Ҳукумати Ҷумҳурии Тоҷикистон

ҚАРОР

Дар бораи Хадамоти назорати давлатӣ дар соҳаи бехатарии иншоотҳои гидротехникӣ

Мутобиқи моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Низомнома ва Сохтори Хадамоти назорати давлатӣ дар соҳаи бехатарии иншоотҳои гидротехникӣ тасдиқ карда шаванд (замимаҳои 1,2).

2. Шумораи ниҳоии кормандони Хадамоти назорати давлатӣ дар соҳаи бехатарии иншоотҳои гидротехникӣ ба миқдори 20 воҳид (бе ҳайати хизматрасон) муқаррар карда шавад.

3. Ба Хадамоти назорати давлатӣ дар соҳаи бехатарии иншоотҳои гидротехникӣ иҷозат дода шавад, ки як муовини Сардор дошта бошад.

4. Барои Хадамоти назорати давлатӣ дар соҳаи бехатарии иншоотҳои гидротехникӣ лимити автомашинаҳои сабукрави хизматӣ ба миқдори 2 адад муқаррар карда шавад.

5. Маблағгузории Хадамоти назорати давлатӣ дар соҳаи бехатарии иншоотҳои гидротехникӣ аз ҳисоби маблағҳои буҷети ҷумҳуриявӣ ва дигар маблағҳо мувофиқи тартиби бо Вазорати молияи Ҷумҳурии Тоҷикистон мувофиқагардида, анҷом дода шавад.