Замима
Бо қарори Ҳукумати
Ҷумҳурии Тоҷикистон
аз 25 сентябри соли 2015, № 587
тасдиқ шудааст
Тартиби вогузор намудани функсияҳои мақомоти иҷроияи марказии ҳокимияти давлатӣ ба мақомоти худидоракунии шаҳрак, деҳот, ташкилотҳо ва бастани шартномаи маъмурӣ
1. МУҚАРРАРОТИ УМУМӢ
1. Тартиби вогузор намудани функсияҳои мақомоти иҷроияи марказии ҳокимияти давлатӣ ба мақомоти худидоракунии шаҳрак, деҳот, ташкилотҳо ва бастани шартномаи маъмурӣ (минбаъд - Тартиб) тибқи моддаи 20 Қонуни Ҷумҳурии Тоҷикистон "Дар бораи низоми мақомоти идоракунии давлатии Ҷумҳурии Тоҷикистон" таҳия шуда, расмиёти вогузор намудани функсияҳои дорои хусусияти ёрирасон ё хизматрасонӣ ба аҳолӣ (минбаъд - функсияҳо)-ро аз ҷониби мақомоти иҷроияи марказии ҳокимияти давлатӣ ба зиммаи мақомоти худидоракунии шаҳраку деҳот ва ташкилотҳо, инчунин иштироки тарафҳоро дар таҳия, ба имзо расонидани шартномаи маъмурӣ ва амалӣ кардани он муайян менамояд.
2. Амали Тартиби мазкур ба мақомоти иҷроияи марказии ҳокимияти давлатӣ, мақомоти иҷроияи маҳаллии ҳокимияти давлатӣ, мақомоти худидоракунии шаҳраку деҳот ва ташкилотҳо, ки дар раванди вогузор намудани функсияҳо иштирок менамоянд, татбиқ мегардад.
3. Ба мақомоти худидоракунии шаҳраку деҳот ва ташкилотҳо функсияҳои назоратии мақомоти иҷроияи марказии ҳокимияти давлатӣ, ба истиснои ҳолатҳои пешбининамудаи қонунгузорӣ вогузор карда намешаванд.
2. ТАРТИБИ ВОГУЗОР НАМУДАНИ ФУНКСИЯҲО
4. Мақомоти иҷроияи марказии ҳокимияти давлатӣ метавонанд функсияҳои худро дар доираи талаботи қонунгузорӣ ба зиммаи мақомоти худидоракунии шаҳраку деҳот ё ташкилотҳо вогузор намоянд.
5. Мақомоти иҷроияи марказии ҳокимияти давлатӣ метавонанд функсияҳои худро ба зиммаи мақомоти худидоракунии шаҳраку деҳот ё ташкилотҳо дар асоси шартномаи тарафҳо бо маблағгузории функсияҳои мазкур вогузор намоянд.
6. Вогузор намудани функсияҳои мақомоти иҷроияи марказии ҳокимияти давлатӣ дар ҳолатҳои зайл амалӣ карда мешавад:
- агар чунин имконият тибқи санадҳои меъёрии ҳуқуқӣ пешбинӣ ва танзим шуда бошад;
- агар вогузор намудани функсияҳо аз ҷиҳати иқтисодӣ асоснок шуда бошад;
- агар ҳангоми иҷрои функсияҳо сифати иҷрои онҳо халалдор нагардад ва ба манфиатҳои ҷомеа зарар нарасад.
7. Бо ташаббуси вогузор намудани функсияҳо метавонанд баромад намоянд:
- мақомоти иҷроияи марказии ҳокимияти давлатӣ;
- маҷлисҳои вакилони халқи Вилояти Мухтори Кӯҳистони Бадахшон, внлоятҳо, шаҳри Душанбе, шаҳру ноҳияҳо;
- Раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо;
- мақомоти иҷроияи маҳаллии ҳокимияти давлатӣ;
- мақомоти худидоракунии шаҳраку деҳот, ташкилотҳо.
8. Раванди вогузор намудани функсияҳо чунин сурат мегирад:
- мақомоти худидоракунии шаҳраку деҳот ва ташкилотҳо бо дархости хаттӣ ва асосноккунӣ дар бораи ба онҳо вогузор намудани функсияҳои дахлдори мақомоти иҷроияи марказии ҳокимияти давлатӣ ба раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо муроҷиат менамоянд. Раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо дархостро омӯхта, дар сурати ҷой доштани зарурат ба мақомоти иҷроияи марказии ҳокимияти давлатӣ дархости хаттӣ ва ҳуҷҷатҳои асоснок манзур менамоянд;
- дар дархости мақомоти худидоракунии шаҳраку деҳот, ташкилотҳо, раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо номгӯи функсияҳои вогузоршаванда, асосҳои ҳуқуқӣ, иҷтимоӣ, асосноккунии иқтисодӣ, зарурат ва мақсади гирифтани функсияҳои дахлдор нишон дода мешаванд;
- мақомоти иҷроияи марказии ҳокимияти давлатӣ пас аз гирифтани дархост масъаларо мавриди омӯзиш ва таҳлил қарор дода, дар ҳолати асоснок будани он барои баррасии ҳайати мушовара пешниҳод менамоянд;
- пас аз баррасии масъала дар ҷаласаи ҳайати мушовара бо қарори он функсияҳои дахлдори мақомоти иҷроияи марказии ҳокимияти давлатӣ ба мақомоти худидоракунии шаҳраку деҳот ё ташкилотҳо вогузор карда мешаванд;
- қарори ҳайати мушовара дар бораи вогузор намудани функсияҳо ба раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо ирсол карда мешавад;
- бо дарназардошти пешбинӣ шудани маблағҳо барои иҷрои функсияҳо, раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо қарори ҳайати мушовараро ба баррасии Маҷлиси вакилони халқи дахлдор пешниҳод менамоянд;
- пас аз қабули қарори Маҷлиси вакилони халқи дахлдор дар бораи маъқул донистани қарори ҳайати мушовараи мақомоти иҷроияи марказии ҳокимияти давлатӣ қарорҳои ҳайати мушовара ва Маҷлиси вакилони халқи дахлдор ба мақомоти худидоракунии шаҳраку деҳот ё ба ташкилотҳо манзур карда мешаванд;
- маҷлиси ҷамоат, ташкилотҳо қарори Маҷлиси вакилони халқи дахлдорро баррасӣ карда, оид ба вогузор намудани функсияҳои дахлдори мақомоти иҷроияи марказии ҳокимияти давлатӣ ба мақомоти худидоракунии шаҳраку деҳот ё ташкилотҳо қарор қабул менамоянд.
9. Маҷлисҳои вакилони халқ, мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо; шаҳри Душанбе, шаҳру ноҳияҳо низ бо риояи банди 8 Тартиби мазкур метавонанд оид ба вогузор намудани функсияҳо ба мақомоти худидоракунии шаҳраку деҳот ё ташкилотҳо ба мақомоти иҷроияи марказии ҳокимияти давлатӣ дархост пешниҳод намоянд.
10. Мақомоти иҷроияи марказии ҳокимияти давлатӣ метавонанд бе дархости мақомоти иҷроияи маҳаллии ҳокимияти давлатӣ, Маҷлисҳои вакилони халқ, мақомоти худидоракунии шаҳраку деҳот, ташкилотҳо пас аз омӯзиши масъалаҳои дахлдори маҳаллӣ баъзе функсияҳояшонро ба мақомоти худидоракунии шаҳраку деҳот ё ташкилотҳо вогузор карда, бо риояи муқаррароти сархатҳои панҷум - ҳаштуми банди 8 Тартиби мазкур ҳуҷҷатгузорию қабули қарорҳоро анҷом диҳанд.
11. Дар қарорҳои ҳайати мушовараи мақомоти иҷроияи марказии ҳокимияти давлатӣ, раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо, Маҷлисҳои вакилони халқ, маҷлисҳои ҷамоатҳо, ташкилотҳо, асосҳои ҳуқуқӣ, зарурат ва мақсади вогузор намудани функсияҳо, номгӯи функсияҳои вогузоршаванда, мӯҳлати додани онҳо пешбинӣ карда мешаванд. Дар қарорҳо нишон дода мешавад, ки вогузор намудани функсияҳо бо бастани шартномаи маъмурӣ амалӣ мегардад.
3. ТАРТИБИ ТАҲИЛИ ШАРТНОМАИ МАЪМУРӢ, БАСТАН ВА АМАЛӢ НАМУДАНИ ОН
12. Шартномаи маъмурӣ (минбаъд - шартнома) пас аз иҷро гардидани расмиёти дар банди 8 Тартиби мазкур пешбинишуда байни мақомоти иҷроияи марказии ҳокимияти давлатӣ ва мақомоти худидоракунии шаҳраку деҳот ё ташкилотҳо баста шуда, дар ин хусус ба аҳолӣ иттилоъ дода мешавад.
13. Дар матни шартнома номи мақоми давлатӣ, мақомоти худидоракунии шаҳраку деҳот, ташкилотҳо, ки ба зиммаи онҳо функсияҳо вогузор карда мешаванд, самти фаъолият, зарурати бастани шартнома, вазифаҳо, мақсад, кафолатҳо, мӯҳлати амали шартнома, ҳуқуқу ӯҳдадориҳо, масъулияти тарафҳо, ваколати тарафҳо, тартиби тағйир додан ва қатъ намудани амали шартнома, аз ҷумла пеш аз мӯҳлат, хизматрасонии ройгон ё музднок, шарти пардохти маблағҳо, махфӣ нигоҳ доштани маълумот, суроғаҳои ҳуқуқӣ, имзои тарафҳо ва дигар шартҳо пешбинӣ мешаванд.
14. Шартнома иҷрои шартҳои муайяншударо метавонад ба таври ройгон ё музднок пешбинӣ намояд.
15. Дар шартнома оид ба пардохти иҷрои функсияҳо, бо розигии тарафҳо гузаронидани маблағ, инчунин дарҷ намудани суроғаҳои ҳуқуқии тарафҳо (суроға, телефон, факс, рақами суратҳисоби бонкӣ, номи бонк, рақами мушаххаси андозсупоранда) муайян карда мешавад.
16. Мақомоти иҷроияи марказии ҳокимияти давлатӣ, мақомоти иҷроияи маҳаллии ҳокимияти давлатӣ, мақомоти худидоракунии шаҳраку деҳот, ташкилотҳо барои иҷрои шартҳои шартнома ҳуқуқу ӯҳдадориҳои баробар дошта, вазифадоранд талаботи қонунгузории Ҷумҳурии Тоҷикистонро риоя намоянд.
17. Шартнома аз ҷониби мақомоти иҷроияи марказии ҳокимияти давлатӣ дар ду нусха ба забони давлатӣ таҳия гардида, ба ҷониби дахлдор пешниҳод карда мешавад. Шартнома аз ҷониби тарафҳо имзо шуда, бо мӯҳр тасдиқ мегардад ва ҳар як тараф ба як нусхаи аслӣ ҳуқуқ дорад.
18. Шартнома аз лаҳзаи ба имзо расидан эътибор пайдо карда, функсияҳо вогузоршуда ҳисоб мешаванд.
19. Дар давраи амали шартнома тарафҳо оид ба вогузор намудани ҳуқуқу ӯҳдадориҳои дар шартнома пешбининамудаи худ ба тарафи сеюм ҳуқуқ надоранд.
20. Тағйир додан, боздоштан ва қатъ намудани шартнома, тибқи қонунгузорӣ амалӣ карда мешавад.
4. МАБЛАҒГУЗОРИИ ИҶРОИ ФУНКСИЯҲО
21. Дар сурати пешбинӣ шудани пардохт барои иҷрои функсияҳо дар шартнома бояд меъёр ва ҳаҷми маблағгузорӣ муқаррар карда шавад.
22. Маблағгузории иҷрои функсияҳо аз ҳисоби маблағҳои дар буҷети дахлдори давлатӣ пешбинишуда амалӣ мегардад.
23. Пардохти маблағҳо барои иҷрои функсияҳо дар асоси меъёрҳои муқаррарнамудаи мақомоти ваколатдор муайян гардида, тақсимоти онҳо бо мақсада татбиқи функсияҳо аз ҷониби мақомоти худидоракунии шаҳраку деҳот ва ташкилотҳо тибқи тартиби муқаррарнамудаи қонунгузории Ҷумҳурии Тоҷикистон амалӣ карда мешавад.
24. Мақомоти иҷроияи маҳаллии ҳокимияти давлатӣ ҳуқуқ доранд барои амалӣ намудани функсияҳои вогузорнамудаи мақомоти иҷроияи марказии ҳокимияти давлатӣ, захираҳои молиявӣ ва моддии худро ҷалб намоянд.
5. МУҚАРРАРОТИ ХОТИМАВӢ
25. Мӯҳлати пешниҳоди дархости тарафҳо, баррасӣ, қабули қарорҳо, ба имзо расонидани шартнома, дар маҷмӯъ набояд аз се моҳ зиёд бошад.
26. Дар сурати ба мувофиқа нарасидан барои вогузор намудани функсияҳо, тарафи дахлдор дар мӯҳлати як моҳ пас аз гирифтани дархост бо асосноккунӣ оид ба рад ба таври хаттӣ ба тарафи дигар хабар медиҳад.
27. Баҳсҳои байни тарафҳо ҳангоми иҷрои функсияҳо бавуҷудомада, тибқи тартиби муқаррарнамудаи қонунгузории Ҷумҳурии Тоҷикистон ҳал карда мешаванд.
Замима
Бо қарори Ҳукумати
Ҷумҳурии Тоҷикистон
аз 25 сентябри соли 2015, № 587
тасдиқ шудааст
Тартиби вогузор намудани функсияҳои мақомоти иҷроияи марказии ҳокимияти давлатӣ ба мақомоти худидоракунии шаҳрак, деҳот, ташкилотҳо ва бастани шартномаи маъмурӣ
1. МУҚАРРАРОТИ УМУМӢ
1. Тартиби вогузор намудани функсияҳои мақомоти иҷроияи марказии ҳокимияти давлатӣ ба мақомоти худидоракунии шаҳрак, деҳот, ташкилотҳо ва бастани шартномаи маъмурӣ (минбаъд - Тартиб) тибқи моддаи 20 Қонуни Ҷумҳурии Тоҷикистон "Дар бораи низоми мақомоти идоракунии давлатии Ҷумҳурии Тоҷикистон" таҳия шуда, расмиёти вогузор намудани функсияҳои дорои хусусияти ёрирасон ё хизматрасонӣ ба аҳолӣ (минбаъд - функсияҳо)-ро аз ҷониби мақомоти иҷроияи марказии ҳокимияти давлатӣ ба зиммаи мақомоти худидоракунии шаҳраку деҳот ва ташкилотҳо, инчунин иштироки тарафҳоро дар таҳия, ба имзо расонидани шартномаи маъмурӣ ва амалӣ кардани он муайян менамояд.
2. Амали Тартиби мазкур ба мақомоти иҷроияи марказии ҳокимияти давлатӣ, мақомоти иҷроияи маҳаллии ҳокимияти давлатӣ, мақомоти худидоракунии шаҳраку деҳот ва ташкилотҳо, ки дар раванди вогузор намудани функсияҳо иштирок менамоянд, татбиқ мегардад.
3. Ба мақомоти худидоракунии шаҳраку деҳот ва ташкилотҳо функсияҳои назоратии мақомоти иҷроияи марказии ҳокимияти давлатӣ, ба истиснои ҳолатҳои пешбининамудаи қонунгузорӣ вогузор карда намешаванд.
2. ТАРТИБИ ВОГУЗОР НАМУДАНИ ФУНКСИЯҲО
4. Мақомоти иҷроияи марказии ҳокимияти давлатӣ метавонанд функсияҳои худро дар доираи талаботи қонунгузорӣ ба зиммаи мақомоти худидоракунии шаҳраку деҳот ё ташкилотҳо вогузор намоянд.
5. Мақомоти иҷроияи марказии ҳокимияти давлатӣ метавонанд функсияҳои худро ба зиммаи мақомоти худидоракунии шаҳраку деҳот ё ташкилотҳо дар асоси шартномаи тарафҳо бо маблағгузории функсияҳои мазкур вогузор намоянд.
6. Вогузор намудани функсияҳои мақомоти иҷроияи марказии ҳокимияти давлатӣ дар ҳолатҳои зайл амалӣ карда мешавад:
- агар чунин имконият тибқи санадҳои меъёрии ҳуқуқӣ пешбинӣ ва танзим шуда бошад;
- агар вогузор намудани функсияҳо аз ҷиҳати иқтисодӣ асоснок шуда бошад;
- агар ҳангоми иҷрои функсияҳо сифати иҷрои онҳо халалдор нагардад ва ба манфиатҳои ҷомеа зарар нарасад.
7. Бо ташаббуси вогузор намудани функсияҳо метавонанд баромад намоянд:
- мақомоти иҷроияи марказии ҳокимияти давлатӣ;
- маҷлисҳои вакилони халқи Вилояти Мухтори Кӯҳистони Бадахшон, внлоятҳо, шаҳри Душанбе, шаҳру ноҳияҳо;
- Раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо;
- мақомоти иҷроияи маҳаллии ҳокимияти давлатӣ;
- мақомоти худидоракунии шаҳраку деҳот, ташкилотҳо.
8. Раванди вогузор намудани функсияҳо чунин сурат мегирад:
- мақомоти худидоракунии шаҳраку деҳот ва ташкилотҳо бо дархости хаттӣ ва асосноккунӣ дар бораи ба онҳо вогузор намудани функсияҳои дахлдори мақомоти иҷроияи марказии ҳокимияти давлатӣ ба раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо муроҷиат менамоянд. Раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо дархостро омӯхта, дар сурати ҷой доштани зарурат ба мақомоти иҷроияи марказии ҳокимияти давлатӣ дархости хаттӣ ва ҳуҷҷатҳои асоснок манзур менамоянд;
- дар дархости мақомоти худидоракунии шаҳраку деҳот, ташкилотҳо, раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо номгӯи функсияҳои вогузоршаванда, асосҳои ҳуқуқӣ, иҷтимоӣ, асосноккунии иқтисодӣ, зарурат ва мақсади гирифтани функсияҳои дахлдор нишон дода мешаванд;
- мақомоти иҷроияи марказии ҳокимияти давлатӣ пас аз гирифтани дархост масъаларо мавриди омӯзиш ва таҳлил қарор дода, дар ҳолати асоснок будани он барои баррасии ҳайати мушовара пешниҳод менамоянд;
- пас аз баррасии масъала дар ҷаласаи ҳайати мушовара бо қарори он функсияҳои дахлдори мақомоти иҷроияи марказии ҳокимияти давлатӣ ба мақомоти худидоракунии шаҳраку деҳот ё ташкилотҳо вогузор карда мешаванд;
- қарори ҳайати мушовара дар бораи вогузор намудани функсияҳо ба раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо ирсол карда мешавад;
- бо дарназардошти пешбинӣ шудани маблағҳо барои иҷрои функсияҳо, раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо қарори ҳайати мушовараро ба баррасии Маҷлиси вакилони халқи дахлдор пешниҳод менамоянд;
- пас аз қабули қарори Маҷлиси вакилони халқи дахлдор дар бораи маъқул донистани қарори ҳайати мушовараи мақомоти иҷроияи марказии ҳокимияти давлатӣ қарорҳои ҳайати мушовара ва Маҷлиси вакилони халқи дахлдор ба мақомоти худидоракунии шаҳраку деҳот ё ба ташкилотҳо манзур карда мешаванд;
- маҷлиси ҷамоат, ташкилотҳо қарори Маҷлиси вакилони халқи дахлдорро баррасӣ карда, оид ба вогузор намудани функсияҳои дахлдори мақомоти иҷроияи марказии ҳокимияти давлатӣ ба мақомоти худидоракунии шаҳраку деҳот ё ташкилотҳо қарор қабул менамоянд.
9. Маҷлисҳои вакилони халқ, мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо; шаҳри Душанбе, шаҳру ноҳияҳо низ бо риояи банди 8 Тартиби мазкур метавонанд оид ба вогузор намудани функсияҳо ба мақомоти худидоракунии шаҳраку деҳот ё ташкилотҳо ба мақомоти иҷроияи марказии ҳокимияти давлатӣ дархост пешниҳод намоянд.
10. Мақомоти иҷроияи марказии ҳокимияти давлатӣ метавонанд бе дархости мақомоти иҷроияи маҳаллии ҳокимияти давлатӣ, Маҷлисҳои вакилони халқ, мақомоти худидоракунии шаҳраку деҳот, ташкилотҳо пас аз омӯзиши масъалаҳои дахлдори маҳаллӣ баъзе функсияҳояшонро ба мақомоти худидоракунии шаҳраку деҳот ё ташкилотҳо вогузор карда, бо риояи муқаррароти сархатҳои панҷум - ҳаштуми банди 8 Тартиби мазкур ҳуҷҷатгузорию қабули қарорҳоро анҷом диҳанд.
11. Дар қарорҳои ҳайати мушовараи мақомоти иҷроияи марказии ҳокимияти давлатӣ, раисони Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо, Маҷлисҳои вакилони халқ, маҷлисҳои ҷамоатҳо, ташкилотҳо, асосҳои ҳуқуқӣ, зарурат ва мақсади вогузор намудани функсияҳо, номгӯи функсияҳои вогузоршаванда, мӯҳлати додани онҳо пешбинӣ карда мешаванд. Дар қарорҳо нишон дода мешавад, ки вогузор намудани функсияҳо бо бастани шартномаи маъмурӣ амалӣ мегардад.
3. ТАРТИБИ ТАҲИЛИ ШАРТНОМАИ МАЪМУРӢ, БАСТАН ВА АМАЛӢ НАМУДАНИ ОН
12. Шартномаи маъмурӣ (минбаъд - шартнома) пас аз иҷро гардидани расмиёти дар банди 8 Тартиби мазкур пешбинишуда байни мақомоти иҷроияи марказии ҳокимияти давлатӣ ва мақомоти худидоракунии шаҳраку деҳот ё ташкилотҳо баста шуда, дар ин хусус ба аҳолӣ иттилоъ дода мешавад.
13. Дар матни шартнома номи мақоми давлатӣ, мақомоти худидоракунии шаҳраку деҳот, ташкилотҳо, ки ба зиммаи онҳо функсияҳо вогузор карда мешаванд, самти фаъолият, зарурати бастани шартнома, вазифаҳо, мақсад, кафолатҳо, мӯҳлати амали шартнома, ҳуқуқу ӯҳдадориҳо, масъулияти тарафҳо, ваколати тарафҳо, тартиби тағйир додан ва қатъ намудани амали шартнома, аз ҷумла пеш аз мӯҳлат, хизматрасонии ройгон ё музднок, шарти пардохти маблағҳо, махфӣ нигоҳ доштани маълумот, суроғаҳои ҳуқуқӣ, имзои тарафҳо ва дигар шартҳо пешбинӣ мешаванд.
14. Шартнома иҷрои шартҳои муайяншударо метавонад ба таври ройгон ё музднок пешбинӣ намояд.
15. Дар шартнома оид ба пардохти иҷрои функсияҳо, бо розигии тарафҳо гузаронидани маблағ, инчунин дарҷ намудани суроғаҳои ҳуқуқии тарафҳо (суроға, телефон, факс, рақами суратҳисоби бонкӣ, номи бонк, рақами мушаххаси андозсупоранда) муайян карда мешавад.
16. Мақомоти иҷроияи марказии ҳокимияти давлатӣ, мақомоти иҷроияи маҳаллии ҳокимияти давлатӣ, мақомоти худидоракунии шаҳраку деҳот, ташкилотҳо барои иҷрои шартҳои шартнома ҳуқуқу ӯҳдадориҳои баробар дошта, вазифадоранд талаботи қонунгузории Ҷумҳурии Тоҷикистонро риоя намоянд.
17. Шартнома аз ҷониби мақомоти иҷроияи марказии ҳокимияти давлатӣ дар ду нусха ба забони давлатӣ таҳия гардида, ба ҷониби дахлдор пешниҳод карда мешавад. Шартнома аз ҷониби тарафҳо имзо шуда, бо мӯҳр тасдиқ мегардад ва ҳар як тараф ба як нусхаи аслӣ ҳуқуқ дорад.
18. Шартнома аз лаҳзаи ба имзо расидан эътибор пайдо карда, функсияҳо вогузоршуда ҳисоб мешаванд.
19. Дар давраи амали шартнома тарафҳо оид ба вогузор намудани ҳуқуқу ӯҳдадориҳои дар шартнома пешбининамудаи худ ба тарафи сеюм ҳуқуқ надоранд.
20. Тағйир додан, боздоштан ва қатъ намудани шартнома, тибқи қонунгузорӣ амалӣ карда мешавад.
4. МАБЛАҒГУЗОРИИ ИҶРОИ ФУНКСИЯҲО
21. Дар сурати пешбинӣ шудани пардохт барои иҷрои функсияҳо дар шартнома бояд меъёр ва ҳаҷми маблағгузорӣ муқаррар карда шавад.
22. Маблағгузории иҷрои функсияҳо аз ҳисоби маблағҳои дар буҷети дахлдори давлатӣ пешбинишуда амалӣ мегардад.
23. Пардохти маблағҳо барои иҷрои функсияҳо дар асоси меъёрҳои муқаррарнамудаи мақомоти ваколатдор муайян гардида, тақсимоти онҳо бо мақсада татбиқи функсияҳо аз ҷониби мақомоти худидоракунии шаҳраку деҳот ва ташкилотҳо тибқи тартиби муқаррарнамудаи қонунгузории Ҷумҳурии Тоҷикистон амалӣ карда мешавад.
24. Мақомоти иҷроияи маҳаллии ҳокимияти давлатӣ ҳуқуқ доранд барои амалӣ намудани функсияҳои вогузорнамудаи мақомоти иҷроияи марказии ҳокимияти давлатӣ, захираҳои молиявӣ ва моддии худро ҷалб намоянд.
5. МУҚАРРАРОТИ ХОТИМАВӢ
25. Мӯҳлати пешниҳоди дархости тарафҳо, баррасӣ, қабули қарорҳо, ба имзо расонидани шартнома, дар маҷмӯъ набояд аз се моҳ зиёд бошад.
26. Дар сурати ба мувофиқа нарасидан барои вогузор намудани функсияҳо, тарафи дахлдор дар мӯҳлати як моҳ пас аз гирифтани дархост бо асосноккунӣ оид ба рад ба таври хаттӣ ба тарафи дигар хабар медиҳад.
27. Баҳсҳои байни тарафҳо ҳангоми иҷрои функсияҳо бавуҷудомада, тибқи тартиби муқаррарнамудаи қонунгузории Ҷумҳурии Тоҷикистон ҳал карда мешаванд.
