ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ БОҶИ ДАВЛАТӢ"

Моддаи 1. Ба Қонуни Ҷумҳурии Тоҷикистон аз 28 феврали соли 2004 "Дар бораи боҷи давлатӣ" (Ахбори Маҷлиси Олии Ҷумҳурии Тоҷикистон, с. 2004, №2, мод. 51; с. 2005, №12, мод. 630; с. 2006, №12, мод. 541, с. 2008, №6, мод. 460, №12, қ. 2, мод. 1000; с. 2009, №3, мод. 88; с. 2010, №1, мод. 8, мод. 10, №12, қ. 1, мод. 823; с. 2012, №12, қ. 1, мод. 999; с. 2013, №3, мод. 190; с. 2014, №7, қ. 2, мод. 408) тағйиру иловаҳои зерин ворид карда шаванд:

1. Дар зербанди "а" банди 1), сархати якуми банди 12) ва сархати якуми банди 13) қисми 8 моддаи 4 калимаҳои "писархонд (духтархонд)" ба калимаи "фарзандхонд" иваз карда шаванд.

2. Дар моддаи 5:

- дар қисми 1:

- аз банди 18) калимаҳои ", инчунин аз рӯи парвандаҳои васоят ва писархонд (духтархонд) кардан" хориҷ карда шаванд;

- дар банди 19) аломати нуқта ба аломати нуқтавергул ";" иваз карда шавад;

- банди 20 бо мазмуни зайл илова карда шавад:

"20) шаҳрвандон - ҳангоми ба суд пешниҳод намудани ариза оид ба фарзандхондӣ.";

- дар банди 2) қисми 3 ва банди 2) қисми 4 калимаҳои "писархондӣ (духтархондӣ)" ба калимаи "фарзандхондӣ" иваз карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.