Замимаи 1
Бо қарори Ҳукумати
Ҷумҳурии Тоҷикистон
аз "2" июли соли 2015, № 436
тасдиқ шудааст
Тартиби таҳия ва ташхиси давлатии эъломияи бехатарии иншоотҳои гидротехникӣ
1. Тартиби мазкур дар асоси моддаҳои 10 ва 11 Қонуни Ҷумҳурии Тоҷикистон "Дар бораи бехатарии иншоотҳои гидротехникӣ" таҳия гардида, мундариҷа ва тартиби таҳияи эъломияи бехатарии иншоотҳои гидротехникӣ (минбаъд - эъломияи бехатарӣ) ва гузаронидаи экспертизаи (ташхиси) давлатии эъломияи бехатариро муайян мекунад.
2. Эъломияи бехатарии иншоотҳои гидротехникӣ ҳуҷҷати асосие мебошад, ки дар он маълумот дар бораи мутобиқати иншоотҳои гидротехникӣ ба меъёрҳои бехатарӣ ва тадбирҳоро оид ба таъмини бехатарии иншоотҳои гидротехникӣ бо дарназардошти таснифи онҳо дар бар мегирад. Шакли эъломияи бехатарӣ аз ҷониби Хадамоти назорати давлатӣ дар соҳаи бехатарии иншооти гидротехникӣ (минбаъд - мақоми ваколатдори давлатӣ) таҳия ва тасдиқ гардида, дар Вазорати адлияи Ҷумҳурии Тоҷикистон ба қайд гирифта мешавад.
3. Молик ё истифодабарандаи иншооти гидротехникӣ эъломияи бехатариро дар марҳилаи тарҳрезӣ (лоиҳакашӣ), сохтмон, ба истифода додан, истифодабарӣ, аз истифода баровардани иншоотҳои гидротехникӣ, инчунин баъд аз таҷдид, таъмири асосӣ, барқарорсозӣ ва ё мавқуф гузоштан тартиб медиҳад.
4. Молик ё истифодабарандаи иншооти гидротехникӣ 1 маротиба дар 5 сол эъломияи бехатариро ба мақоми ваколатдор пешниҳод менамояд.
5. Ҳангоми тартиб додани эъломияи бехатарӣ маълумоти зерин ба инобат гирифта мешавад:
а) маълумоти мукаммал ва саҳеҳ дар бораи иншооти гидротехникӣ ва бехатарии он;
б) ҳамаҷониба ва пурра нишон додани дараҷаи хавфнокӣ, таҳияи эҳтимолияти садама ва зарарёбӣ;
в) асоснокии усулҳои истифодашавандаи таҳлили хавфҳо ва сатҳи бехатарии иншооти гидротехникӣ бо дарназардошти гурӯҳи он;
г) мукаммалии баҳисобгирии тамоми омилҳои вобаста ба натиҷаи баҳодиҳии бехатарӣ;
д) самаранокӣ ва кифояти чораҳои татбиқшуда ва банақшагирифта оид ба таъмини бехатарӣ, мутобиқати ҳолати бехатарӣ ба санадҳои меъёрии ҳуқуқии амалкунанда.
6. Ҳангоми таҳияи эъломияи бехатарӣ талаботи моддаи 10 Қонуни Ҷумҳурии Тоҷикистон "Дар бораи бехатарии иншоотҳои гидротехникӣ" ба инобат гирифта мешавад.
7. Тартиб додани эъломияи бехатарӣ ҳамроҳи ташхиси воқеии иншооти гидротехникӣ аз ҷониби молик ё ташкилоти истифодабаранда бо иштироки ҳатмии намояндаи мақоми ваколатдори давлатӣ гузаронида мешавад.
8. Эъломияи бехатарӣ инҳоро дар бар мегирад:
а) варақаи унвонӣ, ки дар он рақами бақайдгирӣ, мӯҳри тасдиқкунандаи эъломия, номгӯи иншооти эъломияшаванда нишон дода мешавад;
б) маълумоти умумӣ дар бораи иншооти гидротехникӣ ва шароити табиии мавзеи ҷойгиршавии он, чораҳо оид ба таъмини бехатарӣ тибқи лоиҳаи пешбинишуда, қоидаҳои истифодабарӣ ва санад-нишондоди мақоми давлатии ваколатдор, маълумоти асосӣ дар бораи молик ва ташкилоти истифодабаранда;
в) таҳлил ва баҳои бехатарии иншооти гидротехникӣ, аз ҷумла муайянкунии эҳтимолияти сарчашмаҳои хавфнок ва омодагии он ба пешгирӣ ва ё кам кардани оқибатҳои ҳолатҳои фавқулодда;
г) маълумот оид ба таъминоти тайёрии ташкилоти истифодабаранда ба пешгирӣ ва бартараф кардани эҳтимолияти зарари хавфнок ва ҳолатҳои садамавӣ;
д) натиҷаи мушоҳидаҳои воқеии ҳолати техникии иншооти гидротехникӣ бо дарҷи меъёрҳои бехатарӣ барои ҷузъҳои алоҳидаи таркиби он ва сатҳи бехатарии иншоот дар маҷмӯъ;
е) маълумот дар бораи тартиби муҳофизати иншооти гидротехникӣ ва таъмини бехатарии он аз амалиёти тахрибкорона;
ж) хабардоркунии аҳолӣ, мақомоти ваколатдори давлатӣ, мақомоти иҷроияи маҳаллии ҳокимияти давлатӣ дар бораи имконпазирии ҳолатҳои садамавии дар иншооти гидротехникӣ баамалмеомада ва рухдода;
з) хулоса оид ба баҳодиҳии сатҳи бехатарии иншооти гидротехникии алоҳида, инчунин рӯйхати чорабиниҳои зарурӣ оид ба таъмини бехатарӣ;
и) санади қабули комиссия оид ба иншооти гидротехникии сохтмонаш баитмомрасида.
9. Эъломияи бехатарӣ аз ҷониби молик ё истифодабарандаи иншооти гидротехникӣ ба имзо расонида мешавад (минбаъдэъломиядиҳанда).
10. Бо қарори мақоми ваколатдори давлатӣ ва ё ташаббуси эъломиядиҳанда эъломияи муқарраршуда дар ҳолатҳои зерин пешниҳод карда мешавад:
а) ҳангоми ба вуҷуд омадани хавфи паст шудани дараҷаи эътимоднокии иншооти гидротехникӣ, бадшавии шароити пешгирии ҳолатҳои фавқулодда дар муддати 6 моҳ аз рӯзи зоҳир намудани хавф (хатар);
б) ҳангоми тағйирёбии санадҳои меъёрии ҳуқуқӣ, қоида ва меъёрҳо дар соҳаи бехатарии иншоотҳои гидротехникӣ, пешгирӣ ва бартараф намудани ҳолатҳои фавқулодда, ҳифзи аҳолӣ ва ҳудуд аз таъсири ҳолатҳои фавқулодда дар давоми сол аз рӯзи ба расмият даромадани санадҳои меъёрии ҳуқуқӣ, қоида ва меъёрҳои дахлдор;
в) баъд аз таҷдид, таъмири пурра, барқарорсозӣ ва ё мавқуф гузоштани иншооти гидротехникӣ то қабул намудани корҳои васлу сохтмонии дахлдор.
11. Эъломияи бехатарии иншооти гидротехникии тарҳрезишаванда ба мақоми ваколатдори давлатӣ дар давраи гузаронидани ташхиси (экспертизаи) давлатии лоиҳа пешниҳод карда мешавад.
12. Эъломияи бехатарии иншооти гидротехникии сохташаванда ба мақоми ваколатдори давлатӣ на дертар аз 4 моҳ то муайян кардани мӯҳлати ба истифодаи муваққатӣ ва ҳам доимӣ супоридани он пешниҳод карда мешавад.
13. Мақоми ваколатдори давлатӣ дар якҷоягӣ бо Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон талаботи зеринро муқаррар мекунад:
а) мазмуни эъломияи бехатарӣ ва усули тартиб додани он, ки хусусияти эъломияи бехатарии намудҳои гуногуни иншооти гидротехникиро вобаста ба таъиноти онҳо, дараҷа, таркиб, шароити истифодабарӣ ва талаботи махсуси бехатариро ба инобат мегирад;
б) шакли эъломияи бехатарӣ;
в) рӯйхати ташкилотҳое, ки иншооти гидротехникии эъломияшаванда доранд;
г) ҷадвали пешниҳоди эъломияи бехатарӣ.
14. Мақоми ваколатдори давлатӣ гузаронидани ташхиси (экспертизаи) давлатии эъломияи бехатариро баъд аз таҳияи эъломияи бехатарӣ муайян менамояд.
15. Мақсади ташхиси (экспертизаи) давлатии эъломияи бехатарӣ муайян намудани пуррагӣ ва саҳеҳии маълумоти дар эъломияи бехатарӣ сабтгардида, аз ҷумла:
- ошкор кардани дараҷаи хавфнокӣ дар иншооти гидротехникӣ;
- кифоягии чораҳои пешбинишуда оид ба бехатарии иншоотҳои гидротехникӣ ва мутобиқати ин чораҳо ба меъёр ва қоидаҳо мебошад.
16. Ташхиси (экспертизаи) давлатии эъломияи бехатарии иншоотҳои гидротехникӣ аз ҷониби марказҳои муайяннамудаи мақомоти ваколатдори давлатӣ гузаронида мешавад. Марказҳои экспертӣ комиссияҳои экспертӣ созмон медиҳанд, ки ба онҳо метавонанд ташкилотҳои илмӣ-тадқиқотӣ, лоиҳакашӣ, инчунин мутахассисони баландихтисоси алоҳида ҷалб карда шаванд.
17. Ташхиси давлатии эъломияи бехатарӣ бо пардохти маблағ дар асоси сметаи хароҷот ва ҳисобе, ки аз ҷониби маркази экспертӣ ба эъломиядиҳанда пешниҳод мегардад, гузаронида мешавад.
18. Мӯҳлати гузаронидани ташхиси давлатии эъломияи бехатарӣ баъд аз рӯзе, ки эъломиядиҳанда маблағро барои гузаронидани ташхис пардохт намудааст, набояд аз 3 моҳ зиёдро ташкил диҳад.
19. Мақоми ваколатдори давлатӣ барои мутахассисоне, ки ба ҳайати комиссияи экспертӣ шомил мешаванд, талаботи тахассусӣ муқаррар менамояд.
20. Маркази экспертӣ дар мӯҳлати муқарраргардида ба мақоми ваколатдори давлатӣ хулосаи комиссияи экспертиро пешниҳод менамояд. Хулосаи комиссияи экспертӣ баъд аз тасдиқи мақоми ваколатдори давлатӣ мақоми хулосаи экспертизаи давлатии эъломияи бехатарии иншооти гидротехникиро мегирад.
21. Дар ҳолати аз ҷониби комиссияи экспертӣ қабул шудани хулосаи манфӣ, эъломиядиҳанда ҳуқуқ дорад гузаронидани экспертизаи давлатии такрориро бе пардохти маблағ талаб намояд. Мақоми ваколатдори давлатӣ аризаи дахлдори асосноккардашудаи эъломиядиҳандаро баррасӣ намуда, ба истиснои ҳолатҳои дар банди 23 Тартиби мазкур зикргардида, дар мӯҳлати 2 моҳ аз рӯзи воридшавии ариза қарори худро ба ӯ мерасонад.
22. Мақоми ваколатдори давлатӣ эъломияи бехатарӣ ва хулосаи комиссияи экспертиро баррасӣ намуда, дар мӯҳлати 1 моҳ аз рӯзи ворид шудани ҳуҷҷатҳо дар бораи тасдиқ ва ё рад кардани онҳо қарор қабул менамояд. Ҳангоми тасдиқ мӯҳлати амали он на зиёда аз 5 сол муқаррар карда мешавад.
23. Агар ҳангоми баррасии эъломияи бехатарӣ ва хулосаи комиссияи экспертӣ аз ҷониби мақоми ваколатдори давлатӣ ҳолатҳое ошкор карда шаванд, ки ба паст будани сатҳи бехатарӣ шаҳодат медиҳанд, мақоми ваколатдори давлатӣ санҷиши нозиротии иншооти гидротехникиро мегузаронад ва эъломияи бехатарии пешниҳодшударо бо дарназардошти натиҷаи тафтиш баррасӣ менамояд. Дар ин сурат мӯҳлати баррасӣ ва тасдиқи эъломияи бехатарӣ мумкин аст то 4 моҳ дароз карда шавад.
24. Дар сурати паст будани сатҳи бехатарии иншооти гидротехникӣ, инчунин иҷро нагардидани чорабиниҳо оид ба таъмини бехатарии онҳо, мақоми ваколатдори давлатӣ ҳуқуқ дорад, ки мӯҳлати амали эъломияи бехатариро ихтисор намояд.
25. Эъломияи бехатарии тасдиқшударо эъломиядиҳанда маҳфуз нигоҳ медорад. Нусхаи онро ба мақомоти иҷроияи маҳаллии ҳокимияти давлатӣ, ки дар қаламрави он иншооти гидротехникӣ ҷойгир аст ва ба Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон пешниҳод менамояд.
26. Эъломияи бехатарии тасдиқнамудаи мақоми ваколатдори давлатӣ барои додани иҷозат ҷиҳати дохил кардани иншооти гидротехникӣ ба Феҳристи давлатии иншоотҳои гидротехникӣ ва додани иҷозат ба истифодабаранда барои истифода, таҷдид, мавқуф гузоштан ва барҳамдиҳии иншооти гидротехникӣ асос мебошад ва иҷозати мазкур аз ҷониби мақомоти ваколатдори давлатӣ ба мӯҳлати амали эъломияи бехатарӣ дода мешавад.
27. Хулосаи манфии экспертизаи давлатии эъломияи бехатарии иншооти гидротехникӣ, инчунин қарор дар бораи рад кардани тасдиқи эъломияи бехатарӣ мумкин аст ба таври судӣ шикоят карда шавад.
28. Мақоми ваколатдори давлатӣ маҳзани маълумоти эъломияи бехатариро пеш бурда, мӯҳлати пешниҳоди эъломияи бехатариро назорат мекунад.
Замимаи 1
Бо қарори Ҳукумати
Ҷумҳурии Тоҷикистон
аз "2" июли соли 2015, № 436
тасдиқ шудааст
Тартиби таҳия ва ташхиси давлатии эъломияи бехатарии иншоотҳои гидротехникӣ
1. Тартиби мазкур дар асоси моддаҳои 10 ва 11 Қонуни Ҷумҳурии Тоҷикистон "Дар бораи бехатарии иншоотҳои гидротехникӣ" таҳия гардида, мундариҷа ва тартиби таҳияи эъломияи бехатарии иншоотҳои гидротехникӣ (минбаъд - эъломияи бехатарӣ) ва гузаронидаи экспертизаи (ташхиси) давлатии эъломияи бехатариро муайян мекунад.
2. Эъломияи бехатарии иншоотҳои гидротехникӣ ҳуҷҷати асосие мебошад, ки дар он маълумот дар бораи мутобиқати иншоотҳои гидротехникӣ ба меъёрҳои бехатарӣ ва тадбирҳоро оид ба таъмини бехатарии иншоотҳои гидротехникӣ бо дарназардошти таснифи онҳо дар бар мегирад. Шакли эъломияи бехатарӣ аз ҷониби Хадамоти назорати давлатӣ дар соҳаи бехатарии иншооти гидротехникӣ (минбаъд - мақоми ваколатдори давлатӣ) таҳия ва тасдиқ гардида, дар Вазорати адлияи Ҷумҳурии Тоҷикистон ба қайд гирифта мешавад.
3. Молик ё истифодабарандаи иншооти гидротехникӣ эъломияи бехатариро дар марҳилаи тарҳрезӣ (лоиҳакашӣ), сохтмон, ба истифода додан, истифодабарӣ, аз истифода баровардани иншоотҳои гидротехникӣ, инчунин баъд аз таҷдид, таъмири асосӣ, барқарорсозӣ ва ё мавқуф гузоштан тартиб медиҳад.
4. Молик ё истифодабарандаи иншооти гидротехникӣ 1 маротиба дар 5 сол эъломияи бехатариро ба мақоми ваколатдор пешниҳод менамояд.
5. Ҳангоми тартиб додани эъломияи бехатарӣ маълумоти зерин ба инобат гирифта мешавад:
а) маълумоти мукаммал ва саҳеҳ дар бораи иншооти гидротехникӣ ва бехатарии он;
б) ҳамаҷониба ва пурра нишон додани дараҷаи хавфнокӣ, таҳияи эҳтимолияти садама ва зарарёбӣ;
в) асоснокии усулҳои истифодашавандаи таҳлили хавфҳо ва сатҳи бехатарии иншооти гидротехникӣ бо дарназардошти гурӯҳи он;
г) мукаммалии баҳисобгирии тамоми омилҳои вобаста ба натиҷаи баҳодиҳии бехатарӣ;
д) самаранокӣ ва кифояти чораҳои татбиқшуда ва банақшагирифта оид ба таъмини бехатарӣ, мутобиқати ҳолати бехатарӣ ба санадҳои меъёрии ҳуқуқии амалкунанда.
6. Ҳангоми таҳияи эъломияи бехатарӣ талаботи моддаи 10 Қонуни Ҷумҳурии Тоҷикистон "Дар бораи бехатарии иншоотҳои гидротехникӣ" ба инобат гирифта мешавад.
7. Тартиб додани эъломияи бехатарӣ ҳамроҳи ташхиси воқеии иншооти гидротехникӣ аз ҷониби молик ё ташкилоти истифодабаранда бо иштироки ҳатмии намояндаи мақоми ваколатдори давлатӣ гузаронида мешавад.
8. Эъломияи бехатарӣ инҳоро дар бар мегирад:
а) варақаи унвонӣ, ки дар он рақами бақайдгирӣ, мӯҳри тасдиқкунандаи эъломия, номгӯи иншооти эъломияшаванда нишон дода мешавад;
б) маълумоти умумӣ дар бораи иншооти гидротехникӣ ва шароити табиии мавзеи ҷойгиршавии он, чораҳо оид ба таъмини бехатарӣ тибқи лоиҳаи пешбинишуда, қоидаҳои истифодабарӣ ва санад-нишондоди мақоми давлатии ваколатдор, маълумоти асосӣ дар бораи молик ва ташкилоти истифодабаранда;
в) таҳлил ва баҳои бехатарии иншооти гидротехникӣ, аз ҷумла муайянкунии эҳтимолияти сарчашмаҳои хавфнок ва омодагии он ба пешгирӣ ва ё кам кардани оқибатҳои ҳолатҳои фавқулодда;
г) маълумот оид ба таъминоти тайёрии ташкилоти истифодабаранда ба пешгирӣ ва бартараф кардани эҳтимолияти зарари хавфнок ва ҳолатҳои садамавӣ;
д) натиҷаи мушоҳидаҳои воқеии ҳолати техникии иншооти гидротехникӣ бо дарҷи меъёрҳои бехатарӣ барои ҷузъҳои алоҳидаи таркиби он ва сатҳи бехатарии иншоот дар маҷмӯъ;
е) маълумот дар бораи тартиби муҳофизати иншооти гидротехникӣ ва таъмини бехатарии он аз амалиёти тахрибкорона;
ж) хабардоркунии аҳолӣ, мақомоти ваколатдори давлатӣ, мақомоти иҷроияи маҳаллии ҳокимияти давлатӣ дар бораи имконпазирии ҳолатҳои садамавии дар иншооти гидротехникӣ баамалмеомада ва рухдода;
з) хулоса оид ба баҳодиҳии сатҳи бехатарии иншооти гидротехникии алоҳида, инчунин рӯйхати чорабиниҳои зарурӣ оид ба таъмини бехатарӣ;
и) санади қабули комиссия оид ба иншооти гидротехникии сохтмонаш баитмомрасида.
9. Эъломияи бехатарӣ аз ҷониби молик ё истифодабарандаи иншооти гидротехникӣ ба имзо расонида мешавад (минбаъдэъломиядиҳанда).
10. Бо қарори мақоми ваколатдори давлатӣ ва ё ташаббуси эъломиядиҳанда эъломияи муқарраршуда дар ҳолатҳои зерин пешниҳод карда мешавад:
а) ҳангоми ба вуҷуд омадани хавфи паст шудани дараҷаи эътимоднокии иншооти гидротехникӣ, бадшавии шароити пешгирии ҳолатҳои фавқулодда дар муддати 6 моҳ аз рӯзи зоҳир намудани хавф (хатар);
б) ҳангоми тағйирёбии санадҳои меъёрии ҳуқуқӣ, қоида ва меъёрҳо дар соҳаи бехатарии иншоотҳои гидротехникӣ, пешгирӣ ва бартараф намудани ҳолатҳои фавқулодда, ҳифзи аҳолӣ ва ҳудуд аз таъсири ҳолатҳои фавқулодда дар давоми сол аз рӯзи ба расмият даромадани санадҳои меъёрии ҳуқуқӣ, қоида ва меъёрҳои дахлдор;
в) баъд аз таҷдид, таъмири пурра, барқарорсозӣ ва ё мавқуф гузоштани иншооти гидротехникӣ то қабул намудани корҳои васлу сохтмонии дахлдор.
11. Эъломияи бехатарии иншооти гидротехникии тарҳрезишаванда ба мақоми ваколатдори давлатӣ дар давраи гузаронидани ташхиси (экспертизаи) давлатии лоиҳа пешниҳод карда мешавад.
12. Эъломияи бехатарии иншооти гидротехникии сохташаванда ба мақоми ваколатдори давлатӣ на дертар аз 4 моҳ то муайян кардани мӯҳлати ба истифодаи муваққатӣ ва ҳам доимӣ супоридани он пешниҳод карда мешавад.
13. Мақоми ваколатдори давлатӣ дар якҷоягӣ бо Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон талаботи зеринро муқаррар мекунад:
а) мазмуни эъломияи бехатарӣ ва усули тартиб додани он, ки хусусияти эъломияи бехатарии намудҳои гуногуни иншооти гидротехникиро вобаста ба таъиноти онҳо, дараҷа, таркиб, шароити истифодабарӣ ва талаботи махсуси бехатариро ба инобат мегирад;
б) шакли эъломияи бехатарӣ;
в) рӯйхати ташкилотҳое, ки иншооти гидротехникии эъломияшаванда доранд;
г) ҷадвали пешниҳоди эъломияи бехатарӣ.
14. Мақоми ваколатдори давлатӣ гузаронидани ташхиси (экспертизаи) давлатии эъломияи бехатариро баъд аз таҳияи эъломияи бехатарӣ муайян менамояд.
15. Мақсади ташхиси (экспертизаи) давлатии эъломияи бехатарӣ муайян намудани пуррагӣ ва саҳеҳии маълумоти дар эъломияи бехатарӣ сабтгардида, аз ҷумла:
- ошкор кардани дараҷаи хавфнокӣ дар иншооти гидротехникӣ;
- кифоягии чораҳои пешбинишуда оид ба бехатарии иншоотҳои гидротехникӣ ва мутобиқати ин чораҳо ба меъёр ва қоидаҳо мебошад.
16. Ташхиси (экспертизаи) давлатии эъломияи бехатарии иншоотҳои гидротехникӣ аз ҷониби марказҳои муайяннамудаи мақомоти ваколатдори давлатӣ гузаронида мешавад. Марказҳои экспертӣ комиссияҳои экспертӣ созмон медиҳанд, ки ба онҳо метавонанд ташкилотҳои илмӣ-тадқиқотӣ, лоиҳакашӣ, инчунин мутахассисони баландихтисоси алоҳида ҷалб карда шаванд.
17. Ташхиси давлатии эъломияи бехатарӣ бо пардохти маблағ дар асоси сметаи хароҷот ва ҳисобе, ки аз ҷониби маркази экспертӣ ба эъломиядиҳанда пешниҳод мегардад, гузаронида мешавад.
18. Мӯҳлати гузаронидани ташхиси давлатии эъломияи бехатарӣ баъд аз рӯзе, ки эъломиядиҳанда маблағро барои гузаронидани ташхис пардохт намудааст, набояд аз 3 моҳ зиёдро ташкил диҳад.
19. Мақоми ваколатдори давлатӣ барои мутахассисоне, ки ба ҳайати комиссияи экспертӣ шомил мешаванд, талаботи тахассусӣ муқаррар менамояд.
20. Маркази экспертӣ дар мӯҳлати муқарраргардида ба мақоми ваколатдори давлатӣ хулосаи комиссияи экспертиро пешниҳод менамояд. Хулосаи комиссияи экспертӣ баъд аз тасдиқи мақоми ваколатдори давлатӣ мақоми хулосаи экспертизаи давлатии эъломияи бехатарии иншооти гидротехникиро мегирад.
21. Дар ҳолати аз ҷониби комиссияи экспертӣ қабул шудани хулосаи манфӣ, эъломиядиҳанда ҳуқуқ дорад гузаронидани экспертизаи давлатии такрориро бе пардохти маблағ талаб намояд. Мақоми ваколатдори давлатӣ аризаи дахлдори асосноккардашудаи эъломиядиҳандаро баррасӣ намуда, ба истиснои ҳолатҳои дар банди 23 Тартиби мазкур зикргардида, дар мӯҳлати 2 моҳ аз рӯзи воридшавии ариза қарори худро ба ӯ мерасонад.
22. Мақоми ваколатдори давлатӣ эъломияи бехатарӣ ва хулосаи комиссияи экспертиро баррасӣ намуда, дар мӯҳлати 1 моҳ аз рӯзи ворид шудани ҳуҷҷатҳо дар бораи тасдиқ ва ё рад кардани онҳо қарор қабул менамояд. Ҳангоми тасдиқ мӯҳлати амали он на зиёда аз 5 сол муқаррар карда мешавад.
23. Агар ҳангоми баррасии эъломияи бехатарӣ ва хулосаи комиссияи экспертӣ аз ҷониби мақоми ваколатдори давлатӣ ҳолатҳое ошкор карда шаванд, ки ба паст будани сатҳи бехатарӣ шаҳодат медиҳанд, мақоми ваколатдори давлатӣ санҷиши нозиротии иншооти гидротехникиро мегузаронад ва эъломияи бехатарии пешниҳодшударо бо дарназардошти натиҷаи тафтиш баррасӣ менамояд. Дар ин сурат мӯҳлати баррасӣ ва тасдиқи эъломияи бехатарӣ мумкин аст то 4 моҳ дароз карда шавад.
24. Дар сурати паст будани сатҳи бехатарии иншооти гидротехникӣ, инчунин иҷро нагардидани чорабиниҳо оид ба таъмини бехатарии онҳо, мақоми ваколатдори давлатӣ ҳуқуқ дорад, ки мӯҳлати амали эъломияи бехатариро ихтисор намояд.
25. Эъломияи бехатарии тасдиқшударо эъломиядиҳанда маҳфуз нигоҳ медорад. Нусхаи онро ба мақомоти иҷроияи маҳаллии ҳокимияти давлатӣ, ки дар қаламрави он иншооти гидротехникӣ ҷойгир аст ва ба Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон пешниҳод менамояд.
26. Эъломияи бехатарии тасдиқнамудаи мақоми ваколатдори давлатӣ барои додани иҷозат ҷиҳати дохил кардани иншооти гидротехникӣ ба Феҳристи давлатии иншоотҳои гидротехникӣ ва додани иҷозат ба истифодабаранда барои истифода, таҷдид, мавқуф гузоштан ва барҳамдиҳии иншооти гидротехникӣ асос мебошад ва иҷозати мазкур аз ҷониби мақомоти ваколатдори давлатӣ ба мӯҳлати амали эъломияи бехатарӣ дода мешавад.
27. Хулосаи манфии экспертизаи давлатии эъломияи бехатарии иншооти гидротехникӣ, инчунин қарор дар бораи рад кардани тасдиқи эъломияи бехатарӣ мумкин аст ба таври судӣ шикоят карда шавад.
28. Мақоми ваколатдори давлатӣ маҳзани маълумоти эъломияи бехатариро пеш бурда, мӯҳлати пешниҳоди эъломияи бехатариро назорат мекунад.
