Низомномаи Комиссияи ҷумҳуриявии мусоидати барӯйхатгирии кишоварзии Ҷумҳурии Тоҷикистон

1. Муқаррароти умумӣ

1. Низомномаи мазкур мақоми ҳуқуқӣ, тартиби таъсис ва фаъолияти Комиссияи ҷумҳуриявии мусоидати барӯйхатгирии кишоварзии Ҷумҳурии Тоҷикистонро (минбаъд - Комиссия) муайян менамояд.

2. Комиссия мақоми ҳамоҳангсоз буда, бо мақсади роҳбарӣ ва ҳамоҳангсозии корҳои омодагӣ ва гузаронидани барӯйхатгирии кишоварзӣ дар Ҷумҳурии Тоҷикистон таъсис дода мешавад.

3. Комиссия фаъолияти худро дар асоси Конститутсияи (Сарқонуни) Ҷумҳурии Тоҷикистон, қонунҳои Ҷумҳурии Тоҷикистон, фармону амрҳои Президенти Ҷумҳурии Тоҷикистон, қарору фармоишҳои Ҳукумати Ҷумҳурии Тоҷикистон, санадҳои меъёрии ҳуқуқии байналмилалии эътирофнамудаи Тоҷикистон ва Низомномаи мазкур амалӣ менамояд.

2. Ҳайат ва ташкили фаъолияти Комиссия

4. Комиссия 40 аъзо, аз ҷумла Раис, муовин ва котиб дорад.

5. Ҷаласаҳои Комиссия ҳамон вақт баргузоргардида ҳисобида мешаванд, ки агар дар онҳо на камтар аз 50 фоизи ҳайат иштирок намоянд.

6. Қарори комиссия бо овоздиҳии на камтар аз се ду ҳиссаи иштирокчиёни ҷаласа қабул карда мешаванд.

7. Комиссия аз рӯи зарурат, вале на камтар аз як маротиба дар се моҳ даъват карда мешавад.

8. Раис, муовин ва аъзои Комиссия ӯҳдадориҳои худро бе пардохти музди меҳнат иҷро менамоянд.

3. Вазифаҳо ва ӯҳдадориҳои асосии Комиссия

9. Вазифаҳои асосии Комиссия аз инҳо иборатанд:

- ҳамоҳангсозии фаъолияти вазорату идораҳо, мақомоти иҷроияи маҳаллии ҳокимияти давлатӣ, ташкилоту муассисаҳо, сарфи назар аз шакли ташкилию ҳуқуқиашон, вобаста ба масъалаҳои барӯйхатгирии кишоварзӣ;

- назорати иҷрои чорабиниҳои омодагӣ ва гузаронидани баруйхатгирии кишоварзӣ;

- расонидани ёрии амалӣ ба мақомоти иҷроияи маҳаллии ҳокимияти давлатӣ дар тайёрӣ ва гузарониданп барӯйхатгирии кишоварзӣ;

- тасдиқи Барномаи барӯйхатгирии кишоварзӣ.

10. Комиссия ӯҳдадориҳои зеринро иҷро мекунад:

- чорабиниҳоро оид ба ташкил ва гузаронидани барӯйхатгирии кишоварзӣ, коркард ва паҳн намудани натиҷаҳои маълумоти дастрасшуда ҳамоҳанг месозад;

- фаъолияти комиссияҳои минтақавии баруйхатгирии кишоварзиро ҳамоҳанг месозад;

- принсипҳои ташкилии гузаронидани барӯйхатгирии кишоварзӣ ва Барномаи онро баррасӣ ва тасдиқ менамояд;

- рафти иҷрои чорабиниҳои вобаста ба бехатарӣ ва таъмини тартиботи ҷамъиятӣ дар давраи гузаронидани барӯйхатгирӣ, инчунин оид ба оммавӣ гардонидани маълумоти барӯйхатгирии кишоварзиро арзёбӣ менамояд;

- рафти гузаронидани чорабиниҳоро оид ба ҷалби маблағҳои молиявӣ барои пӯшонидани хароҷоти омодагӣ ва гузаронидани барӯйхатгирии кишоварзӣ баррасӣ менамояд;

- маълумотро оид ба натиҷаҳои барӯйхатгирии санҷишии кишоварзии гузаронидашуда баррасӣ намуда, дараҷаи омодагиро барои гузаронидани бевоситаи барӯйхатгирии асосӣ муайян менамояд;

- мониторинги корҳои гузаронидани барӯйхатгирӣ ва марҳилаҳои коркарди маълумотро амалӣ менамояд.

4. Ҳуқуқҳои Комиссия

11. Комиссия ҳуқуқҳои зерин дорад:

- аз вазоратҳо, идораҳо ва дигар мақомоти давлатӣ, мақомоти маҳаллии иҷроияи ҳокимияти давлатӣ пешниҳоди маълумоти зарурии вобаста ба иҷрои чорабиниҳои омодагӣ ва гузаронидани барӯйхатгирии кишоварзӣ ва пешниҳодҳоро барои ҳалли масъалаҳои пайдошуда талаб намояд;

- бо ташкилотҳои байналмилалӣ ҷиҳати ҷалби маблағҳо барои пӯшонидани хароҷоти вобаста ба омодагӣ ва гузаронидани барӯйхатгирии кишоварзӣ ҳамкорӣ намояд.

5. Давраи фаъолияти Комиссия

12. Комиссия дар давоми тамоми давраи омодагӣ ва гузаронидани барӯйхатгирии кишоварзӣ (солҳои 2012-2014) дар ҷумҳурӣ амал мекунад.

Ҳайати Комиссияи ҷумҳуриявии мусоидати барӯйхатгирии кишоварзии Ҷумҳурии Тоҷикистон

Раиси Комиссия - Муовини Сарвазири Ҷумҳурии Тоҷикистон (сарпарасти соҳа)

Муовини Раиси Комиссия - Директори Агентии омори назди Президенти Ҷумҳурии Тоҷикистон

Котиби Комиссия - Муовини Директори Агентии омори назди Президенти Ҷумҳурии Тоҷикистон

Аъзои Комиссия:

Вазири рушди иқтисод ва савдои Ҷумҳурии Тоҷикистон

Вазири молияи Ҷумҳурии Тоҷикистон

Вазири кишоварзии Ҷумҳурии Тоҷикистон

Вазири меҳнат ва ҳифзи иҷтимоии Ҷумҳурии Тоҷикистон

Вазири мелиоратсия ва захираҳои оби Ҷумҳурии Тоҷикистон

Вазири нақлиёти Ҷумҳурии Тоҷикистон

Вазири фарҳанги Ҷумҳурии Тоҷикистон

Вазири энергетика ва саноати Ҷумҳурии Тоҷикистон

Вазири адлияи Ҷумҳурии Тоҷикистон

Раиси Кумитаи давлатии заминсозӣ ва геодезии Ҷумҳурии Тоҷикистон

Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон

Раиси Кумитаи андози назди Ҳукумати Ҷумҳурии Тоҷикистон

Раиси Кумитаи телевизион ва радиои назди Ҳукумати Ҷумҳурии Тоҷикистон

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон

Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон

Сардори Хадамоти алоқаи назди Ҳукумати Ҷумҳурии Тоҷикистон

Директори Агентии сохтмон ва меъмории назди Ҳукумати Ҷумҳурии Тоҷикистон

Раиси Кумитаи марказии иттифоқҳои касабаи комплекси агросаноатии Ҷумҳурии Тоҷикистон

Раиси Вилояти Мухтори Кӯҳистони Бадахшои

Раиси вилояти Суғд

Раиси вилояти Хатлон

Муовини аввали Раиси шаҳри Душанбе

Мудири шӯъбаи ислоҳоти иқтисодӣ ва инвеститсияи Дастгоҳи иҷроияи Президенти Ҷумҳурии Тоҷикистон

Мудири шӯъбаи кишоварзӣ ва истифодаи замини Дастгоҳи иҷроияи Президенти Ҷумҳурии Тоҷикистон

Муовини аввали Вазири мудофиаи Ҷумҳурии Тоҷикистон

Муовини аввали Вазири корҳои дохилии Ҷумҳурии Тоҷикистон

Муовини аввали Раиси Кумитаи амнияти миллии Ҷумҳурии Тоҷикистон

Муовини якуми Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон

Президенти Академияи илмҳои кишоварзии Тоҷикистон

Сардори Корхонаи воҳиди давлатии "Роҳи оҳани Тоҷикистон"

Директори генералии Корхонаи воҳиди давлатии "Хоҷагии манзилию коммуналӣ"

Директори Агентии миллии иттилоотии "Ховар"

Директори Маркази тадқиқоти стратегии назди Президенти Ҷумҳурии Тоҷикистон

Директори генералии Ҷамъияти саҳомии кушодаи "Тоҷик Эйр"

Раиси Ассотсиатсияи хоҷагиҳои дехқонии Ҷумҳурии Тоҷикистон

Раиси Шӯрои рушд аз ҷониби ташкилотҳои донорҳо дар Ҷумҳурии Тоҷикистон

Ҳамоҳангсози Барномаи озуқаворӣ ва кишоварзии СММ дар Ҷумҳурии Тоҷикистон