Бо қарори Ҳукумати
Ҷумҳурии Тоҷикистон
аз 27 феврали соли 2020,
№120 тасдиқ шудааст
Тартиби ташкил ва нигоҳдории хоҷагиҳои ёрирасони қисмҳои ҳарбӣ, ҷузъу томҳои сохторҳои қудратӣ ва мақомоти ҳифзи ҳуқуқи Ҷумҳурии Тоҷикистон
1. МУҚАРРАРОТИ УМУМӢ
1. Тартиби мазкур қоидаи ташкил, нигоҳдорӣ ва рушди хоҷагиҳои ёрирасонро дар қисмҳои ҳарбӣ ва ҷузъу томҳои сохторҳои қудратӣ ва мақомоти ҳифзи ҳуқуқи Ҷумҳурии Тоҷикистон муайян менамояд.
2. Хоҷагии ёрирасон дар Вазорати мудофиаи Ҷумҳурии Тоҷикистон. Вазорати корҳои дохилии Ҷумҳурии Тоҷикистон, Вазорати адлияи Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Гвардияи миллии Ҷумҳурии Тоҷикистон, Агентии таъминоти амволи махсуси назди Ҳукумати Ҷумҳурии Тоҷикистон ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо мақсади истеҳсоли маҳсулоти кишоварзӣ ва коркард барои таъмини озуқаи нақшавӣ, иловагии ҳайати шахсӣ ва ҳайвоноти хизматӣ ташкил карда мешавад.
2. ТАШКИЛИ ФАЪОЛИЯТИ ХОҶАГИИ ЁРИРАСОН
3. Хоҷагии ёрирасон аз рӯи намудҳои зерини фаъолият ташкил карда мешавад:
- нигоҳдорӣ ва парвариши чорвои калони шохдор ва майда, паранда ва дигар ҳайвонот;
- истеҳсоли меваю сабзавот;
- моҳипарварӣ;
- истеҳсоли зироатҳои кишоварзӣ;
- истеҳсол ва захираи хӯроки чорво;
- парвариши занбӯри асал;
- коркарди маҳсулоти истеҳсолшаванда.
4. Ташкили фаъолияти хоҷагии ёрирасон бо қарори роҳбарони сохторҳои қудратӣ ва мақомоти ҳифзи ҳуқуқ дар қитъаҳои замини тибқи тартиби муқарраргардида додашуда амалӣ карда мешавад.
5. Роҳбарии умумии хоҷагии ёрирасонро командири (роҳбари) қисми ҳарбӣ ва ҷузъу томи сохторҳои қудратӣ ва мақомоти ҳифзи ҳуқуқ ба роҳ мемонад. Муовини командир оид ба ақибгоҳ ва сардори хадамоти озуқавории қисми ҳарбӣ барои пешбурди хоҷагии ёрирасон масъул мебошанд.
6. Командири (роҳбарӣ) қисми ҳарбӣ ҷузъу томҳои сохторҳои қудратӣ ва мақомоти ҳифзи ҳуқуқ шахсони масъулро барои пешбурди хоҷагии ёрирасон, ҳифзи молу мулк, ҳайвонот, паранда ва дигар воситаҳои моддӣ аз ҳисоби афсарон, прапоршикҳо, хизматчиёни ҳарбӣ, шахсони ҳайати шаҳрвандӣ, хизматчиёни ҳарбӣ, ки хизмати ҳарбиро дар вазифаҳои сержантҳо, старшинаҳо ва қаторӣ тибқи даъват адо менамоянд, таъин менамояд.
7. Корҳо оид ба пешбурди фаъолияти хоҷагии ёрирасон бо қувваи ҳайати шахсӣ, ки хизмати ҳарбиро тибқи даъват адо менамоянд, дар вақти аз хизмат ва машғулиятҳо озод анҷом дода мешаванд. Дар ҳолати зарурӣ бо қарори командири (роҳбари) қисмҳои ҳарбӣ, ҷузъу томҳои сохторҳои қудратӣ ва мақомоти ҳифзи ҳуқуқ корҳои муҳими агротехникӣ, ҷамъоварии ҳосил ва ғайра, новобаста аз машғулиятҳо ва хизмат иҷро карда мешаванд.
8. Роҳбарони сохторҳои қудратӣ ва мақомоти ҳифзи ҳуқуқ қисмҳои ҳарбиеро, ки ҳамчун муассисаҳои таҳсилоти ҳарбӣ фаъолият мекунанд ва дар тобеияташон хоҷагиҳои ёрирасон доранд, барои пешбурди фаъолияти хоҷагиҳои ёрирасон танҳо аз ҳисоби хизматчиёни ҳарбие, ки хизмати ҳарбиро тибқи даъват адо менамоянд, бо қувваи корӣ таъмин месозанд.
9. Дар иҷрои корҳо оид ба пешбурди фаъолияти хоҷагии ёрирасон метавонанд афсарон, прапоршикҳо ва аъзои оилаи онҳо, инчунин мутахассисони ғайринизомӣ ҷалб карда шаванд.
10. Дар хоҷагии ёрирасон барои иҷрои корҳо дар асоси шартномаи меҳнатӣ коргари ғайринизомиро ба кор қабул намудан иҷозат’ дода мешавад. Пардохти музди меҳнати коргари ғайринизомӣ тибқи шартҳои амалкунандаи пардохти музди меҳнати корманди хоҷагидорӣ муқаррар карда мешавад.
11.Пешбурди фаъолияти хоҷагии ёрирасон тибқи нақшаи солонаи рушди хоҷагиҳои ёрирасони сохторҳои қудратӣ ва мақомоти ҳифзи ҳуқуқ (минбаъд - нақшаи солона), ки аз ҷониби роҳбарони сохторҳои қудратӣ ва мақомоти ҳифзи ҳуқуқ тасдиқ шудаанд, амалӣ карда мешавад.
12. Бо мақсади ҳамоҳанг намудани таъминоти сохторҳои қудратӣ бо маҳсулоти кишоварзӣ мутобиқи меъёрҳои муқаррарнамудаи Ҳукумати Ҷумҳурии Тоҷикистон, нақшаи солонаи тасдиқнамудаи роҳбарони сохторҳои қудрати ва мақомоти ҳифзи ҳуқуқ оид ба фаъолияти хоҷагии ёрирасон ба Вазорати молияи Ҷумҳурии Тоҷикистон ва Агентии таъминоти амволи махсуси назди Ҳукумати Ҷумҳурии Тоҷикистон як моҳ пеш аз оғози соли молиявии навбатӣ пешниҳод карда мешавад.
13. Командирони (роҳбарони) ҷузъу томҳо ба раёсатҳои ақибгоҳи сохторҳои қудратӣ ва мақомоти ҳифзи ҳуқуқ пешниҳоди худро оид ба бандҳои алоҳидаи нақшаи солона ду моҳ пеш аз оғози соли молиявии навбатӣ манзур менамоянд ва онҳо баррасӣ гардида, ба нақшаи солонаи корҳои хоҷагии ёрирасон ворид карда мешаванд.
14. Нақшаи солона нишондиҳандаҳои зеринро дар бар мегирад:
- ҳаҷми маҳсулоти истеҳсолшаванда ва дохил намудани он ба таъминоти нақшавӣ бо тақсимоти моҳона;
- масоҳати майдонҳои кишт;
-ҳосилнокӣ;
- парвариши (саршумори) чорво, паранда ва маҳсулнокии онҳо;
- истеҳсол ва захираи хӯроки чорво;
- таъминоти моддию техникӣ;
- миқдори коркарди маҳсулоти истеҳсолшаванда.
15. Тибқи тартиб ва дар муҳлати муқаррарнамудаи Вазорати молияи Ҷумҳурии Тоҷикистон якҷо бо нақшаи солона сметаи ягонаи даромад ва хароҷот таҳия ва пешниҳод карда мешавад.
16. Барои пӯшонидани хароҷоти марбут ба фаъолияти хоҷагии ёрирасон ва рушди он аз буҷети ҷумҳуриявӣ ва буҷетҳои маҳаллӣ кумаки молиявӣ (субсидия) ҷудо карда мешавад.
17. Сохторҳои қудратӣ ва мақомоти ҳифзи ҳуқуқ, ки хоҷагии ёрирасон доранд, барои гирифтани кумаки молиявӣ (субсидия) ҷиҳати пӯшонидани хароҷоти маҳсулоти истеҳсолшаванда дурнамои нишондиҳандаҳои асоснокро ҳангоми таҳияи буҷети давлатии Ҷумҳурии Тоҷикистон барои соли молиявии навбатӣ ба Вазорати молияи Ҷумҳурии Тоҷикистон пешниҳод менамоянд.
18. Хоҷагии ёрирасон маҳсулоти кишоварзиро дар қитъаҳои замини ба сохторҳои қудратӣ ва мақомоти ҳифзи ҳуқуқ ҷудогардида, инчунин қитъаҳои замини ба иҷора гирифташуда истеҳсол менамояд.
19. Дар ҳолати зарурӣ қитъаҳои замини хоҷагии ёрирасон танҳо бо фармоиши роҳбари сохторҳои қудратӣ ва мақомоти ҳифзи ҳуқуқ дар асоси шартнома ва пешниҳоди командири (роҳбари) ҷузъу томҳо ба иҷора дода мешавад.
20. Барои коркарди майдонҳои кишт, ҷамъоварии ҳосил ва корҳои дигар хоҷагиҳои ёрирасони сохторҳои қудратӣ ва мақомоти ҳифзи ҳуқуқ метавонанд бо субъектҳои хоҷагидорӣ шартнома ба имзо расонанд.
21. Сохтмон ва таъмири биноҳои ёрирасон, биноҳои чорводорӣ, сардхона ва гармхонаҳо дар хоҷагиҳои ёрирасон аз ҷониби сохторҳои қудратӣ ва мақомоти ҳифзи ҳуқуқ бо риояи ҳатмии қоидаҳои сохтмонӣ ва талаботи байторӣ анҷом дода мешаванд.
22. Сохторҳои қудратӣ ва мақомоти ҳифзи ҳуқуқе, ки хоҷагиҳои ёрирасон доранд:
- оид ба ҳифзи муҳити зист аз ифлосшавии пасобҳо ва партовгоҳи фермаҳо, пешгирии саривақтии паҳншавии бемориҳои сирояткунандаи ҳайвонот рафъи чунин бемориҳо дар сурати пайдо шудани онҳо чораби шҳои зарурӣ гузаронида, барои нигоҳдории чорво ва паранда шароити зарурии байторию санитарӣ фароҳам меоранд;
- тибқи тартиби муқарраргардида чорабиниҳои зидди сӯхтор мегузаронанд;
- қитъаҳои заминро мувофиқи мақсад ва самаранок истифода намуда, барқарор кардан ва баланд бардоштани ҳосилнокии хок ва ҳифзи онро аз бодлесии обу шамол, сел, обхезӣ, ботлоқшавӣ, сахту шӯршавӣ ва олудашавӣ аз партовҳои истеҳсолот, моддаҳои кимиёию радиоктивӣ ва равандҳои дигари харобшавӣ таъмин менамоянд.
23. Таъминоти байторӣ дар хоҷагии ёрирасон чун қоида аз тарафи духтурони байтории сохторҳои қудратӣ ва мақомоти ҳифзи ҳуқуқ ва дар ҳолатҳои алоҳида тавассути мақомоти маҳаллии байторӣ дар асоси шартнома мутобиқи қонунгузории байторӣ амалӣ карда мешавад.
24. Хариди тухмии зироатҳои ғалладонагӣ, равғандор, сабзавот, зироатҳои техникӣ, нуриҳои минералӣ, алаф, техникаи кишоварзӣ, қисмҳои эҳтиётӣ, сӯзишворию равғанҳои молиданӣ ва маводи дигари зарурӣ барои таъмини фаъолияти хоҷагии ёрирасон аз ҷониби сохторҳои қудратӣ ва мақомоти ҳифзи ҳуқуқ амалӣ карда мешаванд.
3. ҲИСОБДОРӢ ДАР ХОҶАГИҲОИ ЁРИРАСОН
25. Баҳисобгирии бино, таҷҳизот, ҳайвонот ва паранда, маҳсулоти гирифташуда, дигар воситаҳои моддии хоҷагии ёрирасон ва кумаки бебозгашт аз ҷониби шуъбаҳои (хадамоти) таъминоти хӯрокворӣ ва воҳиди сохторҳои қудратӣ ва мақомоти ҳифзи ҳуқуқ бо ченаки миқдор, ҳаҷм ва маблағ амалӣ мегардад.
26. Маҳсулоте, ки аз хоҷагиҳои ёрирасон гирифта мешаванд, дар шуъбаҳои (хадамоти) озуқавории қисмҳо, ҷузъу томҳои сохторҳои қудратӣ ва мақомоти ҳифзи ҳуқуқ дар китоби бақайдгирии хӯрокворӣ алоҳида аз таъминоти озуқавории нақшавӣ ба ҳисоб гирифта мешаванд.
27. Амалиётҳои даромад ва хароҷоти хоҷагии ёрирасон дар асоси ҳуҷҷатҳои аввалия, санад, борхат, феҳраст ва варақаи баҳисобгирӣ амалӣ карда мешаванд.
28. Баҳисобгирии амалиётҳои молиявии хоҷагии ёрирасон дар шуъбаи (шуъбачаи) молия, ҳисобдории қисмҳои ҳарбӣ ва ҷузъу томҳо гузаронида мешавад.
29. Баҳисобгирии хароҷот барои кишту кор, ҳаҷми интизоришавандаи истеҳсоли маҳсулоти кишоварзӣ, ҳисобот оид ба маҳсулоти истеҳсолнамудаи хоҷагиҳои ёрирасон ва тақсимоти маҳсулоти бадастовардашуда ба қисмҳои ҳарбӣ ва ҷузъу томҳои сохторҳои қудратӣ ва мақомоти ҳифзи ҳуқуқ бо шаклҳо мутобиқи замимаҳои 1-7 Тартиби мазкур амалӣ карда мешавад.
30. Хоҷагиҳои ёрирасони сохторҳои қудратӣ ва мақомоти ҳифзи ҳуқуқ оид ба кишт, саршумори мавҷудаи чорво ва маҳсулоти истеҳсолшуда ба мақомоти омор ва кишоварзии маҳалли ҷойгиршавӣ тибқи тартиби муқарраргардида ҳисобот пешниҳод менамоянд.
31. Ҳама гуна маҳсулоти кишоварзӣ, гӯшту шири истеҳсолнамудаи хоҷагии ёрирасон дар асоси санади ҷамъоварии ҳосил ва борхат бо нишон додани миқдор ва нархи миёнаи бозор (маълумотномаи нархи бозор дар рӯзи воридот) дар ҳисоботи муҳосибавӣ дарҷ карда мешавад.
32. Маълумот оид ба ҳаҷм ва навъи маҳсулоте, ки аз ҷониби хоҷагии ёрирасон истеҳсол шудааст, ҳармоҳа аз ҷониби сохторҳои қудратӣ ва мақомоти ҳифзи ҳуқуқи ҷамъоварӣ гардида, ба Вазорати молияи Ҷумҳурии Тоҷикистон ва Агентии таъминоти амволи махсуси назди Ҳукумати Ҷумҳурии Тоҷикистон пешниҳод карда мешавад.
33. Аз рӯи натиҷаи фаъолияти нимсолаи аввал, нуҳмоҳа ва солона маълумоти умумӣ оид ба ҳаҷм ва навъи маҳсулоти истеҳсолшуда ва хароҷоти он, инчунин таҳлили самаранокии фаъолияти хоҷагии ёрирасон дар шакли ҷадвал бо шарҳи тавзеҳот ба Вазорати молияи Ҷумҳурии Тоҷикистон ва Агентии таъминоти амволи махсуси назди Ҳукумати Ҷумҳурии Тоҷикистон пешниҳод карда мешавад.
4. МАБЛАҒҲОИ ПУЛӢ
34. Маблағҳои пулие, ки аз фурӯши қисми барзиёди маҳсулоти кишоварзии хоҷагиҳои ёрирасони сохторҳои қудратӣ ва мақомоти ҳифзи ҳуқуқ ба даст оварда шудаанд, ҳатман ба суратҳисобҳои махсуси мақомоти номбурда ё қисмҳои ҳарбӣ дар сарраёсати хазинадории марказӣ ва/ё хазинадории мақомоти молияи маҳаллӣ гузаронида мешаванд.
35. Тартиби истифодабарии маблағҳои мазкур тибқи дастурамал оид ба истифодаи маблағҳои махсус амалӣ карда мешавад.
5. ИСТИФОДАИ МАҲСУЛОТИ ИСТЕҲСОЛШУДА
36. Маҳсулоти истеҳсолшудаи хоҷагиҳои ёрирасони сохторҳои қудратӣ ва мақомоти ҳифзи ҳуқуқ барои таъминоти нақшавии ҳайати шахсӣ тибқи меъёрҳои муқаррарнамудаи Ҳукумати Ҷумҳурии Тоҷикистон, озуқаи иловагӣ, инчунин озуқа дар рӯзҳои ид, дар давраи гузаронидани машқҳо ва дигар чорабиниҳое, ки дар онҳо таъмини хизматчиёни ҳарбӣ бо хӯроки гарм амалӣ мегардад, истифода мешаванд.
37. Маҳсулоти аз нақшаи тасдиқшуда барзиёд истеҳсолшуда бо фармоиши роҳбарони сохторҳои қудратӣ ва мақомоти ҳифзи ҳуқуқ барои расонидани кумаки моддӣ ба оилаҳои кормандоне, ки дар вақти иҷрои вазифаи хизматӣ фавтидаанд, собиқадорони эҳтиёҷманди сохторҳои қудратӣ ва мақомоти ҳифзи ҳуқуқ ва/ё фурӯш истифода мегардад.
6. МУҚАРРАРОТИ ХОТИМАВӢ
38. Масъалаҳое, ки дар ҷараёни фаъолияти хоҷагиҳои ёрирасони сохторҳои қудратӣ ва мақомоти ҳифзи ҳуқуқ ба миён омада, бо Тартиби мазкур ба танзим дароварда нашуданд, тибқи тартиби муқаррарнамудаи қонунгузории Ҷумҳурии Тоҷикистон ҳал карда мешаванд.
39. Назорати фаъолият ва иҷрои нақшаи хоҷагиҳои ёрирасони сохторҳои қудратӣ ва мақомоти ҳифзи ҳуқуқ тибқи муқаррароти қонунгузорӣ аз ҷониби мақомоти ваколатдори назоратӣ ва воҳидҳои сохтории вазорату идораҳо амалӣ карда мешавад. Шахсони воқеӣ ва ҳуқуқӣ, инчунин шахсони масъули сохторҳои қудратӣ ва мақомоти ҳифзи ҳуқуқ барои риоя накардани талаботи Тартиби мазкур мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.
Замимаи 1-7
Бо қарори Ҳукумати
Ҷумҳурии Тоҷикистон
аз 27 феврали соли 2020,
№120 тасдиқ шудааст
Тартиби ташкил ва нигоҳдории хоҷагиҳои ёрирасони қисмҳои ҳарбӣ, ҷузъу томҳои сохторҳои қудратӣ ва мақомоти ҳифзи ҳуқуқи Ҷумҳурии Тоҷикистон
1. МУҚАРРАРОТИ УМУМӢ
1. Тартиби мазкур қоидаи ташкил, нигоҳдорӣ ва рушди хоҷагиҳои ёрирасонро дар қисмҳои ҳарбӣ ва ҷузъу томҳои сохторҳои қудратӣ ва мақомоти ҳифзи ҳуқуқи Ҷумҳурии Тоҷикистон муайян менамояд.
2. Хоҷагии ёрирасон дар Вазорати мудофиаи Ҷумҳурии Тоҷикистон. Вазорати корҳои дохилии Ҷумҳурии Тоҷикистон, Вазорати адлияи Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Гвардияи миллии Ҷумҳурии Тоҷикистон, Агентии таъминоти амволи махсуси назди Ҳукумати Ҷумҳурии Тоҷикистон ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо мақсади истеҳсоли маҳсулоти кишоварзӣ ва коркард барои таъмини озуқаи нақшавӣ, иловагии ҳайати шахсӣ ва ҳайвоноти хизматӣ ташкил карда мешавад.
2. ТАШКИЛИ ФАЪОЛИЯТИ ХОҶАГИИ ЁРИРАСОН
3. Хоҷагии ёрирасон аз рӯи намудҳои зерини фаъолият ташкил карда мешавад:
- нигоҳдорӣ ва парвариши чорвои калони шохдор ва майда, паранда ва дигар ҳайвонот;
- истеҳсоли меваю сабзавот;
- моҳипарварӣ;
- истеҳсоли зироатҳои кишоварзӣ;
- истеҳсол ва захираи хӯроки чорво;
- парвариши занбӯри асал;
- коркарди маҳсулоти истеҳсолшаванда.
4. Ташкили фаъолияти хоҷагии ёрирасон бо қарори роҳбарони сохторҳои қудратӣ ва мақомоти ҳифзи ҳуқуқ дар қитъаҳои замини тибқи тартиби муқарраргардида додашуда амалӣ карда мешавад.
5. Роҳбарии умумии хоҷагии ёрирасонро командири (роҳбари) қисми ҳарбӣ ва ҷузъу томи сохторҳои қудратӣ ва мақомоти ҳифзи ҳуқуқ ба роҳ мемонад. Муовини командир оид ба ақибгоҳ ва сардори хадамоти озуқавории қисми ҳарбӣ барои пешбурди хоҷагии ёрирасон масъул мебошанд.
6. Командири (роҳбарӣ) қисми ҳарбӣ ҷузъу томҳои сохторҳои қудратӣ ва мақомоти ҳифзи ҳуқуқ шахсони масъулро барои пешбурди хоҷагии ёрирасон, ҳифзи молу мулк, ҳайвонот, паранда ва дигар воситаҳои моддӣ аз ҳисоби афсарон, прапоршикҳо, хизматчиёни ҳарбӣ, шахсони ҳайати шаҳрвандӣ, хизматчиёни ҳарбӣ, ки хизмати ҳарбиро дар вазифаҳои сержантҳо, старшинаҳо ва қаторӣ тибқи даъват адо менамоянд, таъин менамояд.
7. Корҳо оид ба пешбурди фаъолияти хоҷагии ёрирасон бо қувваи ҳайати шахсӣ, ки хизмати ҳарбиро тибқи даъват адо менамоянд, дар вақти аз хизмат ва машғулиятҳо озод анҷом дода мешаванд. Дар ҳолати зарурӣ бо қарори командири (роҳбари) қисмҳои ҳарбӣ, ҷузъу томҳои сохторҳои қудратӣ ва мақомоти ҳифзи ҳуқуқ корҳои муҳими агротехникӣ, ҷамъоварии ҳосил ва ғайра, новобаста аз машғулиятҳо ва хизмат иҷро карда мешаванд.
8. Роҳбарони сохторҳои қудратӣ ва мақомоти ҳифзи ҳуқуқ қисмҳои ҳарбиеро, ки ҳамчун муассисаҳои таҳсилоти ҳарбӣ фаъолият мекунанд ва дар тобеияташон хоҷагиҳои ёрирасон доранд, барои пешбурди фаъолияти хоҷагиҳои ёрирасон танҳо аз ҳисоби хизматчиёни ҳарбие, ки хизмати ҳарбиро тибқи даъват адо менамоянд, бо қувваи корӣ таъмин месозанд.
9. Дар иҷрои корҳо оид ба пешбурди фаъолияти хоҷагии ёрирасон метавонанд афсарон, прапоршикҳо ва аъзои оилаи онҳо, инчунин мутахассисони ғайринизомӣ ҷалб карда шаванд.
10. Дар хоҷагии ёрирасон барои иҷрои корҳо дар асоси шартномаи меҳнатӣ коргари ғайринизомиро ба кор қабул намудан иҷозат’ дода мешавад. Пардохти музди меҳнати коргари ғайринизомӣ тибқи шартҳои амалкунандаи пардохти музди меҳнати корманди хоҷагидорӣ муқаррар карда мешавад.
11.Пешбурди фаъолияти хоҷагии ёрирасон тибқи нақшаи солонаи рушди хоҷагиҳои ёрирасони сохторҳои қудратӣ ва мақомоти ҳифзи ҳуқуқ (минбаъд - нақшаи солона), ки аз ҷониби роҳбарони сохторҳои қудратӣ ва мақомоти ҳифзи ҳуқуқ тасдиқ шудаанд, амалӣ карда мешавад.
12. Бо мақсади ҳамоҳанг намудани таъминоти сохторҳои қудратӣ бо маҳсулоти кишоварзӣ мутобиқи меъёрҳои муқаррарнамудаи Ҳукумати Ҷумҳурии Тоҷикистон, нақшаи солонаи тасдиқнамудаи роҳбарони сохторҳои қудрати ва мақомоти ҳифзи ҳуқуқ оид ба фаъолияти хоҷагии ёрирасон ба Вазорати молияи Ҷумҳурии Тоҷикистон ва Агентии таъминоти амволи махсуси назди Ҳукумати Ҷумҳурии Тоҷикистон як моҳ пеш аз оғози соли молиявии навбатӣ пешниҳод карда мешавад.
13. Командирони (роҳбарони) ҷузъу томҳо ба раёсатҳои ақибгоҳи сохторҳои қудратӣ ва мақомоти ҳифзи ҳуқуқ пешниҳоди худро оид ба бандҳои алоҳидаи нақшаи солона ду моҳ пеш аз оғози соли молиявии навбатӣ манзур менамоянд ва онҳо баррасӣ гардида, ба нақшаи солонаи корҳои хоҷагии ёрирасон ворид карда мешаванд.
14. Нақшаи солона нишондиҳандаҳои зеринро дар бар мегирад:
- ҳаҷми маҳсулоти истеҳсолшаванда ва дохил намудани он ба таъминоти нақшавӣ бо тақсимоти моҳона;
- масоҳати майдонҳои кишт;
-ҳосилнокӣ;
- парвариши (саршумори) чорво, паранда ва маҳсулнокии онҳо;
- истеҳсол ва захираи хӯроки чорво;
- таъминоти моддию техникӣ;
- миқдори коркарди маҳсулоти истеҳсолшаванда.
15. Тибқи тартиб ва дар муҳлати муқаррарнамудаи Вазорати молияи Ҷумҳурии Тоҷикистон якҷо бо нақшаи солона сметаи ягонаи даромад ва хароҷот таҳия ва пешниҳод карда мешавад.
16. Барои пӯшонидани хароҷоти марбут ба фаъолияти хоҷагии ёрирасон ва рушди он аз буҷети ҷумҳуриявӣ ва буҷетҳои маҳаллӣ кумаки молиявӣ (субсидия) ҷудо карда мешавад.
17. Сохторҳои қудратӣ ва мақомоти ҳифзи ҳуқуқ, ки хоҷагии ёрирасон доранд, барои гирифтани кумаки молиявӣ (субсидия) ҷиҳати пӯшонидани хароҷоти маҳсулоти истеҳсолшаванда дурнамои нишондиҳандаҳои асоснокро ҳангоми таҳияи буҷети давлатии Ҷумҳурии Тоҷикистон барои соли молиявии навбатӣ ба Вазорати молияи Ҷумҳурии Тоҷикистон пешниҳод менамоянд.
18. Хоҷагии ёрирасон маҳсулоти кишоварзиро дар қитъаҳои замини ба сохторҳои қудратӣ ва мақомоти ҳифзи ҳуқуқ ҷудогардида, инчунин қитъаҳои замини ба иҷора гирифташуда истеҳсол менамояд.
19. Дар ҳолати зарурӣ қитъаҳои замини хоҷагии ёрирасон танҳо бо фармоиши роҳбари сохторҳои қудратӣ ва мақомоти ҳифзи ҳуқуқ дар асоси шартнома ва пешниҳоди командири (роҳбари) ҷузъу томҳо ба иҷора дода мешавад.
20. Барои коркарди майдонҳои кишт, ҷамъоварии ҳосил ва корҳои дигар хоҷагиҳои ёрирасони сохторҳои қудратӣ ва мақомоти ҳифзи ҳуқуқ метавонанд бо субъектҳои хоҷагидорӣ шартнома ба имзо расонанд.
21. Сохтмон ва таъмири биноҳои ёрирасон, биноҳои чорводорӣ, сардхона ва гармхонаҳо дар хоҷагиҳои ёрирасон аз ҷониби сохторҳои қудратӣ ва мақомоти ҳифзи ҳуқуқ бо риояи ҳатмии қоидаҳои сохтмонӣ ва талаботи байторӣ анҷом дода мешаванд.
22. Сохторҳои қудратӣ ва мақомоти ҳифзи ҳуқуқе, ки хоҷагиҳои ёрирасон доранд:
- оид ба ҳифзи муҳити зист аз ифлосшавии пасобҳо ва партовгоҳи фермаҳо, пешгирии саривақтии паҳншавии бемориҳои сирояткунандаи ҳайвонот рафъи чунин бемориҳо дар сурати пайдо шудани онҳо чораби шҳои зарурӣ гузаронида, барои нигоҳдории чорво ва паранда шароити зарурии байторию санитарӣ фароҳам меоранд;
- тибқи тартиби муқарраргардида чорабиниҳои зидди сӯхтор мегузаронанд;
- қитъаҳои заминро мувофиқи мақсад ва самаранок истифода намуда, барқарор кардан ва баланд бардоштани ҳосилнокии хок ва ҳифзи онро аз бодлесии обу шамол, сел, обхезӣ, ботлоқшавӣ, сахту шӯршавӣ ва олудашавӣ аз партовҳои истеҳсолот, моддаҳои кимиёию радиоктивӣ ва равандҳои дигари харобшавӣ таъмин менамоянд.
23. Таъминоти байторӣ дар хоҷагии ёрирасон чун қоида аз тарафи духтурони байтории сохторҳои қудратӣ ва мақомоти ҳифзи ҳуқуқ ва дар ҳолатҳои алоҳида тавассути мақомоти маҳаллии байторӣ дар асоси шартнома мутобиқи қонунгузории байторӣ амалӣ карда мешавад.
24. Хариди тухмии зироатҳои ғалладонагӣ, равғандор, сабзавот, зироатҳои техникӣ, нуриҳои минералӣ, алаф, техникаи кишоварзӣ, қисмҳои эҳтиётӣ, сӯзишворию равғанҳои молиданӣ ва маводи дигари зарурӣ барои таъмини фаъолияти хоҷагии ёрирасон аз ҷониби сохторҳои қудратӣ ва мақомоти ҳифзи ҳуқуқ амалӣ карда мешаванд.
3. ҲИСОБДОРӢ ДАР ХОҶАГИҲОИ ЁРИРАСОН
25. Баҳисобгирии бино, таҷҳизот, ҳайвонот ва паранда, маҳсулоти гирифташуда, дигар воситаҳои моддии хоҷагии ёрирасон ва кумаки бебозгашт аз ҷониби шуъбаҳои (хадамоти) таъминоти хӯрокворӣ ва воҳиди сохторҳои қудратӣ ва мақомоти ҳифзи ҳуқуқ бо ченаки миқдор, ҳаҷм ва маблағ амалӣ мегардад.
26. Маҳсулоте, ки аз хоҷагиҳои ёрирасон гирифта мешаванд, дар шуъбаҳои (хадамоти) озуқавории қисмҳо, ҷузъу томҳои сохторҳои қудратӣ ва мақомоти ҳифзи ҳуқуқ дар китоби бақайдгирии хӯрокворӣ алоҳида аз таъминоти озуқавории нақшавӣ ба ҳисоб гирифта мешаванд.
27. Амалиётҳои даромад ва хароҷоти хоҷагии ёрирасон дар асоси ҳуҷҷатҳои аввалия, санад, борхат, феҳраст ва варақаи баҳисобгирӣ амалӣ карда мешаванд.
28. Баҳисобгирии амалиётҳои молиявии хоҷагии ёрирасон дар шуъбаи (шуъбачаи) молия, ҳисобдории қисмҳои ҳарбӣ ва ҷузъу томҳо гузаронида мешавад.
29. Баҳисобгирии хароҷот барои кишту кор, ҳаҷми интизоришавандаи истеҳсоли маҳсулоти кишоварзӣ, ҳисобот оид ба маҳсулоти истеҳсолнамудаи хоҷагиҳои ёрирасон ва тақсимоти маҳсулоти бадастовардашуда ба қисмҳои ҳарбӣ ва ҷузъу томҳои сохторҳои қудратӣ ва мақомоти ҳифзи ҳуқуқ бо шаклҳо мутобиқи замимаҳои 1-7 Тартиби мазкур амалӣ карда мешавад.
30. Хоҷагиҳои ёрирасони сохторҳои қудратӣ ва мақомоти ҳифзи ҳуқуқ оид ба кишт, саршумори мавҷудаи чорво ва маҳсулоти истеҳсолшуда ба мақомоти омор ва кишоварзии маҳалли ҷойгиршавӣ тибқи тартиби муқарраргардида ҳисобот пешниҳод менамоянд.
31. Ҳама гуна маҳсулоти кишоварзӣ, гӯшту шири истеҳсолнамудаи хоҷагии ёрирасон дар асоси санади ҷамъоварии ҳосил ва борхат бо нишон додани миқдор ва нархи миёнаи бозор (маълумотномаи нархи бозор дар рӯзи воридот) дар ҳисоботи муҳосибавӣ дарҷ карда мешавад.
32. Маълумот оид ба ҳаҷм ва навъи маҳсулоте, ки аз ҷониби хоҷагии ёрирасон истеҳсол шудааст, ҳармоҳа аз ҷониби сохторҳои қудратӣ ва мақомоти ҳифзи ҳуқуқи ҷамъоварӣ гардида, ба Вазорати молияи Ҷумҳурии Тоҷикистон ва Агентии таъминоти амволи махсуси назди Ҳукумати Ҷумҳурии Тоҷикистон пешниҳод карда мешавад.
33. Аз рӯи натиҷаи фаъолияти нимсолаи аввал, нуҳмоҳа ва солона маълумоти умумӣ оид ба ҳаҷм ва навъи маҳсулоти истеҳсолшуда ва хароҷоти он, инчунин таҳлили самаранокии фаъолияти хоҷагии ёрирасон дар шакли ҷадвал бо шарҳи тавзеҳот ба Вазорати молияи Ҷумҳурии Тоҷикистон ва Агентии таъминоти амволи махсуси назди Ҳукумати Ҷумҳурии Тоҷикистон пешниҳод карда мешавад.
4. МАБЛАҒҲОИ ПУЛӢ
34. Маблағҳои пулие, ки аз фурӯши қисми барзиёди маҳсулоти кишоварзии хоҷагиҳои ёрирасони сохторҳои қудратӣ ва мақомоти ҳифзи ҳуқуқ ба даст оварда шудаанд, ҳатман ба суратҳисобҳои махсуси мақомоти номбурда ё қисмҳои ҳарбӣ дар сарраёсати хазинадории марказӣ ва/ё хазинадории мақомоти молияи маҳаллӣ гузаронида мешаванд.
35. Тартиби истифодабарии маблағҳои мазкур тибқи дастурамал оид ба истифодаи маблағҳои махсус амалӣ карда мешавад.
5. ИСТИФОДАИ МАҲСУЛОТИ ИСТЕҲСОЛШУДА
36. Маҳсулоти истеҳсолшудаи хоҷагиҳои ёрирасони сохторҳои қудратӣ ва мақомоти ҳифзи ҳуқуқ барои таъминоти нақшавии ҳайати шахсӣ тибқи меъёрҳои муқаррарнамудаи Ҳукумати Ҷумҳурии Тоҷикистон, озуқаи иловагӣ, инчунин озуқа дар рӯзҳои ид, дар давраи гузаронидани машқҳо ва дигар чорабиниҳое, ки дар онҳо таъмини хизматчиёни ҳарбӣ бо хӯроки гарм амалӣ мегардад, истифода мешаванд.
37. Маҳсулоти аз нақшаи тасдиқшуда барзиёд истеҳсолшуда бо фармоиши роҳбарони сохторҳои қудратӣ ва мақомоти ҳифзи ҳуқуқ барои расонидани кумаки моддӣ ба оилаҳои кормандоне, ки дар вақти иҷрои вазифаи хизматӣ фавтидаанд, собиқадорони эҳтиёҷманди сохторҳои қудратӣ ва мақомоти ҳифзи ҳуқуқ ва/ё фурӯш истифода мегардад.
6. МУҚАРРАРОТИ ХОТИМАВӢ
38. Масъалаҳое, ки дар ҷараёни фаъолияти хоҷагиҳои ёрирасони сохторҳои қудратӣ ва мақомоти ҳифзи ҳуқуқ ба миён омада, бо Тартиби мазкур ба танзим дароварда нашуданд, тибқи тартиби муқаррарнамудаи қонунгузории Ҷумҳурии Тоҷикистон ҳал карда мешаванд.
39. Назорати фаъолият ва иҷрои нақшаи хоҷагиҳои ёрирасони сохторҳои қудратӣ ва мақомоти ҳифзи ҳуқуқ тибқи муқаррароти қонунгузорӣ аз ҷониби мақомоти ваколатдори назоратӣ ва воҳидҳои сохтории вазорату идораҳо амалӣ карда мешавад. Шахсони воқеӣ ва ҳуқуқӣ, инчунин шахсони масъули сохторҳои қудратӣ ва мақомоти ҳифзи ҳуқуқ барои риоя накардани талаботи Тартиби мазкур мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.
Замимаи 1-7
