Ҳукумати Ҷумҳурии Тоҷикистон

ҚАРОР

Дар бораи таъсис додани муассисаи давлатии "Маъмурияти минтақаи озоди иқтисодии "Кӯлоб"

Мутобиқи моддаҳои 52 ва 132 Кодекси граждании Ҷумҳурии Тоҷикистон, моддаи 14 Қонуни Ҷумҳурии Тоҷикистон "Дар бораи минтақаҳои озоди иқтисодӣ" ва моддаи 56 Қонуни Ҷумҳурии Тоҷикистон "Дар бораи санадҳон меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Муассисаи давлатии "Маъмурияти минтақаи озоди иқтисодии "Кӯлоб" таъсис дода шавад.

2. Вазорати рушди иқтисод ва савдои Ҷумҳурии Тоҷикистон оинномаи муассисаи давлатии "Маъмурияти минтақаи озоди иқтисодии "Кӯлоб"-ро тасдиқ намуда, масъалаҳои ташкилию ҳуқуқии онро тибқи тартиби муқарраргардида ҳал намояд.

3. Ба Номгӯи ташкилотҳои системаи Вазорати рушди иқтисод ва савдои Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010, № 245 тасдиқ шудааст, сархати шашум бо мазмуни зерин илова карда шавад:

"Муассисаи давлатии "Маъмурияти минтақаи озоди иқтисодии "Кӯлоб"".