Тартиби барасмиятдарории гувоҳнома барои пешниҳоди ратсионализаторӣ

1.Тартиби барасмиятдарории гувоҳнома барои пешниҳоди ратсионализаторӣ (минбаъд - Тартиб) мутобиқи моддаи 15 Қонуни Ҷумҳурии Тоҷикистон "Дар бораи фаъолияти ратсионализаторӣ" таҳия карда шудааст.

2. Тартиби мазкур талабот нисбати барасмиятдарории гувоҳнома барои пешниҳоди ратсионализаторӣ дар корхонаҳои Ҷумҳурии Тоҷикистон ва тартиби барасмиятдарории онро муқаррар менамояд (замима мегардад).

3. Гувоҳнома барои пешниҳоди ратсионализаторӣ бо тартиби зерин ба расмият дароварда мешавад:

Сатри 1 - бо забони давлатӣ дар варақаҳои махсуси ҳифзшавандаи формати А4 (210*297 мм) бо тарзи типографӣ тайёршаванда дар мобайни он Нишони давлатии Ҷумҳурии Тоҷикистон тасвир ёфта, дар сатри аввал калимаҳои "Ҷумҳурии Тоҷикистон" дарҷ карда мешаванд;

Сатри 2 - "Гувоҳнома барои пешниҳоди ратсионализаторӣ";

Сатри 3 - "№_________санаи пешниҳод ____________________________";

Сатри 4 - "Мутобиқи моддаи 15 Қонуни Ҷумҳурии Тоҷикистон Ҷумҳурии Тоҷикистон "Дар бораи фаъолияти ратсионализаторӣ", гувоҳномаи мазкурро ба________________________________________

                                                 (насаб, ном ва номи падари муаллиф)";

Сатри 5 - "барои пешниҳод, таҳти унвони_______________________________________________";

Сатри 6 - "дода шуд, ки онро _________________________________________________________";

                                         (корхона, ташкилот, санаи эътироф)

Сатри 7 - "ҳамчун пешниҳоди ратсионализаторӣ эътироф ва қабул намуда, дар истеҳсолот ҷорӣ менамояд";

Сатри 8 - "Роҳбари корхона __________ _____________";

                               имзо     ному насаб

Сатри 9 - "(Ҷ.М.)                          "_______" _____________ 20_____".

4. Корхонаҳои Ҷумҳурии Тоҷикистон дар асоси намунаи гувоҳномаи ба Тартиби мазкур замимагардида ва тибқи Низомномаи фаъолияти ратсионализаторӣ гувоҳнома(ҳо) барои пешниҳодҳои ратсионализаториро дар доираи корхона дода метавонанд.

5. Дар мӯҳлати як моҳ аз рӯзи қабули қарор дар бораи пешниҳоди ратсионализаторӣ эътироф намудани пешниҳод ба муаллиф ва (ё) ба ҳар яке аз ҳаммуаллифон гувоҳнома барои пешниҳоди ратсионализаторӣ дода мешавад.

Замима