Ҳукумати Ҷумҳурии Тоҷикистон

ҚАРОР

Дар бораи Барномаи махсуси дастгирии давлатии ҷамъияти саҳомии кушодаи "Тоҷик Эйр" барои солҳои 2018-2023

Мутобиқимоддаи 13 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон", бо мақсади рушди заминаи моддию техникӣ, баланд бардоштани қобилияти рақобатпазирӣ ва солимгардонии вазъи молиявию хоҷагидории ҷамъияти саҳомии кушодаи "Тоҷик Эйр" Ҳукумати Ҷумҳурии Тоҷикистон қарор мекунад:

1. Барномаи махсуси дастгирии давлатии ҷамъияти саҳомии кушодаи "Тоҷик Эйр" барои солҳои 2018-2023 тасдиқ карда шавад (замима мегардад).

2. Агентии авиатсияи граждании назди Ҳукумати Ҷумҳурии Тоҷикистон якҷо бо Вазорати молияи Ҷумҳурии Тоҷикистон, Вазорати рушди иқтисод ва савдои Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Хадамоти зиддиинҳисории назди Ҳукумати Ҷумҳурии Тоҷикистон иҷрои барномаи мазкурро дар муҳлатҳои пешбинигардида таъмин намуда, оид ба рафти амалисозии он ҳар шаш моҳ ба Ҳукумати Ҷумҳурии Тоҷикистон маълумот пешниҳод намояд.