Ҳукумати Ҷумҳурии Тоҷикистон

ҚАРОР

Оид ба Низомнома дар бораи тартиби гузаронидани аттестатсия ва тартиби ба субъектони хоҷагидорӣ додани мақоми корхонаи (хоҷагии) зотпарварӣ

Мутобиқи моддаи 6 Қонуни Ҷумҳурии Тоҷикистон "Дар бораи зотпарварӣ" бо мақсади рушди минбаъдаи соҳаи зотпарварӣ Ҳукумати Ҷумҳурии Тоҷикистон қарор мекунад:

1. Низоманома дар бораи тартиби гузаронидани аттестатсия ва тартиби ба субъектони хоҷагидорӣ додани мақоми корхонаи (хоҷагии) зотпарварӣ тасдиқ карда шавад (замима мегардад)

2. Вазорати кишоварзии Ҷумҳурии Тоҷикистон, Академияи илмҳои кишоварзии Тоҷикистон дар якҷоягӣ бо мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо ва шаҳру ноҳияҳои тобеи ҷумҳурӣ дар мӯҳлати 3 моҳ дар асоси Низомномаи мазкур аттестатсияи хоҷагиҳои зотпарварӣ ва дигар хоҷагиҳоро, новобаста аз шакли хоҷагидорӣ, ки саршумори чорвои зотӣ доранд, гузаронанд.

3. Вазорати кишоварзии Ҷумҳурии Тоҷикистон дар асоси аттестатсияи гузаронидашуда шабакаи нави хоҷагиҳои зотпарвариро барои тасдиқ ба Ҳукумати Ҷумҳурии Тоҷикистон пешниҳод намояд