Ҳукумати Ҷумҳурии Тоҷикистон

ҚАРОР

Дар бораи Номгӯйи молу ашёе, ки барои пардохти музди меҳнати аслӣ истифода намегарданд

Мутобиқи қисми 4 моддаи 159 Кодекси меҳнати Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Номгӯйи молу ашёе, ки барои пардохти музди меҳнати аслӣ истифода намегардянд тасдиқ карда шавад (замима мегардад).

2. Вазорату идораҳо, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳру ноҳияҳо ва ташкилоту муассисаҳо, новобаста аз шакли моликият, иҷрои қарори мазкурро таъмин намоянд.

Номгӯйи молу ашёе, ки барои пардохти музди меҳнати аслӣ истифода намегарданд

1. Маҳсулоти нафтӣ, сӯзишворӣ ва равғанҳои молиданӣ

2. Маводи доруворӣ, маҳсулоти таъиноти тиббӣ ва воситаҳои дезинфексионӣ.

3. Нӯшокиҳои спиртӣ.

4. Тамоку ва маҳсулоти он.

5. Маҳсулот аз металлҳои қиматбаҳо, сангҳои қиматбаҳо дар ҳама намуд.

6. Маводи мухаддир.

7. Маводи тарканда ва заҳролудкунанда.