Замима
ба қарори Ҳукумати
Ҷумҳурии Тоҷикистон
аз 26 ноябри соли 2020, №622
Тартиби ҷудо намудани қарз ҳангоми касри Хазинаи суғуртаи пасандозҳои шахсони воқеӣ
1. МУҚАРРАРОТИ УМУМӢ
1. Тартиби ҷудо намудани қарз ҳангоми касри Хазинаи суғуртаи пасандозҳои шахсони воқеӣ (минбаъд - Тартиб) механизм ва шартҳои ҷудо намудани маблағҳои қарзии аз ҷониби Ҳукумати Ҷумҳурии Тоҷикистон барои пӯшонидани касри Хазинаи суғуртаи пасандозҳои шахсони воқеӣ (минбаъд Хазина) пешниҳодгардидаро муайян менамояд.
2. Дар Тартиби мазкур мафҳумҳои зерин истифода мешаванд:
- Хазинаи суғуртаи пасандозҳои шахсони воқеӣ (минбаъд - Хазина) - шахси ҳуқуқии ғайритиҷоратӣ, ки дорои тавозуни мустақил ва муҳри мудаввар бо сабти номи худ ва тасвири Нишони давлатии Ҷумҳурии Тоҷикистон буда, ҳуқуқу манфиатҳои қонунии пасандоздоронро бо роҳи пардохти ҷубронпулии суғурта ҳимоя менамояд;
- касри Хазина - маблағи нокифояи Хазина, ки барои ҷуброни маблағи суғуртаи пасандоздорон зарур аст;
- маблағи барои пардохти ҷубронпулии суғурта зарур - андозаи ҳадди ақалли маблағи Хазина, ки барои иҷрои уҳдадориҳои худ дар назди пасандоздорон ҳангоми ба вуқӯъ омадани ҳолати эҳтимолии суғуртавӣ зарур мебошад ва бо санадҳои меъёрии ҳуқуқии Хазина муайян карда мешавад:
- ҳолати суғуртавӣ - барҳамдиҳии маҷбурии ташкилоти қарзӣ тибқи қарори суд на дар асоси муфлисшавӣ ё бо асосҳои муфлисшавӣ мутобиқи Қонуни Ҷумҳурии Тоҷикистон "Дар бораи барҳамдиҳии ташкилотҳои қарзӣ", ки дар натиҷаи он уҳдадориҳои Хазинаи суғуртаи пасандозҳои шахсони воқеӣ оид ба ҷубронпулии пардохти маблағи суғурта ба пасандоздорони ташкилоти қарзии барҳамхӯрда мегардад;
- маблағи ҷубронпулии суғурта - маблағе, ки пасандоздор ба гирифтани он ҳангоми фаро расидани ҳолати суғуртавӣ ҳуқуқ дорад;
- пардохтҳои тақвимӣ ва иловагӣ - маблағҳое, ки ба Хазина аз ҷониби ташкилотҳои қарзии аъзои Хазина пардохт карда мешаванд;
- маблағҳои Хазина пардохтҳо, даромад аз сармоягузорӣ, маблағҳои қарзии аз Ҳукумати Ҷумҳурии Тоҷикистон гирифташуда ва маблағҳое дигаре, ки қонунгузорӣ манъ накардааст.
3. Маблағҳои қарзӣ ба Хазина мутобиқи Қонуни Ҷумҳурии Тоҷикистон "Дар бораи суғуртаи пасандозҳои шахсони воқеӣ", санадҳои меъёрии ҳуқуқӣ, инчунин Тартиби мазкур пешниҳод карда мешаванд.
4. Аз номи Ҳукумати Ҷумҳурии Тоҷикистон маблағҳои қарзӣ аз ҷониби Вазорати молияи Ҷумҳурии Тоҷикистон пешниҳод карда мешаванд.
5. Пешниҳоди маблағҳои қарзӣ аз ҷониби Вазорати молия уҳдадории Хазина дар назди пасандозгузорони ташкилотҳои қарзӣ дар мавриди ба вуқӯъ омадани ҳолати суғуртавӣ ба ҳисоб меравад.
6. Маблағҳои қарзии мақсаднок ҳангоми камомади (касри) маблағи Хазина барои пардохти ҷубронпулии суғурта ба пасандоздорон яъне шахсони воқеӣ дар сурати ба вуҷуд омадани ҳолати суғуртавӣ пешниҳод мегарданд.
2. ТАРТИБ ВА ШАРТҲОИ ПЕШНИҲОДИ ҚАРЗ
7. Хазина барои гирифтани қарз дар ҳолати касри маблағҳои худ тибқи сархати дуюми банди 2 Тартиби мазкур овардашуда ба Вазорати молия ҳуҷҷатҳои зеринро пешниҳод менамояд:
- нусхаи қарори тасдиқшудаи Шӯрои нозирони Хазина дар бораи аз Ҳукумати Ҷумҳурии Тоҷикистон гирифтани маблағҳои қарзӣ ҳангоми касри Хазина;
- дархост, ки дар он асоснокӣ ва сабаби зарурати гирифтани маблағҳои қарзӣ, аз ҷумла маблағи қарз ва муҳлати истифодабарии он ба таври возеҳ дарҷ карда шудааст;
- ҳисоботҳои молиявие, ки касри Хазинаро тасдиқ менамоянд;
- нусхаи иқтибос аз суратҳисобҳои Хазина, ки дар Бонки миллии Тоҷикистон кушода шудаанд;
- нақшаи пардохти қарз.
8. Маблағҳои қарзӣ тибқи шартҳои боби 2 Тартиби мазкур ва шартномаи қарзӣ дар ҳаҷм ва муҳлати байни Вазорати молия ва Хазина мувофиқашуда дар асоси дархости Хазина ва нақшаи пардохти Хазина, пешниҳод карда мешаванд.
9. Қарз дар шакли маблағ бо пули миллӣ, коғазҳои қиматноки давлатӣ бо шартҳои муҳлатнокӣ, музднокӣ, бозгардонӣ ва кафолати таъминнокии он дода мешавад.
10. Додани қарз дар шакли маблағҳои пулӣ бо роҳи аз ҷониби Вазорати молия ба суратҳисоби Хазина дар Бонки миллии Тоҷикистон гузаронидани маблағи қарзи пешниҳодшаванда амалӣ мегардад. Пас аз баста шудани шартномаи қарзӣ байни Хазина ва Вазорати молия маблағи пулӣ ба суратҳисоби муросилотии Хазина интиқол дода мешавад.
11. Андозаи меъёри фоизи маблағҳои аз ҷониби Вазорати молия ба Хазина дар шакли маблағҳои пулӣ пешниҳодшуда тибқи шартномаи қарзӣ байни Вазорати молия ва Хазина муайян карда мешавад. Агар Вазорати молия маблағҳоро барои пешниҳоди қарз ба Хазина ҷалб намуда бошад, андозаи меъёри фоизӣ аз тарафи Вазорати молия мустақилона муайян карда мешавад.
12. Вазорати молия дархости Хазинаро оид ба гирифтани қарз баррасӣ намуда, вобаста ба имкониятҳои буҷети давлатӣ қарор қабул мекунад. Вазорати молия қарори қабулшударо ба Хазина ирсол менамояд.
13. Дар мавриди ғайриимкон будани пешниҳоди саривақтии маблағҳои қарзӣ, Вазорати молия тавассути барориши коғазҳои қиматноки давлатӣ (векселҳои хазинавӣ ё вомбаргҳои давлатӣ) ба Хазина қарз пешниҳод менамояд. Барориши коғазҳои қиматноки давлатӣ бо даромаднокии на зиёда аз ду фоизи солона амалӣ карда мешавад. Муҳлати гардиши коғазҳои қиматноки давлатӣ то як сол муқаррар карда мешавад.
14. Хазина воситаҳои қарзии давлатии пешниҳодшударо, ки дар банди 12 Тартиби мазкур зикр ёфтаанд, барои дастрасӣ ба бозори пардохтпазирии кӯтоҳмуддати Бонки миллии Тоҷикистон амалӣ менамояд.
15. Хазина якҷо бо Бонки миллии Тоҷикистон ба Вазорати молия маълумоти зерин пешниҳод менамоянд:
- таҳлил, баҳодиҳии хавфҳо ва эҳтимоли ба вуқӯъ омадани ҳолати суғуртавӣ;
- маблағи умумии зарурӣ барои маблағгузории эҳтимолии касри Хазина;
- уҳдадориҳои умумии эҳтимолии Хазина дар назди ташкилотҳои қарзии аъзои Хазина бо дарназардошти амалӣ шудани хавфҳо;
- дороиҳои умумии Хазина, аз ҷумла маблағи дороиҳои сатҳи баланди на пардохтпазиридошта;
- матрисаи баҳодиҳии хавф ва эҳтимоли ба вуқӯъ омадани ҳолати суғуртавӣ бо сенарияҳои гуногуни рушди эҳтимолии вазъи ва маблағҳои зарурӣ барои пушонидани касри Хазина;
- пешниҳоди рӯйхати ташкилотҳои қарзӣ, ки аъзои Хазина мебошанд.
3. ТАЪМИНОТ ВА ТАРТИБИ ПАРДОХТИ ҚАРЗ
16. Хазина ба Вазорати молия ба сифати гарави муносиб барои таъмини маблағҳои қарзи дастрасии пурра ба суратҳисобҳои ҷории Хазина дар Бонки миллии Тоҷикистон, аз ҷумла ба пардохтҳои тақвимӣ ва иловагии ташкилотҳои қарзӣ ва маблағи дар раванди барҳамдиҳии ташкилоти қарзии муфлис тибқи қонунгузории Ҷумҳурии Тоҷикистон рӯёнидашударо пешниҳод менамояд.
17. Шартномаи гарав дар шакли хаттӣ ҳамзамон бо бастани шартномаи қарзӣ барои пешниҳод намудани маблағи қарзӣ бо тартиби дар қонунгузории Ҷумҳурии Тоҷикистон пешбинишуда ба расмият дароварда мешавад.
18. Дар сурати аз тарафи Хазина дар муҳлати муқаррарнамудаи шартномаи тарафҳо баргардонида нашудани маблағи қарз ва фоизҳои он, Вазорати молия предмети гаравро, ки ҳамчун чораи таъмини иҷрои уҳдадорӣ аз Хазина гирифта шудааст, метавонад бо мақсади барқарор намудани маблағҳои додашуда пурра ихтиёрдорӣ на ё ҳуқуқи талабкунии худро ба шахси дигар гузашт намояд.
19. Пардохти маблағи асосии қарз ва фоизҳои ҳисобшудаи он тибқи нақшаи пардохт бо шартҳое, ки дар шартномаи қарзӣ муайян шудаанд, амалӣ карда мешавад. Хазина ҳуқуқ дорад, ки пеш аз муҳлат (пурра ё қисман) қарз ва фоизҳои онро бо роҳи ба таври хаттӣ огоҳ намудани Вазорати молия баргардонад.
20. Муҳлати пардохти маблағҳои қарзи ба Хазина пешниҳодшаванда вобаста ба дархост ва нақшаи пардохти қарз, ки аз тарафи Хазина бо Вазорати молия мувофиқа карда шудааст, муайян карда мешавад.
21. Вазорати молия дар ҳолати иҷро нашудани уҳдадориҳо оид ба бозгардонии маблағи қарз ва фоизҳои ҳисобшуда, ки тибқи Тартиби мазкур ба Хазина дода шудааст, метавонад талаботи худро тариқи ситонидани ғайрисудии предмети гарав қонеъ гардонад. Дар ин ҳолат, Вазорати молия бе огоҳии пешакии Хазина маблағҳои аз тамоми суратҳисобҳои ҷории Хазина, аз он ҷумла маблағҳои пардохтҳои тақвимӣ ва иловагии ташкилотҳои қарзӣ ва маблағи дар раванди барҳамдиҳии ташкилоти қарзии муфлис ба суратҳисоби Хазина воридшударо тавассути пешниҳод намудани фармоиши инкассавӣ меситонад.
22. Дар ҳолати истифодабарии ғайримақсадноки маблағҳои аз ҷониби Вазорати молия додашуда ва ё пешниҳоди маълумоти носаҳеҳ оид ба гарав, инчунин оид ба истифодаи маблағҳои пешниҳодкарда Вазорати молия ҳуқуқ дорад, ки талаби худро оиди пеш аз муҳлат баргардонидани маблағҳои қарзии додашуда пешниҳод намояд.
4. ШАРТҲОИ МАХСУС
23. Дар давраи амали қарз Хазина уҳдадор аст ҳамаи талаботи дар шартномаҳои қарзӣ ва гарав зикргардида, инчунин фармоишҳои Вазорати молия, ки бо пешниҳоди қарз алоқаманданд, риоя намояд.
24. Хазина бо талаби Вазорати молия оид ба истифодаи маблағҳо бо тартиб ва муҳлати аз ҷониби Вазорати молия муқарраршуда маълумот ва дигар ҳуҷҷатҳои зарурӣ пешниҳод намояд.
25. Масъулият барои риояи истифодаи мақсадноки маблағҳои қарзӣ ва шартҳои дигари қарз ба зиммаи Шӯрои нозирони Хазина вогузор мегардад.
5. МАХФИЯТ
26. Бо мақсади иҷрои Тартиби мазкур Хазина ва Вазорати молия дараҷаи махфияти маълумоту ҳуҷҷатҳоеро, ки таҳия ва бо яке аз тарафҳои Тартиби мазкур мубодила мекунанд, муайян менамоянд ва уҳдадор мешаванд, ки ин дараҷаи махфиятро риоя намоянд.
27. Пешниҳоди маълумоти мазкур ба тарафҳои сеюм танҳо бо розигии мутақобили Хазина ва Вазорати молия иҷозат дода мешавад.
Замима
ба қарори Ҳукумати
Ҷумҳурии Тоҷикистон
аз 26 ноябри соли 2020, №622
Тартиби ҷудо намудани қарз ҳангоми касри Хазинаи суғуртаи пасандозҳои шахсони воқеӣ
1. МУҚАРРАРОТИ УМУМӢ
1. Тартиби ҷудо намудани қарз ҳангоми касри Хазинаи суғуртаи пасандозҳои шахсони воқеӣ (минбаъд - Тартиб) механизм ва шартҳои ҷудо намудани маблағҳои қарзии аз ҷониби Ҳукумати Ҷумҳурии Тоҷикистон барои пӯшонидани касри Хазинаи суғуртаи пасандозҳои шахсони воқеӣ (минбаъд Хазина) пешниҳодгардидаро муайян менамояд.
2. Дар Тартиби мазкур мафҳумҳои зерин истифода мешаванд:
- Хазинаи суғуртаи пасандозҳои шахсони воқеӣ (минбаъд - Хазина) - шахси ҳуқуқии ғайритиҷоратӣ, ки дорои тавозуни мустақил ва муҳри мудаввар бо сабти номи худ ва тасвири Нишони давлатии Ҷумҳурии Тоҷикистон буда, ҳуқуқу манфиатҳои қонунии пасандоздоронро бо роҳи пардохти ҷубронпулии суғурта ҳимоя менамояд;
- касри Хазина - маблағи нокифояи Хазина, ки барои ҷуброни маблағи суғуртаи пасандоздорон зарур аст;
- маблағи барои пардохти ҷубронпулии суғурта зарур - андозаи ҳадди ақалли маблағи Хазина, ки барои иҷрои уҳдадориҳои худ дар назди пасандоздорон ҳангоми ба вуқӯъ омадани ҳолати эҳтимолии суғуртавӣ зарур мебошад ва бо санадҳои меъёрии ҳуқуқии Хазина муайян карда мешавад:
- ҳолати суғуртавӣ - барҳамдиҳии маҷбурии ташкилоти қарзӣ тибқи қарори суд на дар асоси муфлисшавӣ ё бо асосҳои муфлисшавӣ мутобиқи Қонуни Ҷумҳурии Тоҷикистон "Дар бораи барҳамдиҳии ташкилотҳои қарзӣ", ки дар натиҷаи он уҳдадориҳои Хазинаи суғуртаи пасандозҳои шахсони воқеӣ оид ба ҷубронпулии пардохти маблағи суғурта ба пасандоздорони ташкилоти қарзии барҳамхӯрда мегардад;
- маблағи ҷубронпулии суғурта - маблағе, ки пасандоздор ба гирифтани он ҳангоми фаро расидани ҳолати суғуртавӣ ҳуқуқ дорад;
- пардохтҳои тақвимӣ ва иловагӣ - маблағҳое, ки ба Хазина аз ҷониби ташкилотҳои қарзии аъзои Хазина пардохт карда мешаванд;
- маблағҳои Хазина пардохтҳо, даромад аз сармоягузорӣ, маблағҳои қарзии аз Ҳукумати Ҷумҳурии Тоҷикистон гирифташуда ва маблағҳое дигаре, ки қонунгузорӣ манъ накардааст.
3. Маблағҳои қарзӣ ба Хазина мутобиқи Қонуни Ҷумҳурии Тоҷикистон "Дар бораи суғуртаи пасандозҳои шахсони воқеӣ", санадҳои меъёрии ҳуқуқӣ, инчунин Тартиби мазкур пешниҳод карда мешаванд.
4. Аз номи Ҳукумати Ҷумҳурии Тоҷикистон маблағҳои қарзӣ аз ҷониби Вазорати молияи Ҷумҳурии Тоҷикистон пешниҳод карда мешаванд.
5. Пешниҳоди маблағҳои қарзӣ аз ҷониби Вазорати молия уҳдадории Хазина дар назди пасандозгузорони ташкилотҳои қарзӣ дар мавриди ба вуқӯъ омадани ҳолати суғуртавӣ ба ҳисоб меравад.
6. Маблағҳои қарзии мақсаднок ҳангоми камомади (касри) маблағи Хазина барои пардохти ҷубронпулии суғурта ба пасандоздорон яъне шахсони воқеӣ дар сурати ба вуҷуд омадани ҳолати суғуртавӣ пешниҳод мегарданд.
2. ТАРТИБ ВА ШАРТҲОИ ПЕШНИҲОДИ ҚАРЗ
7. Хазина барои гирифтани қарз дар ҳолати касри маблағҳои худ тибқи сархати дуюми банди 2 Тартиби мазкур овардашуда ба Вазорати молия ҳуҷҷатҳои зеринро пешниҳод менамояд:
- нусхаи қарори тасдиқшудаи Шӯрои нозирони Хазина дар бораи аз Ҳукумати Ҷумҳурии Тоҷикистон гирифтани маблағҳои қарзӣ ҳангоми касри Хазина;
- дархост, ки дар он асоснокӣ ва сабаби зарурати гирифтани маблағҳои қарзӣ, аз ҷумла маблағи қарз ва муҳлати истифодабарии он ба таври возеҳ дарҷ карда шудааст;
- ҳисоботҳои молиявие, ки касри Хазинаро тасдиқ менамоянд;
- нусхаи иқтибос аз суратҳисобҳои Хазина, ки дар Бонки миллии Тоҷикистон кушода шудаанд;
- нақшаи пардохти қарз.
8. Маблағҳои қарзӣ тибқи шартҳои боби 2 Тартиби мазкур ва шартномаи қарзӣ дар ҳаҷм ва муҳлати байни Вазорати молия ва Хазина мувофиқашуда дар асоси дархости Хазина ва нақшаи пардохти Хазина, пешниҳод карда мешаванд.
9. Қарз дар шакли маблағ бо пули миллӣ, коғазҳои қиматноки давлатӣ бо шартҳои муҳлатнокӣ, музднокӣ, бозгардонӣ ва кафолати таъминнокии он дода мешавад.
10. Додани қарз дар шакли маблағҳои пулӣ бо роҳи аз ҷониби Вазорати молия ба суратҳисоби Хазина дар Бонки миллии Тоҷикистон гузаронидани маблағи қарзи пешниҳодшаванда амалӣ мегардад. Пас аз баста шудани шартномаи қарзӣ байни Хазина ва Вазорати молия маблағи пулӣ ба суратҳисоби муросилотии Хазина интиқол дода мешавад.
11. Андозаи меъёри фоизи маблағҳои аз ҷониби Вазорати молия ба Хазина дар шакли маблағҳои пулӣ пешниҳодшуда тибқи шартномаи қарзӣ байни Вазорати молия ва Хазина муайян карда мешавад. Агар Вазорати молия маблағҳоро барои пешниҳоди қарз ба Хазина ҷалб намуда бошад, андозаи меъёри фоизӣ аз тарафи Вазорати молия мустақилона муайян карда мешавад.
12. Вазорати молия дархости Хазинаро оид ба гирифтани қарз баррасӣ намуда, вобаста ба имкониятҳои буҷети давлатӣ қарор қабул мекунад. Вазорати молия қарори қабулшударо ба Хазина ирсол менамояд.
13. Дар мавриди ғайриимкон будани пешниҳоди саривақтии маблағҳои қарзӣ, Вазорати молия тавассути барориши коғазҳои қиматноки давлатӣ (векселҳои хазинавӣ ё вомбаргҳои давлатӣ) ба Хазина қарз пешниҳод менамояд. Барориши коғазҳои қиматноки давлатӣ бо даромаднокии на зиёда аз ду фоизи солона амалӣ карда мешавад. Муҳлати гардиши коғазҳои қиматноки давлатӣ то як сол муқаррар карда мешавад.
14. Хазина воситаҳои қарзии давлатии пешниҳодшударо, ки дар банди 12 Тартиби мазкур зикр ёфтаанд, барои дастрасӣ ба бозори пардохтпазирии кӯтоҳмуддати Бонки миллии Тоҷикистон амалӣ менамояд.
15. Хазина якҷо бо Бонки миллии Тоҷикистон ба Вазорати молия маълумоти зерин пешниҳод менамоянд:
- таҳлил, баҳодиҳии хавфҳо ва эҳтимоли ба вуқӯъ омадани ҳолати суғуртавӣ;
- маблағи умумии зарурӣ барои маблағгузории эҳтимолии касри Хазина;
- уҳдадориҳои умумии эҳтимолии Хазина дар назди ташкилотҳои қарзии аъзои Хазина бо дарназардошти амалӣ шудани хавфҳо;
- дороиҳои умумии Хазина, аз ҷумла маблағи дороиҳои сатҳи баланди на пардохтпазиридошта;
- матрисаи баҳодиҳии хавф ва эҳтимоли ба вуқӯъ омадани ҳолати суғуртавӣ бо сенарияҳои гуногуни рушди эҳтимолии вазъи ва маблағҳои зарурӣ барои пушонидани касри Хазина;
- пешниҳоди рӯйхати ташкилотҳои қарзӣ, ки аъзои Хазина мебошанд.
3. ТАЪМИНОТ ВА ТАРТИБИ ПАРДОХТИ ҚАРЗ
16. Хазина ба Вазорати молия ба сифати гарави муносиб барои таъмини маблағҳои қарзи дастрасии пурра ба суратҳисобҳои ҷории Хазина дар Бонки миллии Тоҷикистон, аз ҷумла ба пардохтҳои тақвимӣ ва иловагии ташкилотҳои қарзӣ ва маблағи дар раванди барҳамдиҳии ташкилоти қарзии муфлис тибқи қонунгузории Ҷумҳурии Тоҷикистон рӯёнидашударо пешниҳод менамояд.
17. Шартномаи гарав дар шакли хаттӣ ҳамзамон бо бастани шартномаи қарзӣ барои пешниҳод намудани маблағи қарзӣ бо тартиби дар қонунгузории Ҷумҳурии Тоҷикистон пешбинишуда ба расмият дароварда мешавад.
18. Дар сурати аз тарафи Хазина дар муҳлати муқаррарнамудаи шартномаи тарафҳо баргардонида нашудани маблағи қарз ва фоизҳои он, Вазорати молия предмети гаравро, ки ҳамчун чораи таъмини иҷрои уҳдадорӣ аз Хазина гирифта шудааст, метавонад бо мақсади барқарор намудани маблағҳои додашуда пурра ихтиёрдорӣ на ё ҳуқуқи талабкунии худро ба шахси дигар гузашт намояд.
19. Пардохти маблағи асосии қарз ва фоизҳои ҳисобшудаи он тибқи нақшаи пардохт бо шартҳое, ки дар шартномаи қарзӣ муайян шудаанд, амалӣ карда мешавад. Хазина ҳуқуқ дорад, ки пеш аз муҳлат (пурра ё қисман) қарз ва фоизҳои онро бо роҳи ба таври хаттӣ огоҳ намудани Вазорати молия баргардонад.
20. Муҳлати пардохти маблағҳои қарзи ба Хазина пешниҳодшаванда вобаста ба дархост ва нақшаи пардохти қарз, ки аз тарафи Хазина бо Вазорати молия мувофиқа карда шудааст, муайян карда мешавад.
21. Вазорати молия дар ҳолати иҷро нашудани уҳдадориҳо оид ба бозгардонии маблағи қарз ва фоизҳои ҳисобшуда, ки тибқи Тартиби мазкур ба Хазина дода шудааст, метавонад талаботи худро тариқи ситонидани ғайрисудии предмети гарав қонеъ гардонад. Дар ин ҳолат, Вазорати молия бе огоҳии пешакии Хазина маблағҳои аз тамоми суратҳисобҳои ҷории Хазина, аз он ҷумла маблағҳои пардохтҳои тақвимӣ ва иловагии ташкилотҳои қарзӣ ва маблағи дар раванди барҳамдиҳии ташкилоти қарзии муфлис ба суратҳисоби Хазина воридшударо тавассути пешниҳод намудани фармоиши инкассавӣ меситонад.
22. Дар ҳолати истифодабарии ғайримақсадноки маблағҳои аз ҷониби Вазорати молия додашуда ва ё пешниҳоди маълумоти носаҳеҳ оид ба гарав, инчунин оид ба истифодаи маблағҳои пешниҳодкарда Вазорати молия ҳуқуқ дорад, ки талаби худро оиди пеш аз муҳлат баргардонидани маблағҳои қарзии додашуда пешниҳод намояд.
4. ШАРТҲОИ МАХСУС
23. Дар давраи амали қарз Хазина уҳдадор аст ҳамаи талаботи дар шартномаҳои қарзӣ ва гарав зикргардида, инчунин фармоишҳои Вазорати молия, ки бо пешниҳоди қарз алоқаманданд, риоя намояд.
24. Хазина бо талаби Вазорати молия оид ба истифодаи маблағҳо бо тартиб ва муҳлати аз ҷониби Вазорати молия муқарраршуда маълумот ва дигар ҳуҷҷатҳои зарурӣ пешниҳод намояд.
25. Масъулият барои риояи истифодаи мақсадноки маблағҳои қарзӣ ва шартҳои дигари қарз ба зиммаи Шӯрои нозирони Хазина вогузор мегардад.
5. МАХФИЯТ
26. Бо мақсади иҷрои Тартиби мазкур Хазина ва Вазорати молия дараҷаи махфияти маълумоту ҳуҷҷатҳоеро, ки таҳия ва бо яке аз тарафҳои Тартиби мазкур мубодила мекунанд, муайян менамоянд ва уҳдадор мешаванд, ки ин дараҷаи махфиятро риоя намоянд.
27. Пешниҳоди маълумоти мазкур ба тарафҳои сеюм танҳо бо розигии мутақобили Хазина ва Вазорати молия иҷозат дода мешавад.
