Бо қарори Маҷлиси намояндагони Маҷлиси Олии ҶТ аз 4.06.2014 № 1511 аз эътибор соқит дониста шуд.

Қарори Маҷлиси Олии Ҷумҳурии Тоҷикистон

Оиди мавриди амал қарор додани Қонуни конститусионии Ҷумҳурии Тоҷикистон "Дар бораи суди конститутсионии Ҷумҳурии Тоҷикистон"

Маҷлиси Олии Ҷумҳурии Тоҷикистон қарор мекунад:

1. Қонуни конститутсионии Ҷумҳурии Тоҷикистон "Дар бораи Суди конститутсионии Ҷумҳурии Тоҷикистон" қабул карда шавад.

2. Қонуни конститутсионии Ҷумҳурии Тоҷикистон "Дар бораи Суди конститутсионии Ҷумҳурии Тоҷикистон" аз рӯзи расман нашр шудани он мавриди амал қарор дода шавад.

3. Ҳукумати Ҷумҳурии Тоҷикистон: ба Маҷлиси Олии Ҷумҳурии Тоҷикистон оиди даровардани тағйироту иловаҳо ба қонунҳои амалкунанда ба муносибати ҳамин Қонуни конститутсионӣ мутобиқ намояд.

4. Санадҳои зерин беэътибор дониста шаванд:

Қонуни Ҷумҳурии Тоҷикистон аз 27 августи соли 1990 "Дар бораи назорати конститутсионӣ дар Ҷумҳурии Тоҷикистон" (Ведомостҳои Шӯрои Олии Ҷумҳурии Тоҷикистон, соли 1990, № 17, мод. 291);

Қарори Шӯрои Олии Ҷумҳурии Тоҷикистон аз 27 августи соли 1990 "Дар бораи тартиби ба амал ҷорӣ намудани Қонуни Ҷумҳурии Тоҷикистон "Дар бораи назорати конститутсионӣ дар Ҷумҳурии Тоҷикистон (Ведомостҳои Шӯрои Олии Ҷумҳурии Тоҷикистон, соли 1990, № 17, мод. 290);

Қонуни Ҷумҳурии Тоҷикистон аз 26 феврали соли 1991 "Дар хусуси даровардани тағйироту иловаҳо ба Қонуни Ҷумҳурии Тоҷикистон "Дар бораи назорати конститутсинӣ дар Ҷумҳурии Тоҷикистон" (Ведомостҳои Шӯрои Олии Ҷумҳурии Тоҷикистон, соли 1990, № 7, мод. 126);

Фармони Раёсати Шӯрои Олии Ҷумҳурии Тоҷикистон аз 22 октябри соли 1993 "Дар хусуси даровардани тағйироту иловаҳо ба Қонуни Ҷумҳурии Тоҷикистон "Дар бораи назорати конститутсинӣ дар Ҷумҳурии Тоҷикистон", ки бо Қонуни Ҷумҳурии Тоҷикистон аз 28 декабри соли 1993 тасдиқ шудааст (Ахбори Шӯрои Олии Ҷумҳурии Тоҷикистон, соли 1993, № 19-20, мод. 435).