Бо қарори Ҳукумати ҶТ аз 30.12.2019 № 656 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи Низомномаи намунавии муассисаҳои тайёрии варзишӣ дар Ҷумҳурии Тоҷикистон ва меъёрҳои иловапулӣ дар соҳаи варзиш

Мутобиқи моддаи 11 Қонуни Ҷумҳурии Тоҷикистон "Дар бораи тайёрии варзишӣ" ва моддаи 16 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомномаи намунавии муассисаҳои тайёрии варзишӣ дар Ҷумҳурии Тоҷикистон тасдиқ карда шавад (замимаи 1).

2. Меъёрҳои иловапулӣ барои дастовардҳои намоёни варзишгарон ба мураббиён, меъёрҳои иловапулӣ вобаста ба намуди муассиса ва зинаҳои тайёрии варзишӣ ва меъёрҳои иловапулӣ барои роҳбарият ва ҳайати мураббиёни муассисаҳои тайёрии варзишӣ барои собиқаи корӣ, унвонҳо ва тахассусҳо тасдиқ карда шаванд (замимаҳои 2, 3 ва 4).

3. Вазорату идораҳо, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо ҷиҳати татбиқи талаботи меъёрҳои Низомномаи намунавии муассисаҳои тайёрии варзишӣ дар Ҷумҳурии Тоҷикистон, меъёрҳои иловапулӣ барои дастовардҳои намоёни варзишгарон ба мураббиён, меъёрҳои иловапулӣ вобаста ба намуди муассиса ва зинаҳои тайёрии варзишӣ ва меъёрҳои иловапулӣ барои роҳбарият ва ҳайати мураббиёни муассисаҳои тайёрии варзишӣ барои собиқаи корӣ, унвонҳо ва тахассусҳо чораҳои мушаххас андешанд.

4. Вазорати маориф ва илми Ҷумҳурии Тоҷикистон якҷоя бо Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади ба тарбияи ҷисмонӣ ва варзиш фаро гирифтани кӯдакону наврасон ва ҷавонон дар заминаи бино ва толорҳои муассисаҳои таълимии худ клубҳо ва бахшҳои варзишӣ таъсис диҳад.