Бо қарори Ҳукумати
Ҷумҳурии Тоҷикистон
аз 31 октябри соли 2014, № 693
тасдиқ шудааст
Тартиб ва шартҳои доир намудани музокироти мустақим дар доираи созишномаи сармоягузорӣ
1. МУҚАРРАРОТИ УМУМӢ
1. Тартиб ва шартҳои доир намудани музокироти мустақим дар доираи созишномаи сармоягузорӣ (минбаъд - Тартиб) бо мақсади татбиқи муқаррароти Қонуни Ҷумҳурии Тоҷикистон "Дар бораи созишномаи сармоягузорӣ" таҳия карда шудааст. Тартиб расмиёти баррасии муроҷиати сармоягузоронеро, ки лоиҳаҳои сармоягузориро дар соҳаҳои муҳим ва афзалиятноки соҳаҳои иқтисодиёти Ҷумҳурии Тоҷикистон татбиқ ва ё барои татбиқи онҳо изҳори ҳавасмандӣ менамоянд (минбаъд - лоиҳаи сармоягузорӣ) ва имзои созишнома оид ба татбиқи лоиҳаҳои сармоягузорӣ (минбаъд - созишномаи сармоягузорӣ)- ро муқаррар менамояд.
2. Мафҳумҳои дар Тартиби мазкур истифодашуда аз қабили "сармоягузор", "лоиҳаи сармоягузорӣ", "пешниҳод оид ба лоиҳаи сармоягузорӣ" ва "созишномаи сармоягузорӣ" маънои мафҳумҳои дар қонунҳои Ҷумҳурии Тоҷикистон "Дар бораи сармоягузорӣ", "Дар бораи созишномаи сармоягузорӣ" ва дигар санадҳои меъёрии ҳуқуқии Ҷумҳурии Тоҷикистон муқарраргардидаро ифода менамоянд.
3. Мафҳумҳои асосии дар Тартиби мазкур истифодашуда:
- Муроҷиаткунандагон - субъектони фаъолияти сармоягузорӣ, яъне сармоягузорон, фармоишгарон, пудратчиён, истифодабарандагони объектҳои сармоягузорӣ ва дигар шахсони ҳуқуқӣ ва воқеие, ки барои татбиқи лоиҳаҳои сармоягузорӣ дар Ҷумҳурии Тоҷикистон ҳавасманд мебошанд;
- Мақоми ваколатдори давлатӣ - Кумитаи давлатии сармоягузорӣ ва идораи амволи давлатии Ҷумҳурии Тоҷикистон буда, ҳамчун мақоми иҷроияи марказии ҳокимияти давлатии Ҷумҳурии Тоҷикистон сиёсати давлатӣ ва танзими меъёрии ҳуқуқиро дар соҳаи сармоягузорӣ амалӣ намуда, барои мусоидат, ҷалб ва ҳимояи сармоягузориҳо, аз ҷумла сармоягузории хориҷӣ масъул мебошад.
- Мақомоти дахлдори давлатӣ - ҳама гуна вазорату идораҳо ва мақомоти иҷроияи маҳаллии ҳокимияти давлатии Ҷумҳурии Тоҷикистон, ки бевосита ба татбиқи лоиҳаи сармоягузорӣ алокамандӣ ва масъулият доранд;
- Номгӯи лоиҳаҳои афзалиятноки сармоягузорӣ (минбаъд - номгӯй) номгӯи лоиҳаҳои сармоягузорие, ки барои бахшҳои муайяни иқтисодиёт аҳамияти афзалиятнок дошта, мувофиқи тартибу меъёрҳои тасдиқнамудаи Ҳукумати Ҷумҳурии Тоҷикистон интихоб карда шудаанд;
- Феҳристи давлатии созишномаҳои сармоягузорӣ (минбаъд - феҳрист)махзани маҷмӯии иттилоотӣ доир ба созишномаҳои сармоягузорӣ, ки байни Ҳукумати Ҷумҳурии Тоҷикистон ва сармоягузорон бо мақсади татбиқи лоиҳаҳои сармоягузорӣ дар қаламрави Ҷумҳурии Тоҷикистон ба имзо расонида шудааст;
4. Тартиби мазкур муқаррар менамояд:
- мутобиқати лоиҳаҳои сармоягузории дар қаламрави Ҷумҳурии Тоҷикистон татбиқшаванда (барои татбиқ пешбинишаванда) ба самтҳои афзалиятноки фаъолияти сармоягузории Ҷумҳурии Тоҷикистон ва талаботҳои ба созишномаҳои сармоягузорӣ муқаррарнамудаи Ҷумҳурии Тоҷикистон;
- ташкил ва бурдани номгӯи лоиҳаҳои афзалиятноки сармоягузории Ҷумҳурии Тоҷикистон ва феҳристи давлатии созишномаҳои сармоягузории Ҷумҳурии Тоҷикистон;
- тартиби баимзорасонии созишномаи сармоягузорӣ ва шартҳои татбиқи он.
5. Аз рӯи натиҷаҳои баррасии лоиҳаи сармоягузорӣ мутобиқи Тартиби мазкур қарорҳои зерин қабул карда мешавад:
- таркиб ва ҳаҷми чораҳои дастгирии давлатӣ, ки дар вақти татбиқи лоиҳаҳои афзалиятнок пешниҳод карда мешаванд;
- ворид намудан ва ё накардани лоиҳаи сармоягузорӣ ба номгӯй.
6. Тартиби мазкур шартҳои ҳамкории мақомоти давлатии ҳокимияти иҷроияи Ҷумҳурии Тоҷикистонро бо муроҷиаткунандагон (сармоягузорон) дар вақти баррасии пешакӣ, пешбурди ташкилии татбиқи лоиҳаҳои сармоягузорӣ дар қаламрави Ҷумҳурии Тоҷикистон, имзорасонӣ ва иҷрои шартҳои созишномаҳои сармоягузориро муқаррар менамояд.
7. Тартиб барои ҳалли вазифаҳои асосии зерин равона карда шудааст:
- мутобиқ кардани ҳуҷҷатҳои аз ҷониби муроҷиаткунандагон воридшуда ба шакли ягонаи мувофиқ ба талаботҳои қонунгузорӣ;
- таъмини дастгирии давлатии лоиҳаҳои сармоягузории афзалиятнок;
- ворид намудани тағйиру иловаҳо ба номгӯй ва феҳрист аз рӯи натиҷаҳои мониторинги рафти татбиқи лоиҳаҳои сармоягузорӣ.
2. ТАРТИБИ БАРРАСӢ ВА АРЗЁБИИ МУРОҶИАТҲОИ САРМОЯГУЗОРОН
8. Муроҷиати хаттии сармоягузор ҷиҳати ба роҳ мондани фаъолият дар доираи созишномаи сармоягузорӣ асоси оғоз намудани раванди омодасозии ҳуҷҷатҳои зарурӣ мебошад.
9. Муроҷиати сармоягузор метавонад мустақиман ба суроғаи мақоми ваколатдори давлатӣ ва ё ба суроғаи почтаи электронии info@gki.ti, daia@gki.ti ирсол карда шавад.
10. Дар вақти муроҷиати аввалия сармоягузор ба мақоми ваколатдори давлатӣ ҳуҷҷат ва маълумотҳои зеринро пешниҳод менамояд:
- аризаи хаттӣ тибқи замимаи №1 ба Тартиби мазкур;
- шарҳи муфассал дар шакли Шиносномаи лоиҳа ва асосноккунии лоиҳаи сармоягузорӣ, нишон додани ҳадафҳо ва соҳаи татбиқи он, ҳаҷми эҳтимолии сармоягузорӣ, мӯҳлати барориши хароҷотҳо, арзёбии ҳаҷми даромадҳои андозӣ ба буҷети давлатӣ, самаранокии иҷтимоӣ ва мӯҳлати татбиқи лоиҳаи сармоягузорӣ, тибқи замимаи №2 ба Тартиби мазкур;
- нусхаи оиннома ва дигар ҳуҷҷатҳои таъсисӣ, ки аз ҷониби сармоягузор тасдиқ карда шудааст;
- дигар маълумоти иловагӣ тибқи хоҳиши сармоягузор.
11. Муроҷиати сармоягузор бояд маълумотҳои зеринро дар бар гирад:
- номи пурраи ташкилот (барои шахсони воқеӣ насаб, ном ва номи падар);
- имзои рохбар;
- суроғае, ки ба он бояд ҷавоб ирсол карда шавад;
- рақами телефон ва ё суроғаи почтаи электронӣ;
- санаи муроҷиат.
12. Сармоягузор барои дурустии маълумотҳои пешниҳоднамуда мутобиқи қонунгузории Ҷумҳурии Тоҷикистон масъул мебошад.
13. Ҳуҷҷатҳо метавонанд бо забони тоҷикӣ, русӣ ва англисӣ пешниҳод карда шаванд. Дар мавриди пешниҳоди ҳуҷҷатҳо, ки бо забони хориҷӣ тартиб дода шудаанд, бояд инчунин тарҷумаи онҳо ба забони тоҷикӣ, ки бо тариқи нотариалӣ тасдиқ карда шудааст, ирсол гарданд.
14. Мақоми ваколатдори давлатӣ санҷиши ҳуҷҷатҳои аз тарафи сармоягузор пешниҳодшударо аз рӯи пуррагӣ, дурустии таҳия ва эътимоднокии маълумот дар давоми панҷ рӯзи корӣ анҷом дода, аз натиҷаи он сармоягузорро хабардор менамояд.
15. Пас аз қабули бастаи пурраи ҳуҷҷат ва иттилоот аз сармоягузор, мақоми ваколатдори давлатӣ дар давоми панҷ рӯзи корӣ маводҳоро ба мақомоти дахлдори давлатии Ҷумҳурии Тоҷикистон барои мувофиқа манзур менамояд.
16. Мақоми ваколатдори давлатӣ, вохӯрӣ ва гуфтушунидҳоро бо сармоягузор, аз ҷумла барои гирифтани иттилооти иловагӣ доир ба лоиҳаи сармоягузорӣ мегузаронад.
17. Мақоми ваколатдори давлатӣ шахси масъулро муайян менамояд, ки дар ҳолати зарурӣ ҷадвали гузаронидани чорабиниҳои лозимиро барои татбиқи лоиҳаи сармоягузорӣ омода намуда, мониторинги иҷрои онҳоро амалӣ мекунад.
18. Бо мақсади таъмини ҳамкории байниидоравӣ дар вақти баррасии муроҷиати сармоягузор оид ба татбиқи лоиҳаи сармоягузорӣ, мақоми ваколатдори давлатӣ гурӯҳи кории байниидоравиро бо ҷалби намояндагони босалоҳияти вазорату идораҳо, инчунин дар ҳолати зарурӣ мақомоти иҷроияи маҳаллии ҳокимияти давлатӣ ва дигар муассисаҳо Ҷумҳурии Тоҷикистон ташкил медиҳад.
19. Бо назардошти иттилооти аз вазорату идораҳо, мақомоти иҷроияи маҳаллии ҳокимияти давлатӣ ва дигар ташкилотҳои Ҷумҳурии Тоҷикистон манзур гардида, мақоми ваколатдори давлатӣ ба сармоягузор аз рӯи натиҷаи баррасии муроҷиат маълумот медиҳад.
20. Мақомоти дахлдори давлатии Ҷумҳурии Тоҷикистон:
- дар давоми даҳ рӯзи корӣ аз санаи гирифтани дархост, тибқи банди 15 Тартиби мазкур дар доираи ваколатҳои худ таклифу пешниҳод ва маълумоти иловагиро ба мақоми ваколатдори давлатӣ барои арзёбӣ намудани лоиҳаи сармоягузорӣ манзур менамояд.
- дар гурӯҳҳои кории байниидоравӣ иштироки намояндаи босалоҳияти худро таъмин менамоянд.
21. Барои ба даст овардани ақидаи қонеъкунандаи тарафҳо (мувофиқашуда) ба гурӯҳи корӣ намояндаи ваколатдори сармоягузор низ ҷалб карда мешавад.
22. Арзёбии лоиҳаи сармоягузорӣ дар худ муайян намудани самараи иқтисодӣ ва иҷтимоии татбиқи он барои Ҷумҳурии Тоҷикистонро ифода мекунад.
23. Арзёбии лоиҳаи сармоягузорӣ ва омодасозии хулоса аз ҷониби мақоми ваколатдори давлатӣ бо назардошти самараи иқтисодии лоиҳаи сармоягузорӣ ва хулосаҳо оид ба мақсаднокии татбиқи он, ки аз ҷониби мақомоти дахлдори давлатии Ҷумҳурии Тоҷикистон пешниҳод гардидааст, амалӣ карда мешавад.
24. Дар ҳолати зарурӣ хулосаҳои аз ҷониби мақомоти дахлдори давлатӣ ва дигар ташкилотҳои Ҷумҳурии Тоҷикистон пешниҳодгардида дар ҷаласаҳои гурӯҳи кории байниидоравӣ баррасӣ карда мешаванд.
25. Дар ҳолати арзёбии мусбии лоиҳаи сармоягузорӣ, мақоми ваколатдори давлатӣ ба сармоягузор оид ба қарори қабул гардида ҷавоби хаттӣ манзур менамояд.
26. Дар ҳолати арзёбии манфии лоиҳаи сармоягузорӣ, мақоми ваколатдори давлатӣ ба сармоягузор ҷавоби хаттиро бо сабабҳои рад шудани он манзур менамояд. Сармоягузор ҳуқуқ дорад, пас аз бартараф кардани эрод ва ба инобат гирифтани пешниҳодҳои мақоми ваколатдори давлатӣ, лоиҳаи сармоягузориро такмил дода, такроран барои баррасӣ пешниҳод намояд.
27. Мӯҳлати баррасии лоиҳаи сармоягузорӣ аз тарафи мақоми ваколатдори давлатӣ баъд аз қабули бастаи ҳуҷҷатҳои зарурӣ тибқи банди 11 Тартиби мазкур сӣ рӯзи кориро ташкил медиҳад.
28. Лоиҳаи созишномаи сармоягузорӣ бояд бо роҳбарони мақомоти дахлдори давлатии Ҷумҳурии Тоҷикистон, ки ба татбиқи созишномаи сармоягузорӣ алоқамандӣ ва масъулият доранд, мувофиқа карда шавад. Дар қисми чапи варақаи охири созишномаи сармоягузори ҷойи мувофиқакунӣ бо нишон додани вазифа, ному насаби шахси имзокунанда ва санаи имзокунӣ чоп карда мешавад. Лоиҳаи созишномаи сармоягузорӣ метавонад тибқи замимаи №3 Тартиби мазкур таҳия карда шавад.
3. ТАРТИБИ БУРДАНИ НОМГӯИ ЛОИҲАҲОИ АФЗАЛИЯТНОК ВА ФЕҲРИСТИ ДАВЛАТИИ СОЗИШНОМАҲОИ САРМОЯГУЗОРӢ
29. Мақоми ваколатдори давлатӣ номгӯи лоиҳаҳои афзалиятноки сармоягузориро, табқи замимаи №4 Тартиби мазкур дар шаклҳои хаттӣ ва ҳомили электронӣ тавассути ба он ворид намудани қайдҳои махсус пеш мебарад. Дар ҳолати мутобиқ набудани қайдҳои электронӣ ба шакли хаттӣ, қайдҳои дар шакли хаттӣ кардашуда афзалият хоҳанд дошт.
30. Мақоми ваколатдори давлатӣ феҳристи давлатии созишномаҳои сармоягузориро тибқи замимаи №5 Тартиби мазкур дар шаклҳои хаттӣ ва ҳомили электронӣ тавассути ба он ворид намудани қайдҳои махсус пеш мебарад. Дар ҳолати мутобиқ набудани қайдҳои электронӣ ба шакли хаттӣ, қайдҳои дар шакли хаттӣ кардашуда афзалият хоҳанд дошт.
31. Феҳрист дар сомонаи интернетии мақоми ваколатдори давлатӣ ҷой карда мешавад.
32. Бурдани феҳрист амалҳои зеринро дар бар мегирад:
- ворид намудани маълумотҳо оид ба созишномаи сармоягузорӣ (созишномаи иловагӣ);
- ворид намудани тағйироту иловаҳо;
- хориҷ намудани маълумотҳо.
33. Маълумот оиди созишнома (созишномаи иловагӣ) ба феҳрист дар давоми панҷ рӯзи корӣ аз санаи ба имзо расонидани он ворид карда мешавад.
34. Созишномаи сармоягузорӣ аз феҳрист дар ҳолати ба охир расидани мӯҳлат ва ё қатъ гардидани амали он хориҷ карда мешавад.
4. МОНИТОРИНГИ ИҶРОИ ШАРТҲОИ СОЗИШНОМАИ САРМОЯГУЗОРӢ ВА ТАТБИҚИ ЛОИҲАИ САРМОЯГУЗОРӢ
35. Мақоми ваколатдори давлатӣ дар якҷоягӣ бо мақомоти дахлдори давлатии Ҷумҳурии Тоҷикистон мониторинги иҷрои шартҳои созишномаи сармоягузорӣ ва татбиқи лоиҳаи сармоягузориро анҷом медиҳад.
36. Дар давраи амали созишномаи сармоягузорӣ, сармоягузор ба мақоми ваколатдори давлатӣ тибқи мӯҳлатҳои дар созишнома муайяншуда ҳисоботро оид ба рафти татбиқи лоиҳаи сармоягузорӣ пешниҳод мекунад, ки ҷанбаҳои зеринро дар бар мегирад:
- ҳаҷми сармоягузориҳо ба сармояи асосӣ;
- ҳаҷми андозҳои ба буҷети давлатӣ пардохтшуда;
- миқдори ҷойҳои кории таъсис додашуда (бо назардошти таносуби кормандони ватанӣ ва хориҷӣ);
- ҳаҷми миёнаи моҳонаи пардохти музди меҳнат;
- рӯйхати воситаҳои асосӣ (дар шакли ҷадвал), ки бо мақсадҳои татбиқи лоиҳаи сармоягузорӣ тибқи созишномаи сармоягузорӣ бо нишон додани арзиши онҳо ворид карда шудаанд;
- саҳмгузорӣ дар ҳалли масъалаҳои иҷтимоию иқтисодӣ;
- дигар маълумоти зарурии марбут ба татбиқи лоиҳаи сармоягузорӣ ва дар созишномаи сармоягузорӣ пешбинӣ гардида.
37. Мақоми ваколатдори давлатӣ нигоҳдорӣ ва ҳифзи иттилооти марбут ба созишномаи сармоягузориро таъмин менамояд.
38. Дар ҳолати ошкор гардидани зиёда аз 50 фоиз кам шудани нишондиҳандаҳои воқеии татбиқи лоиҳаи сармоягузорӣ аз рӯи натиҷаи соли тақвимии гузашта, нисбат ба ӯҳдадориҳои дар созишнома пешбинигашта (ҳаҷми сармоягузорӣ ба сармояи асосӣ, ҳаҷми андозҳои ба буҷети давлатӣ пардохт кардашуда ва ғайра), мақоми ваколатдори давлатӣ корҳои зеринро анҷом медиҳад:
- сабабу омилҳои ба миён омадани чунин вазъиятро таҳлил намуда, дар якҷоягӣ бо мақомоти давлатии дахлдор барои ҳалли мушкилиҳои ҷойдошта, мусоидат мекунад.
- бо мақсади иҷрои саривақтӣ ва пурраи ӯҳдадориҳо дар доираи созишномаи сармоягузорӣ ҷаласаҳои гурӯҳи кории байниидоравиро даъват менамояд;
- аз рӯи натиҷаи баррасии мушкилиҳои ҷойдошта, гурӯҳи кории байниидоравӣ метавонад барои ворид намудани тағйиру иловаҳо ба созишномаи сармоягузорӣ пешниҳод манзур намояд;
- барои ҳалли мушкилиҳои дар раванди татбиқи лоиҳаи сармоягузорӣ ҷойдошта ба Ҳукумати Ҷумҳурии Тоҷикистон муроҷиат менамояд.
39. Дар ҳолати аз ҷониби сармоягузор риоя нашудани шартҳои созишномаи сармоягузорӣ, мақоми ваколатдори давлатӣ пас аз шаш моҳи ба сармоягузор манзур кардани огоҳинома оид ба натиҷаҳои мониторинги лоиҳа, ба Ҳукумати Ҷумҳурии Тоҷикистон оид ба қатъ намудани созишномаи сармоягузорӣ пешниҳод манзур менамояд.
40. Сармоягузор ҳамасола то санаи 1 апрел ба мақоми ваколатдори давлатӣ оид ба татбиқи лоиҳаи сармоягузорӣ ва иҷро гардидани шартҳои созишномаи сармоягузорӣ ҳисобот пешниҳод менамояд.
Замимаҳо
Бо қарори Ҳукумати
Ҷумҳурии Тоҷикистон
аз 31 октябри соли 2014, № 693
тасдиқ шудааст
Тартиб ва шартҳои доир намудани музокироти мустақим дар доираи созишномаи сармоягузорӣ
1. МУҚАРРАРОТИ УМУМӢ
1. Тартиб ва шартҳои доир намудани музокироти мустақим дар доираи созишномаи сармоягузорӣ (минбаъд - Тартиб) бо мақсади татбиқи муқаррароти Қонуни Ҷумҳурии Тоҷикистон "Дар бораи созишномаи сармоягузорӣ" таҳия карда шудааст. Тартиб расмиёти баррасии муроҷиати сармоягузоронеро, ки лоиҳаҳои сармоягузориро дар соҳаҳои муҳим ва афзалиятноки соҳаҳои иқтисодиёти Ҷумҳурии Тоҷикистон татбиқ ва ё барои татбиқи онҳо изҳори ҳавасмандӣ менамоянд (минбаъд - лоиҳаи сармоягузорӣ) ва имзои созишнома оид ба татбиқи лоиҳаҳои сармоягузорӣ (минбаъд - созишномаи сармоягузорӣ)- ро муқаррар менамояд.
2. Мафҳумҳои дар Тартиби мазкур истифодашуда аз қабили "сармоягузор", "лоиҳаи сармоягузорӣ", "пешниҳод оид ба лоиҳаи сармоягузорӣ" ва "созишномаи сармоягузорӣ" маънои мафҳумҳои дар қонунҳои Ҷумҳурии Тоҷикистон "Дар бораи сармоягузорӣ", "Дар бораи созишномаи сармоягузорӣ" ва дигар санадҳои меъёрии ҳуқуқии Ҷумҳурии Тоҷикистон муқарраргардидаро ифода менамоянд.
3. Мафҳумҳои асосии дар Тартиби мазкур истифодашуда:
- Муроҷиаткунандагон - субъектони фаъолияти сармоягузорӣ, яъне сармоягузорон, фармоишгарон, пудратчиён, истифодабарандагони объектҳои сармоягузорӣ ва дигар шахсони ҳуқуқӣ ва воқеие, ки барои татбиқи лоиҳаҳои сармоягузорӣ дар Ҷумҳурии Тоҷикистон ҳавасманд мебошанд;
- Мақоми ваколатдори давлатӣ - Кумитаи давлатии сармоягузорӣ ва идораи амволи давлатии Ҷумҳурии Тоҷикистон буда, ҳамчун мақоми иҷроияи марказии ҳокимияти давлатии Ҷумҳурии Тоҷикистон сиёсати давлатӣ ва танзими меъёрии ҳуқуқиро дар соҳаи сармоягузорӣ амалӣ намуда, барои мусоидат, ҷалб ва ҳимояи сармоягузориҳо, аз ҷумла сармоягузории хориҷӣ масъул мебошад.
- Мақомоти дахлдори давлатӣ - ҳама гуна вазорату идораҳо ва мақомоти иҷроияи маҳаллии ҳокимияти давлатии Ҷумҳурии Тоҷикистон, ки бевосита ба татбиқи лоиҳаи сармоягузорӣ алокамандӣ ва масъулият доранд;
- Номгӯи лоиҳаҳои афзалиятноки сармоягузорӣ (минбаъд - номгӯй) номгӯи лоиҳаҳои сармоягузорие, ки барои бахшҳои муайяни иқтисодиёт аҳамияти афзалиятнок дошта, мувофиқи тартибу меъёрҳои тасдиқнамудаи Ҳукумати Ҷумҳурии Тоҷикистон интихоб карда шудаанд;
- Феҳристи давлатии созишномаҳои сармоягузорӣ (минбаъд - феҳрист)махзани маҷмӯии иттилоотӣ доир ба созишномаҳои сармоягузорӣ, ки байни Ҳукумати Ҷумҳурии Тоҷикистон ва сармоягузорон бо мақсади татбиқи лоиҳаҳои сармоягузорӣ дар қаламрави Ҷумҳурии Тоҷикистон ба имзо расонида шудааст;
4. Тартиби мазкур муқаррар менамояд:
- мутобиқати лоиҳаҳои сармоягузории дар қаламрави Ҷумҳурии Тоҷикистон татбиқшаванда (барои татбиқ пешбинишаванда) ба самтҳои афзалиятноки фаъолияти сармоягузории Ҷумҳурии Тоҷикистон ва талаботҳои ба созишномаҳои сармоягузорӣ муқаррарнамудаи Ҷумҳурии Тоҷикистон;
- ташкил ва бурдани номгӯи лоиҳаҳои афзалиятноки сармоягузории Ҷумҳурии Тоҷикистон ва феҳристи давлатии созишномаҳои сармоягузории Ҷумҳурии Тоҷикистон;
- тартиби баимзорасонии созишномаи сармоягузорӣ ва шартҳои татбиқи он.
5. Аз рӯи натиҷаҳои баррасии лоиҳаи сармоягузорӣ мутобиқи Тартиби мазкур қарорҳои зерин қабул карда мешавад:
- таркиб ва ҳаҷми чораҳои дастгирии давлатӣ, ки дар вақти татбиқи лоиҳаҳои афзалиятнок пешниҳод карда мешаванд;
- ворид намудан ва ё накардани лоиҳаи сармоягузорӣ ба номгӯй.
6. Тартиби мазкур шартҳои ҳамкории мақомоти давлатии ҳокимияти иҷроияи Ҷумҳурии Тоҷикистонро бо муроҷиаткунандагон (сармоягузорон) дар вақти баррасии пешакӣ, пешбурди ташкилии татбиқи лоиҳаҳои сармоягузорӣ дар қаламрави Ҷумҳурии Тоҷикистон, имзорасонӣ ва иҷрои шартҳои созишномаҳои сармоягузориро муқаррар менамояд.
7. Тартиб барои ҳалли вазифаҳои асосии зерин равона карда шудааст:
- мутобиқ кардани ҳуҷҷатҳои аз ҷониби муроҷиаткунандагон воридшуда ба шакли ягонаи мувофиқ ба талаботҳои қонунгузорӣ;
- таъмини дастгирии давлатии лоиҳаҳои сармоягузории афзалиятнок;
- ворид намудани тағйиру иловаҳо ба номгӯй ва феҳрист аз рӯи натиҷаҳои мониторинги рафти татбиқи лоиҳаҳои сармоягузорӣ.
2. ТАРТИБИ БАРРАСӢ ВА АРЗЁБИИ МУРОҶИАТҲОИ САРМОЯГУЗОРОН
8. Муроҷиати хаттии сармоягузор ҷиҳати ба роҳ мондани фаъолият дар доираи созишномаи сармоягузорӣ асоси оғоз намудани раванди омодасозии ҳуҷҷатҳои зарурӣ мебошад.
9. Муроҷиати сармоягузор метавонад мустақиман ба суроғаи мақоми ваколатдори давлатӣ ва ё ба суроғаи почтаи электронии info@gki.ti, daia@gki.ti ирсол карда шавад.
10. Дар вақти муроҷиати аввалия сармоягузор ба мақоми ваколатдори давлатӣ ҳуҷҷат ва маълумотҳои зеринро пешниҳод менамояд:
- аризаи хаттӣ тибқи замимаи №1 ба Тартиби мазкур;
- шарҳи муфассал дар шакли Шиносномаи лоиҳа ва асосноккунии лоиҳаи сармоягузорӣ, нишон додани ҳадафҳо ва соҳаи татбиқи он, ҳаҷми эҳтимолии сармоягузорӣ, мӯҳлати барориши хароҷотҳо, арзёбии ҳаҷми даромадҳои андозӣ ба буҷети давлатӣ, самаранокии иҷтимоӣ ва мӯҳлати татбиқи лоиҳаи сармоягузорӣ, тибқи замимаи №2 ба Тартиби мазкур;
- нусхаи оиннома ва дигар ҳуҷҷатҳои таъсисӣ, ки аз ҷониби сармоягузор тасдиқ карда шудааст;
- дигар маълумоти иловагӣ тибқи хоҳиши сармоягузор.
11. Муроҷиати сармоягузор бояд маълумотҳои зеринро дар бар гирад:
- номи пурраи ташкилот (барои шахсони воқеӣ насаб, ном ва номи падар);
- имзои рохбар;
- суроғае, ки ба он бояд ҷавоб ирсол карда шавад;
- рақами телефон ва ё суроғаи почтаи электронӣ;
- санаи муроҷиат.
12. Сармоягузор барои дурустии маълумотҳои пешниҳоднамуда мутобиқи қонунгузории Ҷумҳурии Тоҷикистон масъул мебошад.
13. Ҳуҷҷатҳо метавонанд бо забони тоҷикӣ, русӣ ва англисӣ пешниҳод карда шаванд. Дар мавриди пешниҳоди ҳуҷҷатҳо, ки бо забони хориҷӣ тартиб дода шудаанд, бояд инчунин тарҷумаи онҳо ба забони тоҷикӣ, ки бо тариқи нотариалӣ тасдиқ карда шудааст, ирсол гарданд.
14. Мақоми ваколатдори давлатӣ санҷиши ҳуҷҷатҳои аз тарафи сармоягузор пешниҳодшударо аз рӯи пуррагӣ, дурустии таҳия ва эътимоднокии маълумот дар давоми панҷ рӯзи корӣ анҷом дода, аз натиҷаи он сармоягузорро хабардор менамояд.
15. Пас аз қабули бастаи пурраи ҳуҷҷат ва иттилоот аз сармоягузор, мақоми ваколатдори давлатӣ дар давоми панҷ рӯзи корӣ маводҳоро ба мақомоти дахлдори давлатии Ҷумҳурии Тоҷикистон барои мувофиқа манзур менамояд.
16. Мақоми ваколатдори давлатӣ, вохӯрӣ ва гуфтушунидҳоро бо сармоягузор, аз ҷумла барои гирифтани иттилооти иловагӣ доир ба лоиҳаи сармоягузорӣ мегузаронад.
17. Мақоми ваколатдори давлатӣ шахси масъулро муайян менамояд, ки дар ҳолати зарурӣ ҷадвали гузаронидани чорабиниҳои лозимиро барои татбиқи лоиҳаи сармоягузорӣ омода намуда, мониторинги иҷрои онҳоро амалӣ мекунад.
18. Бо мақсади таъмини ҳамкории байниидоравӣ дар вақти баррасии муроҷиати сармоягузор оид ба татбиқи лоиҳаи сармоягузорӣ, мақоми ваколатдори давлатӣ гурӯҳи кории байниидоравиро бо ҷалби намояндагони босалоҳияти вазорату идораҳо, инчунин дар ҳолати зарурӣ мақомоти иҷроияи маҳаллии ҳокимияти давлатӣ ва дигар муассисаҳо Ҷумҳурии Тоҷикистон ташкил медиҳад.
19. Бо назардошти иттилооти аз вазорату идораҳо, мақомоти иҷроияи маҳаллии ҳокимияти давлатӣ ва дигар ташкилотҳои Ҷумҳурии Тоҷикистон манзур гардида, мақоми ваколатдори давлатӣ ба сармоягузор аз рӯи натиҷаи баррасии муроҷиат маълумот медиҳад.
20. Мақомоти дахлдори давлатии Ҷумҳурии Тоҷикистон:
- дар давоми даҳ рӯзи корӣ аз санаи гирифтани дархост, тибқи банди 15 Тартиби мазкур дар доираи ваколатҳои худ таклифу пешниҳод ва маълумоти иловагиро ба мақоми ваколатдори давлатӣ барои арзёбӣ намудани лоиҳаи сармоягузорӣ манзур менамояд.
- дар гурӯҳҳои кории байниидоравӣ иштироки намояндаи босалоҳияти худро таъмин менамоянд.
21. Барои ба даст овардани ақидаи қонеъкунандаи тарафҳо (мувофиқашуда) ба гурӯҳи корӣ намояндаи ваколатдори сармоягузор низ ҷалб карда мешавад.
22. Арзёбии лоиҳаи сармоягузорӣ дар худ муайян намудани самараи иқтисодӣ ва иҷтимоии татбиқи он барои Ҷумҳурии Тоҷикистонро ифода мекунад.
23. Арзёбии лоиҳаи сармоягузорӣ ва омодасозии хулоса аз ҷониби мақоми ваколатдори давлатӣ бо назардошти самараи иқтисодии лоиҳаи сармоягузорӣ ва хулосаҳо оид ба мақсаднокии татбиқи он, ки аз ҷониби мақомоти дахлдори давлатии Ҷумҳурии Тоҷикистон пешниҳод гардидааст, амалӣ карда мешавад.
24. Дар ҳолати зарурӣ хулосаҳои аз ҷониби мақомоти дахлдори давлатӣ ва дигар ташкилотҳои Ҷумҳурии Тоҷикистон пешниҳодгардида дар ҷаласаҳои гурӯҳи кории байниидоравӣ баррасӣ карда мешаванд.
25. Дар ҳолати арзёбии мусбии лоиҳаи сармоягузорӣ, мақоми ваколатдори давлатӣ ба сармоягузор оид ба қарори қабул гардида ҷавоби хаттӣ манзур менамояд.
26. Дар ҳолати арзёбии манфии лоиҳаи сармоягузорӣ, мақоми ваколатдори давлатӣ ба сармоягузор ҷавоби хаттиро бо сабабҳои рад шудани он манзур менамояд. Сармоягузор ҳуқуқ дорад, пас аз бартараф кардани эрод ва ба инобат гирифтани пешниҳодҳои мақоми ваколатдори давлатӣ, лоиҳаи сармоягузориро такмил дода, такроран барои баррасӣ пешниҳод намояд.
27. Мӯҳлати баррасии лоиҳаи сармоягузорӣ аз тарафи мақоми ваколатдори давлатӣ баъд аз қабули бастаи ҳуҷҷатҳои зарурӣ тибқи банди 11 Тартиби мазкур сӣ рӯзи кориро ташкил медиҳад.
28. Лоиҳаи созишномаи сармоягузорӣ бояд бо роҳбарони мақомоти дахлдори давлатии Ҷумҳурии Тоҷикистон, ки ба татбиқи созишномаи сармоягузорӣ алоқамандӣ ва масъулият доранд, мувофиқа карда шавад. Дар қисми чапи варақаи охири созишномаи сармоягузори ҷойи мувофиқакунӣ бо нишон додани вазифа, ному насаби шахси имзокунанда ва санаи имзокунӣ чоп карда мешавад. Лоиҳаи созишномаи сармоягузорӣ метавонад тибқи замимаи №3 Тартиби мазкур таҳия карда шавад.
3. ТАРТИБИ БУРДАНИ НОМГӯИ ЛОИҲАҲОИ АФЗАЛИЯТНОК ВА ФЕҲРИСТИ ДАВЛАТИИ СОЗИШНОМАҲОИ САРМОЯГУЗОРӢ
29. Мақоми ваколатдори давлатӣ номгӯи лоиҳаҳои афзалиятноки сармоягузориро, табқи замимаи №4 Тартиби мазкур дар шаклҳои хаттӣ ва ҳомили электронӣ тавассути ба он ворид намудани қайдҳои махсус пеш мебарад. Дар ҳолати мутобиқ набудани қайдҳои электронӣ ба шакли хаттӣ, қайдҳои дар шакли хаттӣ кардашуда афзалият хоҳанд дошт.
30. Мақоми ваколатдори давлатӣ феҳристи давлатии созишномаҳои сармоягузориро тибқи замимаи №5 Тартиби мазкур дар шаклҳои хаттӣ ва ҳомили электронӣ тавассути ба он ворид намудани қайдҳои махсус пеш мебарад. Дар ҳолати мутобиқ набудани қайдҳои электронӣ ба шакли хаттӣ, қайдҳои дар шакли хаттӣ кардашуда афзалият хоҳанд дошт.
31. Феҳрист дар сомонаи интернетии мақоми ваколатдори давлатӣ ҷой карда мешавад.
32. Бурдани феҳрист амалҳои зеринро дар бар мегирад:
- ворид намудани маълумотҳо оид ба созишномаи сармоягузорӣ (созишномаи иловагӣ);
- ворид намудани тағйироту иловаҳо;
- хориҷ намудани маълумотҳо.
33. Маълумот оиди созишнома (созишномаи иловагӣ) ба феҳрист дар давоми панҷ рӯзи корӣ аз санаи ба имзо расонидани он ворид карда мешавад.
34. Созишномаи сармоягузорӣ аз феҳрист дар ҳолати ба охир расидани мӯҳлат ва ё қатъ гардидани амали он хориҷ карда мешавад.
4. МОНИТОРИНГИ ИҶРОИ ШАРТҲОИ СОЗИШНОМАИ САРМОЯГУЗОРӢ ВА ТАТБИҚИ ЛОИҲАИ САРМОЯГУЗОРӢ
35. Мақоми ваколатдори давлатӣ дар якҷоягӣ бо мақомоти дахлдори давлатии Ҷумҳурии Тоҷикистон мониторинги иҷрои шартҳои созишномаи сармоягузорӣ ва татбиқи лоиҳаи сармоягузориро анҷом медиҳад.
36. Дар давраи амали созишномаи сармоягузорӣ, сармоягузор ба мақоми ваколатдори давлатӣ тибқи мӯҳлатҳои дар созишнома муайяншуда ҳисоботро оид ба рафти татбиқи лоиҳаи сармоягузорӣ пешниҳод мекунад, ки ҷанбаҳои зеринро дар бар мегирад:
- ҳаҷми сармоягузориҳо ба сармояи асосӣ;
- ҳаҷми андозҳои ба буҷети давлатӣ пардохтшуда;
- миқдори ҷойҳои кории таъсис додашуда (бо назардошти таносуби кормандони ватанӣ ва хориҷӣ);
- ҳаҷми миёнаи моҳонаи пардохти музди меҳнат;
- рӯйхати воситаҳои асосӣ (дар шакли ҷадвал), ки бо мақсадҳои татбиқи лоиҳаи сармоягузорӣ тибқи созишномаи сармоягузорӣ бо нишон додани арзиши онҳо ворид карда шудаанд;
- саҳмгузорӣ дар ҳалли масъалаҳои иҷтимоию иқтисодӣ;
- дигар маълумоти зарурии марбут ба татбиқи лоиҳаи сармоягузорӣ ва дар созишномаи сармоягузорӣ пешбинӣ гардида.
37. Мақоми ваколатдори давлатӣ нигоҳдорӣ ва ҳифзи иттилооти марбут ба созишномаи сармоягузориро таъмин менамояд.
38. Дар ҳолати ошкор гардидани зиёда аз 50 фоиз кам шудани нишондиҳандаҳои воқеии татбиқи лоиҳаи сармоягузорӣ аз рӯи натиҷаи соли тақвимии гузашта, нисбат ба ӯҳдадориҳои дар созишнома пешбинигашта (ҳаҷми сармоягузорӣ ба сармояи асосӣ, ҳаҷми андозҳои ба буҷети давлатӣ пардохт кардашуда ва ғайра), мақоми ваколатдори давлатӣ корҳои зеринро анҷом медиҳад:
- сабабу омилҳои ба миён омадани чунин вазъиятро таҳлил намуда, дар якҷоягӣ бо мақомоти давлатии дахлдор барои ҳалли мушкилиҳои ҷойдошта, мусоидат мекунад.
- бо мақсади иҷрои саривақтӣ ва пурраи ӯҳдадориҳо дар доираи созишномаи сармоягузорӣ ҷаласаҳои гурӯҳи кории байниидоравиро даъват менамояд;
- аз рӯи натиҷаи баррасии мушкилиҳои ҷойдошта, гурӯҳи кории байниидоравӣ метавонад барои ворид намудани тағйиру иловаҳо ба созишномаи сармоягузорӣ пешниҳод манзур намояд;
- барои ҳалли мушкилиҳои дар раванди татбиқи лоиҳаи сармоягузорӣ ҷойдошта ба Ҳукумати Ҷумҳурии Тоҷикистон муроҷиат менамояд.
39. Дар ҳолати аз ҷониби сармоягузор риоя нашудани шартҳои созишномаи сармоягузорӣ, мақоми ваколатдори давлатӣ пас аз шаш моҳи ба сармоягузор манзур кардани огоҳинома оид ба натиҷаҳои мониторинги лоиҳа, ба Ҳукумати Ҷумҳурии Тоҷикистон оид ба қатъ намудани созишномаи сармоягузорӣ пешниҳод манзур менамояд.
40. Сармоягузор ҳамасола то санаи 1 апрел ба мақоми ваколатдори давлатӣ оид ба татбиқи лоиҳаи сармоягузорӣ ва иҷро гардидани шартҳои созишномаи сармоягузорӣ ҳисобот пешниҳод менамояд.
Замимаҳо
