Замима
ба фармони Президенти
Ҷумҳурии Тоҷикистон
аз 2 декабри соли 2016, № 783
Тартиби савгандёдкунии аъзои Ҳукумати Ҷумҳурии Тоҷикистон
1. Савгандёдкунии аъзои Ҳукумати Ҷумҳурии Тоҷикистон аз талаботи моддаи 73 Конститутсияи Ҷумҳурии Тоҷикистон ва моддаи 8 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" бармеояд, ки мувофиқи онҳо аъзои Ҳукумати Ҷумҳурии Тоҷикистон баъди аз ҷониби Президенти Ҷумҳурии Тоҷикистон таъин шудан ва тасдиқ гардидани фармон дар ҷаласаи якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон ба Президенти Ҷумҳурии Тоҷикистон савганд ёд мекунанд.
2. Варақаи савганди аъзои Ҳукумати Ҷумҳурии Тоҷикистон (намунаи он замима мегардад) бо нишон додани насаб, ном, номи падар, мансаби таъингардида ва матни савганд, ки дар қисми 3 моддаи 8 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" пешбинӣ гардидааст, аз ҷониби Дастгоҳи иҷроияи Президенти Ҷумҳурии Тоҷикистон барои ҳар як шахси савгандёдкунанда тайёр карда мешавад.
3. Савгандёдкунии аъзои Ҳукумати Ҷумҳурии Тоҷикистон дар вазъияти тантанавӣ дар қароргоҳи Президенти Ҷумҳурии Тоҷикистон - Қасри миллат баргузор мегардад.
4. Теъдод ва доираи шахсони дар маросими савгандёдкунӣ иштироккунандаро Президенти Ҷумҳурии Тоҷикистон муайян менамояд.
5. Қабл аз маросими савгандёдкунӣ дар толор Парчами давлатии Ҷумҳурии Тоҷикистон ва Ливои Президенти Ҷумҳурии Тоҷикистон, дар мизи махсус барои савгандёдкунӣ дар тарафи рости савгандёдкунанда Конститутсияи Ҷумҳурии Тоҷикистон гузошта шуда, инчунин ҷой барои расмиёти имзогузорӣ омода карда мешавад.
6. Пас аз ба толор ворид шудани Президенти Ҷумҳурии Тоҷикистон маросими савгандёдкунии аъзои Ҳукумати Ҷумҳурии Тоҷикистон оғоз мегардад.
7. Узви Ҳукумати Ҷумҳурии Тоҷикистон пеш аз савгандёдкунӣ муаррифӣ гардида, ба ӯ варақаи савганди аъзои Ҳукумати Ҷумҳурии Тоҷикистон супорида мешавад. Сипас ӯ ба назди мизи савгандёдкунӣ омада, дасти росташро ба болои Конститутсияи Ҷумҳурии Тоҷикистон гузошта, рӯ ба тарафи Президенти Ҷумҳурии Тоҷикистон матни савгандро бо овози баланд қироат менамояд ва ба варақаи савганд имзо гузошта, онро ба Президенти Ҷумҳурии Тоҷикистон месупорад.
8. Варақаи савганд бо имзои аъзои Ҳукумати Ҷумҳурии Тоҷикистон дар парвандаи шахсии онҳо дар Дастгоҳи иҷроияи Президенти Ҷумҳурии Тоҷикистон нигоҳ дошта мешавад.
Замима
Замима
ба фармони Президенти
Ҷумҳурии Тоҷикистон
аз 2 декабри соли 2016, № 783
Тартиби савгандёдкунии аъзои Ҳукумати Ҷумҳурии Тоҷикистон
1. Савгандёдкунии аъзои Ҳукумати Ҷумҳурии Тоҷикистон аз талаботи моддаи 73 Конститутсияи Ҷумҳурии Тоҷикистон ва моддаи 8 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" бармеояд, ки мувофиқи онҳо аъзои Ҳукумати Ҷумҳурии Тоҷикистон баъди аз ҷониби Президенти Ҷумҳурии Тоҷикистон таъин шудан ва тасдиқ гардидани фармон дар ҷаласаи якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон ба Президенти Ҷумҳурии Тоҷикистон савганд ёд мекунанд.
2. Варақаи савганди аъзои Ҳукумати Ҷумҳурии Тоҷикистон (намунаи он замима мегардад) бо нишон додани насаб, ном, номи падар, мансаби таъингардида ва матни савганд, ки дар қисми 3 моддаи 8 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" пешбинӣ гардидааст, аз ҷониби Дастгоҳи иҷроияи Президенти Ҷумҳурии Тоҷикистон барои ҳар як шахси савгандёдкунанда тайёр карда мешавад.
3. Савгандёдкунии аъзои Ҳукумати Ҷумҳурии Тоҷикистон дар вазъияти тантанавӣ дар қароргоҳи Президенти Ҷумҳурии Тоҷикистон - Қасри миллат баргузор мегардад.
4. Теъдод ва доираи шахсони дар маросими савгандёдкунӣ иштироккунандаро Президенти Ҷумҳурии Тоҷикистон муайян менамояд.
5. Қабл аз маросими савгандёдкунӣ дар толор Парчами давлатии Ҷумҳурии Тоҷикистон ва Ливои Президенти Ҷумҳурии Тоҷикистон, дар мизи махсус барои савгандёдкунӣ дар тарафи рости савгандёдкунанда Конститутсияи Ҷумҳурии Тоҷикистон гузошта шуда, инчунин ҷой барои расмиёти имзогузорӣ омода карда мешавад.
6. Пас аз ба толор ворид шудани Президенти Ҷумҳурии Тоҷикистон маросими савгандёдкунии аъзои Ҳукумати Ҷумҳурии Тоҷикистон оғоз мегардад.
7. Узви Ҳукумати Ҷумҳурии Тоҷикистон пеш аз савгандёдкунӣ муаррифӣ гардида, ба ӯ варақаи савганди аъзои Ҳукумати Ҷумҳурии Тоҷикистон супорида мешавад. Сипас ӯ ба назди мизи савгандёдкунӣ омада, дасти росташро ба болои Конститутсияи Ҷумҳурии Тоҷикистон гузошта, рӯ ба тарафи Президенти Ҷумҳурии Тоҷикистон матни савгандро бо овози баланд қироат менамояд ва ба варақаи савганд имзо гузошта, онро ба Президенти Ҷумҳурии Тоҷикистон месупорад.
8. Варақаи савганд бо имзои аъзои Ҳукумати Ҷумҳурии Тоҷикистон дар парвандаи шахсии онҳо дар Дастгоҳи иҷроияи Президенти Ҷумҳурии Тоҷикистон нигоҳ дошта мешавад.
Замима
