Оинномаи Маркази байналмилалии илмӣ-тадқиқотии "Помир - Чақалтой"

Моддаи 1

1. Маркази байналмилалии илмӣ-тадқиқотии "Помир-Чақалтой" (минбаъд - Марказ) фаъолияти худро дар асоси Созишномаи байни Ҳукумати Федератсияи Россия ва Ҳукумати Ҷумҳурии Тоҷикистон оид ба таъсис ва фаъолияти Маркази байналмилалии илмӣ-тадқиқотии "Помир-Чақалтой", ки санаи 29 августи соли 2008 дар шаҳри Душанбе баста шудааст (минбаъд - Созишнома), шартномаҳои дигари байналмилалӣ бо иштироки Федератсияи Россия ва Ҷумҳурии Тоҷикистон, қонунгузориҳои Федератсияи Россия ва Ҷумҳурии Тоҷикистон ва Оинномаи мазкур ба роҳ мемонад.

2. Муассисони Марказ Ҳукумати Федератсияи Россия ва Ҳукумати Ҷумҳурии Тоҷикистон мебошанд, ки минбаъд Тарафҳои муассис номгузорӣ мешаванд.

3. Ҳукуматҳои Тарафҳо - аъзои Марказ минбаъд дар матн Тарафҳо номгузорӣ мешаванд.

4. Марказ ташкилоти байналмилалии байниҳукуматӣ буда, фаъолияти худро дар асоси принсипи кушода будани он ба ҳамаи давлатҳои манфиатдор, ҳамкориҳои баробарҳуқуқи ба тарафайн судманд амалӣ менамояд.

Моддаи 2

1. Мақсад ва мавзӯи асосии Марказ муттаҳид намудани нерӯи илмӣ, моддӣ ва молиявии давлатҳои манфиатдор барои гузаронидани тадқиқотҳои муштараки ҳастаӣ (ядроӣ) ва астрофизикии шуоъҳои кайҳонии энергияҳои фавқулбаланд (минбаъд - тадқиқоти илмӣ) бо истифодаи камераи рентгеноэмулсионии бисёрзинагӣ мебошад, ки он пештар барои гузаронидани таҷрибаи байналмилалии эмулсионии "Помир-Чақалтой" сохта шуда буд.

2. Марказ ба ҳифз ва рушди нерӯи илмӣ-техникии худ бо роҳи сохтани дастгоҳҳои илмии комплексии насли нав ҳам дар пойгоҳҳои мавҷудаи илмӣ ва ҳам дар пойгоҳҳои навсохташавандаи илмӣ мусоидат менамояд.

3. Мавзӯъоти тадқиқоти илмӣ дар Барномаи илмии Марказ муайян карда мешавад.

4. Номгӯйи ташкилотҳои илмӣ-тадқиқотие, ки дар иҷрои Барномаи илмии Марказ иштирок мекунанд, аз тарафи Шӯрои намояндагони ваколатдори Тарафҳо тасдиқ карда мешавад.

Моддаи 3

1. Марказ ташкилот дар соҳаи фаъолияти илмӣ мебошад, ки барои он ба даст овардани фоида мақсади асосии фаъолият намебошад ва фоидаи бадастовардашударо байни иштирокчиён тақсим намекунад.

2. Марказ дорои суратҳисоб, суратҳисоби асъории шахсӣ ва дигар намудҳои суратҳисоб дар муассисаҳои бонкӣ, мӯҳри мудаввар бо номи Марказ, ки намунааш аз тарафи Шӯрои намояндагони ваколатдор тасдиқ карда мешавад, штамп, бланкҳои расмӣ, номи шахсӣ (пурра ва мухтасар) мебошад.

Номи пурраи Марказ:

- бо забони русӣ: Международный научно-исследовательский центр "Памир-Чакалтай" (ба таври мухтасар МНИЦ-ПЧ);

- бо забони тоҷикӣ: Маркази байналмилалии илмӣ-тадқиқотии "Помир-Чақалтой" (ба таври мухтасар - МБИТ-ПЧ);

- бо забони англисӣ: Pamir - Chacaltaya International Scientific Research Center (PCh ISRS).

Макони ҷойгиршавии Марказ:

1199991, Федератсияи Россия, шаҳри Москва, хиёбони Ленин, 53, сохтмони 4;

734063, Ҷумҳурии Тоҷикистон, шаҳри Душанбе, кӯчаи Айнӣ, 299/1, Институти физикаю техникаи ба номи С.У. Умарови Академияи илмҳои Ҷумҳурии Тоҷикистон.

Марказ ҳуқуқҳои шахси ҳуқуқиро дар ҳудуди давлатҳои аъзои Марказ тибқи қонунгузории онҳо истифода мебарад.

3. Марказ ҳуқуқ дорад дар ҳудуди давлатҳои аъзои Марказ бахш (филиал)-ҳо ва намояндагиҳо ва ҳамчунин пойгоҳҳои илмm таъсис диҳад, ки мавқеи ҷойгиршавии онҳо пешакӣ бо Тарафи дахлдор мувофиқа карда мешавад. Бахш (филиал)-ҳо ва намояндагиҳои Марказ тибқи Оинномаи мазкур, қонунгузории Федератсияи Россия - ҳамчун давлате, ки дар он

Марказ ҷойгир аст, ҳамчунин қонунгузориҳои ҳамон давлате, ки дар ҳудуди он бахш (филиал)-ҳо ва намояндагиҳо ҷойгиранд, таъсис дода мешаванд, фаъолият менамоянд.

Бахш (филиал)-ҳо ва намояндагиҳо шахсони ҳуқуқӣ намебошанд. Онҳо амволи ба онҳо додаи Марказро истифода мекунанд ва аз номи Марказ дар асоси муқаррароти тасдиқнамудаи Шӯро ва Оинномаи мазкур амал мекунанд.

Бахш (филиал)-ҳо ванамояндагиҳои Марказ дар доираи тавозун (баланс)-и Марказ харҷнома (смета) ва тавозун (баланс)-и алоҳида, ҳамчунин суратҳисобҳо дар ташкилотҳои қарздиҳанда мутобиқи қонунгузории давлате, ки дар он ҷо ҷойгиранд, мӯҳр бо номи пурра ва мухтасари худ, штампҳо, бланкҳо ва реквизитҳои дигар доранд.

Роҳбарони бахшҳо ва намояндагиҳоро директори Марказ дар мувофиқа бо Шӯро таъйин менамояд ва онҳо дар асоси бовариномае фаъолият менамоянд, ки онро директори Марказ додааст.

Масъулиятро нисбат ба фаъолияти бахшҳо ва намояндагиҳо Марказ ба зимма мегирад.

4. Бахшҳои Марказ воҳидҳои ҷудогонаи он мебошанд, ки берун аз макони ҷойгиршавии Марказ қарор дошта, вазифаҳо ва ё қисме аз онҳо, аз ҷумла вазифаи намояндагиро амалӣ менамоянд.

5. Намояндагиҳои Марказ воҳидҳои ҷудогонаи он мебошанд, ки берун аз макони ҷойгиршавии Марказ қарор дошта, манфиатҳои Марказ ва ҳифзи онҳоро амалӣ менамоянд.

Намояндагиҳо фаъолияти илмӣ-тадқиқотӣ, илмӣ-ҳамоҳангсозӣ, илмӣ-ташкилӣ ва ҳоҷагидорӣ ва ё фаъолияти дигарро мустақилона амалӣ наменамоянд.

6. Марказ бахш (бахшҳо) ва намояндагӣ (намояндагиҳо)-и зерин дорад:

1) Бахши тоҷикистонии Маркази байналмилалии илмӣтадқиқотии "Помир-Чақалтой".

Макони ҷойгиршавии Бахш: Ҷумҳурии Тоҷикистон, шаҳри Душанбе, кӯчаи Айнӣ, 299/1, Институти физикаю техникаи ба номи С.У. Умарови Академияи илмҳои Ҷумҳурии Тоҷикистон.

Номи пурраи бахш бо забони русӣ: Таджикский филиал Международного научно-исследовательского центра "Памир-Чакалтай". Номи мухтасари бахш бо забони русӣ: ТФ МНИЦ-ПЧ.

Номи пурраи бахш бо забони тоҷикӣ: Бахши тоҷикистонии Маркази байналмилалии илмӣ-тадқиқотии "Помир-Чақалтой". Номи мухтасари бахш бо забони тоҷикӣ: БТ МБИТ-ПЧ.

Номи пурраи бахш бо забони англисӣ: the Pamir-Chacaltaya International Scientific Research Center Dushanbe Filial Branch. Номи мухтасари: бахш бо забони англисӣ: PCh-ISRC DFB.

2) Намояндагии тоҷикистонии Маркази байналмилалии илмӣтадқиқотии "Помир-Чақалтой".

Макони ҷойгиршавии намояндагӣ: Ҷумҳурии Тоҷикистон, Вилояти Мухтори Кӯҳистони Бадахшон, ноҳияи Мурғоб, деҳаи Чечекти, Пойгоҳи илмии баландкӯҳии Институти биологии Помир ба номи X. Юсуфбекови Академияи илмҳои Ҷумҳурии Тоҷикистон.

Номи пурраи намояндагӣ бо забони русӣ: Памирское представительство. Международного научно-исследовательского центра "Памир-Чакалтай". Номи мухтасари намояндагӣ бо забони русӣ: ПП МНИЦ-ПЧ.

Номи пурраи намояндагӣ бо забони тоҷикӣ: Намояндагии тоҷикистонии Маркази байналмилалии илмӣ-тадқиқотии "ПомирЧақалтой". Номи мухтасари намояндагӣ бо забони тоҷикӣ: НТ МБИТ-ПЧ.

Номи пурраи намояндаги бо забони англисӣ: Representative Office of the Pamir-Chacaltaya International Scientific Research Center. Номи мухтасари бахш бо забони англисӣ: PCh-ISRC-ISRC.

7. Дар сохтори Марказ пойгоҳҳои илмии зерия мавҷуданд:

1) пойгоҳи Оқ-Архари Маркази байналмилалии илмӣ-тадқиқотии "Помир-Чақалтой".

Макони ҷойгиршавии пойгоҳ: Ҷумҳурии Тоҷикистон, Вилояти Мухтори Кӯҳистони Бадахшон, ноҳияи Мурғоб, дараи Оқ-Архар.

2) пойгоҳи Колучкӯли Маркази байналмилалии илмӣ-тадқиқотии "Помир-Чақалтой".

Макони ҷойгиршавии пойгоҳ: Ҷумҳурии Тбҷикистон, Вилояти Мухтори Кӯҳистони Бадахшон, ноҳияи Мурғоб, дараи КолучкӯлҚаратош.

8. Батартибдарории асноду маводе, ки Тарафҳо дар рафти амалисозии Созишнома ба якдигар ирсол менамоянд, инчунин коргузорӣ дар Марказ, ба забони русӣ сурат мегирад.

Моддаи 4

Иштирок дар фаъолияти Марказ дар шаклҳои зерин амалӣ мешавад:

- дар асоси аъзогӣ ба Марказ;

- дар асоси шартномаҳое, ки байни Марказ ва ташкилоту муассисаҳои байналмилалӣ ва миллии илмӣ-тадқиқотии давлатии чӣ аъзои Марказ ва чӣ аъзои Марказ набуда барои иштирок дар лоиҳаҳои мушаххаси Барномаи илмии Марказ баста шудаанд;

- дар асоси аҳдномаҳое, ки Марказ бо шахсони воқеӣ бастааст.

Моддаи 5

1. Самтҳо ва вазифаҳои асосии тадқиқоти Марказ инҳо мебошанд:

- тадқиқот дар баландии кӯҳҳо дар соҳаи физикаи шуоъҳои кайҳонӣ ва астрофизикаи зарраҳои баландэнергия, физикаи зарраҳои баландэнергия ва физикаи ҳастаӣ (ядро) чӣ дар доираи таҷрибаи байналмилалии "Помир-Чақалтой" ва чӣ дар доираи дигар таҷрибаву лоиҳаҳои физикии ҳастаӣ ва физикии кайҳонӣ дар таҷҳизоти амалкунанда ва таҷҳизоти таҷрибавии аз нав сохташуда;

- мониторинги афканишоти кайҳонӣ ҳамчун омили муҳими муҳити атрофи баландкӯҳҳо ва тағйироти иқлим;

- тадқиқоти байнифаннии баландкӯҳии равандҳои табиии глобалии дар атмосфера, гидросфера, литосфера ва биосфераи Замин рӯйдиҳанда бо дарназардошти селҳои ионкунандаи шуоъҳои кайҳонӣ ва омилҳои дигари астрокайҳонӣ; баланд бардоштани самаранокии тадқиқоти илмии дар пойгоҳҳои баландкӯҳӣ гузаронидашаванда.

2. Марказ вазифаҳои тадқиқотро мустақилона муайян мекунад ва барномаи илмии Марказро дар асоси баҳисобгирии мутақобили манфиатҳои давлатҳои аъзои Марказ тартиб медиҳад.

3. Барои расидан ба мақсадҳои худ Марказ:

- мувофиқи самтҳои фаъолияти худ тадқиқоти бунёдӣ ва амалие мегузаронад, ки онҳо дар барномаи илмии Марказ муайян шудаанд;

- ҳамоҳангсозии тадқиқот ва коркардҳоеро, ки аз тарафи ташкилотҳои давлатҳои аъзои Марказ дар пойгоҳҳои илмии баландкӯҳҳои онҳо мутобиқи барномаи илмии Марказ, гузаронида мешаванд, амалӣ мекунад; нерӯи илмӣ-техникии худро бо роҳи ворид намудани технологияҳо ва усулҳои наве, ки барои гузаронидани таҷрибаҳои ҳаставию космофизикии замонавӣ, инчунин барои коркард ва таҳлили маводҳои таҷрибавӣ истифода мешаванд, равнақ медиҳад;

- дар асоси технологияҳои нав модернизатсияи таҷҳизоти илмии мавҷударо амалӣ месозад, инчунин бо истифодаи детекторҳои электронии афканишоти кайҳонӣ таҷҳизоти илмии комплексии насли навро коркард карда месозад;

- ба якгунсозӣ (унификатсия)-и таҷҳизот ва усулҳои тадқиқотии дар барномаи илмии Марказ пешбинишуда, инчунин барои гузаронидани калибровкаи тарафайни детекторҳо ва таҷҳизоти дигари дар тадқиқот истифодашававда мусоидат мекунад;

- мубодилаи таҷрибаи гузаронидани тадқиқот ва коркард, инчунин натиҷаҳои онҳоро бо роҳи нашри корҳои илмӣ, гузаронидани конференсияҳо, симпозиумҳо, машваратҳои корӣ ташкил мекунад;

- ба шаклҳои дигари мубодилаи иттилоотӣ-илмӣ, аз ҷумла, ташкил кардани коромӯзиҳо ва фиристодани муҳаққиқон ва мутахассисон ба ташкилотҳои илмӣ-тадқиқотии шарикон мусоидат менамояд;

- ҳамоҳангсозии корҳоро бо дигар ташкилотҳои илмӣтадқиқотии Тарафҳо ва ташкилотҳои илмӣ-тадқиқотии байналмилалӣ амалӣ месозад;

- ба ҳамкории илмии байналмилалии алоқаманд ба гузаронидани тадқиқоти илмии бунёдӣ ва амалӣ мусоидат мекунад; - фаъолияти иттилоотию нашриётиро амалӣ месозад;

- фаъолияти илмӣ-методӣ, техникӣ, маълумотӣ ва ташкилиро, ки ба қонунгузории давлатҳои аъзои Марказ, Созишнома ва Оинномаи мазкур хилофат надоранд, амалӣ менамояд.

Моддаи 6

1. Марказ дорои ҳуқуққои зерин мебошад:

- муайян кардани сохтори ташкилотӣ ва ҷадвалибастии Марказ;

- аз номи худ бастани созишнома (шартнома)-ҳо оид ба ҳамкории байналмилалии алоқаманд ба гузаронидани тадқиқоти илмӣ;

- ба даст овардани ҳуқуқҳои амволӣ ва ғайриамволӣ ва ӯҳдадорӣ гирифтан дар суд ба сифати даъвогар ва ҷавобгар; - мустақилона тартиб додани барномаи тадқиқоти илмӣ;

- дар доираи салоҳияти худ ҳал кардани масъалаҳои илмӣташкилӣ, молиявӣ-иқтисодӣ ва ҷамъиятии фаъолияти худ;

ташкил намудани коллективҳои эҷодии муваққати барои иҷрои тадқиқот ва лоиҳаҳои алоҳидаи илмӣ;

- мустақилона ихтиёрдорӣ намудани моликияти худ, аз ҷумла воситаҳои пулӣ;

- муайян намудани харҷнома (смета) барои истифодаи таҷҳизоти амалкунанда, биноҳо, нақлиёт ва дигар инфрасохтор, инчунин барои таъмини ҳайати илмӣ, техникӣ ва маъмуриву хоҷагидорӣ;

- мустақилона гузаронидани амалиёти воридотиву содиротӣ, ки барои амалисозии фаъолияти худ зарур аст;

- муқаррар намудани қоидаҳои дохилие, ки фаъолияти Марказро ба танзим медароранд.

2. Марказ ба ӯҳдадориҳои шахсони ҳуқуқӣ ва воқеие, ки тибқи шартнома барои таъмини фаъолияти Марказ ҷалб карда шудаанд, ҷавобгар намебошад ва дар як вақт шахсони зикршуда низ ба он ӯҳдадориҳои Марказ, ки ба шартномаҳои ба онҳо басташуда алоқамандӣ надоранд, ҷавобгар намебошанд.

Моддаи 7

1. Мақомоти олии идоракунии Марказ Шӯро мебошад.

2. Ба ҳайати Шӯро аз ҳар як Тараф як нафарӣ намоянда ва ба ӯ як нафар муовин шомил карда мешаванд.

3. Шӯро фаъолияти худро дар асоси ҷамъиятӣ тариқи гузаронидани ҷаласаҳо амалӣ менамояд, ки онҳо дар ҳар як ним сол як маротиба гузаронида мешаванд.

Бо ташаббуси ҳар кадоме аз намояндаи Шӯро ва ё директори Марказ ҷаласаи ғайринавбатии Шӯроро доир кардан мумкин аст.

4. Ҷаласаҳои Шӯро дар ҳудуди давлатҳои Тарафҳо ба навбат гузаронида мешаванд.

5. Шахси дар ҷаласаи навбатии Шӯро ба вазифаи раис интихобшуда, вазифаи худро то ҷаласаи ояндаи Шӯро нигоҳ медорад.

6. Рӯзномаи ҷаласаинавбатии Шӯроро Тарафи қабулкунанда дар мувофиқа бо Тарафҳои дигар ҳамчунин бо маъмурияти Марказ тартиб медиҳад.

Ҳуқуқи ворид намудани масъалаҳоро ба баррасии Шӯро Намояндагони ваколатдори Тарафҳо дар Шӯро ва муовинони онҳо, директори Марказ, раиси комиссияи тафтишотӣ ва раиси Шӯрои илмии ҳамоҳангсозӣ соҳиб мебошанд,

7. Шӯро ҳуқуқ дорад, ки ҷаласаҳо оид ба масъалаҳои ба салоҳияти ӯ мансуббударо дар ҳайати васеъ бо иштироки директори Марказ, раиси комиссияи тафтишотӣ, раиси Шӯрои илмии ҳамоҳангсозӣ ва коршиносони ҷалбнамудаи Шӯро гузаронад.

8. Ҳар як Тараф дар Шӯро як овоз дорад. Қарорҳои Шӯро дар асоси консенсус бо роҳи овоздиҳии кушода, ҳамчунин бо роҳи табодули номаҳо қабул карда мешаванд.

Дар мавриде, ки қабули қарори ниҳоӣ дар ҷаласаи Шӯро ба сабаби нокифоя, будани омодагии масъала ва ё бо сабабҳои дигар

имкон надорад ва вақти иловагӣ ва ё мувофиқакуниро талаб менамояд, қарорро тавассути табодули номаҳо роҷеъ ба мавқеи Тарафҳо нисбат ба ин масъала бо имзои намояндагони ваколатдор ва ё муовинони онҳо қабул кардан мумкин аст.

9. Қарорҳои Шӯро оид ба фаъолияти Марказ барои тамоми ташкилотҳои илмӣ-тадқиқотии дар фаъолияти он иштироккунандаи давлатҳои аъзои Марказ хусусияти ҳатмӣ дорад.

10. Шӯро доир ба ҳамаи масъалаҳо мансуб ба фаъолияти Марказ қарор қабул мекунад, ғайр аз он масъалаҳое, ки ҳалли онҳо ба салоҳияти Тарафҳо мансуб аст.

11. Ба салоҳияти Шӯро, аз ҷумла инҳо мансубанд:

- таҳияи пешниҳодҳо оид ба зарурати ворид намудани тағйиру иловаҳо ба Оинномаи мазкур ва ба Тарафҳо ирсол намудани онҳо;

- баррасии дархостҳо оид ба қабули давлатҳои нави аъзои Марказ ва такмили масъалаҳои алоқаманд ба таҳия намудани шартномаҳои байналмилалӣ доир ба ҳамроҳ кардани онҳо ба Марказ мутобиқи моддаи 15-уми Созишнома;

- ба Тарафҳо ирсол намудани пешниҳодҳо оид ба таҷдиди Марказ;

- муқаррар кардани қоидаҳои расмиёт (регламент)-и Шӯро;

- мувофиқасозии сохтори Марказ ва тағйирот ба он, аз ҷумла мувофиқасозии қарорҳо оид ба таъсиси воҳидҳои сохтории алоҳида;

- тасдиқи барномаи илмии Марказ ва муайян намудани самтҳои муҳими рушди он, ҳамчунин номгӯйи ташкилотҳои дар иҷрои он иштироккунанда;

- тасдиқи сохтори маъмурияти Марказ ва ҷадвали бастии он, ҳамчунин ҷадвали бастии Марказ;

- тасдиқи Низомнома оид ба маъмурияти Марказ;

- таъйини директори Марказ ва муовини ӯ;

- тасдиқи Низомномаҳо оид ба бахшҳо, намояндагиҳо ва пойгоҳҳои Марказ:

- тасдиқи ӯҳдадориҳои вазифавии кормандони Марказ ва қоидаҳои тартиботи дохилии Марказ;

- баррасӣ ва тасдиқи ҳисоботи директори Марказ оид ба кори Марказ дар соли сипаришуда;

- тасдиқи буҷети Марказ, аз ҷумла, буҷети бахшҳо. намояндагиҳо ва пойгоҳҳои он;

- ирсоли ҳарсолаи пешниҳодҳо ба мақомоти давлатии Тарафҳои масъулиятдор ҷиҳати амалисозии Созишнома оид ба маблағгузории фаъолияти маъмурияти Марказ ва амволи он аз ҳисоби маблағҳои буҷети федералӣ (Федератсияи Россия) ва буҷети давлатии Ҷумҳурии Тоҷикистон, ҳамчунин маблағҳои буҷетии давлатҳои дигари аъзои Марказ, ки тибқи моддаи 15-уми Созишнома ба Марказ ҳамроҳ гардидаанд;

- таъсиси Шӯрои илмии ҳамоҳангсозӣ ва тасдиқи регламенти кори он;

- таъсиси комиссияи тафтишотии муштарак ва тасдиқи Низомнома оид ба фаъолияти он.

12. Шӯро ҳамчунин ваколатҳои дигари пешбининамудаи Оинномаи мазкурро низ амалӣ менамояд.

Моддаи 8

1. Шӯрои илмии ҳамоҳангсозӣ дар асоси қарори Шӯро аз ҳисоби намояндагони муассисаҳои илмии давлатҳои Тарафҳо, аз ҷумла Академияи илмҳои Россия ва Академияи илмҳои Ҷумҳурии Тоҷикистон таъсис дода мешавад.

Ташаккули шӯрои илмии ҳамоҳангсозӣ аз ҷониби Шӯро дар асоси пешниҳодҳои намояндагони ваколатдори Тарафҳо амалӣ карда мешавад.

Ба кори шӯрои илмии ҳамоҳангсозӣ мутахассисони аз давлатҳои дигар низ ҷалб шуда метавонанд.

2. Вазифаҳои шӯрои илмии ҳамоҳангсозӣ инҳо мебошанд:

- омода намудани хулосаҳо оид ба нақшаи корҳои илмӣтадқиқотии Марказ, ки Барномаи илмии Марказро ташкил медиҳанд ва ҳисобот оид ба иҷрои онҳо, ки онро директори Марказ пешниҳод намудааст;

- баҳодиҳии натиҷаҳои фаъолияти илмии Марказ;

- омода намудани тавсияҳо оид ба мукаммалсозии фаъолияти илмии Марказ;

- гузаронидани экспертиза ва омода намудани хулосаҳо ба намудҳои гуногуни нашрияҳои илмӣ, аз ҷумла мақолаҳо, маҷмӯаҳои илмӣ, монографияҳо бо натиҷаҳои тадқиқоте, ки тибқи Барномаи илмии Марказ гузаронида шудаанд: ташкил намудани комиссияҳои махсусгардонидашудаи тафтишотӣ аз ҳисоби аъзои худ ва ваколатдор намудани онҳо ба ҳуқуқи гузаронидани экспертиза ва омода кардани хулосаҳо ба нашрияҳои илмӣ бо натиҷаҳои тадқиқоти аз рӯйи самтҳои мушаххаси илмии Марказ гузаронидашуда. 3. Шӯрои илмии ҳамоҳангсозӣ регламенти кори худро мустақилона муайян карда, онро барои тасдиқ ба Шӯро пешниҳод менамояд.

4. Шӯрои илмии ҳамоҳангсозӣ мақомоти машваратии назди Шӯрои Марказ мебошад.

Моддаи 9

1. Комиссияи тафтишотӣ аз тарафи Шӯро таъсис дода шуда, ҳайати он аз миқдори баробари намояндагони давлатҳои аъзои Марказ иборат аст.

Ҷаласаҳои Комиссияи тафтишотиро намояндагони Тарафҳо ба навбат раисӣ менамоянд.

Аъзои Комиссияи тафтишотӣ аз тарафи Шӯро таъйин карда мешаванд.

2. Комиссияи тафтишотӣ фаъолияти худро дар асоси Низомномаи тасдиқнамудаи Шӯро ба роҳ мемонад.

3. Комиссияи тафтишотӣ хулосаро оид ба лоиҳаҳои буҷети ҳарсолаи Марказ таҳия мекунад ва фаъолияти молиявии Марказро назорат менамояд.

Моддаи 10

1. Маъмурияти Марказ идораи иҷроияи Марказ буда, воҳидҳои бастии он дар асоси баробарӣ аз ҳисоби шаҳрвандони давлатҳои аъзои Марказ ташкил мегардад.

Маъмуриятро директори Марказ ва муовини ӯ роҳбарӣ менамоянд, ки онҳоро Шӯро аз ҳисоби шаҳрвандони давлатҳои аъзои Марказ таъйин мекунад.

Ба ҳайати маъмурияти Марказ кормандони илмӣ ба миқдори на бештар аз 10 нафар шомил мегарданд, ки онҳо фаъолияти илмии Марказро ҳамоҳанг месозанд ва дар коркард ва ташаккули барномаи илмии Марказ иштирок менамоянд.

2. Маъмурият дар фаъолияти ҳуд Созишнома, Оинномаи мазкур ва Низомномаро оид ба маъмурияти Марказ ба роҳбарӣ мегирад.

Моддаи 11

1. Директори Марказ бо қарори Шӯро ба мӯҳлати 5 сол таъйин мегардад ва идораи фаъолияти Марказро дар ин мӯҳлат амалӣ менамояд, агар Шӯро оид ба қатъи пешазмӯҳлатии ваколатҳои директор қарор набарорад.

2. Директори Марказ: - роҳбариро ба корҳои илмӣ ва умумии Марказ таъмин менамояд;

- дар мувофиқа бо Шӯро сохтори Марказ, аз ҷумла таъсиси воҳидҳои алоҳидаи сохтории он - бахшҳо, намояндагиҳо, инчунин воҳидҳои дигарро муйян менамояд;

- роҳбарони бахшҳо, намояндагиҳо, пойгоҳҳои илмии Марказро таъйин менамояд;

- шартномаҳои меҳнатиро бо кормандони Марказ мебандад, тағйир медиҳад ва қатъ мегардокад, тадбирҳои ҳазасмандгардоки ва ҷазоҳои интизомӣ меандешад;

- бе боваринома аз номи Марказ амал карда, манфиатҳои онро дар муносибат бо мақомоти давлатӣ, мақомоти худидораи маҳаллӣ, шахсони воқеӣ ва ҳуқуқӣ муаррифӣ менамояд;

- корҳоро оид ба нақшагирӣ ва ташкили фаъолияти пурраи илмӣтадқиқотӣ ва маъмуриву хоҷагидории Марказ роҳбарӣ менамояд;

- коркарди лоиҳаҳои барномаи илмии Марказ ва дигар барномаҳои кори Марказро ташкил ва онҳоро барои тасдиқ ба Шӯро пешниҳод менамояд;

- назорати иҷрои супоришҳо ва давраҳои барномаҳои илмӣтехникиро амалӣ месозад ва дар зарурат пешниҳоди мувофиқро барои баррасӣ ба Шӯро пешниҳод мекунад;

- лоиҳаи смета (буҷет)-и Марказро тартиб медиҳад ва ҷиҳати иҷрои он масъулият ба зимма мегирад, лоиҳаи смета ва ҳисоботро оид ба иҷрои он барои баррасӣ ба комиссияи тафтишотӣ ва Шӯро пешниҳод менамояд;

- ҳуҷҷатҳои заруриро оид ба масъалаҳои рӯзномаи ҷаласаҳои Шӯро омода месозад;

- иҷрои қарорҳои Шӯроро таъмин менамояд ва ҳисоботро оид ба иҷрои онҳо ба Шӯро пешниҳод мекунад:

- маводҳои иттилоотӣ ва дигар маълумотҳоро оид ба масъалаҳои фаъолияти Марказ омода мекунад ва онҳоро ба аъзои Марказ ва иштирокчиёни корҳои илмӣ-тадқиқотӣ ва таҷрибавӣ дастрас менамояд;

- коллективҳои эҷодии муваққатиро барои иҷрои барномаву лоиҳаҳои мушаххаси илмӣ-техникӣ ташкил менамояд; - ҳамоҳангсозии корҳои илмӣ-тадқиқотӣ ва корҳои дигарро бо ташкилоту муассисаҳои давлатҳое, ки аъзои Марказ намебошанд, вале дар фаъолияти Марказ иштирок мекунанд, ташкил менамояд; бо тартиби муқарраргардида ҳисоботдиҳии пурра ва саривақтиро оид ба фаъолияти Марказ таъмин менамояд;

- барои меҳнати пурсамари кормандони Марказ шароити мусоид фароҳам меоварад ва баланд бардоштани сифати корҳои илмӣ тадқиқотӣ ва дигар намуди корҳои Марказро таъмин менамояд;

- вазифаҳои дигареро, ки Шӯро ба зиммаи ӯ гузоштааст, иҷро менамояд.

Моддаи 12

Директори Марказ ба иҷрои корҳои зерин ҳуқуқ дорад:

- қабули қарорҳо ва додани фармонҳо дар ҳудуди салоҳияти худ оид ба ҳалли масъалаҳои саривақтии фаъолияти Марказ:

- бе ваколатнома аз номи Марказ бастани шартномаҳо (созишномаҳо) бо мақомоти давлатӣ, муассисаву ташкилотҳои илмӣтадқиқотии байналмиллалӣ ва миллӣ ва шахсони дигари ҳуқуқӣ ва воқеӣ;

- ба баррасии Шӯро баровардани пешниҳодҳо оид ба масъалаҳои алоқаманд ба фаъолияти Марказ;

- тибқи қонунгузории давлатҳои аъзои Марказ амалӣ кардани қабул, ба дигар кор гузарондан ё аз кор холӣ кардани кормандон аз ҷумла аз рӯйи натиҷаҳои озмунҳои дохилӣ, ҳамчунин бо тартиби муқарраргардида додани ҷазоҳои интизомӣ ба кормандони Марказ;

- муқаррар кардани низоми пардохти музди меҳнати кормандони Марказ мувофиқи ҷадвали бастӣ ва шартномаҳои басташуда;

- ихтиёрдорӣ кардани моликияти Марказ, аз ҷумла маблағҳои пулии он дар ҳудуди муайяннамудаи Шӯро:

- аз иҷрокунандагони корҳо гирифтани мавод ва маълумоти зарурӣ оид ба рафти иҷрои лоиҳаҳои илмӣ ва илмӣ-техникӣ, ки ба барномаи илмии Марказ шомил карда шудаанд;

- ба муовини худ ва роҳбарони бахшу намояндагиҳо додани як қисми ваколатҳои худ, ки дар Оинномаи мазкур пешбинӣ гардидаанд;

- додани ваколат ба шахсони вазифадори Марказ барои гузоришдиҳӣ аз номи маъмурияти Марказ.

Моддаи 13

Директор дар назди Шӯро ҳисоботдиҳанда буда, дар амалисозии фаъолияти Марказ ва иҷрои ҳамаи вазифаҳо ва ӯҳдадориҳои ба зиммаи ӯ гузоштаи Шӯро ҷавобгар мебошад.

Моддаи 14

1. Муовини директори Марказ бо қарори Шӯро ба мӯҳлати 5 сол таъйин мегардад ва бевосита ба директори Марказ итоат мекунад.

2. Муовини директори Марказ ҳамоҳангсозии фаъолияти Марказро бо мақомоти ҳокимияти давлатӣ ва ташкилотҳои дигари давлате, ки муовини директор намояндаи он мебошад, таъмин менамояд

3. Ҳуқуқҳо ва ӯҳдадориҳои муовини директори Марказро директори Марказ муайян менамояд ва онҳо дар Низомнома оид ба маъмурияти Марказ вобаста карда мешаванд.

4. Дар давраи ҳузур надоштан директор ваколат ва ӯҳдадориҳои худро ба зиммаи муовин мегузорад.

Моддаи 15

1. Аъзои Марказ давлатҳое шуда метавонанд, ки ба Созишнома ҳамроҳ гардидаанд.

2. Дархост вобаста ба воридшавӣ ба узвияти Марказ тариқи роҳҳои дипломатӣ ба ҳукумати давлати манфиатдор ба нишонии давлат - узви Марказ, ки дар Шӯро дар соли ҷорӣ раисӣ мекунад ва ба намояндаи ваколатдор дар Шӯро ирсол карда мешавад.

Намояндаи ваколатдор - раиси Шӯро бетаъхир Тарафҳоро оид ба мақсади узви Марказ гардидани боз як давлат огоҳ намуда, бо онҳо нисбат ба ин масъала машварати пешакӣ мегузаронад ва ба маъмурияти Марказ супориш медиҳад, ки шароити имконпазири ҳамроҳшавии давлати дархосткунандаро ба Марказ ба таври муфассал омӯзад ва сипас, дар мӯҳлати на бештар аз як моҳ ин масъаларо барои ворид намудан ба рӯзномаи ҷаласаи наздиктарини Шӯро барорад.

Оид ба қарори дар ҷаласаи Шӯро қабулгардида ҳамаи Тарафҳо хабардор карда мешаванд. Дар мавриди хусусияти мусбат доштани он, Шӯро ба мақомоти давлатии Тарафҳои масъул ба амалисозии Созишнома оид ба таҳия ва бо мақомоти дигари давлатии Тарафҳо мувофиқа сохтани ҳуҷҷатҳои зарурӣ ҷиҳати бо имзо расонидани шартномаи байналмилалӣ оид ба ҳамроҳшавӣ ба Марказ муроҷиати хаттӣ менамояд. Ба муроҷиати зикршуда лоиҳаи шартномаи байналмилалии байни давлатҳои аъзои Марказ ва давлати ҳамроҳшуда замима карда мешавад, ки он аз тарафи Шӯро маъқул дониста шуда, дар он шартҳои ҳамроҳшавӣ, аз ҷумла андозаи аъзоҳаққии аввалия ва ҳарсолаи узви нави Марказ дарҷ гардидааст.

Аъзои Шӯро бо супориши Тарафҳо дар мувофиқасозии шартнома оид ба ҳамроҳшавӣ - ва омодакунии он барои имзо бо дарназардошти қонунгузориҳои давлатҳои аъзои Марказ ва давлати ҳамроҳшаванда иштирок менамоянд.

Давлати ҳамроҳшаванда аз санаи қувваи эътибор пайдо кардани шартномаи байналмилалӣ байни Тарафҳо ва давлати ҳамроҳшуда узви Марказ мегардад.

3. Андозаи ҷубронҳои пулӣ ё ҷубронҳои дигар ба аъзои аз Марказ бароянда аз тарафи комиссияи тафтишотӣ тибқи ҳаққи аъзогии аввалияи ӯ ва иштирок дар хароҷоти асосӣ муайян ва аз тарафи Шӯро тасдиқ карда мешавад.

Моддаи 16

1. Ташкилотҳои байналмилалии илмӣ-тадқиқотӣ, ҳамчунин ташкилотҳои илмӣ-тадқиқотӣ, олимон ва мутахассисони давлатҳое, ки аъзои Марказ намебошанд, метавонанд дар лоиҳаҳои илмии он дар асоси созишномаҳои ба Марказ басташуда, грантҳо ва шартномаҳо иштирок намоянд.

2. Дар созишномаҳои Тарафҳо оид ба ҳамкорӣ хусусияти фаъолияти муштарак, ӯҳдадориҳои байни онҳо, андоза ва тартиби ҷубронсозӣ ҷиҳати истифодаи таҷҳизот ва маводи Марказ, пардохти кори мутахассисони ҷалбшуда муайян карда мешавад.

Моддаи 17

1. Ба мақсади мубодилаи иттилоот, ташкили ҳамкориҳо ва ҳамоҳангсозии фаъолияти ҳукуматҳои давлатҳои манфиатдоре, ки аъзои Марказ намебошанд ва ташкилотҳои байналмилалӣ бо қарори Шӯро дар назди Марказ мақоми нозирро ҷорӣ кардан мумкин аст (минбаъднозир).

Барои гирифтани мақоми нозир ба Шӯро дархости дахлдор ирсол карда мешавад, ки он дар ҷаласаи Шӯро баррасӣ мегардад. Дар ҷаласаи Шӯро намояндагони ҳукуматҳои давлатҳо ва ташкилотҳои байналмилалиро, ки дархост пешниҳод намудаанд, даъват кардан мумкин аст. Шӯро қарорро оид ба додани мақоми нозир дар асоси консенсус қабул менамояд.

Ба нозир ҳуқуқ дода мешавад, ки дар кори мақоми олии Марказ дар шакли муқаррарнамудаи Шӯро иштирок намояд.

Мақоми нозир будан ҳуқуқи овозро ҳангоми қабули қарорҳо дар ҷаласаҳои Шӯро ва ҳуқуқи имзои ҳуҷҷатҳои Марказро намедиҳад.

2. Ҳукуматҳои давлатҳо ва ташкилотҳои байналмилалие, ки мақоми нозирро соҳиб гардидаанд, ҳуқуқ доранд, ки: дар ҷаласаҳои кушоди Шӯро иштирок намоянд: дар ҷаласаҳои Шӯро бо розигии раисикунанда баромад намоянд;

дар зарурат ҳуҷҷатҳои кушода ва қарорҳои қабулнамудаи Шӯроро ба даст оранд. Нозир дар қарорҳои қабулнамудаи Шӯро масъулият надорад.

Моддаи 18

1. Барои таъмини иҷрои фаъолияти оинномавии худ Марказ маблағу амволи хусусӣ ва ҷалбшуда дорад, ки онҳо дар тавозун (баланс)-и он инъикос ёфтаанд.

2. Амволи бахшҳо ва намояндагиҳои Марказ дар тавозуни Марказ ба ҳисоб гирифта мешаванд.

3. Амволе, ки онро Тарафҳои ба Созишнома ҳамроҳшаванда ба сифати аъзоҳаққӣ мегузаронанд, дар тавозуни мустақими Марказ ва тавозуни бахшҳои он ба ҳисоб гирифта мешаванд.

Моддаи 19

1. Амволи Марказ, аз ҷумла, моликияти зеҳнӣ аз манбаъҳои зерин ташаккул меёбад:

- аъзоҳаққии аввалияи Тарафҳо - муассисони Марказ;

- аъзоҳаққии тарафҳое, ки ба Созишнома ҳамроҳ шудаанд;

- маблағҳое, ки аз рӯйи шартнома ва аҳдномаҳо ба даст омадаанд;

- воридот аз истифодаи моликияти зеҳнии Марказ;

- маблағҳое, ки аз фондҳои илмии миллӣ ва байналмилалӣ ҷиҳати дастгирии молиявии лоиҳаҳои илмӣ-тадқиқотӣ дар асоси озмун ворид гардидаанд;

- воридоти дигаре, ки дар моддаи 9-и Созишнома ва Оинномаи мазкур пешбинӣ гардидаанд.

2. Аъзоҳаққии аввалияи Тарафҳои муассиси Марказ дар асоси моддаи 7-и "Созишнома, аъзоҳаққии аввалияи Тарафҳое, ки ба Созишнома ҳамроҳ гардидаанд, мутобиқи моддаи 15 Оинномаи мазкур муқаррар карда мешаванд.

Ба ҳисоби аъзоҳаққии аввалияи Тарафҳои ба Созишнома ҳамроҳгардида арзиши таҷҳизотҳо, асбобҳо ва маводҳои воридшаванда,. хизматрасониҳо, навоварӣ, моликияти зеҳнӣ ва корҳои алоҳидаро аз рӯи фармоиши Марказ ҳамроҳ карда мумкин аст.

Ҳукумати Ҷумҳурии Тоҷикистон ба сифати аъзоҳаққии аввалия амволи дар Пойгоҳи илмии дар дараи Оқ-Архари ноҳияи Мурғоби Вилояти Мухтори Кӯҳистони Бадахшон мавҷударо бо арзиши 19129154 сомонӣ ба тавозуни Марказ мегузаронад.

Моддаи 20

1. Марказ ҳуқуқи харидани амвол, аз ҷумла, моликияти зеҳниро, ки барои иҷрои мақсадҳои он зарур аст, соҳиб аст.

2. Амволи Марказ, ки ба он аз ҷониби Тарафҳои муассис ба сифати аъзоҳаққии баробарҳиссагии аввалия дода шудааст, инчунин, амволи аз тарафи Марказ дар муддати фаъолияти он сохташуда ё ба

дастовардашуда, аз ҷумла, моликияти зеҳнӣ, моликияти Марказ мебошанд.

3. Тартиби истифодаи маблағҳо ва амволе, ки моликияти Марказ мебошанд, бо қарори Шӯро муқаррар карда мешавад.

4. Даъвоҳои амволӣ ба Марказ аз тарафи шахсони сеюм аз рӯи амволи ба ӯ дахлдор қонеъ гардонида мешавад.

Моддаи 21

1. Таъминоти молиявии тадқиқотҳои илмии бунёдие, ки дар заминаи Марказ гузаронида мешаванд, аз ҳисоби маблағҳои зерин амалӣ карда мешавад:

- ташкилотҳои илмӣ- тадқиқотии Тарафҳое, ки дар амалисозии барномаи илмии Марказ иштирок мекунанд. Ба таркиби хароҷоти ташкилотҳои илмӣ-тадқиқотӣ хароҷоти алоқаманд ба нигаҳдорӣ ва хизматрасонии таҷҳизоти илмӣ ва амволи дигари дар тавозун (баланс)-и Марказ қарордошта ва дар ҳаҷми аъзоҳаққии ҳарсолаи Тарафҳо баэътиборгирифташуда дохил намешаванд;

- фондҳои илмии миллӣ ва байналмилалӣ, ки лоиҳаҳои илмӣтадқиқотиро аз ҷиҳати молиявӣ дастгирӣ менамоянд.

2. Таъминоти молиявии фаъолияти маъмурияти Марказ ва нигоҳдории амволи он, аз ҷумла моликияти зеҳниро Тарафҳои муассис дар асоси баробарӣ аз ҷониби давлатҳои муассис дар ҳудуди маблағҳои буҷетие, ки дар Вазорати маориф ва илми Федератсияи Россия дар буҷети федералӣ пешбинӣ гардидаанд ва маблағҳои буҷетии Ҷумҳурии Тоҷикистон, ки ба Академия илмҳои Ҷумҳурии Тоҷикистон ҷудо мегардад, мувофиқан бо асъори миллии ин давлатҳо амалӣ сохта мешавад.

3. Шароит ва ҳаҷми таъминоти молиявии фаъолияти маъмурияти Марказ ва нигоҳдории амволи Марказ, аз ҷумла моликияти зеҳнии дигар Тарафҳо, ки ба Марказ бо тартиби пешбиникардаи моддаи 15-и Оинномаи мазкур ҳамроҳ гардидаанд, дар шартномаҳои дахлдори байналмилалӣ муайян карда мешаванд.

Дар ин маврид дар ҳисоби пардохти аъзоҳаққиҳои аввалия ва ҳарсолаи чунин Тарафҳо арзиши амволи манқул ва ғайриманқули ба моликияти Марказ гузаронидашуда, арзиши ворид намудани таҷҳизот, асбоб, мавод, хизматрасонӣ ва корҳои алоҳидаро аз рӯйи фармоиши Марказ ба инобат гирифтан мумкин аст.

4. Таъминоти молиявии фаъолияти бахшҳо ва намояндагиҳои Марказро давлатҳои Тарафҳое амалӣ менамоянд, ки дар ҳудуди онҳо ин бахшу намояндагиҳо қарор доранд.

5. Манбаъҳои таъминоти молиявии Марказ инҳо мебошанд:

- аъзоҳаққии ҳарсолаи Тарафҳо ба таъминоти молиявии фаъолияти маъмурияти Марказ ва бахшу намояндагиҳои дар ҳудуди Тарафҳо қарордошта;

- маблағҳое, ки тибқи шартномаю аҳдномаҳои бастаи Марказ барои пеш бурдани фаъолияти оинномавии он ворид мегарданд;

- даромадҳо аз фаъолияти хоҷагидории Марказ ва воҳидҳои сохтории он;

- воридот аз амалисозии ҳуқуқҳои истисноӣ ба натиҷаҳои фаъолияти зеҳнӣ (моликияти зеҳнӣ);

- даромадҳо аз ҳисоби ба иҷора супурдани амволи мансуб ба моликияти Марказ;

- аъзоҳаққиҳои ихтиёрӣ ва ҳадявии давлатҳо, шахсони ҳуқуқӣ ва воқеӣ;

- воридоти дигари молиявӣ, ки дар қонунгузории миллӣ пешбинӣ гардидаанд.

6. Ҷавобгарӣ ҷиҳати амалисозии хароҷоти Марказ мутобиқи буҷет (смета)-и тасдиқшуда ба зиммаи директори Марказ гузошта мешавад.

Дар раванди иҷрои буҷет директори Марказ метавонад тағйироти ҷузъиро ба самтҳои дахлдори хароҷоте, ки дар смета дар ҳудуди муайяннамудаи Шӯро пешбинӣ гардидааст, ворид намояд.

Моддаи 22

1. Ҳайати кормандони Марказ аз шахсони вазифадор ва кормандон иборат аст.

Шахсони вазифадор - шаҳрвандони давлатҳои Тарафҳо мебошанд, ки онҳо бо пешниҳоди Тарафҳо тибқи квотаи баробарандоза ба ҳиссаи иштироки Тарафи дахлдор дар таъмини молиявии фаъолияти Марказ таъйин шудаанд.

Кормандон - шаҳрвандони давлатҳои Тарафҳо, ҳамҷунин шаҳрвандони давлатҳои сеюм мебошанд, ки дар Марказ дар асоси шартномаҳои меҳнатии бо онҳо басташуда кор мекунанд.

2. Ҳайати шахсӣ (персонал)-и Марказро директори Марказ тибқи қоидаҳои муқаррарнамудаи Шӯро таъйин менамояд.

3. Зимни иҷрои ӯҳдадориҳои худ ҳайати шахсии Марказ ба ягон Тараф муроҷиат наменамоянд ва аз ягон Тарафе дастур намегиранд. Шахсони вазифадор аз ҳар гуна амале, ки ба мавқеи онҳо дуруст намеояд, худдорӣ менамоянд.

Моддаи 23

1. Марказ ба натиҷаҳои тадқиқот, ки аз тарафи он мустақилона иҷро карда шудааст, инчунин, ба тадқиқоти бо фармоиши ӯ иҷрогардида (агар дигар намуди тадқиқот бо иҷрокунандагон дар шартнома (аҳднома)-ҳо пешбинӣ нагардида бошад), ҳуқуқи истисноӣ дорад.

2. Давлатҳои аъзои Марказ ба истифодаи ғайритиҷоратии натиҷаҳои фаъолияти илмӣ ва илмӣ-техникии Марказ ҳуқуқ доранд.

3. Масъалаҳои ҳифзи ҳуқуқҳои моликияти зеҳнӣ ба натиҷаҳои илмии бадастовардаи Марказ, шароит ва тартиби тақсими ҳуқуқҳо ба онҳо ва истифодаи онҳо дар шартномаҳои байналмилалие, ки иштирокчиёни онҳо давлатҳои Тарафҳо мебошанд, қонунгузории ҳар як давлати Тарафҳо ва Оинномаи мазкур муайян карда мешаванд.

Натиҷаҳои тадқиқоти илмии бунёдии дар Марказ гузаронидашуда ҳатман дар матбуоти кушод, аз ҷумла, маҷаллаҳои илмӣ бо нишон додани ҳамаи муаллифони иштироккунанда дар иҷрои онҳо нашр карда мешаванд.

Дар матбуоти кушод нашр намудани натиҷаҳои тадқиқоти дар Марказ гузаронидашуда бояд дар асоси хулосаи мусбати дахлдори шӯрои илмии ҳамоҳангсозӣ ва ё комиссияи махсусгардонидашудаи таҳрири, ки онро Шӯро аз ҳисоби аъзои худ таъсис додаст, амалӣ карда шавад.

Ҳар гуна нашри натиҷаҳои тадқиқоти дар Марказ иҷрошуда бояд нишондоди ҳатмиро ба он, ки ин тадқиқот дар Марказ бо истифодаи заминаи тадқиқотӣ ва ё инфрасохтори он гузаронида шудааст, дошта бошад.

4. Натиҷаҳои тадқиқоти дар Марказ бадастовардашуда танҳо бо мақсадҳои осоишта баҳри некӯаҳволии тамоми инсоният истифода карда мешаванд.

Моддаи 24

1.Баҳс ва гуногунандешиҳо байни Тарафҳо, ки бо фаъолияти Марказ вобастаанд, бо тариқи гуфтугӯ (музокирот) ва мушовара ҳал карда мешаванд; агар бо гузаштани муддати шаш моҳ доир ба онҳо қарорҳои муайян қабул карда нашаванд, ин гуна баҳсу гуногунандешиҳо бо ризогии Тарафҳо ба Суди иқтисодии Иттиҳоди Давлатҳои Мустақил ё дигар суди байналмилалӣ ё арбитражӣ супорида мешавад.

2. Дар мавриди ба Марказ ҳамроҳ шудани давлате, ки аъзои Иттиҳоди Давлатҳои Мустақил намебошад, тартиби ҳалли баҳсҳо бо онҳо дар шартномаи дахлдори байналмилалӣ оид ба ҳамроҳшавӣ ба Созишнома, ки онро моддаи 15-и Созишнома пешбинӣ намудааст, муайян карда мешавад.

Моддаи 25

Баҳсҳо байни Тарафҳо нисбат ба татбиқ ё тафсири муқаррароти Оиннома, ки вобаста ба иштироки онҳо дар фаъолияти Марказ пайдо мешаванд, дар сатҳи Шӯро бо роҳи машварат ҳал карда мешавад.

Моддаи 26

1. Қарор дар бораи таҷдиди Марказро Тарафҳо қабул менамоянд. Ҳангоми таҷдиди Марказ ҳамаи ҳуҷҷатҳое, ки дар раванди фаъолияти он таҳия шудаанд, аз ҷумла, ҳуҷҷатҳо оид ба ҳайати шахсӣ ба маъмурияти Марказ супорида мешаванд.

2. Дар мавриди қатъ намудани фаъолияти Марказ Шӯро мутобиқи моддаи 20-и Созишнома комиссияи барҳамдиҳиро таъсис медиҳад ва шароиту тартиби кори онро муайян мекунад.

3. Баъди пардохта шудани ҳама ӯҳдадориҳои Марказ, комиссияи барҳамдиҳӣ қарорро дар бораи байни Тарафҳо тақсим намудани амвол

ва моликияти зеҳнӣ, ки аз тарафи Марказ дар раванди фаъолияташ ба даст оварда шудааст, қабул мекунад.

Амволи Марказ, ки дар худаъзоҳаққии баробарҳиссаи аввалияи Тарафҳои муассисро дар амволи Марказ ифода мекунад, бо гузаштани мӯҳлати амали Созишнома ройгон ба Тарафи Тоҷикистон дода мешавад.

Амвол ва моликияти зеҳние, ки аз ҷониби давлатҳои Тарафҳомуассисони Марказ иловатан ба Марказ дода шудаанд ва (ё) аз ҳисоби маблағҳои давлатҳои Тарафҳо - муассисони Марказ тибқи моддаи 9-и Созишнома гирифта шудаанд, ба Тарафи дахлдор ба намуди молӣ (натуралӣ) ва (ё) пулӣ бо таносуби мувофиқ ба иштироки ҳиссавии он дар таъмини молиявии фаъолияти Марказ баргардонида мешавад.

Аъзоҳаққиҳои аввалияи давлатҳои Тарафҳое, ки ба Марказ тибқи моддаи 15-и Оинномаи мазкур ҳамроҳ гардидаанд, ба давлатҳои дахлдор баргардонида мешаванд. Амволи дар муддати фаъолияти Марказ бадастомадаро ба давлатҳои дахлдор ба тариқи молӣ (натуралӣ) ё пулӣ бо таносуби мувофиқ ба иштироки ҳиссавии ин Тарафҳо дар таъмини молиявии фаъолияти Марказ баргардонидан мумкин аст.

4. Дар мавриде, ки яке аз Тарафҳо ҳангоми қатъ гардонидани фаъолияти Марказ хоҳиши фурӯхтан ё бо тарзи дигар гирифтани амволи Марказ ва моликияти зеҳниро изҳор намояд, Тарафҳои дигар ҳуқуқи аввалиндараҷаи гирифтани ин амвол, аз ҷумла моликияти зеҳниро доранд.

Моддаи 27

1. Оиннома ба забони русӣ ва тоҷикӣ тартиб дода шудааст.

2. Нусхаи асли Оиннома дар маъмурияти Марказ ҳифз карда мешавад. Нусхаҳои тасдиқшудаи Оинномаро маъмурияти Марказ ба ҳамаи аъзои Марказ месупорад.