Ҳукумати Ҷумҳурии Тоҷикистон

ҚАРОР

Дар бораи Барномаи минтақавӣ оид ба амалисозии лоиҳаҳои давлатии сармоягузории аҳамияти иҷтимоидошта баҳри рушди устувори ҷамоаҳои маҳаллӣ барои солҳои 2018-2023

Мутобиқи моддаи 13 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Барномаи минтақавӣ оид ба амалисозии лоиҳаҳои давлатии сармоягузории аҳамияти иҷтимоидошта баҳри рушди устувори ҷамоаҳои маҳаллӣ барои солҳои 2018-2023 тасдиқ карда шавад (замима мегардад)(қарори Ҳукумати ҶТ аз 28.03.2023 № 141).

2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон. Вазорати рушди иқтисод ва савдои Ҷумҳурии Тоҷикистон, Вазорати молияи Ҷумҳурии Тоҷикистон оид ба ҷалби грантҳо барои амалишавии барномаи мазкур тадбирҳои зарурӣ андешанд.

3. Вазорату идораҳо ва мақомоти иҷроияи маҳаллии ҳокимияти давлатӣ ҷиҳати амалисозии лоиҳаҳо дар доираи барнома ба Бунёди миллии иҷтимоии маблағгузории Тоҷикистон мусоидат намоянд.

4. Барномаи минтақавӣ оид ба амалисозии лоиҳаҳои давлатии сармоягузории аҳамияти иҷтимоидошта баҳри рушди устувори ҷамоаҳои маҳаллӣ барои солҳои 2018-2023 ба барномаи сармоягузориҳои давлатии навбатӣ ворид карда шавад )(қарори Ҳукумати ҶТ аз 28.03.2023 № 141).

5. Бунёди миллии иҷтимоии маблағгузории Тоҷикистон оид ба рафти азхудкунии маблағҳо дар доираи барномаи мазкур ба Вазорати рушди иқтисод ва савдои Ҷумҳурии Тоҷикистон, Вазорати молияи Ҷумҳурии Тоҷикистон ва Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҳар сол маълумот пешниҳод намояд.