ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ҲУНАРҲОИ БАДЕИИ ХАЛҚӢ"

Моддаи 1. Ба Қонуни Ҷумҳурии Тоҷикистон аз 1 августи соли 2003 "Дар бораи ҳунарҳои бадеии халқӣ" (Ахбори Маҷлиси Олии Ҷумҳурии Тоҷикистон, с. 2003, №8, мод. 466) тағйиру иловаҳои зерин ворид карда шаванд:

1. Номи Қонун бо ҳарфҳои калон навишта шавад.

2. Пас аз рақами бобҳои Қонун аломати нуқта гузошта шавад.

3. Дар моддаи 1 сархатҳо бо аломати дефис ( - ) ишора карда шаванд.

4. Дар моддаи 2 калимаҳои "дигар қонунҳои" ба калимаҳои "дигар санадҳои меъёрии ҳуқуқии" иваз карда шаванд.

5. Дар қисми дуюми моддаи 4 калимаҳои "Мақомоти ҳокимияти иҷроия дар маҳалҳо" ба калимаҳои "Мақомоти иҷроияи маҳаллии ҳокимияти давлатӣ" ва калимаи "тайёркардашавандаро" ба калимаи "тайёршавандаро" иваз карда шаванд.

6. Дар моддаи 5:

- дар матни қисми якум калимаҳои "Мақомоти ҳокимияти иҷроия" ба калимаҳои "Мақомоти ҳокимияти давлатӣ" иваз карда шаванд;

- сархати якум дар таҳрири зайл ифода карда шавад:

"- заминаи меъёрии ҳуқуқиро баҳри рушди соҳаи ҳунарҳои бадеии халқи муҳайё мекунанд;";

- сархати чорум дар таҳрири зайл ифода карда шавад:

"- ба устоҳои ҳунарҳои бадеии халқӣ ва шогирдони онҳо барои гирифтани таҳсилоти касбӣ дар муассисаҳои таълимие, ки барномаҳои таълимии ҳунарҳои бадеии халқиро амалӣ месозанд, мусоидат менамоянд;";

- ба сархати шашум баъд аз калимаи "ассотсиатсияҳо," калимаи "фондҳо," илова карда шавад;

- сархатҳои ҳаштум, нӯҳум ва даҳум бо мазмуни зайл илова карда шаванд:

"- кафолати озодии эҷодкориро дар соҳаи ҳунарҳои бадеии халқӣ таъмин менамоянд;

- таҳқиқоти илмиро дар соҳаи ҳунарҳои бадеии халқӣ дастгирӣ менамоянд;

- ба рушди ҳамкории байналмилалӣ дар соҳаи ҳунарҳои бадеии халқи мусоидат менамоянд;";

- дар қисми дуюм калимаҳои "Мақомоти ҳокимияти иҷроия дар маҳалҳо" ба калимаҳои "Мақомоти иҷроияи маҳаллии ҳокимияти давлатӣ" иваз карда шаванд.

7. Дар қисми якуми моддаи 13 калимаҳои "мақомоти ҳокимияти иҷроия дар маҳалҳо" ба калимаҳои "мақомоти иҷроияи маҳаллии ҳокимияти давлатӣ" иваз карда шаванд.

8. Дар сархати шашуми моддаи 14 калимаҳои "таҳсилоти умумии миёна, инчунин дар рафти таълиму тарбияи эстетикӣ ва бадеии беруназмактабӣ" ба калимаҳои "муассисаҳои таълимии таҳсилоти умумӣ, инчунин дар раванди таълиму тарбия дар муассисаҳои таълимии таҳсилоти иловагӣ" иваз карда шаванд.

9. Дар моддаи 16:

- дар қисмҳои якум ва дуюм калимаҳои "мақомоти ҳокимияти иҷроия дар маҳалҳо" ва "Мақомоти ҳокимияти иҷроия дар маҳалҳо" мувофиқан ба калимаҳои "мақомоти иҷроияи маҳаллии ҳокимияти давлатӣ" ва "Мақомоти иҷроияи маҳаллии ҳокимияти давлатӣ" иваз карда шаванд.

- дар қисми дуюм калимаи "амвол" ба калимаҳои "молу мулк" иваз карда шавад.

10. Аз номи моддаи 17 калимаҳои "бо мамлакатҳои хориҷӣ" хориҷ карда шаванд.

11. Аз номи моддаи 18 калимаи "миллии" хориҷ карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул кардани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳунарҳои бадеии халқӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳунарҳои бадеии халқӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳунарҳои бадеии халқӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳунарҳои бадеии халқӣ"-ро баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи ҳунарҳои бадеии халқӣ" ҷонибдорӣ карда шавад.