Ҳукумати Ҷумҳурии Тоҷикистон

ҚАРОР

Дар бораи гурӯҳи роҳбарикунандаи байниидоравӣ оид ба амалигардонии лоиҳаи "Тақвияти таҳсилоти касбӣ-техникӣ ва омӯзиш"-и назди Ҳукумати Ҷумҳурии Тоҷикистон

Мутобиқи моддаи 16 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва бо мақсади амалигардонии созишномаи маблағгузорӣ аз 16 ноябри соли 2015 байни Ҳукумати Ҷумҳурии Тоҷикистон ва Бонки Осиёии Рушд Ҳукумати Ҷумҳурии Тоҷикистон қарор мекунад:

1. Гурӯҳи роҳбарикунандаи байниидоравӣ оид ба амалигардонии лоиҳаи "Тақвияти таҳсилоти касбӣ-техникӣ ва омӯзиш"-и назди Ҳукумати Ҷумҳурии Тоҷикистон таъсис дода шавад.

2. Низомнома ва ҳайати гурӯҳи роҳбарикунандаи байниидоравӣ оид ба амалигардонии лоиҳаи "Тақвияти таҳсилоти касбӣ-техникӣ ва омӯзиш"-и назди Ҳукумати Ҷумҳурии Тоҷикистон тасдиқ карда шаванд (замимаҳои 1 ва 2).