ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ МАҚОМОТИ АМНИЯТИ МИЛЛИИ ҶУМҳУРИИ ТОҷИКИСТОН"

Моддаи 1. Ба Қонуни Ҷумҳурии Тоҷикистон аз 20 марти соли 2008 "Дар бораи мақомоти амнияти миллии Ҷумҳурии Тоҷикистон" (Ахбори Маҷлиси Олии Ҷумҳурии Тоҷикистон, с. 2008, №3, мод. 183; с. 2011, №6, мод. 457; с. 2013, №7, мод. 513, №12, мод. 886; с. 2014, №11, мод. 654; с. 2015, №7-9, мод.701; с. 2016, №3, мод. 138) тағйиру иловаҳои зерин ворид карда шаванд:

1. Аз матни моддаи 7 калимаи "(Сарқонуни)" хориҷ карда шавад.

2. Дар қисми чоруми моддаи 10 калимаҳои "ба қувваи қонунӣ даромадани" ба калимаҳои "эътибори қонунӣ пайдо кардани" иваз карда шаванд.

3. Дар сархати дуюми қисми якуми моддаи 16 ва сархати чордаҳуми қисми дуюми моддаи 20 калимаи "қаламрави" ба калимаи "ҳудуди" иваз карда шавад.

4. Дар сархати даҳуми қисми дуюми моддаи 20 калимаи "ҷиноӣ" ба калимаи "ҷиноятӣ" иваз карда шавад.

5. Дар моддаи 23:

- дар қисми дуюм калимаҳои "он шаҳрванди Ҷумҳурии Тоҷикистон шуда метавонад, ки" ба калимаҳои "шахсе шуда метавонад, ки танҳо шаҳрванди Ҷумҳурии Тоҷикистон бошад," иваз карда шаванд;

- ба ҷумлаи якуми қисми шашум пас аз калимаи "Тоҷикистон" калимаҳои "доштани шаҳрвандии давлати дигар, инчунин" илова карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.