Ҳукумати Ҷумҳурии Тоҷикистон

ҚАРОР

Дар бораи Нишони Хадамоти иҷрои назди Ҳукумати Ҷумҳурии Тоҷикистон

Бо мақсади баланд бардоштани сиёсати давлатӣ дар соҳаи истеҳсолоти иҷро, иҷрои саривақтӣ ва маҷбурии санадҳои судӣ ва санадҳои мақомоти дигар, мутобиқи моддаи 29 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Нишони Хадамоти иҷрои назди Ҳукумати Ҷумҳурии Тоҷикистон тасдиқ карда шавад.

2. Низомнома дар бораи Нишони Хадамоти иҷрои назди Ҳукумати Ҷумҳурии Тоҷикистон, тасвир ва тавсифи он тасдиқ карда шаванд (замимаҳои 1, 2 ва 3).

3. Маблағгузории хароҷоти вобаста ба таъсиси Нишони Хадамоти иҷрои назди Ҳукумати Ҷумҳурии Тоҷикистон аз ҳисоби маблағҳои махсуси Хадамоти иҷрои назди Ҳукумати Ҷумҳурии Тоҷикистон амалӣ карда шавад.