ҚОНУНИ ҶУМҲУРИИ ТОҶИКИСТОН

Дар бораи ворид намудани тағйироту иловаҳо ба Қонуни Ҷумҳурии Тоҷикистон "Дар бораи Сарҳади давлатии Ҷумҳурии Тоҷикистон

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Ба Қонуни Ҷумҳурии Тоҷикистон аз 1 августи соли 1997 "Дар бораи Сарҳади Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, с.1997, № 15-16, мод. 254; № 23-24, мод.333) тағйироту иловаҳои зерин дохил карда шаванд:

1. Ба қисми сеюми моддаи 13 баъди калимаҳои "мақомоти корҳои дохилӣ" калимаҳои "ҷузъу томҳои Агентии назорати маводи нашъаовари назди Президенти Ҷумҳурии Тоҷикистон" илова карда шаванд;

2. Дар моддаи 26:

дар қисми дуюм калимаҳои "мақомоти гумрук" бо калимаҳои "мақомоти гумруку Агентии назорати маводи нашъаовари назди Президенти Ҷумҳурии Тоҷикистон" иваз карда шаванд;

ба қисми сеюм баъди калимаҳои "Қӯшунҳои сарҳадӣ" калимаҳои "Агентии назорати маводи нашъаовари назди Президенти Ҷумҳурии Тоҷикистон" илова карда шаванд.

3. Дар моддаи 31:

Ба модда банди 5 дорои мазмуни зайл илова карда шавад:

"5. Агентии назорати маводи нашъаовари назди Президенти Ҷумҳурии Тоҷикистон:

- дар ҳамкорӣ бо Қушунҳои сарҳадӣ фаъолияти оперативӣ-ҷустуҷӯиро бо мақсади ошкору пешгирӣ кардан ва кушодани ҷиноятҳои бо қочоқи маводи нашъаовар вобаста бударо дар ноҳияҳои наздисарҳадии Ҷумҳурии Тоҷикистон, инчунин дар қаламрави давлатҳои ҳамсарҳад ба амал мебарорад;

- дар доираи ваколатҳои худ оиди ирсоли назоратшавандаи воситаҳои нашъаовар чора мебинад";

банди 5 мутобиқан банди 6 ҳисобида шавад.

4. Банди 9 қисми дуюми моддаи 33 дар таҳрири зайл ифода карда шавад:

"9) қочоқи аз тариқи Сарҳади давлатӣ интиқолдодашаванда ва дигар молҳо, борҳо ва воситаҳои нақлиётии ғайриқонунӣ интиқолдодашавандаро, ки онҳо ҳангоми иҷрои вазифаҳои ба зиммаашон гузошташудаи вобаста ба ҳифзи Сарҳади давлатӣ дар доираи қаламрави назди сарҳадӣ ошкор намудаанд, ба мақомоти гумрук супоранд, дар сурати мавҷуд набудани мақомоти гумрук онҳоро боздоранд, маводи нашъаоварро бошад, ба ҷузъу томҳои Агентии назорати маводи нашъаовари назди Президенти Ҷумҳурии Тоҷикистон супоранд".

5. Дар сарлавҳа, ба қисми дуюм ва сеюми моддаи 35 баъд аз калимаҳои "кӯшунҳои дохилии Вазорати корҳои дохилии Ҷумҳурии Тоҷикистон" калимаҳои "ҷузъу томҳои Агентии назорати маводи нашъаовари назди Президенти Ҷумҳурии Тоҷикистон" илова карда шаванд.