Ҳукумати Ҷумҳурии Тоҷикистон

ҚАРОР

Дар бораи Тартиби гузаронидани назорати давлатӣ дар соҳаи муҳофизат, истифода ва барқароркунии объектҳои олами наботот

Мутобиқи моддаи 7 Қонуни Ҷумҳурии Тоҷикистон "Дар бораи муҳофизат ва истифодаи олами наботот" Ҳукумати Ҷумҳурии Тоҷикистон қарор мекунад:

1. Тартиби гузаронидани назорати давлатӣ дар соҳаи муҳофизат истифода ва барқароркунии объектҳои олами наботот тасдиқ карда шавад (замима мегардад).

2. Кумитаи ҳифзи муҳити зисти назди Ҳукумати Ҷумҳурии Тоҷикистон ҳамчун мақоми ваколатдори давлатӣ дар соҳаи муҳофизат, истифода ва барқароркунии олами наботот якҷо бо вазорату идораҳои дахлдор, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳои тобеи ҷумҳурӣ ва мақомоти худидоракунии шаҳрак ва деҳот ҷиҳати иҷрои қарори мазкур тадбирҳои зарурӣ андешанд.