Ҳукумати Ҷумҳурии Тоҷикистон

ҚАРОР

Дар бораи тасдиқи Тартиби гирифтани таълими динии шаҳрвандони Ҷумҳурии Тоҷикистон дар хориҷи кишвар

Мутобиқи моддаи 8 Қонуии Ҷумҳурии Тоҷикистон "Дар бораи озодии виҷдон ва иттиҳодияҳои динӣ" Ҳукумати Ҷумҳурии Тоҷикистон қарор мекунад:

1) Тартиби гирифтани таълими динии шаҳрвандони Ҷумҳурии Тоҷикистои дар хориҷи кишвар тасдиқ карда шавад (замима мегардад).

2) Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон, Вазорати корҳои хориҷӣ ва Вазорати маориф ва илми Ҷумҳурии Тоҷикистон гирифтани таълими динии шаҳрвандони Ҷумҳурии Тоҷикистонро дар хориҷи кишвар тибқи қарори мазкур ба роҳ монда, иҷрои онро таъмин намоянд (қарори Ҳукумати ҶТ аз 10.02.2016 № 66), аз 30.03.2016 № 125, аз 20.08.2018 № 433).

3) Вазорату идораҳо ва мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳои тобеи ҷумҳурӣ ҷиҳати риояи талаботи қарори мазкур тадбирҳои мушаххас андешанд.