БОНКИ МИЛЛИИ ТОҶИКИСТОН

ҚАРОРИ РАЁСАТИ БОНКИ МИЛЛИИ ТОҶИКИСТОН

Дар бораи тасдиқи "Қоидаҳои муқаррар намудани талаботи тахассусӣ ба барҳамдиҳанда, мудири махсуси ташкилоти қарзӣ ва тартиби гирифтани шаҳодатномаи Бонки миллии Тоҷикистон"

Мутобиқи қисми 1 моддаи 9 ва қисми 2 моддаи 17 Қонуни Ҷумҳурии Тоҷикистон "Дар бораи барҳамдиҳии ташкилотҳои қарзӣ" Раёсати Бонки миллии Тоҷикистон қарор  мекунад:

1. Қоидаҳои муқаррар намудани талаботи тахассусӣ ба барҳамдиҳанда, мудири махсус ва тартиби гирифтани шаҳодатномаи Бонки миллии Тоҷикистон тасдиқ карда шавад (замима мегардад).

2. Қарори мазкур пас аз бақайдгирии давлатӣ ва интишори расмӣ мавриди амал қарор дода шавад.

3. Иҷрои Қарори мазкур ба зиммаи Департаменти назорати бонкӣ (Давлатов И.Ҳ.), вогузор карда шавад.

4. Қарори Раёсати Бонки миллии Тоҷикистон аз 23 декабри соли 2011, №240 аз эътибор соқит дониста шавад.

5. Назорати иҷрои Қарори мазкур ба зиммаи Муовини Раиси Бонки миллии Тоҷикистон Неъматов А.Ҳ. гузошта шавад.