ПРОТОКОЛ оид ба ворид намудани тағйирот ба Оинномаи Созмони Аҳдмомаи амнияти дастаҷамъӣ аз 7 октябри соли 2002

Давлатҳои аъзои Созмони Аҳдномаи амнияти дастаҷамъӣ, ки минбаъд Тарафҳо номида мешаванд,

бо мақсади баланд бардоштани самаранокии фаъолияти Созмони Аҳдномаи амнияти дастаҷамъӣ (минбаъд - Созишнома),

бо кӯшиши рушди минбаъдаи ҳамкориҳо дар соҳаи фаъолияти байналмилалӣ, сиёсати берунӣ, ҳарбӣ, ҳарбии техникӣ (ҳарбии иқтисодӣ), ҳуқуқӣ ва дигар фаъолиятҳо, инчунин муқовимати муштарак дар соҳаи таҳдид ва хатарҳои нав, ки дар доираи Созмон амалӣ мегарданд,

мутобиқи моддаи 27 Оинномаи Аҳдномаи амнияти дастаҷамъӣ аз 7 октябри соли 2002 (минбаъд - Оиннома)

ба мувофиқаи зайл расиданд:

I. Ба Оиннома тағйироти зерин ворид карда шавад:

а) дар моддаи 1 калимаи "(минбаъд - Созмон)" бо калимаҳои "(САҲА), ки минбаъд Созмон номида мешавад " иваз карда шавад;

б) моддаи 7 сархати якум дар таҳрири зайл баён карда шавад:

"Барои расидан ба мақсадхои Созмон давлатҳои аъзо чораҳои муштаракро барои таъсис додан дар доираи низоми амалкунандаи амнияти дастаҷамъӣ меандешанд, ки мудофиаи муштаракро дар ҳолати ба вуқӯъ омадани таҳдидҳо ба амният, устуворӣ, тамомияти арзӣ, истиқлолият ва амалӣ гардидани ҳуқуқи мудофиаи муштарак бо таъсис додани қувваҳои муштараки (дастаҷамъии) Созмон, гурӯҳи қӯшунҳои (қувваҳои) минтақавӣ (муттаҳида), қувваҳои сулҳҷӯ, низоми муттаҳида ва мақомоти идоракунии онҳо, иншооти ҳарбӣ таъмин менамоянд. Давлатҳои аъзо инчунин дар соҳаҳои ҳарбӣ - техникӣ (ҳарбӣ - иқтисодӣ), таъмини қувваҳои мусаллаҳ, мақомоти ҳифзи ҳуқуқ ва хадамоти махсус бо аслиҳаи зарурӣ, техника ва воситаҳои махсус, тайёр намудани кадрҳои ҳарбӣ ва мутахассисон барои кувваҳои мусаллаҳи миллӣ ҳамкорӣ менамоянд";

в) дар моддаи 8:

- сархатҳои дуюм ва сеюм бо мазмуни зайл илова карда шаванд:

"Давлатҳои аъзо чораҳоро барои таъсис додан ва амал намудан дар доираи Созмон низоми эътино намудан ба ҳолатҳои бӯҳрон, таҳдидҳо ба амният, устуворӣ, тамомияти арзӣ ва истиқлолияти давлатҳои аъзоро меандешанд.

Давлатҳои аъзо дар соҳаи ҳифзи марзи давлатӣ, мубодилаи ахборот, амнияти иттилоотӣ, ҳифзи аҳолӣ ва каламрав аз ҳолатҳои фавкулодда, ки хусусияти табиӣ ва техногенӣ доранд, инчунин аз хатарҳое, ки дар рафт ё натиҷаи амалиёти ҷанг ба вуқӯъ меоянд, хамкорӣ менамоянд.";

- сархати дуюм сархати чорум хисобида шавад;

- аз сархати чорум калимаи "байниҳукуматӣ" хориҷ карда шавад;

г) дар моддаи 11:

- баъд аз банди "г" банди нави "д" бо мазмуни зайл илова карда шавад:

"д) шӯрои Доимӣ.";

- сархати ҳафтум бо тарзи зерин баён карда шавад:

"Мақомоти доимоамалкунандаи кории Созмон, Котиботи Созмон (минбаъд-Котибот) ва Ситоди муттаҳидаи Созмон (минбаъд - Ситоди муттаҳида) мебошад";

- сархати ҳаштум бо мазмуни зайл илова карда шавад:

"Мақомоти ҳамкориҳои байнипарлумонӣ, Ассамблеяи парламентии Созмон мебошад";

- сархати ҳаштум сархати нӯҳум ҳисобида шавад;

- сархати нӯҳум бо тарзи зерин баён карда шавад:

"Вазифа ва тартиби кори мақомоти дар боло зикргардида бо Оинномаи мазкур, инчунин бо дигар санадҳои меъёрии хуқуқии Созмон ба тартиб дароварда мешавад.";

д) моддаи 12 сархатҳо бо мазмуни зайл илова карда шавад:

"Шӯро дар шакли маҳдуд ҳуқуқи қарор қабул намуданро дорад ба шарте, ки ягон давлати аъзо зидди чунин тартиби қабул намудани қарор намебарояд.

Давлати аъзое, ки дар қабули қарор дар шакли маҳдуд овоз надодааст ба оқибатҳои қарори қабулгардида ҷавобгӯ нест";

е) дар моддаи 13:

- дар сархати чорум калимаҳои "намояндагони ваколатдори давлатҳои аъзо дар назди Созмон" бо калимаҳои "Намояндагони доимӣ ва Ваколатдори давлатҳои аъзо дар назди Созмон (минбаъд-намояндагони доимӣ)" иваз карда шаванд;

- сархатҳои 8 ва 9 хориҷ карда шаванд;

ж) моддаи нави 16 бо мазмуни зайл илова карда шавад:

Моддаи 16

Шӯрои доимӣ мақомоти мутобикаткунии Созмон мебошад, ки дар давраи байни ҷаласаҳои Шӯро ба масъалаҳои ҳамкорӣ дар доираи Созмон машғул буда, дар якҷоягӣ бо мақомоти кории доимоамалкунандаи Созмон иҷрои қарорҳоеро, ки аз ҷониби Шӯро, ШВКХ, ШВМ ва ККША қабул мегарданд, таъмин менамояд.

Шӯрои доимиро намояндагони доимие, ки сарони давлатҳои аъзо мутобиқи расмиёти дохилидавлатӣ таъин менамоянд, ташкил медиҳад ва мутобиқи Низомномаи аз ҷониби Шӯро тасдиқшуда амал менамояд.";

з) боби V дар таҳрири зайл ифода карда шавад:

"Боби V. Котиби генералӣ. Мақомоти доимоамалкунандаи кории Созмон

Моддаи 17

Котиби генералии Созмон (минбаъд - Котиби генералӣ) шахси мансабдори олии маъмурии Созмон мебошад. Котиби генералӣ роҳбарии Котиботро, инчунин мутобиқаткунии фаъолияти мақомоти кории доимоамалкунандаи Созмонро амалӣ менамояд.

Котиби генералӣ бо қарори Шӯро ба мӯҳлати се сол бо пешниҳоди ШВКХ аз ҳисоби шаҳрвандони давлатҳои аъзо, таъин карда мешавад.

Котиби генералӣ ба Шӯро ҳисоботдиҳанда буда, дар ҷаласаҳои Шӯро, ШВКХ, ШВМ, ККША ва Шӯрои доимӣ иштирок менамояд.

Котиби генералӣ таҳияи лоиҳаҳои ҳуҷҷатҳоеро, ки барои баррасӣ ба мақомоти Созмон пешниҳод мегарданд, мувофиқа намуда, Созмонро дар муносибатҳо бо дигар давлатҳо, ки аъзои он нестанд, ташкилотҳои байналмилалӣ, воситаҳои ахбори умум намояндагӣ мекунад ва алоқаи кориро ба онҳо ба роҳ мемонад.

Котиби генералӣ нисбат ба Оинномаи мазкур, дигар шартномаҳои байналмилалӣ ва ҳуҷҷатҳои дар доираи Созмон қабулгардида маҳфуздоранда мебошад.

Моддаи 18

Котибот таъминоти ташкилӣ, иттилоотӣ, таҳлилӣ ва машваратии фаъолияти мақомоти Созмонро амалӣ менамояд.

Котибот дар якҷоягӣ бо Шӯрои доимӣ омодагии лоиҳаҳои қарорҳо ва дигар ҳуҷҷатҳои мақомоти Созмонро амалӣ менамояд.

Котибот аз ҳисоби шаҳрвандони давлатҳои аъзо бо тарзи квота (шахсони мансабдор) мутаносибан бо саҳми аъзогии давлатҳои аъзо ба буҷети Созмон ва дигар шаҳрвандони давлатҳои аъзо, ки бо тарзи озмун дар асоси қарордод (ҳамкорон) ҷалб карда шудаанд, таъсис дода мешавад.

Макони ҷойгиршавии Котибот шаҳри Москваи Федератсияи Россия мебошад. Шартҳои будубоши Котибот дар қаламрави Федератсияи Россия дар асоси шартномаи байналмилалии дахлдор ба танзим дароварда мешавад.

Моддаи 18-1

Ситоди муттаҳида таъмини ташкилӣ, иттилоотию таҳлилии фаъолияти ВАО-ро амалӣ намуда, барои омода намудани пешниҳодҳои хусусияти Созмон, ташкил ва мутобиқаткунӣ дар якҷоягӣ бо мақомоти идоракунандаи ҳарбии давлатҳои аъзо иҷрои амалии қарорҳои мақомоти Созмон оид ба масъалаҳои ҳамкориҳои ҳарбӣ, ки ба салоҳияти он дохил мешаванд, ҷавобгӯй мебошад.

Ситоди муттаҳида аз ҳисоби хизматчиёни ҳарбии давлатҳои аъзо бо тарзи квота, мутаносибаи бо саҳми аъзогии давлатҳои аъзо ба буҷети Созмон ва дигар шаҳрвандони давлатҳои аъзо, ки бо тарзи озмун дар асоси шартнома кироя карда шуданд, пурра карда мешавад.

Вазифа, функсия, сохтор, ҳайат ва асосҳои ташкилии Ситоди муттаҳида мутобиқи низомномаи аз ҷониби Шӯро тасдиқнамуда муайян карда мешаванд.

Макони ҷойгиршавии Котибот шаҳри Москваи Федератсияи Россия мебошад. Шароити мавқеи Котибот дар қаламрави Федератсияи Россия дар асоси шартномаи байналмилалии дахлдор ба танзим дароварда мешавад.

и) сархати якуми моддаи 24 бо тарзи зайл баён карда шавад:

"Маблағгузории фаъолияти мақомоти кории доимоамалкунанда аз ҳисоби маблағҳои буҷети Созмон сурат мегиранд. Барои таъмини фаъолияти Созмон маблағҳои ғайрибуҷетӣ (ғайр аз маблағҳои қарзӣ) ҷалб карда мешаванд, тартиби таъсисдиҳӣ ва истифодабарии онҳо мутобиқи низомномаи аз ҷониби Шӯро тасдиқнамуда, муайян карда мешавад".

2. Протоколи мазкур бо тартиби пешбининамудаи моддаи 26 Оиннома эътибор пайдо мекунад.

10 декабри соли 2010 дар шаҳри Москва дар як нусхаи асл бо забони русӣ ба имзо расонида шуд. Нусхаи аслии Созишномаи мазкур дар Котиботи Созмони Аҳдномаи амнияти дастаҷамъӣ нигоҳ дошта шуда, ба ҳар як давлати имзокунандаи Созишномаи мазкур нусхаи тасдиқшудаи он фиристода мешавад.