоҷикистон бо иштироки мақомоти иҷроияи марказии ҳокимияти давлатӣ ва мақомоти иҷроияи ҳокимияти давлатии манфиатдор таҳия карда мешаванд;
- ҳаҷми захираҳои молиявии тахминӣ барои татбиқи нақшаҳои захираҳои молиявӣ, ки дар асоси ҳаҷми захираҳои молиявии барои таҳияи тавозунҳои хоҷагии обу амалисозии чорабиниҳои хоҷагии об ва чорабиниҳои ҳифзи объектҳои об, инчунин чорабиниҳои ба кам кардани таъсири манфии обҳо нигаронидашуда ҳисоб карда мешаванд.
9. Вазорати энергетика ва захираҳои оби Ҷумҳурии Тоҷикистон лоиҳаҳои нақшаҳоро ба Шӯрои миллии об ва шӯроҳои ҳавзавии дарёҳо барои мувофиқа равон мекунад, ки онҳо дар муҳлати як моҳ аз лаҳзаи қабули лоиҳаҳои нақшаҳо тавсияҳои дахлдорро ба вазорат пешниҳод менамоянд.
10. Вазорати энергетика ва захираҳои оби Ҷумҳурии Тоҷикистон тавсияҳои Шӯрои миллии об ва шӯроҳои ҳавзавии дарёҳоро баррасӣ ва дар асоси он нақшаҳоро такмил дода, барои мувофиқа ба Кумитаи ҳифзи муҳити зисти назди Ҳукумати Ҷумҳурии Тоҷикистон ва Агентии беҳдошти замин ва обёрии назди Ҳукумати Ҷумҳурии Тоҷикистон пешниҳод менамояд ва дар муддати 15 рӯзи корӣ баъд аз гирифтани хулосаи мусбат аз идораҳои мазкур нақшаҳоро тасдиқ менамояд.
11. Вазорати энергетика ва захираҳои оби Ҷумҳурии Тоҷикистон дар муҳлати ду ҳафта баъд аз тасдиқи нақшаҳо онҳоро ба мақомоти иҷроияи марказӣ ва маҳаллии ҳокимияти давлатии манфиатдор равон мекунад ва инчунин дар сомонаи худ ҷойгир мекунад.
12. Тағйирот ба нақшаҳо мансуб ба нишондодҳои сархатҳои якум, дуюм, чорум ва панҷуми банди 8 Тартиби мазкур тибқи қоидаҳои барои таҳияи нақшаҳо муқарраргардида ворид карда мешаванд. Тағйирот мансуб ба нишондодҳои сархати сеюми банди 8 Тартиби мазкур аз ҷониби Вазорати энергетика ва захираҳои оби Ҷумҳурии Тоҷикистон ворид карда мешаванд.
13. Нақшаҳо аз ҷониби мақомоти марказии ҳокимияти давлатӣ ва мақомоти иҷроияи маҳаллии ҳокимияти давлатӣ дар асоси банақшагирии онҳо ва амалисозии чорабиниҳои хоҷагии об ва чорабиниҳои ҳифзи объектҳои об, ки барои қонеъ гардонидани талаботи воқеӣ ва оянда ба захираҳои об, коҳиши мунтазами таъсири антропогенӣ ба объектҳои об, таъмини истифодаи оқилона ва ҳифзи объектҳои об, инчунин пешгирии таъсири манфии обҳо равона гардидаанд, амалӣ карда мешаванд.
