ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ӯҲДАДОРИИ УМУМИИ ҲАРБӢ ВА ХИЗМАТИ ҲАРБӢ"

Моддаи 1. Ба Қонуни Ҷумҳурии Тоҷикистон аз 29 ноябри соли 2000 "Дар бораи ӯҳдадории умумии ҳарбӣ ва хизмати ҳарбӣ" (Ахбори Маҷлиси Олии Ҷумҳурии Тоҷикистон, с. 2000, № 11, мод. 539; с. 2003, № 4, мод. 146, № 8, мод. 461; с. 2004, № 2, мод. 50, № 7, мод. 464; с. 2005, № 3, мод. 117; с. 2006, № 11, мод. 467; с. 2007, № 7, мод. 659; с. 2010, № 7, мод. 542, мод. 553; с. 2012, № 12, қ. 1, мод. 1014) тағйироти зерин ворид карда шаванд:

1. Аз қисми якуми моддаи 1 ва матни моддаи 2 калимаи "(Сарқонуни)" хориҷ карда шавад.

2. Дар қисми дуюми моддаи 12 ва қисми дуюми моддаи 34 калимаи "қаламрави" ба калимаи "ҳудуди" иваз карда шавад.

3. Дар моддаи 43:

- дар сархатҳои якум, дуюм, сеюм ва чоруми қисми якум рақамҳои "60", "55", "50" ва "45" мувофиқан ба рақамҳои "63", "58", "53" ва "48" иваз карда шаванд;

- дар қисми дуюм рақами "50" ба рақами "53" иваз карда шавад.

4. Дар моддаи 47:

- дар қисми якум рақамҳои "45", "50", "55" ва "60" мувофиқан ба рақамҳои "48", "53", "58" ва "63" иваз карда шаванд;

- дар қисми дуюм рақамҳои "50" ва "45" мувофиқан ба рақамҳои "53" ва "48" иваз карда шаванд.

Моддаи 2. Қонуни мазкур аз 1 январи соли 2017 мавриди амал қарор дода шавад.