ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ИТТИЛООТ"

Моддаи 1. Ба Қонуни Ҷумҳурии Тоҷикистон аз 10 майи соли 2002 "Дар бораи иттилоот" (Ахбори Маҷлиси Олии Ҷумҳурии Тоҷикистон, с. 2002, №4, қ. 2, мод. 320) тағйиру иловаҳои зерин ворид карда шаванд:

1. Муқаддимаи Қонун дар таҳрири зайл ифода карда шавад:

"Қонуни мазкур асосҳои ҳуқуқии фаъолияти иттилоотӣ, мақсад, вазифа, принсип, субъект ва объектҳои муносибатҳои иттилоотиро ба танзим дароварда, сиёсати давлатии иттилоотиро дар ҷомеа муқаррар менамояд.".

2. Дар тамоми матни Қонун бобҳо бо рақамҳои арабӣ ишора карда шаванд ва пеш аз сархатҳо аломати дефис " - " гузошта шавад.

3. Номи боби 1 дар таҳрири зайл ифода карда шавад:

"БОБИ 1. МУҚАРРАРОТИ УМУМӢ".

4. Дар моддаи 1:

- номи модда ва қисми якуми он дар таҳрири зайл ифода карда шаванд:

"Моддаи 1. Мафҳумҳои асосӣ

Мафҳумҳои асосие, ки дар Қонуни мазкур истифода мешаванд:";

- дар сархати ҳаштум калимаи "энциклопедӣ" ба калимаи "энсиклопедӣ" иваз карда шавад;

- дар сархати нӯҳум калимаҳои "реквизитҳое (маълумотҳое)" ба калимаҳои "маълумотҳое (реквизитҳое)" иваз карда шаванд;

- дар сархати ёздаҳум калимаи "социалогии" ба калимаи "сотсиологии" иваз карда шавад;

- дар сархати бисту якум калимаҳои "қонун" ва "истеъмолкунандагон" мувофиқан ба калимаҳои "Қонуни мазкур" ва "истифодабарандагон" иваз карда шаванд;

- аз сархати бисту чорум калимаҳои "(истеъмолкунандаи)" ва "ва истеъмолкунандаи он" хориҷ карда шаванд.".

5. Дар моддаи 2:

- дар номи модда калимаҳои "вазифаи Қонун" ба калимаҳои "вазифаҳои Қонуни мазкур" иваз карда шаванд;

- дар матни модда калимаи "Қонун" ба калимаҳои "Қонуни мазкур" иваз карда шавад.

6. Моддаи 3 дар таҳрири зайл ифода карда шавад:

"Моддаи 3. Қонунгузории Ҷумҳурии Тоҷикистон дар бораи иттилоот

Қонунгузории Ҷумҳурии Тоҷикистон дар бораи иттилоот ба Конститутсияи (Сарқонуни) Ҷумҳурии Тоҷикистон асос ёфта, аз Қонуни мазкур, дигар санадҳои меъёрии ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки Тоҷикистон онҳоро эътироф кардааст, иборат мебошад.".

7. Дар матни моддаи 6 калимаҳои "объекти" ва "мебошад" мувофиқан ба калимаҳои "объектҳои" ва "мебошанд" иваз карда шаванд.

8. Дар кисми сеюми моддаи 8 калимаи "конунҳои" ба калимаи "қонунгузории" иваз карда шавад.

9. Дар қисми дуюми моддаи 11 калимаҳои "шаҳрвандон ва шахсони ҳуқуқӣ" ба калимаҳои "шахсони воқеӣ ва ҳуқуқӣ" иваз карда шаванд.

10. Моддаи 12 дар таҳрири зайл ифода карда шавад:

"Моддаи 12. Шаклҳои асосии фаъолияти иттилоотӣ

Шаклҳои асосии фаъолияти иттилоотӣ инҳоянд:

- гирифтани иттилоот - ба даст овардан ва мувофиқи қонунгузории Ҷумҳурии Тоҷикистон ҷамъ намудани иттилоот дар бораи шахс, ашё, далелҳо, воқеаву падидаҳо ва ғайра, сарфи назар аз шакли пешниҳоди онҳо;

- истифода намудани иттилоот - қонеъгардонии эҳтиёҷоти иттилоотии давлат, шахсони воқеӣ ва ҳуқуқӣ;

- паҳн кардани иттилоот - интишор ва мубодилаи иттилоот тибқи тартиби муқаррарнамудаи қонунгузории Ҷумҳурии Тоҷикистон;

- ҳифз намудани иттилоот - таъмини ҳолати зарурии иттилоот, ифодакунандагони моддии он ва баҳисобгирии онҳо.".

11. Дар қисми дуюми моддаи 13, қисми дуюми моддаи 16, қисмҳои якум ва дуюми моддаи 19, қисми якуми моддаи 24 ва қисми сеюми моддаи 27 калимаи "меъёрию" ба калимаи "меъёрии" иваз карда шавад.

12. Дар кисми якуми моддаи 16 калимаи "маҳудиятҳои" ба калимаи "маҳдудиятҳои" иваз карда шавад.

13. Дар моддаи 17:

- қисми якум хориҷ карда шавад;

- дар қисми дуюм калимаҳои "якдафъаина" ва "меравад" мувофиқан ба калимаҳои "яквақта" ва "мераванд" иваз карда шаванд;

- дар қисми сеюм калимаи "умум" ба калимаи "омма" иваз карда шавад.

14. Дар сархати сеюми қисми якуми моддаи 18, қисми дуюми моддаи 27 ва матни моддаи 40 калимаҳои "ашхоси" ва "ашхосе" мувофиқан ба калимаҳои "шахсони" ва "шахсоне" иваз карда шаванд.

15. Дар қисми дуюми моддаи 19 калимаҳои "Дар бораи тартиби интишори қонунҳои Ҷумҳурии Тоҷикистон" ба калимаҳои "Дар бораи санадҳои меъёрии ҳуқуқӣ" иваз карда шаванд.

16. Дар қисмҳои сеюм ва чоруми моддаи 20 калимаи "қонун" ба калимаҳои "қонунгузории Ҷумҳурии Тоҷикистон" иваз карда шавад.

17. Дар моддаи 21:

- дар қисми якум калимаи "мешавад" ба калимаи "мешаванд" иваз карда шавад;

- дар қисми дуюм калимаҳои "қонунҳои оид ба бойгонӣ ё қонунҳои соҳавӣ" ба калимаҳои "қонунгузории Ҷумҳурии Тоҷикистон" иваз карда шаванд.

18. Дар моддаи 23 калимаи "реквизитҳо" ба калимаҳои "маълумотҳо (реквизитҳо)" иваз карда шавад.

19. Дар моддаи 25:

- дар сархати дуюми қисми якум калимаи "умум" ба калимаи "омма" иваз карда шавад;

- дар қисми дуюм калимаи "қонун" ба калимаҳои "қонунгузории Ҷумҳурии Тоҷикистон" иваз карда шавад.

20. Моддаи 26:

- дар қисми дуюм калимаҳои "Шаҳрвандон ва шахсони ҳуқуқие" ба калимаҳои "Шахсони воқеӣ ва ҳуқуқие" иваз карда шаванд;

- дар қисми панҷум калимаҳои "қонуни дахлдор" ба калимаҳои "қонунгузории Ҷумҳурии Тоҷикистон" иваз карда шаванд.

21. Дар моддаи 28:

- дар қисми дуюм калимаҳои "қонунҳои" ва "намудаанд" мувофиқан ба калимаҳои "қонунгузории" ва "намудааст" иваз карда шаванд;

- дар қисми шашум калимаи "ашхоси" ба калимаи "шахсони" иваз карда шавад.

22. Қисми дуюми моддаи 29 дар таҳрири зайл ифода карда шавад:

"Дар мӯҳлати дар қисми якуми моддаи мазкур нишондодашуда муассисаи давлатӣ ба дархосткунанда оид ба ҷавоби дархости ӯ ба таври хаттӣ маълумот пешниҳод менамояд.".

23. Дар моддаи 31:

- қисми якум хориҷ карда шавад;

- дар қисми чорум калимаи "ашхоси" ба калимаи "шахсони" иваз карда шавад;

- дар қисми шашум калимаи "қонунҳои" ба калимаи "қонунгузории" иваз карда шавад.

24. Дар қисми якуми моддаи 34 калимаҳои "шахсони ҳуқуқӣ ва воқеӣ" ба калимаҳои "шахсони воқеӣ ва ҳуқуқӣ" иваз карда шаванд.

25. Дар қисми якуми моддаи 35 калимаҳои "шаҳрвандон ва шахсони ҳуқуқӣ" ва "шаҳрвандӣ ва дигар қонунҳои ҷорӣ" мувофиқан ба калимаҳои "шахсони воқеӣ ва ҳуқуқӣ" ва "Ҷумҳурии Тоҷикистон" иваз карда шаванд.

26. Номи боби 4 дар таҳрири зайл ифода карда шавад:

"БОБИ 4. ҲИФЗИ ҲУҚУҚ БА ИТТИЛООТ, РОҲ НАДОДАН БА СӯИИСТИФОДА АЗ ҲУҚУҚ БА ИТТИЛООТ".

27. Дар моддаи 36:

- ҷумлаи аввали қисми якум дар таҳрири зайл ифода карда шавад:

"Ҳуқуқ ба иттилоот тибқи қонунгузории Ҷумҳурии Тоҷикистон ҳифз карда мешавад.";

- дар қисми дуюм калимаҳои "пешбининамудаи қонун" ба калимаҳои "пешбининамудаи моддаи 33 Қонуни мазкур" иваз карда шаванд.

28. Моддаи 37 дар таҳрири зайл ифода карда шавад:

"Моддаи 37. Роҳ надодан ба сӯиистифода аз ҳуқуқ ба иттилоот

Истифодаи иттилоот ба муқобили асосҳои сохти конститутсионӣ ва амнияти давлат, ба муқобили амнияти иттилоотӣ, барои барангехтани кинаю адовати нажодӣ, миллӣ, маҳалгароӣ, динӣ, забонӣ, ҷанг, зулму зӯроварӣ, фаъолияти террористӣ ва экстремистӣ, хусумати иҷтимоӣ, таҷовуз ба шахсият, ҳуқуқ ва озодиҳои инсон ва шаҳрванд, таблиғи фаҳшу фуҷур (порнография) манъ аст.".

29. Дар моддаи 39:

- дар қисми якум калимаҳои "шаҳрвандон, мақомоти давлатӣ, корхонаю муассиса ва ташкилотҳо" ба калимаҳои "шахсони воқеӣ ва ҳукуқӣ" иваз карда шаванд;

- дар қисми сеюм калимаҳои "умумӣ" ва "қонунҳои" мувофиқан ба калимаҳои "оммаи" ва "қонунгузории" иваз карда шуда, калимаи "меъёрию" хориҷ карда шавад;

-дар қисми чорум калимаи "қонунҳои" ба калимаи "қонунгузории", калимаҳои "шахсони ҳуқуқӣ ва воқеии" ба калимаҳои "шахсони воқеӣ ва ҳуқуқии" иваз карда шуда, калимаи "меъёрию" хориҷ карда шавад.

30. Дар моддаи 41 калимаи "қонунҳои" ба калимаи "қонунгузории" иваз карда шавад.

Моддаи 2. Қонуни мазкур пас аз интишори расмӣ мавриди амал қарор дода шавад.

ҚАРОРИ МАҶЛИСИ НАМОЯНДАГОНИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи қабул кардани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи иттилоот"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи иттилоот" қабул карда шавад.

ҚАРОРИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи иттилоот"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи иттилоот"-ро баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи иттилоот" ҷонибдорӣ карда шавад.