ТАРТИБИ ҲИСОБИ ЗАХИРАҲО ВА МАҲСУЛОТИ СӯЗИШВОРИЮ ЭНЕРГЕТИКИИ ИСТЕЪМОЛШАВАНДА

1. Тартиби мазкур муносибатҳои вобаста ба баҳисобгирии захираҳо ва маҳсулоти сӯзишворию энергетикии истеъмолшаванда дар Ҷумҳурии Тоҷикистонро ба танзим медарорад, ҳуқуқ ва уҳдадориҳои асосии тарафҳоро ҳангоми ҳисоби захираҳо ва маҳсулоти сӯзишворию энергетикии истеъмолшаванда муқаррар менамояд.

2. Захираҳои сӯзишвориву энергетикии истеҳсолшаванда, интиқолшаванда, истеъмолшаванда бояд бо истифода аз таҷҳизоти ҳисобкунии захираҳои энергетикӣ ба ҳисоб гирифта шаванд. Талаботи мазкур дар самти ташкили баҳисобгирии захираҳои сӯзишвориву энергетикии истифодашаванда ба иншооти пайвастшуда ба хатҳои барқии таъмини барқии марказонидашуда ва (ё) хатҳои таъмини гармии марказонидашуда ва (ё) хатҳои таъмини обии марказонидашуда ва (ё) хатҳои таъмини газии марказонидашуда ва (ё) дигар хатҳои таъминоти марказонидашуда бо захираҳои сӯзишвориву энергетикӣ амалӣ мешавад.

3. Агар нисбат ба ҷойҳои насби таҷҳизоти ҳисоби захираҳои сӯзишвориву энергетикии истеъмолшаванда талаботи дигаре бо дигар санадҳои меъёрии ҳуқуқии Ҷумҳурии Тоҷикистон муқаррар нашуда бошад, иҷрои талаботи Тартиби мазкур дар самти ташкили ҳисоби захираҳои сӯзишвориву энергетикии истеъмолшаванда нисбат ба иншооте, ки ба хатҳои таъмини марказонидашуда бо захираи сӯзишвориву энергетикии мувофиқ насб шудаанд, бояд ҳисоби захираҳои сӯзишвориву энергетикии истеъмолшаванда дар ҷойҳои пайвастшавии иншооти зикргашта ба чунин хатҳо ё ин ки нисбат ба иншооти ҷиҳати интиқоли захираҳои сӯзишвориву энергетикӣ истифодашаванда, дар ҷойҳои пайвастшавии иншооти омехта, ки барои интиқоли захираҳои сӯзишвориву энергетикӣ истифода мешаванд, амал намояд.

4. Талабот нисбат ба тавсифоти таҷҳизоти баҳисоббарии захираҳои сӯзишвориву энергетикии истеъмолшаванда мувофиқи қонунгузории Ҷумҳурии Тоҷикистон муайян карда мешавад.

5. Баҳисобгирии захираҳои сӯзишвориву энергетикӣ бояд дар асоси маълумот оид ба нишондоди миқдории захираҳои сӯзишвориву энергетикии истеҳсол, интиқол, истеъмолшуда, ки тавассути таҷҳизоти ҳисобкунии захираҳои сӯзишвориву энергетикии истеъмолшуда муайян мешаванд, анҷом дода мешавад. Таҷҳизоти ҳисобкунии захираҳои

сӯзишвориву энергетикии истеъмолшуда, ки мувофиқи талаботи қонунгузории Ҷумҳурии Тоҷикистон насб шудаанд, бояд на дертар аз як моҳ, пас аз санаи насби онҳо ба кор дароварда шаванд ва истифодаи онҳо бояд ҳангоми анҷом ёфтани ҳисоббаробаркунӣ барои захираҳои сӯзишвориву энергетикӣ на дертар аз санаи якуми моҳи оянда пас аз моҳи ба кор даровардани таҷҳизоти ҳисобкунӣ оғоз шавад.

6. Ҳисоби захираҳои сӯзишворию энергетикӣ метавонад бе баҳисобгирии маълумоти дастрасшуда бо ёрии асбобҳои баҳисобгирии насбшуда ва баистифодадодашудаи захираҳои сӯзишворию энергетикии истифодашаванда ба роҳ монда шавад. То насби таҷҳизоти ҳисоби захираҳои сӯзишвориву энергетикии истеъмолшаванда, инчунин ҳангоми аз кор баромадан, гум кардан ё баромадани муҳлати истифодаи таҷҳизоти ҳисоби захираҳои сӯзишвориву энергетикии истеъмолшаванда, баҳисобгирии захираҳои сӯзишвориву энергетикӣ бояд бо истифода аз усулҳои баҳисобгирии муайянсозии ҳаҷми захираҳои сӯзишвориву энергетикӣ, ки тибқи қонунгузории Ҷумҳурии Тоҷикистон муқаррар шудаанд, анҷом дода шаванд. Ҳамзамон усулҳои баҳисобгирии зикршуда бояд ҳаҷми захираҳои сӯзишвориву энергетикиро тарзе муайян намоянд, ки харидорони захираҳои сӯзишвориву энергетикӣ ҷиҳати анҷом додани баҳисобгирӣ дар асоси нишондиҳанда оид ба ҳаҷми он, ки бо кумаки таҷҳизоти ҳисоби захираҳои сӯзишвориву энергетикии истеъмолшаванда муайян шудааст, ҳавасманд шаванд.

7. Соҳибмулкони бинову иморат ва иншооте, ки ба истифода дода шудаанд ва ҳангоми истифодаи онҳо захираҳои сӯзишвориву энергетикӣ истифода мешаванд (аз ҷумла иншооти муваққатӣ), уҳдадоранд таҷҳизонии чунин иншоотро бо таҷҳизоти ченкунии об, гази табиӣ, энергияи гармӣ, қувваи барқи истифодашуда ва инчунин баистифодадиҳии чунин таҷҳизоти ченкунӣ ба итмом расонанд. Соҳибмулкони таҷҳизоти ченкунии захираҳои сӯзишвориву энергетикии истеъмолшаванда бояд истифодаи дурусти ин таҷҳизот, бехатарӣ ва ивазкунии саривақтии онҳоро таъмин намоянд. Ба истифода додани бино ва иншооти навсохташуда, таҷдидшуда, аз таъмири асосӣ, таҷдиди таҷҳизоти техникӣ, навгароӣ (модернизатсия) ва кушод кардан гузашта, ки ба талаботи самаранокии энергетикӣ ҷавобгӯй нестанд ва бо асбобҳои ҳисобу ченкунии истифодаи захираҳои сӯзишворию энергетикӣ муҷаҳҳаз намебошанд, манъ аст.

8. Амалҳо оид ба насб, ивазкунӣ, истифодабарии таҷҳизоти ченкунии захираҳои сӯзишвориву энергетикии истеъмолшаванда аз ҷониби шахсе анҷом дода мешавад, ки тибқи талаботи пешбининамудаи қонунгузории Ҷумҳурии Тоҷикистон оид ба амалисозии чунин амалҳо ҳуқуқ доранд.

9. Ташкилотҳое, ки таъмини об, гази табиӣ, энергияи гармӣ, қувваи барқ ё таҳвили онҳоро ба амал мебароранд, инчунин шабакаҳои таъмини муҳандисӣ-техникии бевосита ба шабакаҳое, ки ба таркиби таҷҳизоти иншооти муҳандисию техникӣ дохиланд ва бо асбобҳои ченкунии захираҳои сзишвориву энергетикии истеъмолшаванда таҷҳизонида шудаанд, уҳдадоранд, ки фаъолиятро оид ба насб, ивазкунӣ, истифодаи асбобҳои ченкунии захираҳои сӯзишвориву энергетикии истеъмолшаванда, ки таъмин ва таҳвили онҳоро анҷом медиҳанд, ба амал бароранд.