Оинномаи Муассисаи давлатии "Маркази идораи лоиҳаи "Рушди чорводорӣ ва чарогоҳҳо"

I.Муқаррароти умумӣ

1. Муассисаи давлатии "Маркази идораи лоиҳаи "Рушди чорводорӣ ва чарогоҳҳо" (минбаъд-Марказ) сохтори махсусгардонидашуда буда, татбиқи лоиҳаҳои "Рушди чорводорӣ ва чарогоҳҳо" ва "Беҳсозии сатҳи зиндагӣ дар Хатлон"-ро дар асоси гранти Фонди байналмилалии рушди кишоварзӣ, бо мақсади беҳтар намудани сатҳи зиндагии аҳолӣ дар ноҳияҳои Мӯъминобод, Шӯрообод, Ховалинг, Балҷувон, Темурмалик, Фархор, Восеъ ва ноҳияҳои дигаре, ки тибқи Созишномаи байни Ҳукумати Ҷумҳурии Тоҷикистон ва Фонди байналмилалии рушди кишоварзӣ ё дигар созмонҳои байналмилалӣ муайян карда мешаванд, амалӣ менамояд.2. Марказ фаъолияти худро мутобиқи конунгузории Ҷумҳурии Тоҷикистон, дигар санадҳои меъёрии ҳуқуқӣ, санадҳои ҳуқуқии байналмилалие, ки Ҷумҳурии Тоҷикистон эътироф намудааст, талаботи Фонди байналмилалии рушди кишоварзӣ ва ҳамин Оиннома амалӣ менамояд (қарори Ҳукумати ҶТ аз 31.01.2015 № 45).

3. Марказ шахси ҳуқуқӣ буда, мутобиқи қонунгузории Ҷумҳурии Тоҷикистон амволи ҷудогона, тавозуни мустақил, дар муассисаҳои бонкӣ суратҳисоб бо пули миллӣ ва асъори хориҷӣ, инчунин мӯҳр, штамп ва варақаҳо бо сабти номи худ дорад (қарори Ҳукумати ҶТ аз 31.01.2015 № 45).

4. Номи Марказ:

бо забони тоҷикӣ: Муассисаи давлатии "Маркази идораи лоиҳаи "Рушди чорводорӣ ва чарогоҳҳо";

бо забони русӣ: Государственное учреждение "Центр управления проектом "Развитие животноводства и пастбищ".

5. Марказ фаъолияти худро дар давраи амалишавии лоиҳаҳои "Рушди чорводорӣ ва чарогоҳҳо" ва "Беҳсозии сатҳи зиндагӣ дар Хатлон" (минбаъд - лоиҳаҳо) анҷом медиҳад (қарори Ҳукумати ҶТ аз 31.01.2015 № 45).

6. Суроғаи ҳуқуқии Марказ: Ҷумҳурии Тоҷикистон, шаҳри Душанбе.

II. Мақсад ва самтҳои фаъолияти Марказ

7. Мақсадҳои асосии фаъолияти Марказ:

- татбиқи саривақтӣ, сифатнок ва самарабахши лоиҳа;

- таъмини истифодаи мақсадноки маблағҳои грантӣ ва қарзии аз ҷониби Фонди байналмилалии рушди кишоварзӣ барои татбиқи лоиҳаҳо ҷудогардида (қарори Ҳукумати ҶТ аз 31.01.2015 № 45).

8. Самтҳои фаъолияти Марказ:

- ташкили фаъолияти Марказ якҷоя бо Вазорати кишоварзии Ҷумҳурии Тоҷикистон ва дигар мақомоти дахлдор;

- таъмини иҷрои саривақтии чорабиниҳо ва татбиқи лоиҳа мутобиқи қонунгузории Ҷумҳурии Тоҷикистон ва талаботи Фонди байналмилалии рушди кишоварзӣ;

- таъмини маблағгузории саривақтии лоиҳа ва пардохти саривақтии иҷрои корҳо ва хизматрасонии мушовирони байналмилалӣ ва маҳаллӣ мутобиқи қонунгузории Ҷумҳурии Тоҷикистон ва талаботи Фонди байналмилалии рушди кишоварзӣ;

- хамоҳангсозии фаъолияти кормандони Марказ, мушовирони байналмилалӣ ва маҳаллӣ;

- хариди мол, кор ва хизматрасонӣ, инчунин ба имзо расонидани шартномаҳо (карордодҳо) вобаста ба лоиҳа мутобиқи қонунгузории Ҷумҳурии Тоҷикистон ва талаботи Фонди байналмилалии рушди кишоварзӣ;

- мониторинг ва назорати сифати иҷрои корҳо дар доираи татбиқи лоиҳа мутобиқи қонунгузории Ҷумҳурии Тоҷикистон ва талаботи Фонди байналмилалии рушди кишоварзӣ;

- дигар намудҳои фаъолият, ки ба қонунгузории Ҷумҳурии Тоҷикистон ва талаботи Фонди байналмилалии рушди кишоварзӣ мухолифат намекунанд.

III. Хуқуқ ва ӯхдадориҳои Марказ

9. Марказ ҳуқуқ дорад:

- тибқи тартиби муқаррарнамудаи қонунгузорӣ амволи таҳти ҳуқуқи идоракунии оперативӣ ба он тааллуқдоштаро соҳибӣ, истифодабарӣ ва ихтиёрдорӣ кунад;

- шартномаҳо (қарордодҳо) ба имзо расонад, ҳуқуқҳои амволӣ ва ғайриамволиро ба даст орад, дар суд ҳамчун даъвогар ва ҷавобгар иштирок намояд;

- фаъолияти ҷорӣ ва ояндаро мустақилона ба роҳ монад;

- дар муассисаҳои бонкии Ҷумҳурии Тоҷикистон бо пули миллӣ ва асъори хориҷӣ суратҳисобҳо кушояд (қарори Ҳукумати ҶТ аз 31.01.2015 № 45);

- мониторинг ва баҳодиҳии ҷараёни иҷрои корҳоро таъмин намояд;

- амалҳои дигареро, ки ба қонунгузории Ҷумҳурии Тоҷикистон, талаботи Фонди байналмилалии рушди кишоварзӣ ва мақсадҳои Марказ мухолифат намекунанд, иҷро намояд.

10. Марказ ӯҳдадораст:

- истифодаи мақсаднок ва самараноки маблағҳои қарзӣ ва грантиро таъмин намояд (қарори Ҳукумати ҶТ аз 31.01.2015 № 45);

- мутобиқи қонунгузории Ҷумҳурии Тоҷикистон барои кормандони худ риояи кафолатҳои ҳуқуқии шаҳрвандонро, ки давлат муқаррар намудааст, таъмин намояд ва тибқи тартиби муқарраргардида барои зарари ба саломатӣ ва қобилияти меҳнатии онҳо расонидашуда масъулият дошта бошад;

- ҳисоботи фаврӣ ва муҳосибавии фаъолияти молиявию хоҷагиро ба амал бароварда, ҳуҷҷатҳои оморӣ ва муҳосибавиро пеш барад;

- ба Ҳукумати Ҷумҳурии Тоҷикистон, Вазорати молияи Ҷумҳурии Тоҷикистон, Вазорати кишоварзии Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Фонди байналмилалии рушди кишоварзӣ оид ба воридшавӣ ва азхудкунии маблағҳо, инчунин ҷараёни татбиқи лоиҳа ҳисоботимоҳона, семоҳа, нимсола ва солонаро пешниҳод намояд (қарори Ҳукумати ҶТ аз 31.01.2015 № 45).

IV. Манбаҳои ташаккули маблағ ва амвол

11. Марказ дар ихтиёри худ бино, иншоот, таҷҳизот, асбобу олот ва дигар амволеро, ки барои таъмини фаъолияти пешбининамудаи ҳамин Оиннома заруранд, дорад.

12. Маблағҳои Марказ аз ҳисоби зерин ташаккул меёбанд:

- маблағҳои грантие, ки аз ҳисоби Фонди байналмилалии рушди кишоварзӣ барои татбиқи лоиҳаҳо ҷалб карда мешаванд (қарори Ҳукумати ҶТ аз 31.01.2015 № 45);

- маблағҳои грантӣ ва қарзие, ки аз ҳисоби давлатҳои хориҷӣ, ташкилотҳои молиявӣ ва созмонҳои байналмилалӣ барои татбиқи лоиҳаҳо ҷалб карда мешаванд (қарори Ҳукумати ҶТ аз 31.01.2015 № 45);

- манбаъҳое, ки қонунгузории Ҷумҳурии Тоҷикистон ва талаботи Фонди байналмилалии рушди кишоварзӣ манъ намекунад.

13. Маблагҳои молиявии Марказ бояд мутобики шартҳое, ки дар Созишномаи грантй пешбинӣ гардидаанд, истифода шаванд.

V. Идоракунии фаъолняти Марказ

14. Роҳбари Марказ директор мебошад, ки бо пешииҳоди Вазорати кишоварзии Ҷумҳурии Точикистон дар мувофика бо Фонди байналмилалии рушди кишоварзй аз чониби Ҳукумати Ҷумхурии Тоҷикистон ба вазифа таъин ва аз вазифа озод карда мешавад.

15. Директори Марказ дорои салохиятҳои зерин мебошад:

- ташкили рохбарии умумии тамоми фаъолияти Марказ;

- намояндагии манфиатҳои Марказ дар ташкилотҳои давлатӣ, ғайриҳукуматӣ ва байналмилалӣ;

- тасдиқ намудани сохтор, ҷадвали штатӣ, сметаи ягонаи даромад ва хароҷоти Марказ, андозаи музди мехнати кормандон бо мувофиқаи Вазорати молияи Ҷумҳурии Тоҷикистон, Вазорати кишоварзии Ҷумхурии Тоҷикистон ва Фонди байналмилалии рушди кишоварзӣ (қарори Ҳукумати ҶТ аз 31.01.2015 № 45);

- аз номи Марказ баимзорасонии шартномаҳо (карордодхо) ва анчом додани амалҳои дигар дар доираи лоиҳа;

- пешниҳоди ҳисоботҳои Марказ ба Хукумати Ҷумҳурии Тоҷикистон, Вазорати молияи Ҷумҳурии Тоҷикистон. Вазорати кишоварзии Ҷумқурии Точикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Фонди байналмилалии рушди кишоварзӣ;

- дар доираи салоҳияти худ интишор намудани фармону амрҳое, ки мухолифи қонунгузорӣ набошанд ва иҷрои онҳо барои ҳамаи кормандони Марказ ҳатмӣ мебошад;

- ихтиёрдории амвол ва воситаҳои Марказ, додани ваколатномаҳо, имзои ҳуҷҷатҳои молиявию хоҷагӣ  дар доираи лоиҳа, ки ба қонунгузории Ҷумҳурии Тоҷикистон ва талаботи Фонди байналмилалии рушди кишоварзӣ мухолифат намекунанд (қарори Ҳукумати ҶТ аз 31.01.2015 № 45);

- баимзорасонии шартномаҳои (қарордодҳои) меҳнатӣ;

- тибқи тартиби муқарраргардида таъин намудан ва аз вазифа озод намудани кормандони Марказ;

- анҷом додани ваколатҳои дигар мутобиқи ҳамин Оиннома ва қонунгузории Ҷумҳурии Тоҷикистон.

16. Директори Марказ фаъолияти худро мутобиқи қонунгузории Ҷумҳурии Тоҷикистон ва ҳамин Оиннома анҷом дода, ба Ҳукумати Ҷумҳурии Тоҷикистон ва Фонди байналмилалии рушди кишоварзӣ ҳисоботдиҳанда мебошад.

17. Директори Марказ барои иҷрои вазифаҳои ба зиммаи Марказ гузошташуда масъулияти шахсӣ дорад, ваколат ва дараҷаи масъулияти кормандони Марказро мувофиқи хамин Оиннома ва ӯҳдадориҳои вазифавии ҳар як корманд муқаррар менамояд.

VI. Баҳисобгирӣ ва ҳисоботдиҳӣ

18. Баҳисобгирии муҳосибавӣ ва ҳисоботдиҳии Марказ мутобиқи қонунгузории Ҷумҳурии Тоҷикистон, инчунин стандартҳои байналмилалӣ ва талаботи Фонди байналмилалии рушди кишоварзӣ анҷом дода мешавад.

19. Натиҷаҳои фаъолияти Марказ дар ҳисоботҳои ҳармоҳа, семоҳа, нимсола ва солонаи Муассиса, ки ба Ҳукумати Ҷумҳурии Тоҷикистон, Вазорати молияи Ҷумҳурии Тоҷикистон, Вазорати кишоварзии Ҷумҳурии Тоҷикистон, Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Фонди байналмилалии рушди кишоварзӣ пешниҳод мегарданд, инъикос меёбанд.

20. Аудитҳои молиявӣ ва техникии Марказ аз ҷониби аудиторҳои мустақил, ки дар асоси талаботи Фонди баймалмилалии рушди кишоварзӣ интихоб шудаанд, гузаронида мешаванд.

VII. Тартиби ворид намудани тағйироту иловаҳо ба Оинномаи Марказ

21. Ба Оинномаи мазкур тибқи қонунгузории Ҷумҳурии Тоҷикистон аз ҷониби Ҳукумати Ҷумҳурии Тоҷикистон тағйироту иловаҳо ворид карда мешаванд.

VIII. Қатъи фаъолияти Марказ

22. Азнавташкилдиҳӣ (якҷояшавӣ, ҳамроҳшавӣ, тақсимшавӣ, табдилдиҳӣ, ҷудошавӣ) ва барҳам додани Марказ тибқи қонунгузории Ҷумҳурии Тоҷикистон анҷом дода мешавад.