ҚОНУНИ ҶУМҲУРИИ ТОҶИКИСТОН
ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ НАФАҚАҲОИ СУҒУРТАВӢ ВА ДАВЛАТӢ"
Бо қарори Маҷлиси намояндагони
Маҷлиси Олии Ҷумҳурии Тоҷикистон
аз 8 апрели соли 2020, № 53
қабул карда шуд.
Бо қарори Маҷлиси миллии
Маҷлиси Олии Ҷумҳурии Тоҷикистон
аз 26 июни соли 2020, № 38
ҷонибдорӣ карда шуд.
Моддаи 1. Ба Қонуни Ҷумҳурии Тоҷикистон аз 12 январи соли 2010 "Дар бораи нафақаҳои суғуртавӣ ва давлатӣ" (Ахбори Маҷлиси Олии Ҷумҳурии Тоҷикистон, с. 2010, №1, мод. 19; с. 2011, №3, мод. 175; с. 2012, №8, мод. 831, №12, қ.1, мод. 1003; с. 2015, №3, мод. 222) тағйиру иловаҳои зерин ворид карда шаванд:
1. Аз матни моддаи 2 калимаи "(Сарқонуни)" хориҷ карда шавад.
2. Дар сархати сеюми қисми 1 моддаи 3 калимаи "муқаррар" ба калимаи "муайян" иваз карда шавад.
3. Дар сархати якуми моддаи 4 калимаи "сатҳи" ба калимаи "андозаи" иваз карда шавад.
4. Дар матни моддаи 5 калимаҳои "Қонуни Ҷумҳурии Тоҷикистон "Дар бораи шарикии иҷтимоӣ, созишномаҳо ва шартномаҳои коллективӣ" ба калимаҳои "Кодекси меҳнати Ҷумҳурии Тоҷикистон" иваз карда шаванд.
5. Дар моддаи 17:
- ба қисми 3 сархати шашум бо мазмуни зерин илова карда шавад:
"- давраи нигоҳубини маъюби гурӯҳи I ё кӯдаки маъюби то 18- сола, ки ба нигоҳубини шахси дигар эҳтиёҷ дорад, инчунин давраи нигоҳубини пиронсоли яккаву танҳои ба синни 80 расида;";
- ба қисми 4 пас аз калимаҳои "суғуртавӣ дохилшуда" калимаҳои ", ба истиснои талаботи пешбининамудаи сархатҳои шашум ва ҳафтуми қисми 3 моддаи мазкур" илова карда шаванд.
6. Дар қисми 1 моддаи 27 калимаҳои "давлатии нафақа" ба калимаҳои "нафақаи давлатӣ" иваз карда шаванд.
7. Дар қисми 4 моддаи 42 ва қисми 2 моддаи 46 калимаҳои "ҳуқуқдор шудан" ба калимаҳои "пайдо шудани ҳуқуқ" иваз карда шаванд.
8. Дар номи моддаи 44 калимаи "Бозҳисобии" ба калимаҳои "Муҳлати бозҳисобии" иваз карда шавад.
9. Дар моддаи 48:
- ба қисми 4 пас аз калимаи "модари" калимаи "(падари)" илова карда шавад;
- аз қисми 10 калимаи "худи" хориҷ карда шавад.
10. Дар ҷумлаи дуюми қисми 1 моддаи 53 калимаи "қонун" ба калимаҳои "Қонуни Ҷумҳурии Тоҷикистон "Дар бораи суғуртаи ҳатмии нафақавии касбӣ" иваз карда шавад.
11. Дар қисми 1 моддаи 58 калимаҳои "мӯҷиби аз нав арзёбии пулӣ ва бадалкунӣ ба сармояи шартии нафақавӣ мебошанд" ба калимаҳои "бояд таҳти аз нав арзёбии пулӣ ва бадалкунӣ ба сармояи шартии нафақавӣ қарор гиранд" иваз карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад..
Президенти
Ҷумҳурии Тоҷикистон Эмомалӣ Раҳмон
ш. Душанбе,
4 июли соли 2020 № 1705
ЗАКОН РЕСПУБЛИКИ ТАДЖИКИСТАН
О ВНЕСЕНИИ ИЗМЕНЕНИЙ И ДОПОЛНЕНИЙ В ЗАКОН РЕСПУБЛИКИ ТАДЖИКИСТАН "О СТРАХОВЫХ И ГОСУДАРСТВЕННЫХ ПЕНСИЯХ"
Принят постановлением МН МОРТ
от 8 апреля 2020 года, №53
Одобрен постановлением ММ МОРТ
от 26 июня 2020 года, №38
Статья 1. Внести в Закон Республики Таджикистан от 12 января 2010 года "О страховых и государственных пенсиях" (Ахбори Маджлиси Оли Республики Таджикистан, 2010 г., №1, ст. 19; 2011 г., №3, ст. 175; 2012 г., №8, ст. 331, №12, ч.1, ст. 1003; 2015 т., №3, ст. 222) следующие изменения и дополнения:
1. В тексте статьи 5 слова "Закона Республики Таджикистан "О социальном партнерстве, соглашениях и коллективных договорах" заменить словами "Трудового кодекса Республики Таджикистан".
2. Второе предложение части 3 статьи 16 исключить.
3. В статье 17:
- часть 3 дополнить абзацем шестым следующего содержания:
"- время ухода за инвалидом I группы или ребёнком-инвалидом до 18 лет, нуждающимся в постороннем уходе, а также время ухода за одиноким престарелым, достигшим 80-летнего возраста;";
- часть 4 после слов "включенных в страховой стаж," дополнить словами "за исключением требований, предусмотренных абзацами шестым и седьмым части 3 настоящей статьи".
4. Во втором предложении части 1 статьи 53 слово "законом" заменить словами "Законом Республики Таджикистан "Об обязательном профессиональном пенсионном страховании.".
Статья 2. Настоящий Закон ввести в действие после его официального опубликования.
Президент
Республики Таджикистан Эмомали Рахмон
г.Душанбе,
от 4 июля 2020 года, №1705
