ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ИҶОЗАТНОМАДИҲӢ БА БАЪЗЕ НАМУДҲОИ ФАЪОЛИЯТ"

Моддаи 1. Ба Қонуни Ҷумҳурии Тоҷикистон аз 17 майи соли 2004 "Дар бораи иҷозатномадиҳӣ ба баъзе намудҳои фаъолият" (Ахбори Маҷлиси Олии Ҷумҳурии Тоҷикистон, с.2004, №5, мод.348; с.2005, №3, мод.120; с.2006, №7, мод. 343; с.2007, №6, мод.433; с.2008, №1, қ.2, мод.14, №6, мод.457, №10, мод.816; с.2009, №3, мод.78, №5, мод.326, №9-10, мод. 544; с.2010, №12, қ. 1, мод.821; с.2012, №12, қ.1, мод. 1005; с.2013, №3, мод.193, №11, мод.787; с.2014, №7, қ. 2, мод. 406, мод. 407, №11, мод. 666; с. 2015, №3, мод. 206, мод. 213, №1,, мод.967; с. 2016, №5, мод.369, №7, мод.631) тағйиру иловаҳои зерин ворид карда шаванд.

1. Аз матни моддаи 2 калимаи "(Сарқонуни)" хориҷ карда шавад.

2. Дар моддаи 8:

- ба қисми 1 пас аз калимаҳои "моддаи 17 Қонуни мазкур пешбинигардида" калимаҳои ", ба истиснои фаъолияти бо кор таъмин намудани шаҳрвандони хориҷӣ дар ҳудуди Ҷумҳурии Тоҷикистон", илова карда шаванд;

- қисми 3 бо мазмуни зерин илова карда шавад:

"3. Иҷозатнома барои намуди фаъолияти бо кор таъмин намудани шаҳрвандони хориҷӣ дар ҳудуди Ҷумҳурии Тоҷикистон ба мӯҳлати то 3 сол дода мешавад.";

- қисми 3 қисми 4 ҳисобида шавад.

3. Дар моддаи 17:

- дар сархати шасту дуюм аломати нуқта ба аломати нуқта вергул ";" иваз карда шавад;

- сархати шасту сеюм бо мазмуни зерин илова карда шавад:

"- фаъолият дар соҳаи алоқаи почта.".

Моддаи 2. Қонуни мазкур пас аз интишори расмӣ мавриди амал қарор дода шавад.