Ҳукумати Ҷумҳурии Тоҷикистон

ҚАРОР

Дар бораи таъсиси Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон

Мутобиқи моддаи 13 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон"  Ҳукумати Ҷумҳурии Тоҷикистон қарор мекунад (қарори Ҳукумати ҶТ аз 26.06.2021 № 255):

1. Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон таъсис дода шавад.

2. Ҳайати Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ ва Низомномаи Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон тасдиқ карда шаванд (замимаҳои 1 ва 2).

3. Вазорати рушди иқтисод ва савдои Ҷумҳурии Тоҷикистон ҳамчун мақоми иҷроия вобаста ба ҷамъоварӣ ва таҳлили нақшаҳои корӣ ва ҳисоботҳо оид ба корҳои иҷронамудаи вазорату идораҳои дахлдор, мақомоти маҳаллии ҳокимияти давлатӣ ва дигар ташкилоту муассисаҳо муайян карда шавад.

4. Раисони Вилояти Мухтори Куҳистони Бадахшон, вилоятҳо, шаҳри Душанбе шӯроҳоро оид ба ҳамоҳангсозӣ ва рушди соҳаи моликияти зеҳнӣ таъсис диҳанд.

5. Қарорҳои Ҳукумати Ҷумҳурии Тоҷикистон аз 30 декабри соли 2005, № 514 "Дар бораи таъсиси Комиссияи Ҳукумати Ҷумҳурии Тоҷикистон оид ба ҳамоҳангсозии фаъолият дар мубориза бо ҳуқуқвайронкунӣ дар соҳаи моликияти зеҳнӣ" ва аз 3 майи соли 2006 № 198 "Масъалаҳои Комиссияи Ҳукумати Ҷумҳурии Тоҷикистон оид ба ҳамоҳангсозии фаъолият дар мубориза бо ҳуқуқвайронкунӣ дар соҳаи моликияти зеҳнӣ" аз эътибор соқит дониста шаванд.

Ҳайати Шӯрои миллӣ оид ба ҳамоҳангсозӣ ва рушди соҳаи моликияти зеҳнӣ дар Ҷумҳурии Тоҷикистон (аз рӯи вазифа)

Муовини Сарвазири Ҷумҳурии Тоҷикистон - Раиси Шӯро;

Муовини якуми Вазири рушди иқтисод ва савдои Ҷумҳурии Тоҷикистон - Муовини Раиси Шӯро;

Сармутахассиси Раёсати банақшагирии стратегӣ ва ислоҳоти Дастгоҳи иҷроияи Президенти Ҷумҳурии Тоҷикистон - Котиби Шӯро.

Аъзои Шӯро:

Сардори Раёсати банақшагирии стратегӣ ва ислоҳоти Дастгоҳи иҷроияи Президенти Ҷумҳурии Тоҷикистон;

Сардори Раёсати рушди иҷтимоии Дастгоҳи иҷроияи Президенти Ҷумҳурии Тоҷикистон;

Сардори Раёсати маориф,фарҳанг ва иттилооти Дастгоҳи иҷроияи Президенти Ҷумҳурии Тоҷикистон(қарори Ҳукумати ҶТ аз 26.06.2021 № 255);

Муовини Вазири адлияи Ҷумҳурии Тоҷикистон(қарори Ҳукумати ҶТ аз 26.06.2021 № 255);

Муовини якуми Вазири корҳои дохилии Ҷумҳурии Тоҷикистон;

Муовини Вазири саноат ва технологияи нави Ҷумҳурии Тоҷикистон;

Муовини Вазири кишоварзии Ҷумҳурии Тоҷикистон;

Муовини Вазири фарҳанги Ҷумҳурии Тоҷикистон;

Муовини Вазири маориф ва илми Ҷумҳурии Тоҷикистон;

Муовини Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон;

хориҷ карда шуд (қарори Ҳукумати ҶТ аз 26.06.2021 № 255)

Муовини Раиси Кумитаи телевизион ва радиои назди Ҳукумати Ҷумҳурии Тоҷикистон;

Муовини якуми Сардори Хадамоти гумруки назди Ҳукумати Ҷумҳурии Тоҷикистон;

Муовини якуми Сардори Хадамоти зиддиинҳисории назди Ҳукумати Ҷумҳурии Тоҷикистон;

Муовини якуми Директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон;

Муовини Раиси палатаи савдо ва саноати Ҷумҳурии Тоҷикистон;

Ноиби Президенти Академияи миллии илмҳои Тоҷикистон(қарори Ҳукумати ҶТ аз 26.06.2021 № 255);

Директори Муассисаи давлатии "Маркази миллии патенту иттилоот"-и Вазорати рушди иқтисод ва савдои Ҷумҳурии Тоҷикистон.

- муовини Вазири энергетика ва захираҳои оби Ҷумҳурии Тоҷикистон (қарори Ҳукумати ҶТ аз 28.11.2015 № 706);

- муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон (қарори Ҳукумати ҶТ аз 28.11.2015 № 706);

- муовини Вазири меҳнат, муҳоҷират ва шуғли аҳолии Ҷумҳурии Тоҷикистон (қарори Ҳукумати ҶТ аз 28.11.2015 № 706).