Ҳукумати Ҷумҳурии Тоҷикистон

ҚАРОР

Дар бораи Тартиби амалӣ намудани назорати хизматӣ дар низоми мақомоти иҷроияи ҳокимияти давлатии Ҷумҳурии Тоҷикистон

Мутобиқи моддаи 7 Қонуни Ҷумҳурии Тоҷикистон "Дар бораи низоми мақомоти идоракунии давлатии Ҷумҳурии Тоҷикистон" ва бо мақсади танзими расмиёти амалӣ намудани назорати хизматӣ дар низоми мақомоти иҷроияи ҳокимияти давлатӣ Ҳукумати Ҷумҳурии Тоҷикистон қарор мекунад:

1. Тартиби амалӣ намудани назорати хизматӣ дар низоми мақомоти иҷроияи ҳокимияти давлатии Ҷумҳурии Тоҷикистон тасдиқ карда шавад (замима мегардад).

2. Роҳбарони мақомоти иҷроияи марказии ҳокимияти давлатӣ иҷрои талаботи Тартиби мазкурро таъмин намоянд.