ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи Низомномаи ҳамоҳангсозии фаъолияти субъектҳои муқовимат ба коррупсия

Бо мақсади баланд бардоштани самаранокии фаъолияти субъектҳои муқовимат ба коррупсия ҷиҳати огоҳсозӣ, пешгирӣ, ошкорсозӣ ва рафъи ҳуқуқвайронкуниҳои коррупсионӣ, фошнамоӣ, таҳқиқ ва тафтиши пешакии ҷиноятҳои коррупсионӣ, иқтисодии хусусияти коррупсионидошта ва ба андоз алоқаманд, мутобиқи моддаи 8 Қонуни Ҷумҳурии Тоҷикистон "Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон" фармон медиҳам (Фармони Президенти ҶТ аз 18.08.2023 № 617):

1. Низомномаи ҳамоҳангсозии фаъолияти субъектҳои муқовимат ба коррупсия тасдиқ карда шавад (замима мегардад) (Фармони Президенти ҶТ аз 18.08.2023 № 617).

2. Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҷиҳати татбиқи Фармони мазкур тадбирҳои зарурӣ андешад.