Тартиби огоҳонидан дар бораи сафарбарӣ
1. Муқаррароти умумӣ
1. Тартиби огоҳонидан дар бораи сафарбарӣ (минбаъд Тартиб) ӯҳдадориҳо ва вазифаҳои роҳбарони корхонаҳо, муассисаҳо, дигар ташкилотҳоро новобаста аз шакли моликияташон (минбаъд-ташкилотҳо), доир ба масъалаҳои огоҳонидани шаҳрвандони дар эҳтиёт буда, даъватшавандагон ва таҳвилкунандагони техника ҳангоми омодагӣ ба сафарбарӣ ва сафарбарӣ ба танзим медарорад.
2. Мутобиқи Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ" сарбозон, сержантҳо, старшинаҳо, афсарон, генералҳо, ки дар эҳтиёт қарор доранд, шаҳрвандони дар эҳтиёт буда ва шаҳрвандони ба рӯйхати қитъаҳои даъватшавӣ гирифташуда бошад, даъватшаванда номида мешаванд.
3. Мутобиқи моддаҳои 3 ва 4 Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ":
а) роҳбарони ташкилотҳо вазифадоранд, ки бо талаби комиссариатҳои ҳарбӣ шаҳрвандони дар эҳтиёт буда ва даъватшавандагонро дар бораи даъват ба комиссариатҳои ҳарбӣ огоҳ намоянд ва барои ба комиссариатҳои ҳарбӣ сари вақт ҳозир шудани онҳо мусоидат намоянд;
б) шаҳрвандоне, ки бе сабабҳои узрнок ба комиссариатҳои ҳарбӣ барои барӯйхатгирӣ, даъват ва равон намудан ба қисмҳои ҳарбӣ ҳозир намешаванд, инчунин роҳбарони ташкилотҳое, ки барои сари вақт ҳозир шудани шаҳрвандон ба маҳалҳои даъват садди роҳ мегарданд ва чораҳои дахлдор намеандешанд, мутобиқи қонунгузории Ҷумҳурии Тоҷикистон ба ҷавобгарӣ кашида мешаванд;
в) огоҳонидани шаҳрвандони дар эҳтиёт буда дар давраи осоишта бо даъватномаҳои намунаи муқарраршуда, ба ҷамъомадҳои таълимӣ ва ҳангоми сафарбарӣ бошад, бо даъватномаҳои ҷангӣ амалӣ гардонида мешавад.
4. Барои даъвати шаҳрвандони дар эҳтиёт буда ба ҷамъомадҳои махсус ё ҳангоми сафарбарӣ мақомоти худидоракунии шаҳрак ва деҳот роҳбарони ташкилотҳо мутобиқи Тартиби мазкур ситодҳои огоҳонид ташкил мекунанд ва нақшаҳои огоҳонидан тартиб медиҳанд.
5. Нақшаи огоҳонидани шаҳрвандони дар эҳтиёт буда, ки дар басти кор мебошанд, ҳангоми ба ҷамъомадҳои махсус ва сафарбарӣ даъват шудан, иҷрои корҳои муқарраршударо бояд дар давоми як соат аз вақти гирифтани ишора ё фармоиши комиссариатҳои ҳарбӣ таъмин намояд.
6. Сардорони ситодҳои огоҳонидани шаҳрвандони дар эҳтиёт буда, аз ҳисоби ҳайати роҳбарикунандаи мақомоти худидоракунии шаҳрак ва деҳот, маъмурияти ташкилотҳо бо фармони роҳбари онҳо таъин карда мешаванд.
7. Ҳангоми огоҳонидани шаҳрвандони дар эҳтиёт будаи ташкилотҳое, ки аз он камтар аз 25 нафар даъват шуда, камтар аз 25 адад техника таҳвил мегардад, ба ивази таъсиси ситод ва қитъаҳои огоҳонидан кормандони сафарбарӣ таъин карда мешаванд.
8. Масъулият барои таъмини амнияти даъватномаҳои (супоришномаҳои) ҷангӣ ва таъмини сари вақт огоҳонидан аз рӯи онҳо дар ҳамаи ҳолатҳо ба зиммаи роҳбарони ташкилотҳо, сардорони ситодҳои огоҳонидан (сардорони хадамоти кадрҳо) вогузор карда мешавад.
2. Тартиби таҳияи нақшаҳои огоҳонидани шаҳрвандони дар эҳтиёт буда ва таҳвилкунандагони техника
9. Супоришномаҳо барои техникаи ба ҷамъомадҳои махсус ва аз рӯи сафарбарӣ таҳвилшаванда ва даъватномаҳои ҷангӣ барои шаҳрвандони дар эҳтиёт буда, новобаста аз маҳалли истиқоматашон, аз ҷониби комиссариатҳои ҳарбӣ ба роҳбарони ташкилотҳо супурда мешаванд.
10. Пас аз қабули супоришномаҳо ва даъватномаҳои мазкур сардорони хадамоти кадрҳо, мизҳои бақайдгирии ҳарбӣ ё шахсони ивазкунандаи онҳо ӯҳдадоранд:
а) даъватномаҳои қабулкардаро бо варақаҳои шахсии бақайдгирии шаҳрвандони дар эҳтиёт буда тибқи шакли Т-2, ки Агентии омори назди Президенти Ҷумҳурии Тоҷикистон тасдиқ кардааст, муқоиса намоянд;
б) дар даъватномаҳо номгӯи ташкилот (бахш, шӯъба, факултет) ва рақамҳои табелии шаҳрвандони дар эҳтиёт будаи даъватшавандаро нишон диҳанд;
в) даъватномаҳои шаҳрвандони дар эҳтиёт бударо ба лифофаҳои №1, 2 ва 3 гузоранд:
-Лифофаи №1-даъватномаҳои номабарон ва ҳайати шахсии нуқтаҳои комиссариати ҳарбӣ;
-Лифофаи №2-даъватномаҳои шаҳрвандони дар эҳтиёт будаи ядрои ташкилӣ;
-Лифофаи №3-даъватномаҳои шаҳрвандони дар эҳтиёт будаи ҷараёни асосӣ;
г) дар ҳар лифофа онҳоро аз рӯи командаҳо, командаҳоро аз рӯи ташкилотҳо (бахшҳо, шӯъбаҳо, факултетҳо) дар ҳолати барои огоҳонидан мувофиқ гузоранд ва онҳоро дар картотекаҳои алоҳида нигоҳ доранд;
д) картатекаҳо бо даъватномаҳо дар ҷевони оҳанин бо калид дар ихтиёри шахсоне, ки баҳисобгирии шаҳрвандони дар эҳтиёт бударо мебаранд, бо калиди дари даромади хонае, ки дар он картатекаҳо мебошанд, нигоҳ дошта мешаванд;
е) супоришномаҳои барои таҳвили техника қабулкардашударо бо шумораи ҳақиқии он муқоиса намоянд, дар якҷоягӣ бо намояндагони қисмҳои ҳарбӣ ва комиссариати ҳарбӣ таъиноти онҳоро аз рӯи рақамҳо муайян ва ҳамзамон ронандаҳои ба даъват муносибро ба онҳо вобаста намоянд. Дар шакли муқарраршуда рӯйхати техникаи таъиншуда ва ҳайати ронандаҳоро тартиб диҳанд. Супоришномаҳои иҷрошуда ва рӯйхатҳоро ба лифофаҳои №1, 2 ва 3 гузоранд. Корҳои боқимонда оид ба таҳвили техника (автомобилӣ, роҳсозӣ, тракторҳо) ба Қувваҳои Мусаллаҳи Ҷумҳурии Тоҷикистон бо тартиби дар супоришномаҳои комиссариатҳои ҳарбӣ нишондодашуда гузаронида мешаванд;
ж) нақшаи огоҳонидани шаҳрвандони дар эҳтиёт буда ва ҷамъоварии техникаро бо инъикоси чорабиниҳои зерин таҳия ва барои тасдиқ ба роҳбарони ташкилотҳо пешниҳод намоянд:
-таъин намудани шахсони масъул барои қабули фармоиши (ишораҳои) комиссариати ҳарбӣ ва огоҳонидани шаҳрвандони дар эҳтиёт буда ва ҷамъоварии техника дар вақти кории ташкилотҳо;
-тартиби интихоби даъватномаҳои (супоришномаҳои) командаҳои (партияҳои) ҷаблшаванда, ҷобаҷогузории онҳо аз рӯи ташкилотҳо (бахшҳо, шӯъбаҳо, факултетҳо) бо муайян намудани қувва ва воситаҳое, ки барои иҷрои ин корҳо ҷудо мешаванд;
-даъвати сардорони бахшҳо, колоннаҳо, отрядҳое (шӯъбаҳо, факултетҳо), ки ба онҳо огоҳонидани шаҳрвандони дар эҳтиёт буда ва ҷамъ намудани техника аз рӯи даъватнома ва супоришномаҳои аз картатекаҳо интихобгардида вогузор шудааст;
-тартиби огоҳонидани басти навбатии шаҳрвандони дар эҳтиёт буда ва назорати сари вақт расидани онҳо ба нуқтаҳои ҷамъшавии комиссариатҳои ҳарбии шаҳру ноҳияҳо;
-тартиб ва манбаъҳои иваз намудани шаҳрвандони дар эҳтиёт буда, ки ба ҷамъомадҳои махсус ва ҳангоми сафарбарӣ даъват мешаванд;
з) дар даъватномаҳои шаҳрвандони дар эҳтиёт буда, ки кор намекунанд, ё ба ҳисоби махсус гирифта шудаанд, дар сутуни "барои қайдҳо" дар ин бора қайд карда, дар мӯҳлати панҷ рӯз ба комиссариати ҳарбии шаҳру ноҳияи дахлдор баргардонида мешаванд.
11. Даъватномаҳои шаҳрвандони броншуда ва ба командаҳои махсус таъиншуда баргардонида намешаванд, шаҳрвандони дар эҳтиёт будаи номбурда баъди иҷрои супоришҳои кӯтоҳмуддати комиссариатҳои ҳарбӣ ба ташкилотҳо баргардонида мешаванд.
12. Минбаъд даъватномаҳои шаҳрвандони аз хизмат озодшуда ва броншуда ба комиссариатҳои ҳарбӣ ҳар моҳ як бор рӯзҳои чоршанбеи ҳафтаи якум баргардонида мешаванд.
13. Муқоисаи шумораи даъватномаҳои шаҳрвандони дар эҳтиёт буда бо маълумоти комиссариатҳои ҳарбӣ ҳар сол ду бор бо роҳи ба онҳо то 5 январ ва 5 июл ирсол намудани маълумотномаи шакли муқарраргардида ё ки бо усули дигари аз ҷониби комиссариати ҳарбӣ муқарраршуда амалӣ мегардад.
14. Масъулият барои сари вақт ва пурра огоҳ намудани шаҳрвандони дар эҳтиёт будаи даъватшаванда ба зиммаи роҳбарони ташкилотҳо вогузор карда мешавад. Бо мақсади таъмини иҷрои саривақтии супоришҳои номбурда, онҳо бо ҳайати шахсии ба ин мақсад ҷудошуда бояд мунтазам машғулиятҳои амалӣ гузаронанд.
15. Огоҳонидани шаҳрвандони дар эҳтиёт будаи даъватшавандагон бояд танҳо тавассути воситаҳои алоқаи техникӣ сурат гирад. Барои идоракунии даъват аз ҷониби ташкилотҳо каналҳои мухсуси алоқаи телефонӣ ва радиоӣ бо комиссариати ҳарбӣ ва қитъаи огоҳонидан, ки онҳо дар ҳудуди он ҷойгир мебошанд, барпо карда мешаванд.
16. Дар ҳамаи ҳолатҳо огоҳонидани шаҳрвандони дар эҳтиёт будаи басти корӣ ва рафта расидани онҳо ба нуқтаҳои ҷамъшавӣ бояд дар давоми як соат аз лаҳзаи қабули фармоиши (ишораи) комиссариати ҳарбӣ таъмин карда шавад.
3. Огоҳонидани шаҳрвандони дар эҳтиёт буда ва таҳвилкунандагони техника ҳангоми гузаронидани ҷамъомадҳои махсус ва сафарбарӣ
17. Фармоиш (ишора) барои огоҳонидани шаҳрвандони дар эҳтиёт будаи даъватшаванда ва таҳвилгарони техника барои гузаронидани ҷамъомадҳои махсус ва сафарбарӣ аз ҷониби комиссариатҳои ҳарбӣ ба роҳбарони ташкилотҳо тавассути воситаҳои техникии алоқа бо истифодабарии исми шаб ва ҷавоби он ё тавассути шахсони ваколатдори онҳо, ки фармоишро оварда расонидаанд, супорида мешавад.
18. Пас аз қабули фармоишҳои (ишораҳои) мазкур роҳбарони ташкилотҳо ё шахсони онҳоро ивазкунанда вазифадоранд, ки дарҳол интихоб кардани даъватномаҳои командаҳои бардошташаванда ва огоҳ намудани шаҳрвандони дар эҳтиёт будаи даъватшаванда, ки дар басти навбатӣ кор мекунанд ва ҷамъ намудани техникаро ташкил намоянд.
19. Огоҳонидани шаҳрвандони дар эҳтиёт будаи даъватшаванда бо гирифтани имзои онҳо дар даъватномаҳо ва нишон додани вақти расонидани фармоишҳо дар хусуси фавран ба суроғаи дар ҳидоятномаи сафарбарӣ нишондодашуда ҳозир шудан амалӣ гардонида мешавад.
20. Роҳбарони ташкилотҳо баъд аз гирифтани фармоишҳои зикргардида вазифадоранд, ки фавран аз кор озод кардани шаҳрвандони дар эҳтиёт будаи даъватшударо таъмин карда, ба нуқтаҳои ҳозиршавии дар даъватномаҳо ва ҳидоятномаҳои сафарбарӣ нишон додашуда рафта расидани онҳоро назорат намоянд, барои ба ҷойҳои таъиншуда бурда расонидани шаҳрвандони дар эҳтиёт будаи номбурда нақлиёт ҷудо намоянд.
21. Дар даъватномаҳои шаҳрвандони дар эҳтиёт буда, ки огоҳ карда нашудаанд, бояд сабабҳои он (аз кор рафтан, беморӣ, рухсатӣ ё сафари хизматӣ) нишон дода шуда, бо имзои роҳбар ё сардори хадамоти кадрҳо ва мӯҳри ташкилот тасдиқ карда шавад.
22. Шаҳрвандони дар эҳтиёт будаи броншудае, ки даъватномаҳои онҳо то гирифтани фармоиш ба комиссариати ҳарбӣ баргардонида нашудаанд, бояд ба таври умумӣ огоҳ ва ба нуқтаҳои зикргардида ҳозир шаванд.
23. Миқдор ва нуқтаҳои расонидани техника мувофиқи супоришномаҳо амалӣ карда мешавад.
24. Аз рафти огоҳонидани шаҳрвандони дар эҳтиёт будаи даъватшаванда ва таҳвили техника ба комиссариати ҳарбии маҳаллӣ пас аз ҳар як соати кор бо телефонҳои муқарраршуда хабар дода мешавад.
25. Пас аз анҷоми кор забонхат ва даъватномаҳои шаҳрвандони дар эҳтиёт буда, ки огоҳ карда нашудаанд, тавассути хаткашон бо нишондоди сабабҳо ба комиссариати ҳарбӣ расонида мешаванд.
26. Ҳангоми бо шабакаҳои радиошунавонӣ эълон намудани сафарбарӣ, бояд ҳамаи шаҳрвандони дар эҳтиёт буда аз рӯи даъватномаҳои мавҷуда, нишондоди иловагии комиссари ҳарбиро интизор нашуда, огоҳонида шаванд.
4. Санҷиши воқеӣ будани таҳияи нақшаи огоҳонидани шаҳрвандони дар эҳтиёт буда ва таҳвилкунандагони техника
27. Санҷиши воқеӣ будани таҳияи нақшаҳои огоҳонидани шаҳрвандони дар эҳтиёт буда ва таҳвилгарони техника метавонад бо фармоиши комиссари ҳарбӣ ё бо қарори роҳбарони ташкилотҳо сурат гирад.
28. Огоҳонидани шаҳрвандони дар эҳтиёт буда, таҳвили техника ва иҷрои дигар чорабиниҳо бояд дар ҳаҷмҳои нишондодашуда ва мутобиқи Тартиби мазкур амалӣ гардонида шавад.
Тартиби огоҳонидан дар бораи сафарбарӣ
1. Муқаррароти умумӣ
1. Тартиби огоҳонидан дар бораи сафарбарӣ (минбаъд Тартиб) ӯҳдадориҳо ва вазифаҳои роҳбарони корхонаҳо, муассисаҳо, дигар ташкилотҳоро новобаста аз шакли моликияташон (минбаъд-ташкилотҳо), доир ба масъалаҳои огоҳонидани шаҳрвандони дар эҳтиёт буда, даъватшавандагон ва таҳвилкунандагони техника ҳангоми омодагӣ ба сафарбарӣ ва сафарбарӣ ба танзим медарорад.
2. Мутобиқи Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ" сарбозон, сержантҳо, старшинаҳо, афсарон, генералҳо, ки дар эҳтиёт қарор доранд, шаҳрвандони дар эҳтиёт буда ва шаҳрвандони ба рӯйхати қитъаҳои даъватшавӣ гирифташуда бошад, даъватшаванда номида мешаванд.
3. Мутобиқи моддаҳои 3 ва 4 Қонуни Ҷумҳурии Тоҷикистон "Дар бораи ӯҳдадории умумии ҳарбӣ ва хизмати ҳарбӣ":
а) роҳбарони ташкилотҳо вазифадоранд, ки бо талаби комиссариатҳои ҳарбӣ шаҳрвандони дар эҳтиёт буда ва даъватшавандагонро дар бораи даъват ба комиссариатҳои ҳарбӣ огоҳ намоянд ва барои ба комиссариатҳои ҳарбӣ сари вақт ҳозир шудани онҳо мусоидат намоянд;
б) шаҳрвандоне, ки бе сабабҳои узрнок ба комиссариатҳои ҳарбӣ барои барӯйхатгирӣ, даъват ва равон намудан ба қисмҳои ҳарбӣ ҳозир намешаванд, инчунин роҳбарони ташкилотҳое, ки барои сари вақт ҳозир шудани шаҳрвандон ба маҳалҳои даъват садди роҳ мегарданд ва чораҳои дахлдор намеандешанд, мутобиқи қонунгузории Ҷумҳурии Тоҷикистон ба ҷавобгарӣ кашида мешаванд;
в) огоҳонидани шаҳрвандони дар эҳтиёт буда дар давраи осоишта бо даъватномаҳои намунаи муқарраршуда, ба ҷамъомадҳои таълимӣ ва ҳангоми сафарбарӣ бошад, бо даъватномаҳои ҷангӣ амалӣ гардонида мешавад.
4. Барои даъвати шаҳрвандони дар эҳтиёт буда ба ҷамъомадҳои махсус ё ҳангоми сафарбарӣ мақомоти худидоракунии шаҳрак ва деҳот роҳбарони ташкилотҳо мутобиқи Тартиби мазкур ситодҳои огоҳонид ташкил мекунанд ва нақшаҳои огоҳонидан тартиб медиҳанд.
5. Нақшаи огоҳонидани шаҳрвандони дар эҳтиёт буда, ки дар басти кор мебошанд, ҳангоми ба ҷамъомадҳои махсус ва сафарбарӣ даъват шудан, иҷрои корҳои муқарраршударо бояд дар давоми як соат аз вақти гирифтани ишора ё фармоиши комиссариатҳои ҳарбӣ таъмин намояд.
6. Сардорони ситодҳои огоҳонидани шаҳрвандони дар эҳтиёт буда, аз ҳисоби ҳайати роҳбарикунандаи мақомоти худидоракунии шаҳрак ва деҳот, маъмурияти ташкилотҳо бо фармони роҳбари онҳо таъин карда мешаванд.
7. Ҳангоми огоҳонидани шаҳрвандони дар эҳтиёт будаи ташкилотҳое, ки аз он камтар аз 25 нафар даъват шуда, камтар аз 25 адад техника таҳвил мегардад, ба ивази таъсиси ситод ва қитъаҳои огоҳонидан кормандони сафарбарӣ таъин карда мешаванд.
8. Масъулият барои таъмини амнияти даъватномаҳои (супоришномаҳои) ҷангӣ ва таъмини сари вақт огоҳонидан аз рӯи онҳо дар ҳамаи ҳолатҳо ба зиммаи роҳбарони ташкилотҳо, сардорони ситодҳои огоҳонидан (сардорони хадамоти кадрҳо) вогузор карда мешавад.
2. Тартиби таҳияи нақшаҳои огоҳонидани шаҳрвандони дар эҳтиёт буда ва таҳвилкунандагони техника
9. Супоришномаҳо барои техникаи ба ҷамъомадҳои махсус ва аз рӯи сафарбарӣ таҳвилшаванда ва даъватномаҳои ҷангӣ барои шаҳрвандони дар эҳтиёт буда, новобаста аз маҳалли истиқоматашон, аз ҷониби комиссариатҳои ҳарбӣ ба роҳбарони ташкилотҳо супурда мешаванд.
10. Пас аз қабули супоришномаҳо ва даъватномаҳои мазкур сардорони хадамоти кадрҳо, мизҳои бақайдгирии ҳарбӣ ё шахсони ивазкунандаи онҳо ӯҳдадоранд:
а) даъватномаҳои қабулкардаро бо варақаҳои шахсии бақайдгирии шаҳрвандони дар эҳтиёт буда тибқи шакли Т-2, ки Агентии омори назди Президенти Ҷумҳурии Тоҷикистон тасдиқ кардааст, муқоиса намоянд;
б) дар даъватномаҳо номгӯи ташкилот (бахш, шӯъба, факултет) ва рақамҳои табелии шаҳрвандони дар эҳтиёт будаи даъватшавандаро нишон диҳанд;
в) даъватномаҳои шаҳрвандони дар эҳтиёт бударо ба лифофаҳои №1, 2 ва 3 гузоранд:
-Лифофаи №1-даъватномаҳои номабарон ва ҳайати шахсии нуқтаҳои комиссариати ҳарбӣ;
-Лифофаи №2-даъватномаҳои шаҳрвандони дар эҳтиёт будаи ядрои ташкилӣ;
-Лифофаи №3-даъватномаҳои шаҳрвандони дар эҳтиёт будаи ҷараёни асосӣ;
г) дар ҳар лифофа онҳоро аз рӯи командаҳо, командаҳоро аз рӯи ташкилотҳо (бахшҳо, шӯъбаҳо, факултетҳо) дар ҳолати барои огоҳонидан мувофиқ гузоранд ва онҳоро дар картотекаҳои алоҳида нигоҳ доранд;
д) картатекаҳо бо даъватномаҳо дар ҷевони оҳанин бо калид дар ихтиёри шахсоне, ки баҳисобгирии шаҳрвандони дар эҳтиёт бударо мебаранд, бо калиди дари даромади хонае, ки дар он картатекаҳо мебошанд, нигоҳ дошта мешаванд;
е) супоришномаҳои барои таҳвили техника қабулкардашударо бо шумораи ҳақиқии он муқоиса намоянд, дар якҷоягӣ бо намояндагони қисмҳои ҳарбӣ ва комиссариати ҳарбӣ таъиноти онҳоро аз рӯи рақамҳо муайян ва ҳамзамон ронандаҳои ба даъват муносибро ба онҳо вобаста намоянд. Дар шакли муқарраршуда рӯйхати техникаи таъиншуда ва ҳайати ронандаҳоро тартиб диҳанд. Супоришномаҳои иҷрошуда ва рӯйхатҳоро ба лифофаҳои №1, 2 ва 3 гузоранд. Корҳои боқимонда оид ба таҳвили техника (автомобилӣ, роҳсозӣ, тракторҳо) ба Қувваҳои Мусаллаҳи Ҷумҳурии Тоҷикистон бо тартиби дар супоришномаҳои комиссариатҳои ҳарбӣ нишондодашуда гузаронида мешаванд;
ж) нақшаи огоҳонидани шаҳрвандони дар эҳтиёт буда ва ҷамъоварии техникаро бо инъикоси чорабиниҳои зерин таҳия ва барои тасдиқ ба роҳбарони ташкилотҳо пешниҳод намоянд:
-таъин намудани шахсони масъул барои қабули фармоиши (ишораҳои) комиссариати ҳарбӣ ва огоҳонидани шаҳрвандони дар эҳтиёт буда ва ҷамъоварии техника дар вақти кории ташкилотҳо;
-тартиби интихоби даъватномаҳои (супоришномаҳои) командаҳои (партияҳои) ҷаблшаванда, ҷобаҷогузории онҳо аз рӯи ташкилотҳо (бахшҳо, шӯъбаҳо, факултетҳо) бо муайян намудани қувва ва воситаҳое, ки барои иҷрои ин корҳо ҷудо мешаванд;
-даъвати сардорони бахшҳо, колоннаҳо, отрядҳое (шӯъбаҳо, факултетҳо), ки ба онҳо огоҳонидани шаҳрвандони дар эҳтиёт буда ва ҷамъ намудани техника аз рӯи даъватнома ва супоришномаҳои аз картатекаҳо интихобгардида вогузор шудааст;
-тартиби огоҳонидани басти навбатии шаҳрвандони дар эҳтиёт буда ва назорати сари вақт расидани онҳо ба нуқтаҳои ҷамъшавии комиссариатҳои ҳарбии шаҳру ноҳияҳо;
-тартиб ва манбаъҳои иваз намудани шаҳрвандони дар эҳтиёт буда, ки ба ҷамъомадҳои махсус ва ҳангоми сафарбарӣ даъват мешаванд;
з) дар даъватномаҳои шаҳрвандони дар эҳтиёт буда, ки кор намекунанд, ё ба ҳисоби махсус гирифта шудаанд, дар сутуни "барои қайдҳо" дар ин бора қайд карда, дар мӯҳлати панҷ рӯз ба комиссариати ҳарбии шаҳру ноҳияи дахлдор баргардонида мешаванд.
11. Даъватномаҳои шаҳрвандони броншуда ва ба командаҳои махсус таъиншуда баргардонида намешаванд, шаҳрвандони дар эҳтиёт будаи номбурда баъди иҷрои супоришҳои кӯтоҳмуддати комиссариатҳои ҳарбӣ ба ташкилотҳо баргардонида мешаванд.
12. Минбаъд даъватномаҳои шаҳрвандони аз хизмат озодшуда ва броншуда ба комиссариатҳои ҳарбӣ ҳар моҳ як бор рӯзҳои чоршанбеи ҳафтаи якум баргардонида мешаванд.
13. Муқоисаи шумораи даъватномаҳои шаҳрвандони дар эҳтиёт буда бо маълумоти комиссариатҳои ҳарбӣ ҳар сол ду бор бо роҳи ба онҳо то 5 январ ва 5 июл ирсол намудани маълумотномаи шакли муқарраргардида ё ки бо усули дигари аз ҷониби комиссариати ҳарбӣ муқарраршуда амалӣ мегардад.
14. Масъулият барои сари вақт ва пурра огоҳ намудани шаҳрвандони дар эҳтиёт будаи даъватшаванда ба зиммаи роҳбарони ташкилотҳо вогузор карда мешавад. Бо мақсади таъмини иҷрои саривақтии супоришҳои номбурда, онҳо бо ҳайати шахсии ба ин мақсад ҷудошуда бояд мунтазам машғулиятҳои амалӣ гузаронанд.
15. Огоҳонидани шаҳрвандони дар эҳтиёт будаи даъватшавандагон бояд танҳо тавассути воситаҳои алоқаи техникӣ сурат гирад. Барои идоракунии даъват аз ҷониби ташкилотҳо каналҳои мухсуси алоқаи телефонӣ ва радиоӣ бо комиссариати ҳарбӣ ва қитъаи огоҳонидан, ки онҳо дар ҳудуди он ҷойгир мебошанд, барпо карда мешаванд.
16. Дар ҳамаи ҳолатҳо огоҳонидани шаҳрвандони дар эҳтиёт будаи басти корӣ ва рафта расидани онҳо ба нуқтаҳои ҷамъшавӣ бояд дар давоми як соат аз лаҳзаи қабули фармоиши (ишораи) комиссариати ҳарбӣ таъмин карда шавад.
3. Огоҳонидани шаҳрвандони дар эҳтиёт буда ва таҳвилкунандагони техника ҳангоми гузаронидани ҷамъомадҳои махсус ва сафарбарӣ
17. Фармоиш (ишора) барои огоҳонидани шаҳрвандони дар эҳтиёт будаи даъватшаванда ва таҳвилгарони техника барои гузаронидани ҷамъомадҳои махсус ва сафарбарӣ аз ҷониби комиссариатҳои ҳарбӣ ба роҳбарони ташкилотҳо тавассути воситаҳои техникии алоқа бо истифодабарии исми шаб ва ҷавоби он ё тавассути шахсони ваколатдори онҳо, ки фармоишро оварда расонидаанд, супорида мешавад.
18. Пас аз қабули фармоишҳои (ишораҳои) мазкур роҳбарони ташкилотҳо ё шахсони онҳоро ивазкунанда вазифадоранд, ки дарҳол интихоб кардани даъватномаҳои командаҳои бардошташаванда ва огоҳ намудани шаҳрвандони дар эҳтиёт будаи даъватшаванда, ки дар басти навбатӣ кор мекунанд ва ҷамъ намудани техникаро ташкил намоянд.
19. Огоҳонидани шаҳрвандони дар эҳтиёт будаи даъватшаванда бо гирифтани имзои онҳо дар даъватномаҳо ва нишон додани вақти расонидани фармоишҳо дар хусуси фавран ба суроғаи дар ҳидоятномаи сафарбарӣ нишондодашуда ҳозир шудан амалӣ гардонида мешавад.
20. Роҳбарони ташкилотҳо баъд аз гирифтани фармоишҳои зикргардида вазифадоранд, ки фавран аз кор озод кардани шаҳрвандони дар эҳтиёт будаи даъватшударо таъмин карда, ба нуқтаҳои ҳозиршавии дар даъватномаҳо ва ҳидоятномаҳои сафарбарӣ нишон додашуда рафта расидани онҳоро назорат намоянд, барои ба ҷойҳои таъиншуда бурда расонидани шаҳрвандони дар эҳтиёт будаи номбурда нақлиёт ҷудо намоянд.
21. Дар даъватномаҳои шаҳрвандони дар эҳтиёт буда, ки огоҳ карда нашудаанд, бояд сабабҳои он (аз кор рафтан, беморӣ, рухсатӣ ё сафари хизматӣ) нишон дода шуда, бо имзои роҳбар ё сардори хадамоти кадрҳо ва мӯҳри ташкилот тасдиқ карда шавад.
22. Шаҳрвандони дар эҳтиёт будаи броншудае, ки даъватномаҳои онҳо то гирифтани фармоиш ба комиссариати ҳарбӣ баргардонида нашудаанд, бояд ба таври умумӣ огоҳ ва ба нуқтаҳои зикргардида ҳозир шаванд.
23. Миқдор ва нуқтаҳои расонидани техника мувофиқи супоришномаҳо амалӣ карда мешавад.
24. Аз рафти огоҳонидани шаҳрвандони дар эҳтиёт будаи даъватшаванда ва таҳвили техника ба комиссариати ҳарбии маҳаллӣ пас аз ҳар як соати кор бо телефонҳои муқарраршуда хабар дода мешавад.
25. Пас аз анҷоми кор забонхат ва даъватномаҳои шаҳрвандони дар эҳтиёт буда, ки огоҳ карда нашудаанд, тавассути хаткашон бо нишондоди сабабҳо ба комиссариати ҳарбӣ расонида мешаванд.
26. Ҳангоми бо шабакаҳои радиошунавонӣ эълон намудани сафарбарӣ, бояд ҳамаи шаҳрвандони дар эҳтиёт буда аз рӯи даъватномаҳои мавҷуда, нишондоди иловагии комиссари ҳарбиро интизор нашуда, огоҳонида шаванд.
4. Санҷиши воқеӣ будани таҳияи нақшаи огоҳонидани шаҳрвандони дар эҳтиёт буда ва таҳвилкунандагони техника
27. Санҷиши воқеӣ будани таҳияи нақшаҳои огоҳонидани шаҳрвандони дар эҳтиёт буда ва таҳвилгарони техника метавонад бо фармоиши комиссари ҳарбӣ ё бо қарори роҳбарони ташкилотҳо сурат гирад.
28. Огоҳонидани шаҳрвандони дар эҳтиёт буда, таҳвили техника ва иҷрои дигар чорабиниҳо бояд дар ҳаҷмҳои нишондодашуда ва мутобиқи Тартиби мазкур амалӣ гардонида шавад.
