Бо қарори Ҳукумати
Ҷумҳурии Тоҷикистон
аз 30 майи соли 2014, № 339
тасдиқ шудааст
Тартиби гардиши силоҳи ҷангӣ ва лавозимоти ҷангии он
1. Муқаррароти умумӣ
1. Тартиби гардиши силоҳи ҷангӣ ва лавозимоти ҷангии он (минбаъд - Тартиб) гардиши силоҳи ҷангӣ ва лавозимоти ҷангии он (минбаъдсилоҳ), аз ҷумла баҳисобгирӣ, нигоҳдорӣ ва гирифта гаштани силоҳ, интиқол, мусодира ва нобуд кардани силоҳ, истеҳсол ва сохтани силоҳ, фурӯш, додан ва соҳиб шудани силоҳ, ба ҳудуди Ҷумҳурии Тоҷикистон ворид намудан ва аз ҳудуди Ҷумҳурии Тоҷикистон содир намудани силоҳ ва лавозимоти ҷангии онро танзим менамояд.
2. Гардиши силоҳ дар Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Гвардияи миллии Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон, Агентии таъмини амволи махсуси назди Ҳукумати Ҷумҳурии Тоҷикистон, воҳидҳои дигари ҳарбӣ (минбаъд - ташкилотҳои давлатии ҳарбикунонидашуда) ва бонкҳои Ҷумҳурии Тоҷикистон амалӣ мегардад.
2. Баҳисобгирӣ, нигоҳдорӣ ва гирифта гаштани силоҳ
3. Ташкилотҳои давлатии ҳарбикунонидашуда вазифадоранд мувофиқи тартиби муқарраргардида силоҳро ба ҳисоб гиранд. Номгӯй ва намунаи ҳуҷҷатҳои баҳисобгирии силоҳ бо санадҳои меъёрии ҳуқуқии марбут ба ташкилотҳои давлатии ҳарбикунонидашуда муайян карда мешавад.
4. Бонкҳои Ҷумҳурии Тоҷикистон бо мақсади ӯҳдадориҳои ба онҳо вогузоршуда оид ба муҳофизати ҷойҳои нигоҳдории маблағҳои пулӣ ва сарватҳо, инчунин ҳангоми ҳамлу нақли онҳо ҳуқуқ доранд дар асоси рухсатнома бо тартиби муқаррарнамудаи Вазорати корҳои дохилии Ҷумҳурии Тоҷикистон ба силоҳ соҳиб шаванд.
5. Силоҳ ба бонкҳои Ҷумҳурии Тоҷикистон аз ҷониби мақомоти корҳои дохилӣ дар асоси шартномаи тарафайн ва дархости хаттии ин бонкҳо, ки ба Вазорати корҳои дохилии Ҷумҳурии Тоҷикистон пешниҳод мегардад, дода мешавад.
6. Дар дархост шумора, намуд ва калибри силоҳи дархостшаванда нишон дода мешавад.
7. Вазорати корҳои дохилӣ:
- дар муддати 1 моҳ дар хусуси қонеъ гардонидан ва ё рад намудани дархости бонк қарор қабул менамояд;
- дар ҳолати мавҷуд набудани шароити нигоҳдории силоҳ дар бонкҳо масъалаи додани силоҳро то муҳайё гардонидани шароити зарурии нигоҳдорӣ муваққатан мавқуф мегузорад.
8. Пас аз гирифтани силоҳ бонкҳои Ҷумҳурии Тоҷикистон вазифадоранд, ки дар мӯҳлати 10 рӯз силоҳро дар мақомоти корҳои дохилии маҳалли ҷойгиршавиашон ба қайд гузоранд.
9. Рухсатнома барои ҳуқуқи нигоҳдорӣ ва гирифта гаштани силоҳи кӯтоҳмили оташфишони мукофотӣ ба кормандони ташкилотҳои давлатии ҳарбикунонидашуда ва дар нафақабуда аз ҷониби Вазорати корҳои дохилии Ҷумҳурии Тоҷикистон дода мешавад. Ҳангоми иваз намудани маҳалли истиқоматашон кормандони ташкилотҳои давлатии ҳарбикунонидашуда ва дар нафақабуда, ки силоҳи мукофотӣ доранд ва инчунин дар ҳолати баргардонидани он ба ташкилотҳои давлатии ҳарбикунонидашуда, ҳатман бояд ба Вазорати корҳои дохилии Ҷумҳурии Тоҷикистон муроҷиати хаттӣ намоянд.
10. Нигоҳдории силоҳ дар ташкилотҳои давлатии ҳарбикунонидашуда ва бонкҳо танҳо дар ҷойҳои махсуси бо ҳамин мақсад таҷҳизонидашуда, ки амнияту бехатарии нигоҳдории силоҳро таъмин мекунанд, амалӣ мегардад. Утоқҳои барои нигоҳдории силоҳ пешбинишуда бояд бо воситаҳои муосири техникӣ оид ба ҳифз ва бехатарии зиддисӯхторӣ муҷаҳҳаз карда шаванд.
11. Талаботи нигоҳдории силоҳ вобаста ба таъиноти он дар асоси санадҳои меъёрии ҳуқуқии марбут ба ташкилотҳои давлатии ҳарбикунонидашуда муқаррар карда мешаванд.
12. Хизматчиёни ҳарбӣ ва кормандони ташкилотҳои давлатии ҳарбикунонидашуда, аз ҷумла дар нафақабуда, ки бо тартиби муқарраршуда силоҳро ба даст овардаанд, вазифадоранд шароити мусоиди нигоҳдории силоҳро таъмин намоянд.
13. Хизматчиёни ҳарбӣ ва кормандони ташкилотҳои давлатии ҳарбикунонидашуда ҳуқуқи нигоҳдории силоҳи мукофотӣ ва лавозимоти ҷангии онро дар ҷойҳои нигоҳдории силоҳи ташкилотҳои давлатии ҳарбикунонидашуда доранд.
14. Дар ҳолати дуздӣ ё гум кардани силоҳ хизматчиёни ҳарбӣ ва кормандони ташкилотҳои давлатии ҳарбикунонидашуда, аз ҷумла дар нафақабуда вазифадоранд, ки фавран оид ба ҳодисаи рухдода ба мақомоти корҳои дохилӣ хабар диҳанд.
15. Доир ба ҳама ҳодисаҳои дуздӣ, гум кардан, вайроншавӣ ва ё аз кор баромадани силоҳ хизматчиёни ҳарбӣ ва кормандони ташкилотҳои давлатии ҳарбикунонидашуда ва бонкҳо вазифадор мебошанд, ки ба роҳбарони бевоситаи худ хабар диҳанд. Дар навбати худ роҳбарони ташкилотҳои давлатии ҳарбикунонидашуда ва бонкҳо ба мақомоти корҳои дохилӣ ва дар мавридҳои зарурӣ ба зерсохторҳои Кумитаи давлатии амнияти миллӣ дар маҳалҳо хабар медиҳанд. Ҷиҳати чораҷӯии зарурӣ ва дарёфти саривақтии ин силоҳҳо дар хабар бояд сабабу вақти тахминии дуздӣ ё гум шудани силоҳ, бо назардошти номгӯи намуд, калибр, силсила, рақам, соли барориши ҳар як адад силоҳ нишон дода шавад.
16. Силоҳи дуздидашуда ё гумшуда тибқи меъёрҳои пешбининамудаи санадҳои меъёрии ҳуқуқии марбут ба ташкилотҳои давлатии ҳарбикунонидашуда аз ҳисоби ташкилотҳои давлатии ҳарбикунонидашуда ва бонкҳо пас аз гирифтани маълумотнома аз Вазорати корҳои дохилии Ҷумҳурии Тоҷикистон ҷиҳати баҳисобгузории ин силоҳ, ҳамчун дуздидашуда ё гумшуда аз эътибор соқит карда мешаванд. Дар ҳолати дарёфт ва баргардонидани силоҳи гумшуда ё дуздидашуда ба ташкилотҳои давлатии ҳарбикунонидашуда ва бонкҳо, роҳбарони онҳо вазифадоранд, ки дар муддати се рӯз ба мақомоти корҳои дохилӣ ва мақомоти давлатии дахлдор хабар диҳанд.
3. Интиқоли силоҳ
17. Интиқоли силоҳ ба воситаи нақлиёти ҳавоӣ, роҳи оҳан, обӣ, автомобилӣ ва дигар намуди нақлиёт зери ҳамроҳии дастаҳои ҳарбикунонидашудаи муҳофизон, бо расмияткунонии ҳуҷҷатҳои дахлдори шакли муқарраргардида амалӣ карда мешавад. Шакл ва тартиби барасмиятдарории ин ҳуҷҷатҳо бо санадҳои меъёрии ҳуқуқии марбут ба ташкилотҳои давлатии ҳарбикунонидашуда муқаррар карда мешавад. Интиқоли силоҳи дар ихтиёри бонкҳо буда танҳо бо рухсатномаи мақомоти корҳои дохилӣ амалӣ мегардад.
18. Силоҳ ҳангоми интиқол бояд дар ҳолати аз тир холибуда қарор дошта, алоҳида аз лавозимоти ҷангӣ ҷойгир бошад. Силоҳ ва лавозимоти ҷангӣ бояд дар зарфҳои махсус банду баст гардида, мӯҳргузорӣ ва тамғазании қурғошимӣ карда шавад.
19. Дар ҳолати ошкор гаштани харобшавии зарфҳо, осебёбии мӯҳру тамға зимни интиқоли силоҳ дар воситаҳои нақлиёт сардори дастаи ҳарбикунонидашудаи муҳофизон вазифадор аст, ки фавран оид ба ин ҳодиса ба коменданти ҳарбӣ, сардорони истгоҳи роҳи оҳан, фурудгоҳҳо ва мақомоти корҳои дохилӣ дар нақлиёт хабар расонад. Пас аз он санад барои андешидани чораҳои зарурӣ ҷиҳати бартарафсозии сабабҳои мусоидаткунандаи ҳодисаи рухдода тартиб дода мешавад ва муҳофизати ҷойи ҳодиса таъмин карда мешавад.
4. Мусодира ва нобуд кардани силоҳ
20. Мусодираи силоҳи хизматчиён ва кормандони ташкилотҳои давлатии ҳарбикунонидашуда, ки дар хизмат ё нафақа қарор доранд, аз ҷониби намояндагони ташкилотҳои дахлдор, ки барои амалисозии назорати гардиши силоҳ ваколатдор мебошанд, иҷро карда мешавад,
21. Ҳангоми мусодираи силоҳ ва лавозимоти ҷангии он протокол тартиб дода шуда, ба ин протокол қайдҳо дар бораи намуд, навъ, калибр, силсила ва рақами силоҳи муайяншуда, инчунин намуд ва миқдори лавозимоти ҷангии мусодирашуда дароварда мешаванд.
22. Силоҳе, ки аз ҳисоби ташкилотҳои давлатии ҳарбикунонидашуда бароварда шудааст, инчунин аз ҷиҳати техникӣ корношоям гаштааст, бо роҳи тартиб додани санади дахлдор бояд хориҷ карда шавад.
23. Силоҳе, ки бинобар сабаби аз ҷиҳати техникӣ корношоям гардидан аз ҳисоби бонкҳо бароварда мешавад, тибқи тартиби муқарраргардидаи санадҳои меъёрии ҳуқуқии марбут ба ташкилотҳои давлатии ҳарбикунонидашуда бояд ба мақомоти корҳои дохилӣ барои нобуд кардан супорида шавад.
24. Санад оид ба хориҷ намудани силоҳ ва лавозимоти ҷангии он дар асоси санадҳои меъёрии ҳуқуқии марбут ба ташкилотҳои давлатии ҳарбикунонидашуда аз ҷониби ҳайати комиссия тартиб дода, амалӣ мегардад.
25. Силоҳи хориҷшуда тибқи санадҳои меъёрии ҳуқуқии марбут ба ташкилотҳои давлатии ҳарбикунонидашуда ба воситаи буриш ва гудозиши он дар дастгоҳҳои махсус нобуд карда мешавад.
5. Истеҳсол ва сохтани силоҳ
26. Сохтани силоҳ аз васли қисмҳои он, инчунин тайёр кардани лавозимоти ҷангӣ иборат мебошад. Азнавсозӣ ё таъмири силоҳ бо мақсади ба он баргардонидани хусусиятҳои зарбазании гумшуда гузаронида мешавад.
27. Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон ва Гвардияи миллии Ҷумҳурии Тоҷикистон ташхис, коркард, озмоиш, истеҳсол, сохтан, инчунин таъмири силоҳ, тайёр намудани лавозимоти ҷангӣ ва қисмҳои асосии онро амалӣ карда метавонанд. Ташкилотҳои давлатии ҳарбикунонидашудае, ки тибқи Тартиби мазкур ҳуқуқи истеҳсол ва сохтани силоҳро надоранд, дар асоси шартнома бо дигар ташкилотҳои давлатии ҳарбикунонидашуда истеҳсол ва сохтани силоҳро амалӣ менамоянд.
28. Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон ва Гвардияи миллии Ҷумҳурии Тоҷикистон вазифадоранд бехатарӣ, назорати истеҳсол ва сохтани силоҳ, сифати молҳои истеҳсолшуда ва нигоҳдории муносиби онҳоро таъмин намоянд.
29. Ҳар як адади (миқдори) силоҳи таъмиршаванда тибқи талаботҳои ҳуҷҷатгузории техникӣ бояд аз озмоиш ва ё назорат гузаронида шуда, тамғазании ҷудогонаи рақамҳо ва (ё) ҳарфҳоро дошта бошад.
6. Ба ҳудуди Ҷумҳурии Тоҷикистон ворид намудан ва аз ҳудуди Ҷумҳурии Тоҷикистон содир намудани силоҳ ва лавозимоти ҷангии он
30. Бо мақсади иҷрои вазифаҳои хизматӣ аз ҷониби хизматчиёни ҳарбӣ ва кормандони ташкилотҳои давлатии ҳарбикунонидашуда ба ҳудуди Ҷумҳурии Тоҷикистон ворид намудан ва аз ҳудуди Ҷумҳурии Тоҷикистон содир намудани силоҳ ва лавозимоти ҷангии он дар асоси ҳуҷҷатҳои тасдиқкунандаи ҳуқуқи гирифта гаштани силоҳ ва инчунин шаҳодатномаи сафари хизматӣ, ки силоҳи воридшаванда ва содиршаванда дар он дарҷ меёбад, амалӣ карда мешавад. Ҳуҷҷати мазкур дар якҷоягӣ бо нусхаи шаҳодатномаи сафари хизматӣ ба мақоми гумрукӣ, ки дар гузаргоҳҳои Сарҳади давлатии Ҷумҳурии Тоҷикистон ҷойгир аст, пешниҳод карда мешавад. Нусхаи шаҳодатномаи сафари хизматӣ пас аз муқоиса бо нусхаи аслиаш аз тарафи корманди мақоми гумрукӣ тавассути мӯҳргузории рақамӣ тасдиқ мешавад ва дар парвандаи мақоми гумрукӣ монда мешавад.
31. Ба ҳудуди Ҷумҳурии Тоҷикистон ворид намудан ва аз ҳудуди Ҷумҳурии Тоҷикистон содир намудани силоҳ ва лавозимоти ҷангии он аз ҷониби кормандони ташкилотҳои ҳарбикунонидашуда ва хадамотҳои махсуси давлатҳои хориҷӣ, ки ба Ҷумҳурии Тоҷикистон бо даъвати роҳбарони ташкилотҳои давлатии ҳарбикунонидашудаи Ҷумҳурии Тоҷикистон ва ё зарурати сафари хизматӣ ташриф меоваранд, дар мувофиқа бо Вазорати корҳои хориҷии Ҷумҳурии Тоҷикистон ва дар асоси рухсатномаи Вазорати корҳои дохилии Ҷумҳурии Тоҷикистон амалӣ мегардад.
32. Дар рухсатнома ному насаби кормандони ташкилотҳои ҳарбикунонидашудаи хориҷӣ ва хадамотҳои махсуси давлатҳои хориҷӣ, навъ, намуд, рақам ва калибри силоҳ, миқдори лавозимоти ҷангӣ барои ҳар як адади силоҳи воридшаванда нишон дода мешавад.
33. Иҷозатнома ва нусхаи он аз ҷониби намояндаи тарафи қабулкунанда ба мақоми гумрукӣ, ки дар гузаргоҳи Сарҳади давлатии Ҷумҳурии Тоҷикистон ҷойгир аст, пешниҳод карда мешавад.
34. Рухсатнома ва нусхаи он пас аз муқоисакунии онҳо аз ҷониби корманди мақоми гумрукӣ тавассути мӯҳргузории рақамӣ тасдиқ шуда, нусхаи он бошад дар парвандаи мақоми гумрукӣ гузошта мешавад.
35. Ташкилотҳои давлатии ҳарбикунонидашуда содирот ва воридоти силоҳро бо иҷозати Ҳукумати Ҷумҳурии Тоҷикистон дар асоси шартномаҳои байнидавлатӣ ва байниидоравӣ амалӣ менамоянд.
7. Фурӯш, додан ва соҳиб шудани силоҳ
36. Ташкилотҳои давлатии ҳарбикунонидашуда (ба истиснои бонкҳо) ҳуқуқ доранд:
- силоҳи дар ихтиёри худ бударо ба дигар ташкилотҳои давлатии ҳарбикунонидашуда фурӯшанд ва ё ройгон диҳанд;
- дар асоси рухсатномаи Вазорати корҳои дохилии Тоҷикистон ба шахсони мансабдори мақомоти давлатӣ, ки қонунгузории Ҷумҳурии Тоҷикистон иҷозат барои нигоҳ доштан ва гирифта гаштани силоҳро доранд, муваққатан силоҳ диҳанд;
- аз шахсони ҳуқуқие, ки иҷозатнома барои истеҳсол ва фурӯши силоҳ доранд, силоҳ харидорӣ намоянд;
- бо тартиби муқарраргардида силоҳи мукофотиро ба осорхона ва ташкилотҳое, ки ҳуқуқи коллексиякунӣ ва ба намоишгузории намудҳои муайяни силоҳро доранд, супоранд.
Роҳбарони Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон ва Кумитаи давлатии амнияти миллии Ҷумҳурии Тоҷикистон дорои ҳуқуқи ташаккули фондҳои махсуси силоҳҳои мукофотӣ ва лавозимоти ҷангии он, инчунин додани силоҳи муқарраршуда ба хизматчиёни ҳарбӣ, кормандон, аз ҷумла кормандони ба нафақа баромада ҳамчун мукофот тибқи қонунгузории Ҷумҳурии Тоҷикистон мебошанд.
Дигар роҳбарони ташкилотҳои давлатии ҳарбикунондашуда низ (ба истиснои бонкҳо) ҳуқуқи бо силоҳ мукофотонидани кормандони худро мувофиқи пешниҳодоти хаттӣ ба Вазорати мудофиаи Ҷумҳурии Тоҷикистон доранд. Силоҳи мукофотонидашуда бо фармони роҳбарони ин ташкилотҳо ба расмият дароварда шуда, дар Вазорати торҳои дохилии Ҷумҳурии Тоҷикистон ба қайд гирифта мешавад.
8. Назорати гардиши силоҳ
37. Назорати гардиши силоҳ дар ташкилотҳои давлатии ҳарбикунонидашуда ва бонкҳои Ҷумҳурии Тоҷикистон тибқи қонунгузории Ҷумҳурии Тоҷикистон амалӣ мегардад.
Бо қарори Ҳукумати
Ҷумҳурии Тоҷикистон
аз 30 майи соли 2014, № 339
тасдиқ шудааст
Тартиби гардиши силоҳи ҷангӣ ва лавозимоти ҷангии он
1. Муқаррароти умумӣ
1. Тартиби гардиши силоҳи ҷангӣ ва лавозимоти ҷангии он (минбаъд - Тартиб) гардиши силоҳи ҷангӣ ва лавозимоти ҷангии он (минбаъдсилоҳ), аз ҷумла баҳисобгирӣ, нигоҳдорӣ ва гирифта гаштани силоҳ, интиқол, мусодира ва нобуд кардани силоҳ, истеҳсол ва сохтани силоҳ, фурӯш, додан ва соҳиб шудани силоҳ, ба ҳудуди Ҷумҳурии Тоҷикистон ворид намудан ва аз ҳудуди Ҷумҳурии Тоҷикистон содир намудани силоҳ ва лавозимоти ҷангии онро танзим менамояд.
2. Гардиши силоҳ дар Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, Гвардияи миллии Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон, Агентии таъмини амволи махсуси назди Ҳукумати Ҷумҳурии Тоҷикистон, воҳидҳои дигари ҳарбӣ (минбаъд - ташкилотҳои давлатии ҳарбикунонидашуда) ва бонкҳои Ҷумҳурии Тоҷикистон амалӣ мегардад.
2. Баҳисобгирӣ, нигоҳдорӣ ва гирифта гаштани силоҳ
3. Ташкилотҳои давлатии ҳарбикунонидашуда вазифадоранд мувофиқи тартиби муқарраргардида силоҳро ба ҳисоб гиранд. Номгӯй ва намунаи ҳуҷҷатҳои баҳисобгирии силоҳ бо санадҳои меъёрии ҳуқуқии марбут ба ташкилотҳои давлатии ҳарбикунонидашуда муайян карда мешавад.
4. Бонкҳои Ҷумҳурии Тоҷикистон бо мақсади ӯҳдадориҳои ба онҳо вогузоршуда оид ба муҳофизати ҷойҳои нигоҳдории маблағҳои пулӣ ва сарватҳо, инчунин ҳангоми ҳамлу нақли онҳо ҳуқуқ доранд дар асоси рухсатнома бо тартиби муқаррарнамудаи Вазорати корҳои дохилии Ҷумҳурии Тоҷикистон ба силоҳ соҳиб шаванд.
5. Силоҳ ба бонкҳои Ҷумҳурии Тоҷикистон аз ҷониби мақомоти корҳои дохилӣ дар асоси шартномаи тарафайн ва дархости хаттии ин бонкҳо, ки ба Вазорати корҳои дохилии Ҷумҳурии Тоҷикистон пешниҳод мегардад, дода мешавад.
6. Дар дархост шумора, намуд ва калибри силоҳи дархостшаванда нишон дода мешавад.
7. Вазорати корҳои дохилӣ:
- дар муддати 1 моҳ дар хусуси қонеъ гардонидан ва ё рад намудани дархости бонк қарор қабул менамояд;
- дар ҳолати мавҷуд набудани шароити нигоҳдории силоҳ дар бонкҳо масъалаи додани силоҳро то муҳайё гардонидани шароити зарурии нигоҳдорӣ муваққатан мавқуф мегузорад.
8. Пас аз гирифтани силоҳ бонкҳои Ҷумҳурии Тоҷикистон вазифадоранд, ки дар мӯҳлати 10 рӯз силоҳро дар мақомоти корҳои дохилии маҳалли ҷойгиршавиашон ба қайд гузоранд.
9. Рухсатнома барои ҳуқуқи нигоҳдорӣ ва гирифта гаштани силоҳи кӯтоҳмили оташфишони мукофотӣ ба кормандони ташкилотҳои давлатии ҳарбикунонидашуда ва дар нафақабуда аз ҷониби Вазорати корҳои дохилии Ҷумҳурии Тоҷикистон дода мешавад. Ҳангоми иваз намудани маҳалли истиқоматашон кормандони ташкилотҳои давлатии ҳарбикунонидашуда ва дар нафақабуда, ки силоҳи мукофотӣ доранд ва инчунин дар ҳолати баргардонидани он ба ташкилотҳои давлатии ҳарбикунонидашуда, ҳатман бояд ба Вазорати корҳои дохилии Ҷумҳурии Тоҷикистон муроҷиати хаттӣ намоянд.
10. Нигоҳдории силоҳ дар ташкилотҳои давлатии ҳарбикунонидашуда ва бонкҳо танҳо дар ҷойҳои махсуси бо ҳамин мақсад таҷҳизонидашуда, ки амнияту бехатарии нигоҳдории силоҳро таъмин мекунанд, амалӣ мегардад. Утоқҳои барои нигоҳдории силоҳ пешбинишуда бояд бо воситаҳои муосири техникӣ оид ба ҳифз ва бехатарии зиддисӯхторӣ муҷаҳҳаз карда шаванд.
11. Талаботи нигоҳдории силоҳ вобаста ба таъиноти он дар асоси санадҳои меъёрии ҳуқуқии марбут ба ташкилотҳои давлатии ҳарбикунонидашуда муқаррар карда мешаванд.
12. Хизматчиёни ҳарбӣ ва кормандони ташкилотҳои давлатии ҳарбикунонидашуда, аз ҷумла дар нафақабуда, ки бо тартиби муқарраршуда силоҳро ба даст овардаанд, вазифадоранд шароити мусоиди нигоҳдории силоҳро таъмин намоянд.
13. Хизматчиёни ҳарбӣ ва кормандони ташкилотҳои давлатии ҳарбикунонидашуда ҳуқуқи нигоҳдории силоҳи мукофотӣ ва лавозимоти ҷангии онро дар ҷойҳои нигоҳдории силоҳи ташкилотҳои давлатии ҳарбикунонидашуда доранд.
14. Дар ҳолати дуздӣ ё гум кардани силоҳ хизматчиёни ҳарбӣ ва кормандони ташкилотҳои давлатии ҳарбикунонидашуда, аз ҷумла дар нафақабуда вазифадоранд, ки фавран оид ба ҳодисаи рухдода ба мақомоти корҳои дохилӣ хабар диҳанд.
15. Доир ба ҳама ҳодисаҳои дуздӣ, гум кардан, вайроншавӣ ва ё аз кор баромадани силоҳ хизматчиёни ҳарбӣ ва кормандони ташкилотҳои давлатии ҳарбикунонидашуда ва бонкҳо вазифадор мебошанд, ки ба роҳбарони бевоситаи худ хабар диҳанд. Дар навбати худ роҳбарони ташкилотҳои давлатии ҳарбикунонидашуда ва бонкҳо ба мақомоти корҳои дохилӣ ва дар мавридҳои зарурӣ ба зерсохторҳои Кумитаи давлатии амнияти миллӣ дар маҳалҳо хабар медиҳанд. Ҷиҳати чораҷӯии зарурӣ ва дарёфти саривақтии ин силоҳҳо дар хабар бояд сабабу вақти тахминии дуздӣ ё гум шудани силоҳ, бо назардошти номгӯи намуд, калибр, силсила, рақам, соли барориши ҳар як адад силоҳ нишон дода шавад.
16. Силоҳи дуздидашуда ё гумшуда тибқи меъёрҳои пешбининамудаи санадҳои меъёрии ҳуқуқии марбут ба ташкилотҳои давлатии ҳарбикунонидашуда аз ҳисоби ташкилотҳои давлатии ҳарбикунонидашуда ва бонкҳо пас аз гирифтани маълумотнома аз Вазорати корҳои дохилии Ҷумҳурии Тоҷикистон ҷиҳати баҳисобгузории ин силоҳ, ҳамчун дуздидашуда ё гумшуда аз эътибор соқит карда мешаванд. Дар ҳолати дарёфт ва баргардонидани силоҳи гумшуда ё дуздидашуда ба ташкилотҳои давлатии ҳарбикунонидашуда ва бонкҳо, роҳбарони онҳо вазифадоранд, ки дар муддати се рӯз ба мақомоти корҳои дохилӣ ва мақомоти давлатии дахлдор хабар диҳанд.
3. Интиқоли силоҳ
17. Интиқоли силоҳ ба воситаи нақлиёти ҳавоӣ, роҳи оҳан, обӣ, автомобилӣ ва дигар намуди нақлиёт зери ҳамроҳии дастаҳои ҳарбикунонидашудаи муҳофизон, бо расмияткунонии ҳуҷҷатҳои дахлдори шакли муқарраргардида амалӣ карда мешавад. Шакл ва тартиби барасмиятдарории ин ҳуҷҷатҳо бо санадҳои меъёрии ҳуқуқии марбут ба ташкилотҳои давлатии ҳарбикунонидашуда муқаррар карда мешавад. Интиқоли силоҳи дар ихтиёри бонкҳо буда танҳо бо рухсатномаи мақомоти корҳои дохилӣ амалӣ мегардад.
18. Силоҳ ҳангоми интиқол бояд дар ҳолати аз тир холибуда қарор дошта, алоҳида аз лавозимоти ҷангӣ ҷойгир бошад. Силоҳ ва лавозимоти ҷангӣ бояд дар зарфҳои махсус банду баст гардида, мӯҳргузорӣ ва тамғазании қурғошимӣ карда шавад.
19. Дар ҳолати ошкор гаштани харобшавии зарфҳо, осебёбии мӯҳру тамға зимни интиқоли силоҳ дар воситаҳои нақлиёт сардори дастаи ҳарбикунонидашудаи муҳофизон вазифадор аст, ки фавран оид ба ин ҳодиса ба коменданти ҳарбӣ, сардорони истгоҳи роҳи оҳан, фурудгоҳҳо ва мақомоти корҳои дохилӣ дар нақлиёт хабар расонад. Пас аз он санад барои андешидани чораҳои зарурӣ ҷиҳати бартарафсозии сабабҳои мусоидаткунандаи ҳодисаи рухдода тартиб дода мешавад ва муҳофизати ҷойи ҳодиса таъмин карда мешавад.
4. Мусодира ва нобуд кардани силоҳ
20. Мусодираи силоҳи хизматчиён ва кормандони ташкилотҳои давлатии ҳарбикунонидашуда, ки дар хизмат ё нафақа қарор доранд, аз ҷониби намояндагони ташкилотҳои дахлдор, ки барои амалисозии назорати гардиши силоҳ ваколатдор мебошанд, иҷро карда мешавад,
21. Ҳангоми мусодираи силоҳ ва лавозимоти ҷангии он протокол тартиб дода шуда, ба ин протокол қайдҳо дар бораи намуд, навъ, калибр, силсила ва рақами силоҳи муайяншуда, инчунин намуд ва миқдори лавозимоти ҷангии мусодирашуда дароварда мешаванд.
22. Силоҳе, ки аз ҳисоби ташкилотҳои давлатии ҳарбикунонидашуда бароварда шудааст, инчунин аз ҷиҳати техникӣ корношоям гаштааст, бо роҳи тартиб додани санади дахлдор бояд хориҷ карда шавад.
23. Силоҳе, ки бинобар сабаби аз ҷиҳати техникӣ корношоям гардидан аз ҳисоби бонкҳо бароварда мешавад, тибқи тартиби муқарраргардидаи санадҳои меъёрии ҳуқуқии марбут ба ташкилотҳои давлатии ҳарбикунонидашуда бояд ба мақомоти корҳои дохилӣ барои нобуд кардан супорида шавад.
24. Санад оид ба хориҷ намудани силоҳ ва лавозимоти ҷангии он дар асоси санадҳои меъёрии ҳуқуқии марбут ба ташкилотҳои давлатии ҳарбикунонидашуда аз ҷониби ҳайати комиссия тартиб дода, амалӣ мегардад.
25. Силоҳи хориҷшуда тибқи санадҳои меъёрии ҳуқуқии марбут ба ташкилотҳои давлатии ҳарбикунонидашуда ба воситаи буриш ва гудозиши он дар дастгоҳҳои махсус нобуд карда мешавад.
5. Истеҳсол ва сохтани силоҳ
26. Сохтани силоҳ аз васли қисмҳои он, инчунин тайёр кардани лавозимоти ҷангӣ иборат мебошад. Азнавсозӣ ё таъмири силоҳ бо мақсади ба он баргардонидани хусусиятҳои зарбазании гумшуда гузаронида мешавад.
27. Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон ва Гвардияи миллии Ҷумҳурии Тоҷикистон ташхис, коркард, озмоиш, истеҳсол, сохтан, инчунин таъмири силоҳ, тайёр намудани лавозимоти ҷангӣ ва қисмҳои асосии онро амалӣ карда метавонанд. Ташкилотҳои давлатии ҳарбикунонидашудае, ки тибқи Тартиби мазкур ҳуқуқи истеҳсол ва сохтани силоҳро надоранд, дар асоси шартнома бо дигар ташкилотҳои давлатии ҳарбикунонидашуда истеҳсол ва сохтани силоҳро амалӣ менамоянд.
28. Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон ва Гвардияи миллии Ҷумҳурии Тоҷикистон вазифадоранд бехатарӣ, назорати истеҳсол ва сохтани силоҳ, сифати молҳои истеҳсолшуда ва нигоҳдории муносиби онҳоро таъмин намоянд.
29. Ҳар як адади (миқдори) силоҳи таъмиршаванда тибқи талаботҳои ҳуҷҷатгузории техникӣ бояд аз озмоиш ва ё назорат гузаронида шуда, тамғазании ҷудогонаи рақамҳо ва (ё) ҳарфҳоро дошта бошад.
6. Ба ҳудуди Ҷумҳурии Тоҷикистон ворид намудан ва аз ҳудуди Ҷумҳурии Тоҷикистон содир намудани силоҳ ва лавозимоти ҷангии он
30. Бо мақсади иҷрои вазифаҳои хизматӣ аз ҷониби хизматчиёни ҳарбӣ ва кормандони ташкилотҳои давлатии ҳарбикунонидашуда ба ҳудуди Ҷумҳурии Тоҷикистон ворид намудан ва аз ҳудуди Ҷумҳурии Тоҷикистон содир намудани силоҳ ва лавозимоти ҷангии он дар асоси ҳуҷҷатҳои тасдиқкунандаи ҳуқуқи гирифта гаштани силоҳ ва инчунин шаҳодатномаи сафари хизматӣ, ки силоҳи воридшаванда ва содиршаванда дар он дарҷ меёбад, амалӣ карда мешавад. Ҳуҷҷати мазкур дар якҷоягӣ бо нусхаи шаҳодатномаи сафари хизматӣ ба мақоми гумрукӣ, ки дар гузаргоҳҳои Сарҳади давлатии Ҷумҳурии Тоҷикистон ҷойгир аст, пешниҳод карда мешавад. Нусхаи шаҳодатномаи сафари хизматӣ пас аз муқоиса бо нусхаи аслиаш аз тарафи корманди мақоми гумрукӣ тавассути мӯҳргузории рақамӣ тасдиқ мешавад ва дар парвандаи мақоми гумрукӣ монда мешавад.
31. Ба ҳудуди Ҷумҳурии Тоҷикистон ворид намудан ва аз ҳудуди Ҷумҳурии Тоҷикистон содир намудани силоҳ ва лавозимоти ҷангии он аз ҷониби кормандони ташкилотҳои ҳарбикунонидашуда ва хадамотҳои махсуси давлатҳои хориҷӣ, ки ба Ҷумҳурии Тоҷикистон бо даъвати роҳбарони ташкилотҳои давлатии ҳарбикунонидашудаи Ҷумҳурии Тоҷикистон ва ё зарурати сафари хизматӣ ташриф меоваранд, дар мувофиқа бо Вазорати корҳои хориҷии Ҷумҳурии Тоҷикистон ва дар асоси рухсатномаи Вазорати корҳои дохилии Ҷумҳурии Тоҷикистон амалӣ мегардад.
32. Дар рухсатнома ному насаби кормандони ташкилотҳои ҳарбикунонидашудаи хориҷӣ ва хадамотҳои махсуси давлатҳои хориҷӣ, навъ, намуд, рақам ва калибри силоҳ, миқдори лавозимоти ҷангӣ барои ҳар як адади силоҳи воридшаванда нишон дода мешавад.
33. Иҷозатнома ва нусхаи он аз ҷониби намояндаи тарафи қабулкунанда ба мақоми гумрукӣ, ки дар гузаргоҳи Сарҳади давлатии Ҷумҳурии Тоҷикистон ҷойгир аст, пешниҳод карда мешавад.
34. Рухсатнома ва нусхаи он пас аз муқоисакунии онҳо аз ҷониби корманди мақоми гумрукӣ тавассути мӯҳргузории рақамӣ тасдиқ шуда, нусхаи он бошад дар парвандаи мақоми гумрукӣ гузошта мешавад.
35. Ташкилотҳои давлатии ҳарбикунонидашуда содирот ва воридоти силоҳро бо иҷозати Ҳукумати Ҷумҳурии Тоҷикистон дар асоси шартномаҳои байнидавлатӣ ва байниидоравӣ амалӣ менамоянд.
7. Фурӯш, додан ва соҳиб шудани силоҳ
36. Ташкилотҳои давлатии ҳарбикунонидашуда (ба истиснои бонкҳо) ҳуқуқ доранд:
- силоҳи дар ихтиёри худ бударо ба дигар ташкилотҳои давлатии ҳарбикунонидашуда фурӯшанд ва ё ройгон диҳанд;
- дар асоси рухсатномаи Вазорати корҳои дохилии Тоҷикистон ба шахсони мансабдори мақомоти давлатӣ, ки қонунгузории Ҷумҳурии Тоҷикистон иҷозат барои нигоҳ доштан ва гирифта гаштани силоҳро доранд, муваққатан силоҳ диҳанд;
- аз шахсони ҳуқуқие, ки иҷозатнома барои истеҳсол ва фурӯши силоҳ доранд, силоҳ харидорӣ намоянд;
- бо тартиби муқарраргардида силоҳи мукофотиро ба осорхона ва ташкилотҳое, ки ҳуқуқи коллексиякунӣ ва ба намоишгузории намудҳои муайяни силоҳро доранд, супоранд.
Роҳбарони Вазорати мудофиаи Ҷумҳурии Тоҷикистон, Вазорати корҳои дохилии Ҷумҳурии Тоҷикистон ва Кумитаи давлатии амнияти миллии Ҷумҳурии Тоҷикистон дорои ҳуқуқи ташаккули фондҳои махсуси силоҳҳои мукофотӣ ва лавозимоти ҷангии он, инчунин додани силоҳи муқарраршуда ба хизматчиёни ҳарбӣ, кормандон, аз ҷумла кормандони ба нафақа баромада ҳамчун мукофот тибқи қонунгузории Ҷумҳурии Тоҷикистон мебошанд.
Дигар роҳбарони ташкилотҳои давлатии ҳарбикунондашуда низ (ба истиснои бонкҳо) ҳуқуқи бо силоҳ мукофотонидани кормандони худро мувофиқи пешниҳодоти хаттӣ ба Вазорати мудофиаи Ҷумҳурии Тоҷикистон доранд. Силоҳи мукофотонидашуда бо фармони роҳбарони ин ташкилотҳо ба расмият дароварда шуда, дар Вазорати торҳои дохилии Ҷумҳурии Тоҷикистон ба қайд гирифта мешавад.
8. Назорати гардиши силоҳ
37. Назорати гардиши силоҳ дар ташкилотҳои давлатии ҳарбикунонидашуда ва бонкҳои Ҷумҳурии Тоҷикистон тибқи қонунгузории Ҷумҳурии Тоҷикистон амалӣ мегардад.
