Бо қарори Ҳукумати
Ҷумҳурии Тоҷикистон
аз 5 декабри соли 2013, № 565
тасдиқ шудааст
Тартиби гузаронидани экспертизаи ғайридавлатии ҳуҷҷатҳои лоиҳавии шаҳрсозӣ ва аккредитатсияи коршиносон
1. Муқаррароти умумӣ
1. Тартиби гузаронидани экспертизаи ғайридавлатии ҳуҷҷатҳои лоиҳавии шаҳрсозӣ ва аккредитатсияи коршиносон (минбаъд - Тартиб) бо мақсади татбиқи моддаҳои 64 ва 65 Кодекси шаҳрсозии Ҷумҳурии Тоҷикистон таҳия гардидааст.
2. Дар Тартиби мазкур мафҳумҳои асосии зерин истифода карда мешаванд:
- экспертизаи ғайридавлатӣ - экспертизаи ҳуҷҷатҳои лоиҳавӣ, ки бо мақсади назорати риояи талаботи санадҳои меъёрии ҳуқуқии Ҷумҳурии Тоҷикистон, меъёрҳо, қоидаҳо ва стандартҳо пас аз таҳияи лоиҳаҳо анҷом дода мешавад;
- аккредитатсияи коршиносон - ҷараёне мебошад барои шахсони воқеӣ ва ҳуқуқӣ бо мақсади гирифтани ҳуқуқи гузаронидани экспертизаи ғайридавлатии лоиҳаҳои сохтмон аз ҷониби мақоми ваколатдори давлатӣ дар соҳаи меъморӣ ва шаҳрсозӣ;
- стандартҳои миллӣ - стандарте, ки мақоми ваколатдори давлатии Ҷумҳурии Тоҷикистон оид ба стандартонӣ тасдиқ ва қабул намудааст;
- ҳуҷҷатҳои лоиҳавӣ - мақсади шахсони воқеӣ ва ҳуқуқӣ ё давлат оид ба таъмини шароити мусоиди зист ва фаъолияти ҳаётии инсон, ки дар шакли меъморӣ, шаҳрсозӣ ва ҳуҷҷатҳои сохтмонӣ (тарҳҳо, маводи графикӣ ва матнӣ, ҳисоби муҳандисӣ ва хароҷотӣ) пешниҳод мегардад;
- шаҳодатномаи ваколатӣ - ҳуҷҷате мебошад, ки ба шахсони воқеӣ ва ҳуқуқӣ баъди аз аккредитатсия гузаштан аз ҷониби мақоми ваколатдори давлатӣ дода мешавад.
3. Тартиби мазкур гузаронидани экспертизаи ғайридавлатии ҳуҷҷатҳои лоиҳавии сохтмони иншоот ва аккредитатсияи коршиносонро муқаррар мекунад.
4. Экспертизаи ғайридавлатӣ аз тарафи шахсони воқеӣ ва ҳуқуқӣ, ки аз аккредитатсияи давлатӣ гузаштаанд (минбаъд - коршиноси ғайридавлатӣ), бо ташаббуси иморатсоз, фармоишгар ё шахс, дар асоси шартнома бо иморатсоз ё фармоишгар, ки ҳуҷҷатҳои лоиҳавӣ ё корҳои ҷустуҷӯию муҳандисиро омода месозад, гузаронида мешавад.
2. Экспертизаи ғайридавлатии ҳуҷҷатҳои лоиҳавии сохтмони иншоот
5. Ҳуҷҷатҳои лоиҳавӣ барои экспертизаи ғайридавлатӣ метавонад дар ҳаҷми пурра ё бо қисмҳои алоҳида пешниҳод карда шавад.
6. Экспертизаи ғайридавлатӣ дар асоси шартномаи байни аризадиҳанда ва коршиноси ғайридавлатӣ басташуда, иҷро карда мешавад.
7. Экспертизаи ғайридавлатӣ метавонад ҳуҷҷатҳои лоиҳавии сохтмони асосиро (қисмҳои алоҳидаи лоиҳаҳои сохтмон, таҷдид, таъмири асосӣ), ки гузаронидани экспертизаи онҳоро қонунгузории Ҷумҳурии Тоҷикистон муқаррар менамояд, амалӣ созад.
8. Гузаронидани экспертизаи ғайридавлатии ҳуҷҷатҳои лоиҳавӣ ин муайян кардани мутобиқати ҳуҷҷатҳои лоиҳавӣ ба талаботи зерин мебошад:
- меъёру қоидаҳои сохтмонӣ, санадҳои меъёрии ҳуқуқии соҳаи шаҳрсозӣ, талаботи техникӣ, аз ҷумла ба талаботи санитарию эпидемиологӣ, экологӣ, муҳофизати объектҳои мероси фарҳангидошта, зиддисӯхторӣ, саноатӣ, хастаӣ, радиатсионӣ ва дигар бехатариҳо;
- натиҷаҳои корҳои ҷустуҷӯию муҳандисӣ;
- меъёрҳои харҷномавии муқарраргардида;
- талаботи шаҳрсозӣ;
- стандартҳои миллӣ;
- супориши меъморию банақшагирӣ;
- супориш ба лоиҳакашӣ.
9. Натиҷаҳои экспертизаи ғайридавлатӣ ин хулосаҳо оид ба мутобиқатии (мусбӣ) ҳуҷҷатҳои лоиҳавӣ ё номутобиқатии (манфӣ) онҳо ба талаботи банди 8 Тартиби мазкур мебошад. Дар хулоса тавсияҳо оид ба ворид намудани тағйирот ба ҳуҷҷатҳои лоиҳавӣ ва беҳтар намудани қарорҳои лоиҳавӣ дарҷ мегарданд.
10. Барои гузаронидани экспертизаи ғайридавлатӣ ҳуҷҷатҳои зерин пешниҳод карда мешаванд:
- мактуб ё ариза дар бораи гузаронидани экспертизаи давлатӣ;
- ҳуҷҷатҳои лоиҳавӣ барои сохтмони иншооти асосӣ тибқи талаботи меъёрҳо ва қоидаҳои шаҳрсозӣ;
- қарори мақоми иҷроияи маҳаллии ҳокимияти давлатӣ барои сохтмон;
- шартҳои техникӣ барои пайвастшавӣ ба нуқтаҳои шабакаҳои муҳандисӣ;
- мувофиқаи лоиҳа бо мақомоти дахлдори назорати давлатӣ;
- супориши меъморию банақшагирӣ;
- натиҷаҳои корҳои ҷустуҷӯию муҳандисӣ;
- нусхаи супориш барои иҷрои корҳои ҷустуҷӯию муҳандисӣ.
11. Талаб кардани дигар ҳуҷҷатҳое, ки дар банди мазкур пешбинӣ нашудаанд, манъ аст.
12. Хулосаи экспертизаи ғайридавлатиро коршиноси ваколатдор имзо менамояд ва аз тарафи роҳбари мақоми экспертизаи ғайридавлатӣ тасдиқ карда мешавад.
13. Барои гузаронидани экспертизаи ғайридавлатӣ аризадиҳанда метавонад ба якчанд коршиносони ғайридавлатӣ аз рӯи хоҳиши худ муроҷиат намояд.
14. Намунаи хулосаи экспертизаи ғайридавлатӣ аз ҷониби мақоми ваколатдори давлатӣ дар соҳаи меъморӣ ва шаҳрсозӣ муқаррар карда мешавад.
15. Экспертизаи ғайридавлатӣ пулакӣ буда, дар асоси Низомномаи
нархномаҳои корӣ оид ба гузаронидани экспертизаи ғайридавлатии лоиҳаҳои сохтмонӣ ва пардохти музди меҳнати коршиносон, ки тибқи қонунгузории Ҷумҳурии Тоҷикистон аз ҷониби мақоми ваколатдори давлатӣ дар соҳаи меъморӣ ва шаҳрсозӣ тасдиқ карда мешавад, амалӣ мегардад.
3. Аккредитатсияи шахсони воқеӣ ва ҳуқуқӣ
16. Аккредитатсияи шахсони воқеӣ ва ҳуқуқӣ бо мақсади гирифтани ҳуқуқи гузаронидани экспертизаи ғайридавлатии лоиҳаҳои сохтмон аз ҷониби мақоми ваколатдори давлатӣ дар соҳаи меъморӣ ва шаҳрсозӣ (минбаъд - мақоми ваколатдори давлатӣ) гузаронида мешавад.
17. Шахсони воқеӣ ва ҳуқуқӣ барои гирифтани ваколатҳои зерин аз акредитатсия мегузаранд: - гузаронидани экспертизаи ғайридавлатии ҳуҷҷатҳои лоиҳавӣ;
- гузаронидани экспертизаи ғайридавлатии натиҷаҳои корҳои ҷустуҷӯию муҳандисӣ;
- гузаронидани экспертизаи ғайридавлатии ҳуҷҷатҳои лоиҳавӣ ва корҳои ҷустуҷӯию муҳандисӣ.
18. Экспертҳои ғайридавлатӣ танҳо дар доираи ваколатҳои пас аз аккредитатсия гирифташуда фаъолият менамоянд.
19. Ваколати гузаронидани экспертизаи ғайридавлатӣ барои он иншооте дода мешавад, ки маблағгузории сохтмони он ғайрибуҷетӣ буда, хусусияти стратегӣ ва умумидавлатӣ надорад.
20. Коршиноси ғайридавлатӣ барои гузаронидани экспертизаи лоиҳаҳои иншоот ва иморат, ки худ дар таҳияи он иштирок намудааст ё лоиҳаҳои таҳиянамудаи ташкилоте, ки ӯ дар он кор мекунад, ҳуқуқ надорад.
21. Шарт ва талабот нисбат ба акредитатсияи шахсони воқеӣ ва ҳуқуқӣ чунин мебошанд:
- ҳуқуқи гузаронидани экспертизаи ғайридавлатии ҳуҷҷатҳои лоиҳавиро кормандоне доранд, ки соҳиби таҳсилоти олии касбӣ аз рӯи ихтисоси дархостшаванда мебошанд ва онҳо дар соҳаи лоиҳакашии бино ва иншоот на камтар аз 10 сол собиқаи корӣ доранд;
- ҳуқуқи гузаронидани экспертизаи натиҷаҳои корҳои ҷустуҷӯию муҳандисиро кормандоне доранд, ки соҳиби таҳсилоти олии касбӣ,
таҳсилот аз рӯи ихтисоси дархостшаванда буда, онҳо дар соҳаи корҳои ҷустуҷӯию муҳандисӣ ва ҷустуҷӯию геодезӣ на камтар аз 10 сол собиқаи корӣ доранд.
22. Барои гирифтани ваколат, шахсони воқеӣ ва ҳуқуқӣ ба мақоми ваколатдори давлатӣ ҳуҷҷатҳои зеринро пешниҳод менамояд:
- ариза барои гирифтани ваколат, ки дар он намуди зкспертизаи ғайридавлатӣ, мӯҳлати гирифтани ваколат нишон дода мешавад;
- нусхаи ҳуҷҷатҳое, ки ворид намудани шахсони ҳуқуқиро ба рӯйхати ягонаи давлатии шахсони ҳуқуқӣ тасдиқ мекунад; - нусхаи ҳуҷҷатҳои таъсис додани ташкилот;
- нусхаи ҳуҷҷатҳое, ки таҳсилоти олии касбӣ ва собиқаи кории кормандонро дар соҳаи муайян тасдиқ мекунад. Талабот ба таҳсилот ва собиқаи корӣ дар банди 21 Тартиби мазкур ба инобат гирифта шудааст.
23. Мақоми ваколатдор дар мӯҳлати 3 рӯзи корӣ аз санаи қабули ҳуҷҷатҳои тибқи банди 22 Тартиби мазкур муқарраршуда дурустии пур кардан ва теъдоди зарурии ҳуҷҷатҳоро месанҷад. Дар ҳолати мутобиқ набудани ҳуҷҷатҳо, ба талаботи пешниҳодшуда, мақомот дар мӯҳлати 5 рӯзи корӣ ҳуҷҷатҳоро ба аризадиҳанда бармегардонад ва сабабҳои баргардонидани ҳуҷҷатҳоро нишон медиҳад.
24. Мақоми ваколатдори давлатӣ дар мӯҳлати 10 рӯзи корӣ аз санаи қабули ҳуҷҷатҳо тибқи банди 22 Тартиби мазкур омӯзиши онро ташкил намуда, додан ё надодани ваколатро ҳал мекунад.
25. Ҳангоми қабул кардани қарор оид ба додани ваколат, мақоми ваколатдори давлатӣ дар мӯҳлати 5 рӯзи корӣ аз санаи қабул кардани қарор ба аризадиҳанда шаҳодатномаи ваколатиро медиҳад. Шаҳодатномаи ваколатӣ ба мӯҳлати 5 сол дода мешавад, агар дар ариза мӯҳлати гирифтани ваколат камтар нишон дода шуда набошад. Шакли шаҳодатномаи ваколатӣ аз тарафи мақоми ваколатдори давлатӣ тасдиқ карда мешавад.
26. Қарор дар бораи рад кардани ваколат аз тарафи мақоми ваколатдори давлатӣ дар ҳолатҳои зерин қабул карда мешавад:
- агар дар ҳуҷҷатҳои пешниҳодшуда маълумоти беасос ҷой дошта бошад;
- номутобиқатии шахсони воқеӣ ва ҳуқуқӣ ба талабот ва шартҳои дар банди 20 Тартиби мазкур нишон додашуда.
27. Қарор дар бораи рад кардани ваколат, ба маълумоти аризадиҳанда дар мӯҳлатҳои дар бандҳои 24 ва 25 Тартиби мазкур муқарраргардида, расонида мешавад.
28. Аризадиҳанда ҳуқуқи такроран пешниҳод кардани ҳуҷҷатҳоро ба мақоми ваколатдори давлатӣ, пас аз бартараф кардани сабабҳое, ки онҳо барои рад гардидани ваколат асос шуда буд, дорад.
29. Ваколат аз тарафи мақоми ваколатдори давлатӣ дар ҳолатҳои зерин боздошта мешавад:
- радкунии беасос оид ба гузаронидани экспертизаи ғайридавлатӣ;
- вуҷуд надоштани иттилоот оид ба вайрон кардани қоидаҳо ва Тартиби мазкур;
- вуҷуд доштани шикоят ҳангоми гузаронидани тафтиш аз тарафи мақоми ваколатдори давлатӣ ва тасдиқ гардидани онҳо;
- номутобиқатии ошкоргардида аз тарафи мақоми ваколатдори давлатӣ ва ба талабот ва шартҳои банди 22 Тартиби мазкур ҷавобгӯ набудани он;
- додани хулосаи экспертӣ бар хилофи банди 8 Тартиби мазкур.
30. Дар ҳолати ошкор гардидани қоидаҳои вайронкунӣ, ки дар банди 29 Тартиби мазкур пешбинӣ шудааст, мақоми ваколатдори давлатӣ барои бартараф сохтани камбудиҳо, ки боиси вайрон гардидани Тартиби мазкур шуданд, амали ваколати шахсони воқеӣ ва ҳуқуқиро боз медорад. Мӯҳлати боздоштан набояд аз 2 моҳ зиёд бошад. Дар ин давра гузаронидани экспертизаи ғайридавлатӣ манъ карда мешавад.
31. Шахсони воқеӣ ва ҳуқуқӣ, ки ваколати онҳо боздошта шудааст, пас аз ислоҳ кардани камбудиҳо, ба мақоми ваколатдори давлатӣ тибқи тартиби муқарраргардида ҳуҷҷатҳои дахлдорро пешниҳод менамоянд.
32. Мақоми ваколатдори давлатӣ дар мӯҳлати 10 рӯзи корӣ аз санаи гирифтани иттилоот оид ба бартараф намудани камбудиҳои ҷойдошта, тафтиш гузаронида, дар мӯҳлати 5 рӯзи корӣ ба аризадиҳанда дар бораи қарори қабулкардашуда, оид ба идома додани фаъолият ё бекор кардани он хабар медиҳад. Мӯҳлати ваколат ҳангоми боздоштани он тамдид намегардад.
33. Ваколат аз тарафи мақоми ваколатдори давлатӣ дар ҳолатҳои зерин бекор карда мешавад:
- барҳам додан ё қатъ гардидани фаъолияти мақоми ваколатдор;
- муроҷиати хаттии мақоми ваколатдор дар бораи бекор кардани ваколат;
- дар мӯҳлати аз тарафи мақоми ваколатдори давлатӣ муайян карда шуда, бартараф накардани вайронкунии қоидаҳо, ки боиси боздоштани он гардид;
- расонидани зарар ба ҳаёт ё саломатии шахсони воқеӣ, ба амволи шахсони воқеӣ ва ҳуқуқӣ, хатогиҳое, ки ҳангоми таҳияи ҳуҷҷатҳои лоиҳавӣ, ҳангоми вуҷуд доштани хулосаи мусбии экспертизаи ғайридавлатӣ ба ҳуҷҷатҳои лоиҳавӣ амалӣ шудаанд.
34. Ҳангоми бекор кардани ваколат, шахсони воқеӣ ва ҳуқуқӣ метавонанд пас аз 1 сол ба мақоми ваколатдори давлатӣ барои гирифтани ваколат такроран муроҷиат намоянд.
35. Мақоми ваколатдори давлатӣ дар мӯҳлати 5 рӯзи корӣ, аз санаи қабул гардидани қарор дар бораи бекор кардани ваколат, мақоми ваколатдррро дар шакли хаттӣ бо нишон додани асос, ки дар банди 31 Тартиби мазкур пешбинӣ шудааст, огоҳ менамояд.
36. Шахсони воқеӣ ва ҳуқуқие, ки нисбати онҳо қарор оид ба боздоштан ё бекор кардани ваколат қабул карда шудааст, тибқи қонунгузории Ҷумҳурии Тоҷикистон ҳуқуқ доранд ба суд муроҷиат намоянд.
37. Дар ҳолати гум кардани шаҳодатномаи ваколати мақоми ваколатдори давлатӣ дар асоси аризаи хаттӣ дар мӯҳлати 10 рӯз, дубликати шаҳодатномаро медиҳад.
38. Гузаронидани аккредитатсияи давлатӣ ва гирифтани ваколат барои гузаронидани экспертизаи ғайридавлатӣ пулакӣ буда, барои баррасии ариза чор нишондиҳанда барои ҳисобҳо ва барои гузаронидани аккредитатсияи давлатӣ ва додани ваколат даҳ нишондиҳанда барои ҳисобҳо муайян карда мешавад.
4. Муқаррароти хотимавӣ
39. Баҳсҳо вобаста ба гузаронидани экспертизаи ғайридавлатӣ ва аккредитатсияи коршиносон бо тартиби муқаррарнамудаи санадҳои қонунгузорӣ аз ҷониби мақомоти дахлдори давлатӣ ё бо тартиби судӣ ҳал карда мешаванд.
40. Шахсони воқеӣ ва ҳуқуқӣ, инчунин мақомоти давлатӣ барои риоя накардани талаботи Тартиби мазкур ҳангоми гузаронидани экспертизаи ғайридавлатӣ ва аккредитатсияи коршиносон, мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.
Бо қарори Ҳукумати
Ҷумҳурии Тоҷикистон
аз 5 декабри соли 2013, № 565
тасдиқ шудааст
Тартиби гузаронидани экспертизаи ғайридавлатии ҳуҷҷатҳои лоиҳавии шаҳрсозӣ ва аккредитатсияи коршиносон
1. Муқаррароти умумӣ
1. Тартиби гузаронидани экспертизаи ғайридавлатии ҳуҷҷатҳои лоиҳавии шаҳрсозӣ ва аккредитатсияи коршиносон (минбаъд - Тартиб) бо мақсади татбиқи моддаҳои 64 ва 65 Кодекси шаҳрсозии Ҷумҳурии Тоҷикистон таҳия гардидааст.
2. Дар Тартиби мазкур мафҳумҳои асосии зерин истифода карда мешаванд:
- экспертизаи ғайридавлатӣ - экспертизаи ҳуҷҷатҳои лоиҳавӣ, ки бо мақсади назорати риояи талаботи санадҳои меъёрии ҳуқуқии Ҷумҳурии Тоҷикистон, меъёрҳо, қоидаҳо ва стандартҳо пас аз таҳияи лоиҳаҳо анҷом дода мешавад;
- аккредитатсияи коршиносон - ҷараёне мебошад барои шахсони воқеӣ ва ҳуқуқӣ бо мақсади гирифтани ҳуқуқи гузаронидани экспертизаи ғайридавлатии лоиҳаҳои сохтмон аз ҷониби мақоми ваколатдори давлатӣ дар соҳаи меъморӣ ва шаҳрсозӣ;
- стандартҳои миллӣ - стандарте, ки мақоми ваколатдори давлатии Ҷумҳурии Тоҷикистон оид ба стандартонӣ тасдиқ ва қабул намудааст;
- ҳуҷҷатҳои лоиҳавӣ - мақсади шахсони воқеӣ ва ҳуқуқӣ ё давлат оид ба таъмини шароити мусоиди зист ва фаъолияти ҳаётии инсон, ки дар шакли меъморӣ, шаҳрсозӣ ва ҳуҷҷатҳои сохтмонӣ (тарҳҳо, маводи графикӣ ва матнӣ, ҳисоби муҳандисӣ ва хароҷотӣ) пешниҳод мегардад;
- шаҳодатномаи ваколатӣ - ҳуҷҷате мебошад, ки ба шахсони воқеӣ ва ҳуқуқӣ баъди аз аккредитатсия гузаштан аз ҷониби мақоми ваколатдори давлатӣ дода мешавад.
3. Тартиби мазкур гузаронидани экспертизаи ғайридавлатии ҳуҷҷатҳои лоиҳавии сохтмони иншоот ва аккредитатсияи коршиносонро муқаррар мекунад.
4. Экспертизаи ғайридавлатӣ аз тарафи шахсони воқеӣ ва ҳуқуқӣ, ки аз аккредитатсияи давлатӣ гузаштаанд (минбаъд - коршиноси ғайридавлатӣ), бо ташаббуси иморатсоз, фармоишгар ё шахс, дар асоси шартнома бо иморатсоз ё фармоишгар, ки ҳуҷҷатҳои лоиҳавӣ ё корҳои ҷустуҷӯию муҳандисиро омода месозад, гузаронида мешавад.
2. Экспертизаи ғайридавлатии ҳуҷҷатҳои лоиҳавии сохтмони иншоот
5. Ҳуҷҷатҳои лоиҳавӣ барои экспертизаи ғайридавлатӣ метавонад дар ҳаҷми пурра ё бо қисмҳои алоҳида пешниҳод карда шавад.
6. Экспертизаи ғайридавлатӣ дар асоси шартномаи байни аризадиҳанда ва коршиноси ғайридавлатӣ басташуда, иҷро карда мешавад.
7. Экспертизаи ғайридавлатӣ метавонад ҳуҷҷатҳои лоиҳавии сохтмони асосиро (қисмҳои алоҳидаи лоиҳаҳои сохтмон, таҷдид, таъмири асосӣ), ки гузаронидани экспертизаи онҳоро қонунгузории Ҷумҳурии Тоҷикистон муқаррар менамояд, амалӣ созад.
8. Гузаронидани экспертизаи ғайридавлатии ҳуҷҷатҳои лоиҳавӣ ин муайян кардани мутобиқати ҳуҷҷатҳои лоиҳавӣ ба талаботи зерин мебошад:
- меъёру қоидаҳои сохтмонӣ, санадҳои меъёрии ҳуқуқии соҳаи шаҳрсозӣ, талаботи техникӣ, аз ҷумла ба талаботи санитарию эпидемиологӣ, экологӣ, муҳофизати объектҳои мероси фарҳангидошта, зиддисӯхторӣ, саноатӣ, хастаӣ, радиатсионӣ ва дигар бехатариҳо;
- натиҷаҳои корҳои ҷустуҷӯию муҳандисӣ;
- меъёрҳои харҷномавии муқарраргардида;
- талаботи шаҳрсозӣ;
- стандартҳои миллӣ;
- супориши меъморию банақшагирӣ;
- супориш ба лоиҳакашӣ.
9. Натиҷаҳои экспертизаи ғайридавлатӣ ин хулосаҳо оид ба мутобиқатии (мусбӣ) ҳуҷҷатҳои лоиҳавӣ ё номутобиқатии (манфӣ) онҳо ба талаботи банди 8 Тартиби мазкур мебошад. Дар хулоса тавсияҳо оид ба ворид намудани тағйирот ба ҳуҷҷатҳои лоиҳавӣ ва беҳтар намудани қарорҳои лоиҳавӣ дарҷ мегарданд.
10. Барои гузаронидани экспертизаи ғайридавлатӣ ҳуҷҷатҳои зерин пешниҳод карда мешаванд:
- мактуб ё ариза дар бораи гузаронидани экспертизаи давлатӣ;
- ҳуҷҷатҳои лоиҳавӣ барои сохтмони иншооти асосӣ тибқи талаботи меъёрҳо ва қоидаҳои шаҳрсозӣ;
- қарори мақоми иҷроияи маҳаллии ҳокимияти давлатӣ барои сохтмон;
- шартҳои техникӣ барои пайвастшавӣ ба нуқтаҳои шабакаҳои муҳандисӣ;
- мувофиқаи лоиҳа бо мақомоти дахлдори назорати давлатӣ;
- супориши меъморию банақшагирӣ;
- натиҷаҳои корҳои ҷустуҷӯию муҳандисӣ;
- нусхаи супориш барои иҷрои корҳои ҷустуҷӯию муҳандисӣ.
11. Талаб кардани дигар ҳуҷҷатҳое, ки дар банди мазкур пешбинӣ нашудаанд, манъ аст.
12. Хулосаи экспертизаи ғайридавлатиро коршиноси ваколатдор имзо менамояд ва аз тарафи роҳбари мақоми экспертизаи ғайридавлатӣ тасдиқ карда мешавад.
13. Барои гузаронидани экспертизаи ғайридавлатӣ аризадиҳанда метавонад ба якчанд коршиносони ғайридавлатӣ аз рӯи хоҳиши худ муроҷиат намояд.
14. Намунаи хулосаи экспертизаи ғайридавлатӣ аз ҷониби мақоми ваколатдори давлатӣ дар соҳаи меъморӣ ва шаҳрсозӣ муқаррар карда мешавад.
15. Экспертизаи ғайридавлатӣ пулакӣ буда, дар асоси Низомномаи
нархномаҳои корӣ оид ба гузаронидани экспертизаи ғайридавлатии лоиҳаҳои сохтмонӣ ва пардохти музди меҳнати коршиносон, ки тибқи қонунгузории Ҷумҳурии Тоҷикистон аз ҷониби мақоми ваколатдори давлатӣ дар соҳаи меъморӣ ва шаҳрсозӣ тасдиқ карда мешавад, амалӣ мегардад.
3. Аккредитатсияи шахсони воқеӣ ва ҳуқуқӣ
16. Аккредитатсияи шахсони воқеӣ ва ҳуқуқӣ бо мақсади гирифтани ҳуқуқи гузаронидани экспертизаи ғайридавлатии лоиҳаҳои сохтмон аз ҷониби мақоми ваколатдори давлатӣ дар соҳаи меъморӣ ва шаҳрсозӣ (минбаъд - мақоми ваколатдори давлатӣ) гузаронида мешавад.
17. Шахсони воқеӣ ва ҳуқуқӣ барои гирифтани ваколатҳои зерин аз акредитатсия мегузаранд: - гузаронидани экспертизаи ғайридавлатии ҳуҷҷатҳои лоиҳавӣ;
- гузаронидани экспертизаи ғайридавлатии натиҷаҳои корҳои ҷустуҷӯию муҳандисӣ;
- гузаронидани экспертизаи ғайридавлатии ҳуҷҷатҳои лоиҳавӣ ва корҳои ҷустуҷӯию муҳандисӣ.
18. Экспертҳои ғайридавлатӣ танҳо дар доираи ваколатҳои пас аз аккредитатсия гирифташуда фаъолият менамоянд.
19. Ваколати гузаронидани экспертизаи ғайридавлатӣ барои он иншооте дода мешавад, ки маблағгузории сохтмони он ғайрибуҷетӣ буда, хусусияти стратегӣ ва умумидавлатӣ надорад.
20. Коршиноси ғайридавлатӣ барои гузаронидани экспертизаи лоиҳаҳои иншоот ва иморат, ки худ дар таҳияи он иштирок намудааст ё лоиҳаҳои таҳиянамудаи ташкилоте, ки ӯ дар он кор мекунад, ҳуқуқ надорад.
21. Шарт ва талабот нисбат ба акредитатсияи шахсони воқеӣ ва ҳуқуқӣ чунин мебошанд:
- ҳуқуқи гузаронидани экспертизаи ғайридавлатии ҳуҷҷатҳои лоиҳавиро кормандоне доранд, ки соҳиби таҳсилоти олии касбӣ аз рӯи ихтисоси дархостшаванда мебошанд ва онҳо дар соҳаи лоиҳакашии бино ва иншоот на камтар аз 10 сол собиқаи корӣ доранд;
- ҳуқуқи гузаронидани экспертизаи натиҷаҳои корҳои ҷустуҷӯию муҳандисиро кормандоне доранд, ки соҳиби таҳсилоти олии касбӣ,
таҳсилот аз рӯи ихтисоси дархостшаванда буда, онҳо дар соҳаи корҳои ҷустуҷӯию муҳандисӣ ва ҷустуҷӯию геодезӣ на камтар аз 10 сол собиқаи корӣ доранд.
22. Барои гирифтани ваколат, шахсони воқеӣ ва ҳуқуқӣ ба мақоми ваколатдори давлатӣ ҳуҷҷатҳои зеринро пешниҳод менамояд:
- ариза барои гирифтани ваколат, ки дар он намуди зкспертизаи ғайридавлатӣ, мӯҳлати гирифтани ваколат нишон дода мешавад;
- нусхаи ҳуҷҷатҳое, ки ворид намудани шахсони ҳуқуқиро ба рӯйхати ягонаи давлатии шахсони ҳуқуқӣ тасдиқ мекунад; - нусхаи ҳуҷҷатҳои таъсис додани ташкилот;
- нусхаи ҳуҷҷатҳое, ки таҳсилоти олии касбӣ ва собиқаи кории кормандонро дар соҳаи муайян тасдиқ мекунад. Талабот ба таҳсилот ва собиқаи корӣ дар банди 21 Тартиби мазкур ба инобат гирифта шудааст.
23. Мақоми ваколатдор дар мӯҳлати 3 рӯзи корӣ аз санаи қабули ҳуҷҷатҳои тибқи банди 22 Тартиби мазкур муқарраршуда дурустии пур кардан ва теъдоди зарурии ҳуҷҷатҳоро месанҷад. Дар ҳолати мутобиқ набудани ҳуҷҷатҳо, ба талаботи пешниҳодшуда, мақомот дар мӯҳлати 5 рӯзи корӣ ҳуҷҷатҳоро ба аризадиҳанда бармегардонад ва сабабҳои баргардонидани ҳуҷҷатҳоро нишон медиҳад.
24. Мақоми ваколатдори давлатӣ дар мӯҳлати 10 рӯзи корӣ аз санаи қабули ҳуҷҷатҳо тибқи банди 22 Тартиби мазкур омӯзиши онро ташкил намуда, додан ё надодани ваколатро ҳал мекунад.
25. Ҳангоми қабул кардани қарор оид ба додани ваколат, мақоми ваколатдори давлатӣ дар мӯҳлати 5 рӯзи корӣ аз санаи қабул кардани қарор ба аризадиҳанда шаҳодатномаи ваколатиро медиҳад. Шаҳодатномаи ваколатӣ ба мӯҳлати 5 сол дода мешавад, агар дар ариза мӯҳлати гирифтани ваколат камтар нишон дода шуда набошад. Шакли шаҳодатномаи ваколатӣ аз тарафи мақоми ваколатдори давлатӣ тасдиқ карда мешавад.
26. Қарор дар бораи рад кардани ваколат аз тарафи мақоми ваколатдори давлатӣ дар ҳолатҳои зерин қабул карда мешавад:
- агар дар ҳуҷҷатҳои пешниҳодшуда маълумоти беасос ҷой дошта бошад;
- номутобиқатии шахсони воқеӣ ва ҳуқуқӣ ба талабот ва шартҳои дар банди 20 Тартиби мазкур нишон додашуда.
27. Қарор дар бораи рад кардани ваколат, ба маълумоти аризадиҳанда дар мӯҳлатҳои дар бандҳои 24 ва 25 Тартиби мазкур муқарраргардида, расонида мешавад.
28. Аризадиҳанда ҳуқуқи такроран пешниҳод кардани ҳуҷҷатҳоро ба мақоми ваколатдори давлатӣ, пас аз бартараф кардани сабабҳое, ки онҳо барои рад гардидани ваколат асос шуда буд, дорад.
29. Ваколат аз тарафи мақоми ваколатдори давлатӣ дар ҳолатҳои зерин боздошта мешавад:
- радкунии беасос оид ба гузаронидани экспертизаи ғайридавлатӣ;
- вуҷуд надоштани иттилоот оид ба вайрон кардани қоидаҳо ва Тартиби мазкур;
- вуҷуд доштани шикоят ҳангоми гузаронидани тафтиш аз тарафи мақоми ваколатдори давлатӣ ва тасдиқ гардидани онҳо;
- номутобиқатии ошкоргардида аз тарафи мақоми ваколатдори давлатӣ ва ба талабот ва шартҳои банди 22 Тартиби мазкур ҷавобгӯ набудани он;
- додани хулосаи экспертӣ бар хилофи банди 8 Тартиби мазкур.
30. Дар ҳолати ошкор гардидани қоидаҳои вайронкунӣ, ки дар банди 29 Тартиби мазкур пешбинӣ шудааст, мақоми ваколатдори давлатӣ барои бартараф сохтани камбудиҳо, ки боиси вайрон гардидани Тартиби мазкур шуданд, амали ваколати шахсони воқеӣ ва ҳуқуқиро боз медорад. Мӯҳлати боздоштан набояд аз 2 моҳ зиёд бошад. Дар ин давра гузаронидани экспертизаи ғайридавлатӣ манъ карда мешавад.
31. Шахсони воқеӣ ва ҳуқуқӣ, ки ваколати онҳо боздошта шудааст, пас аз ислоҳ кардани камбудиҳо, ба мақоми ваколатдори давлатӣ тибқи тартиби муқарраргардида ҳуҷҷатҳои дахлдорро пешниҳод менамоянд.
32. Мақоми ваколатдори давлатӣ дар мӯҳлати 10 рӯзи корӣ аз санаи гирифтани иттилоот оид ба бартараф намудани камбудиҳои ҷойдошта, тафтиш гузаронида, дар мӯҳлати 5 рӯзи корӣ ба аризадиҳанда дар бораи қарори қабулкардашуда, оид ба идома додани фаъолият ё бекор кардани он хабар медиҳад. Мӯҳлати ваколат ҳангоми боздоштани он тамдид намегардад.
33. Ваколат аз тарафи мақоми ваколатдори давлатӣ дар ҳолатҳои зерин бекор карда мешавад:
- барҳам додан ё қатъ гардидани фаъолияти мақоми ваколатдор;
- муроҷиати хаттии мақоми ваколатдор дар бораи бекор кардани ваколат;
- дар мӯҳлати аз тарафи мақоми ваколатдори давлатӣ муайян карда шуда, бартараф накардани вайронкунии қоидаҳо, ки боиси боздоштани он гардид;
- расонидани зарар ба ҳаёт ё саломатии шахсони воқеӣ, ба амволи шахсони воқеӣ ва ҳуқуқӣ, хатогиҳое, ки ҳангоми таҳияи ҳуҷҷатҳои лоиҳавӣ, ҳангоми вуҷуд доштани хулосаи мусбии экспертизаи ғайридавлатӣ ба ҳуҷҷатҳои лоиҳавӣ амалӣ шудаанд.
34. Ҳангоми бекор кардани ваколат, шахсони воқеӣ ва ҳуқуқӣ метавонанд пас аз 1 сол ба мақоми ваколатдори давлатӣ барои гирифтани ваколат такроран муроҷиат намоянд.
35. Мақоми ваколатдори давлатӣ дар мӯҳлати 5 рӯзи корӣ, аз санаи қабул гардидани қарор дар бораи бекор кардани ваколат, мақоми ваколатдррро дар шакли хаттӣ бо нишон додани асос, ки дар банди 31 Тартиби мазкур пешбинӣ шудааст, огоҳ менамояд.
36. Шахсони воқеӣ ва ҳуқуқие, ки нисбати онҳо қарор оид ба боздоштан ё бекор кардани ваколат қабул карда шудааст, тибқи қонунгузории Ҷумҳурии Тоҷикистон ҳуқуқ доранд ба суд муроҷиат намоянд.
37. Дар ҳолати гум кардани шаҳодатномаи ваколати мақоми ваколатдори давлатӣ дар асоси аризаи хаттӣ дар мӯҳлати 10 рӯз, дубликати шаҳодатномаро медиҳад.
38. Гузаронидани аккредитатсияи давлатӣ ва гирифтани ваколат барои гузаронидани экспертизаи ғайридавлатӣ пулакӣ буда, барои баррасии ариза чор нишондиҳанда барои ҳисобҳо ва барои гузаронидани аккредитатсияи давлатӣ ва додани ваколат даҳ нишондиҳанда барои ҳисобҳо муайян карда мешавад.
4. Муқаррароти хотимавӣ
39. Баҳсҳо вобаста ба гузаронидани экспертизаи ғайридавлатӣ ва аккредитатсияи коршиносон бо тартиби муқаррарнамудаи санадҳои қонунгузорӣ аз ҷониби мақомоти дахлдори давлатӣ ё бо тартиби судӣ ҳал карда мешаванд.
40. Шахсони воқеӣ ва ҳуқуқӣ, инчунин мақомоти давлатӣ барои риоя накардани талаботи Тартиби мазкур ҳангоми гузаронидани экспертизаи ғайридавлатӣ ва аккредитатсияи коршиносон, мутобиқи қонунгузории Ҷумҳурии Тоҷикистон ба ҷавобгарӣ кашида мешаванд.
