Ҳукумати Ҷумҳурии Тоҷикистон

ҚАРОР

Дар бораи Тартиби муқаррар намудани сервитути оммавӣ (маҷбурӣ) ба қитъаҳои замин ва шакли шартнома оид ба сервитути хусусӣ (ба розигӣ асосёфта)

Дар асоси моддаҳои 5 ва 10(1) Кодекси замини Ҷумҳурии Тоҷикистон Ҳукумати Ҷумҳурии Тоҷикистон қарор мекунад:

1. Тартиби муқаррар намудани сервитути оммавӣ (маҷбурӣ) ба қитъаҳои замин ва Шакли шартнома оид ба сервитути хусусӣ (ба розигӣ асосёфта) тибқи замимаҳои 1 ва 2 тасдиқ карда шавад.

2. Кумитаи давлатии идораи замин ва геодезии Ҷумҳурии Тоҷикистон дар якҷоягӣ бо мақомоти иҷроияи маҳаллии ҳокимияти давлатӣ дар асоси муроҷиатҳои заминистифодабарандагон барои муқаррар намудани сервитутҳои оммавии (маҷбурии) дар қитъаҳои замини онҳо воқеан вуҷуддошта чораҳоро амалӣ намояд.