Бо қарори Ҳукумати ҶТ аз 26.01.2016 № 6 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи таъсиси Ҷамъияти саҳомии холдингии кушодаи "Ширкати ҳавопаймоии Тоҷикистон"

Мутобиқи моддаи 52 Кодекси граждании Ҷумҳурии Тоҷикистон ва моддаи 10 Қонуни Ҷумҳурии Тоҷикистон "Дар бораи ҷамъиятҳои саҳомӣ" Ҳукумати Ҷумҳурии Тоҷикистон қарор мекунад:

1. Ҷамъияти саҳомии холдингии кушодаи "Ширкати ҳавопаймоии Тоҷикистон" таъсис дода шавад.

2. Ба Ҷамъияти саҳомии холдингии кушодаи "Ширкати ҳавопаймоии Тоҷикистон" ҳуқуқи идоракунии фаврии бастаҳои саҳмияҳои давлатни ҷамъиятҳои саҳомии кушода тибқи замима вогузор карда шавад.

3. Вазорати нақлиёти Ҷумҳурии Тоҷикистон якҷоя бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон лоиҳаҳои Оиннома, Низомнома ва ҳайати Шӯрои нозирони Ҷамъияти саҳомии холдингни кушодаи "Ширкати ҳавопаймоии Тоҷикистон"-ро таҳия карда, тибқи тартиби муқарраргардида ба Ҳукумати Ҷумҳурии Тоҷикистон пешниҳод намояд.

4. Ба Номгӯи корхонаҳо, муассисаҳо ва дигар ташкилотҳои системаи Вазорати нақлиёти Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 6 майи соли 2011, № 250 тасдиқ шудааст, тағйиру иловаҳои зерин ворид карда шаванд:

- сархати нав бо мазмуни зайл илова карда шавад:

"Ҷамъияти саҳомии холдингии кушодаи "Ширкати ҳавопаймоии Тоҷикистон";

- сархатҳои зерин хориҷ карда шаванд:

"Ҷамъияти саҳомии кушодаи "Тоҷик Эйр"

"Ҷамъияти саҳомии кушодаи "Фурудгоҳи байналмилалии Душанбе".

Руйхати ҷамъиятҳои хоҷагидоре, ки дар идораи Ҷамъияти саҳомии холдингии кушодаи "Ширкати ҳавопаймони Тоҷикистон" қарор доранд:

1. Ҷамъияти саҳомии кушодаи "Тоҷик Эйр"

2. Ҷамъияти саҳомии кушодаи "Фурудгоҳи банналмилалии Душанбе"