бо қарори Ҳукумати ҶТ аз 22.10.2021 №442 аз эътибор соқит дониста шуд 

Ҳукумати Ҷумҳурии Тоҷикистон

ҚАРОР

Дар бораи Комиссияи байниидоравии давлатӣ оид ба тарбия ва маърифати экологӣ

Мутобиқи моддаи 14 Қонуни Ҷумҳурии Тоҷикистон "Дар бораи маърифати экологии аҳолӣ" ва бо мақсади татбиқи Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020, Ҳукумати Ҷумҳурии Тоҷикистон қарор мекунад:

1. Комиссияи байниидоравии давлатӣ оид ба тарбия ва маърифати экологӣ таъсис дода шавад.

2. Низомнома ва ҳайати Комиссияи байниидоравии давлатӣ оид ба тарбия ва маърифати экологӣ тибқи замимаҳои 1 ва 2 тасдиқ карда шавад.

3. Кумитаи ҳифзи муҳитн зисти назди Ҳукумати Ҷумҳурии Тоҷикистон якҷо бо вазорату идораҳо, мақомоти иҷроияи маҳаллии ҳокимияти давлатӣ ва ташкилоту муассисаҳо, сарфи назар аз шакли моликияташон, иҷрои Барномаи давлатии комплексии рушди тарбия ва маърифати экологии аҳолиро дар давраи то соли 2020 таъмин намояд.

4. Кумитаи ҳифзи муҳити зисти назди Ҳукумати Ҷумҳурии Тоҷикистон фаъолияти Комиссияи байниидоравии давлатиро дар сатҳи зарурӣ таъмин намояд.