ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРОТ БА ҚОНУНИ ҶУМҲУРИИ ТОҶИКИСТОН "ДАР БОРАИ ТАМҒАҲОИ МОЛӢ ВА ТАМҒАҲОИ ХИЗМАТРАСОНӢ"

Моддаи 1. Ба Қонуни Ҷумҳурии Тоҷикистон аз 5 марти соли 2007 "Дар бораи тамғаҳои молӣ ва тамғаҳои хизматрасонӣ" (Ахбори Маҷлиси Олии Ҷумҳурии Тоҷикистон, с.2007, №3, мод. 167) тағйироти зерин ворид карда шаванд:

1. Дар сархати шашуми моддаи 1 калимаҳои "ҳуқуқие, ки ба фаъолияти соҳибкорӣ машғуланд," ба калимаи "ҳуқуқӣ" иваз карда шаванд.

2. Қисми сеюми моддаи 4 хориҷ карда шавад.

3. Дар қисми якуми моддаи 11 калимаҳои "воқеие, ки ба фаъолияти соҳибкорӣ машғул аст" ба калимаи "воқеӣ" иваз карда шаванд.

4. Дар қисми якуми моддаи 30 калимаҳои "шахси ҳуқуқӣ ё шахси воқеии ба фаъолияти соҳибкорӣ машғулбуда" ба калимаҳои "дигар шахси воқеӣ ё ҳуқуқӣ" иваз карда шаванд.

5. Дар қисми якуми моддаи 31 калимаҳои "ҳуқуқӣ ё шахси воқеии бо фаъолияти соҳибкорӣ машғулбуда" ба калимаҳои "воқеӣ ё ҳуқуқӣ" иваз карда шаванд.

6. Дар моддаи 33:

- сархати дуюми қисми якум хориҷ карда шавад;

- дар қисми сеюм калимаҳои "сархатҳои якум ва дуюми" ба калимаҳои "сархати якуми" иваз карда шаванд;

- дар қисми чорум калимаи "сеюми" ба калимаи "дуюми" иваз карда шавад;

- дар қисми шашум калимаи "чоруми" ба калимаи "сеюми" иваз карда шавад.

7. Аз сархати чоруми қисми якуми моддаи 34 калимаҳои "ё фаъолияти соҳибкориро қатъ намудани соҳибҳуқуқ - шахси воқеӣ" хориҷ карда шаванд.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул кардани Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи тамғаҳои молӣ ва тамғаҳои хизматрасонӣ"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи тамғаҳои молӣ ва тамғаҳои хизматрасонӣ" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи тамғаҳои молӣ ва тамғаҳои хизматрасонӣ"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи тамғаҳои молӣ ва тамғаҳои хизматрасонӣ"-ро баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйирот ба Қонуни Ҷумҳурии Тоҷикистон "Дар бораи тамғаҳои молӣ ва тамғаҳои хизматрасонӣ" ҷонибдорӣ карда шавад.