ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ВАЗЪИ ҲУҚУҚИИ ХИЗМАТЧИЁНИ ҲАРБӢ"

Моддаи 1. Ба Қонуни Ҷумҳурии Тоҷикистон аз 1 марти соли 2005 "Дар бораи вазъи ҳуқуқии хизматчиёни ҳарбӣ" (Ахбори Маҷлиси Олии Ҷумҳурии Тоҷикистон, с. 2005, № 3, мод. 130; с. 2006, № 3, мод. 150; с. 2008, № 6, мод. 449, № 10, мод. 799; с. 2012, № 8, мод. 822; с. 2014, № 11, мод. 661) тағйиру иловаҳои зерин ворид карда шаванд:

1. Аз муқаддима, қисми 2 моддаи 1, қисми 5 моддаи 3, матни моддаи 4, қисми 1 моддаи 8 ва сархати дуюми моддаи 24 калимаи "(Сарқонуни)" хориҷ карда шавад.

2. Дар қисмҳои 5 ва 8 моддаи 2, қисми 1 моддаи 7, қисми 8 моддаи 10, қисми 2 моддаи 12, қисми 11 моддаи 14, қисми 2 моддаи 15, сархати якуми қисми 1, сархати дуюми қисми 2, қисмҳои 4, 5, 9 моддаи 18 ва қисми 1 моддаи 20 калимаҳои "қаламрави" ва "қаламрав" мувофиқан ба калимаҳои "ҳудуди" ва "ҳудуд" иваз карда шаванд.

3. Дар қисми 5 моддаи 3 калимаи "ҳақ" ба калимаи "ҳуқуқ" иваз карда шавад.

4. Ба қисми 7 моддаи 10 ҷумлаи дуюм бо мазмуни зерин илова карда шавад:

"Ба хизматчиёни ҳарбие, ки хизмати ҳарбиро мувофиқи даъват адо менамоянд ва дар ақди никоҳи ба қайди давлатӣ гирифташуда қарор доранд, рухсатии асосӣ тибқи тартиби муқарраргардида қисм ба қисм, вале на камтар аз як маротиба дар шаш моҳ дода мешавад.".

Моддаи 2. Қонуни мазкур пас аз интишори расмӣ мавриди амал қарор дода шавад.