ФАРМОНИ

ПРЕЗИДЕНТИ ҶУМҲУРИИ ТОҶИКИСТОН

ДАР БОРАИ МАҶМӯИ ҚОНУНҲОИ ҶУМҲУРИИ ТОҶИКИСТОН 

Бо мақсади таъмини интишори саривақтии қонунҳои Ҷумҳурии Тоҷикистон, мувофиқи Қонуни Ҷумҳурии Тоҷикистон "Дар бораи тартиби интишори қонунҳои Ҷумҳурии Тоҷикистон" ва моддаҳои 62, 70 Конститутсияи (Сарқонуни) Ҷумҳурии Тоҷикистон  фармон медиҳам (Фармони Президенти ҶТ аз 26.12.2001 № 737):

1. Маҷмӯи қонунҳои Ҷумҳурии Тоҷикистон интишори расмӣ ҳисобида шавад (Фармони Президенти ҶТ аз 26.12.2001 № 737).

2. Низомномаи замимагардида дар бораи Маҷмӯи қонунҳои Ҷумҳурии Тоҷикистон дар таҳрири нав тасдиқ карда шавад (Фармони Президенти ҶТ аз 26.12.2001 № 737).

3. Омодасозӣ ва нашри Маҷмӯи қонунҳои Ҷумҳурии Тоҷикистон ба зиммаи Вазорати адлияи Ҷумҳурии Тоҷикистон гузошта шавад (Фармони Президенти ҶТ аз 26.12.2001 № 737).

4. Барои ба амал баровардани роҳбарии умумӣ оид ба омодасозӣ ва нашри Маҷмӯи қонунҳои Ҷумҳурии Тоҷикистон комиссия дар ҳайати зерин (аз рӯи мансаб) таъсис дода шавад:

Вазири адлияи Ҷумҳурии Тоҷикистон (Раис);

Мудири шӯъбаи ҳуқуқи Дастгоҳи иҷроияи Президенти Ҷумҳурии Тоҷикистон (муовини раис);

Прокурори Генералии Ҷумҳурии Тоҷикистон;

Раиси Шӯрои адлияи Ҷумҳурии Тоҷикистон;

Раиси Суди конститутсионии Ҷумҳурии Тоҷикистон;

Раиси Суди Олии иқтисодии Ҷумҳурии Тоҷикистон;

Вазири молияи Ҷумҳурии Тоҷикистон;

Ноиби Президенти Академияи илмҳои Ҷумҳурии Тоҷикистон;

Декани факултети ҳуқуқшиносии Донишгоҳи давлатии миллии Тоҷикистон (Фармони Президенти ҶТ аз 26.12.2001 № 737).

5. Ба Комиссия оид ба таҳияи Маҷмӯи қонунҳои Ҷумҳурии Тоҷикистон супориш дода шавад, ки Нақшаи Маҷмӯи қонунҳои Ҷумҳурии Тоҷикистонро тасдиқ намояд (Фармони Президенти ҶТ аз 26.12.2001 № 737).

6. Ҳукумати Ҷумҳурии Тоҷикистон дар мӯҳлати як моҳ масъалаҳои маблағгузорӣ, таъмини моддию техникӣ ва ташкилиро оид ба омодасозӣ ва нашри Маҷмӯи қонунҳои Ҷумҳурии Тоҷикистон ҳал намояд (Фармони Президенти ҶТ аз 26.12.2001 № 737).